siudream's Profile

帶左阿仔去高山劇場比賽，要搵個地方hea下，行下行下就去呢間茶仔～坐低左，見過左11點仲有早餐都幾貼心，但再望一望google得2.9分就心知不妙～叫左兩個早餐，一個叉燒意粉，一個沙嗲牛通～先講講個叉燒意，同張相差唔多，啲湯冇咩味道，意粉好淋～沙嗲牛叫好少少，牛肉味道正常，但螺絲粉都係好淋～最好食係炒蛋、腸仔、煙肉同多士，茶餐廳水準👍🏻👍🏻凍飲加$3，盛惠每人$39～整體做不過不失，但應該冇下次lu～…Read More

老婆幫我慶生，阿仔又話想跟埋去，就睇吓附近有咩好嘢食～見倒呢間餐廳都幾多哈哈笑，便膽粗粗試吓😎雖然位於荔枝角工廠區，但大堂翻新咗，望落幾闊落同舒服，一入到餐廳侍應就安排咗卡位俾我一家，可以自成一角，加哂分😌本著乜都試一餐嘅諗法，頭盤叫咗藍龍蝦湯同焦糖鵝肝；主菜就叫咗香蒜花甲意粉同德國豬手～藍龍蝦湯有層泡泡冚住，估計係想保持湯嘅溫度，龍蝦湯飲落幾足料，味道同平時啲龍蝦湯真係好唔同，好好味～焦糖鵝肝配脆麵包真係幾夾，俾咗少少阿仔食，不過佢淨係鍾意食脆麵包多啲😏而“花甲”就…我覺得似蜆肉多啲，味道係好食嘅，但性價比唔高，同我期待嘅花甲嘅size都幾大落差～德國豬手等咗勁耐，但份量幾足，對得住個價錢，side dish有焗蔬菜同炸薯條，醬汁雖然唔夠但可以叫佢refill～本身諗住叫埋甜品，但飽得滯直接埋咗單，埋單$800有找～味道係okay嘅，但價錢貴咗啲啲，報告完畢～…Read More

食完dinner，發口痕想睇吓附近有咩小食，咁啱經過呢間鋪，見個名幾得意，就心思思想試吓～望完餐牌，覺得如果要試吓台式野食嘅實力，就應該叫雞扒同杏鮑菇。唔講唔知，佢哋有得揀兩種味粉，都咪話唔過癮～雞扒我叫咗中辣加芝士，杏鮑菇我就叫咗海苔加梅子～等咗十幾分鐘，終於拎得喇，揸住個袋都feel到熱辣辣～雞扒好脆，無骨又多汁，辣辣地好好食，食到最後一啖都唔覺油膩～杏鮑菇個炸醬好薄，啲菇食落仲好juicy，比起台灣嗰啲仲好食😋好滿足好邪惡嘅宵夜～…Read More

又係WFH嘅日子，兩口子想黎個early dinner，便睇下D2 place有咩好野食～去左D2 Two金鳳嗰層，見倒有間食拉麵嘅就膽粗粗行左入去 (其實諗返起之前經過門口好多次)～佢地湯底有牛骨或雞骨湯底揀，今次就試左牛骨～望完餐牌，本住一係唔試，一試就試最貴嘅心態，就揀左鹿兒島和牛同廣島蠔拉麵食～個湯味道怪怪咁，同其他人講嘅一樣，有少少淡同酸嘅感覺。而和牛質素應該唔差，但太多脂肪，放喺拉麵度感覺太肥膩～而地獄拉麵個湯底嘅感覺近被下去，酸味蓋埋個辣味，啲蠔油太熟，冇晒咬口😖其實佢用料唔差，但係個味道好伏，真係唔會想再去。叫咗罐汽水，埋單盛惠$329～…Read More

話完以前仲住附近時有一次中伏經驗，有時都盡量避開唔食佢。但見當時正值疫情時間，距離而家已經3年幾，諗住俾多次機會佢～見佢門口都要排隊，心諗應該OK啩，最後等左幾分鐘就入得去～Menu嘅話都唔使點睇，梗係叫沙嗲牛啦。早餐而家要$41，都咪話唔乸脷，加埋杯凍啡就已經$44～2-3分鐘就上菜喇。個沙嗲牛嘅賣相好過上次好多喇，份量夠，個麵算係彈牙～炒蛋太過濕，可能叫太陽蛋好過，丹麥多士夠入味～咖啡味道幾夠，朝早飲完可以提一提神！…Read More

又到WFH嘅時間，心思思又去呢間食燒味。佢地點極之方便，位於太子道西/花園街轉角位嘅地鋪，太子mtr站A出口行2-3分鐘就到～由於食左早餐嘅關係，唔想食飯，好彩可以免費轉瀨粉，正～唔使諗，燒鵝+燒腩仔轉瀨粉丫～奉送例湯幾好飲，唔覺有落味精，啱哂平時冇咩湯水嘅人～主菜到，以下是單拼份量，肉質好嫩，真係食過返尋味😋最好嘅係有得轉瀨粉，如果咁啱嗰日唔想食飯就啱哂👍🏻最後加罐$8可樂就perfect！…Read More

