我本身都好少寫食評，但係今日真係不得不上嚟讚一讚，事關今日我太太生日，就諗住同埋屋企人一齊食餐飯，我就一早book左枱食翻餐生日飯，今日呢間餐廳嘅同事下午打嚟confirm booking 我就問埋切餅費幾多錢。最意想不到嘅事就係，佢哋同事就話，「咦？你太太生日，我哋可以幫你留張大枱，而且可以幫你佈置一下」 我本着執輸行頭慘過敗家既態度！當然say yes啦！ 但估唔到一間中式嘅餐廳都會咁貼心！ 我就一早過咗間餐廳放低個蛋糕先 然後睇到個畫面 真係再一次多謝佢哋咁用心！到食飯嘅時候，經理仲送咗個長壽麵同埋甜品俾我太太 令到呢一餐本來普通且簡單嘅生日飯多了一點甜！ 呢間餐廳我都幫襯過幾次，員工有禮貌 環境乾淨！ 但今次真係有啲令我喜出望外！睇得出間餐廳好有人情味 唔死板！整個用餐過程愉快 令我哋成家人食得好舒服 好開心絕對會推薦其他朋友過嚟食！👍🏻👍🏻👍🏻 再一次多謝呢間餐廳嘅所有員工！令我太太同埋全家人有一個咁開心嘅回憶！…Read More
朋友遠道而來，一行五人原本約在旺角牛x食涮涮鍋，由於還未到入坐時間，所以係門口坐低咗，發現對面原來有間越式餐廳，望入去環境都唔錯，餐廳門口個餐牌入面啲食物都幾吸引，但最後我地選擇咗入去試，係主要因為餐廳經理嘅誠意及親切服務態度，真係不得不比個讚佢
我地五人揀咗個4人餐，另外加多咗一個「冬陰功海鮮炒飯 $118」
食物首推「魷魚藕苗沙律 」好好味
「馬拉盞炒通菜」、「串燒拼盤」有驚喜
「咖哩牛腩鍋+蒜容包」必食
，值得推薦