放完大假，又到要返office「覓食」嘅日子。今日個friend想去中環食lunch，search search下，見倒其他人介紹嘅間法式餐廳，見個friend話有時間hea下，心諗啱哂～位置算方便，由石板街上，到頂後轉左再行一陣就到。餐廳有吧枱同靠窗位置可坐，窗外面向大館，景觀算開揚～午餐選擇算豐富，雞牛羊豬海觧都有～最後，前菜揀左他他，主菜揀左牛面豬登同羊肉卷～最欣賞係個薯片，似係刨出嚟嘅薯片再拎去焗，香脆但唔油膩。他他上面有隻大陽鵪鶉蛋，如果係生蛋會更好。整體上好食😋主菜我地share，擺盤幾靚。牛面豬登好嫩，羊肉卷味道很好👍🏻最後咖啡或茶～總括黎講，環境味道幾好，但CP值唔高，成$300一個set lunch應該有更多選擇，但不失為一個幾好嘅用餐體驗。…Read More

話說喺美孚食完甜品，心思思想食埋dinner先走，行行下望倒呢間6點開始有dinner就二話不說入左去～試過食晏，CP值幾高，雖然晚餐以平民餐廳計有少少貴，但心諗午餐幾好食晚餐應該有保證～晚餐叫左虎蝦意粉同肉眼扒。先上餐湯，合乎標準～到主菜喇，先上肉眼扒，叫左medium，塊扒質素幾好，黎個近鏡就知😋😋😋不過唔算抵食～跟住上意粉，隻蝦幾好食，但個冬蔭蕃茄汁得個蕃茄味，唔覺有冬蔭功味，稍為美中不足～最後飲品反而有驚喜，杯即磨咖啡幾好飲～埋單免加一，報告完畢！…Read More

又到WFH周圍覓食嘅時間，心血來潮想食糖水，見美孚新邨有間糖水鋪叫甜品森林，就膽粗粗入去試下～地方唔係好大，大概有三張4人枱，間隔幾闊落，坐得幾relax~最後叫左個合桃露、桑寄生茶。桑寄生茶甜度適中，但唔覺唔覺就食完所以唔記得影📷；合桃露比平時街邊嗰啲厚身，食落幾足料又正好啱我，如果有幾粒合桃放喺面就更好😋見舊post有正餐，但今日一心想食糖水，冇留意menu，唔知而家仲有冇，有機會一定再試～…Read More

小店一間，靜靜地坐落於鬧市之中。搵左5分鐘先搵倒，提議可多作宣傳～這間小店主打巴斯克軟心cheese cake，另有中式糖水，小弟今日一心想試佢地嘅cheese cake🍰最後揀左榴槤同開心果cheese cake🍰take away~正如其他人講，開心果cheese cake冇開心果味，只係得cheese cake味，又唔可以講唔好食，但就有啲失望🥲榴槤手cheese cake就好得多，一開盒就聞倒好大浸榴槤味，入口就唔在講，價錢稍貴，但必食之選～埋單$76，為weekend下午畫上完美嘅句號。…Read More

諗住$398/$418半放題一個質素應該有返咁上下，點知錯哂～見佢新開張，買一送一，膽粗粗去試下新野...首先會上啲冇得添食啲菜俾你，開頭都對路嘅，黑毛和牛同西京燒都對辦。但甲鑼燒得一個，心諗洗唔洗咁寒酸。到刺身，嘩，好似發育不良咁。食完頭盤，到放題先係最伏。第一，個爐係用發熱線，除咗中間之外，喺爐外圍燒燒手成半個鐘都唔熟。第二，點肉點幾多上嘅份量都一樣。第三，所謂M5啲肉超鞋，扇貝得手指公指甲咁大，虎蝦細到好似基圍蝦咁，個頭又甩出嚟，你就知道有幾新鮮。第四，調味料要自己走出去搵，第一次見日式燒肉會咁安排。放題部份反而最好食係天婦羅同炸芝士，唉！如果想中伏就一定要試，包你一試難忘！…Read More

今朝早左起身，諗住早起的鳥兒有蟲吃，7點落街食個早餐。叫左個沙嗲牛肉公仔麵餐...諗住最正常不過啦。點知...喂，啲牛肉有陣酸醙味嘅。唔係掛，已經係朝早7點食，心諗正常應該係新鮮醃好，點知好似隔夜咁款。老實講，差唔多$40一個早餐俾少少質素好無？唔係要你有咩山珍海味，但起碼都要新鮮丫。仲有都唔知邊度買嘅公仔麵，難成到爆。出前一丁零售都係$3-$3.3倒，更何況佢地係攞批發價，可唔可以俾少少成本出嚟呢？而家咁嘅時勢，如果佢收茶仔嘅中上價都仲唔檢討下，我諗都係要blacklist佢喇！…Read More