TwinkleLai's Profile

我本身都幾中意貓，間唔中都會去貓café同D貓玩下，今次就去左荃灣貓之茶房玩。收費係以每小時計，入面有少量輕食同飲品，最重要就當然係主角 – 貓，目測有幾十隻，純種、家貓都有，每一隻都各有性格，仲有唔同嘅告示同相簿比大家認識每一隻貓嘅性格同埋遭遇，大部份貓都係比人遺棄或者領養返嚟。感覺店舖都好錫D貓，每隻貓都打理得好好，而且空間夠大可以比佢地周圍走，亦都有特別照顧一D輕微病痛嘅貓，衛生情況都相當理想。入面輕食都唔貴，蛋糕、三文治、義賣嘅曲奇只係十幾蚊一份，相當良心。除左玩貓，café都有好多書、漫畫、board game比大家可以消磨時間，亦都有免費尿袋可以租借。咁大地方，又有咁多隻貓，如果你都係愛貓之人，就要過嚟玩下啦！…Read More

今日約左朋友去屯門食放題，本身對放題都冇乜期望，估唔到比預想中好！今次食呢間叫做「御滿屋」，位於屯門市中心，佔地好大，可以坐得好闊落唔覺得逼。放題分左幾個級數，最高級有得食魚子醬、長腳蟹，不過今次食住最基本果級先，因為都已經好豐富，有齊刺身、壽司、串燒、熟食。出面仲有自助區，有得拎卷物、海鮮、湯、甜品、飲品等等，可以喺等野食嚟嘅時候拎定。放題要回本一定係食刺身，刺身都幾多選擇，有三文魚、帶子、甜蝦、劍魚腩、油甘魚等等，相當新鮮。而熟食、串燒都試左唔少，必試羊架，勁大舊超香，唔食羊都可以試燒牛舌、比目魚、炸蠔、燒扇貝，幾好食。而出面嘅甜品有十幾款，每一件都細細件，樣樣都可以試少少過口癮。雪糕都有好多選擇，有回本之選Haagen Dazs同Movenpick，亦有好多本地同韓國雪條可以揀。最值得讚係飲品，可以揀有酒精飲品，有清酒、梅酒、有汽水果酒，簡直係酒鬼天堂！而無酒精選擇都相當多，總有一款啱自己飲。整體嚟講都食得滿足，有機會一定會再去食！…Read More

今日lunch hour同同事去上環茶痴買廢水，估唔到佢嘅凍綿芝白桃烏龍令我咁滿意！茶底選用香氣十足嘅烏龍茶，帶有淡淡茶香唔澀，同白桃嘅自然甜味完美結合，層次感豐富。奶蓋綿密且厚滑，鹹甜平衡得宜，為整杯飲品增添豐富口感。叫左少冰，分量適中，令飲品唔會太淡，喝起來清爽又解渴，非常適合夏天飲用。Lunch time時段都幾多人排隊，但等候時間唔算長，服務效率令人滿意。店內飲品選擇多樣，除了白桃烏龍外，仲有好多創新嘅水果茶系列，非常吸引，令我想再嚟試多啲其他口味。…Read More

屯門Dineland位於寶怡花園附近，唔係有朋友介真係一個幾隱世嘅西餐小店，位置幾隱蔽，但裝修超型格，帶點工業風格，環境舒服又有氣氛，適合同朋友慢慢嘆。當日我同朋友叫咗兩個晚餐套餐，食物質素令我好驚喜。首先，薯仔忌廉湯細膩順滑，薯仔味道香濃，溫暖又治癒，非常開胃。鹹香嘅Parma Ham Salad新鮮爽脆，生火腿鹹味剛好，配埋清新蔬菜，層次豐富。主菜方面，我食咗豬鞍扒，肉質嫩滑多汁，用料誠意足，每口都係滿滿嘅肉香；朋友嘅海膽蟹肉意粉亦非常驚喜，海膽味道鮮美濃郁，蟹肉鮮甜配合意粉，整體口感鮮香而唔膩。服務方面員工親切，落單快，而且餐廳氣氛舒服，適合聚會或者約會。價錢合理，性價比算係高，對屯門區食西餐想搵新嘢嘅朋友嚟講，Dineland絕對值得一試。下次我都想試下其他菜式，感覺每道菜都有心思製作，好值得再來！…Read More

一直都好鍾意食韓式刀削麵，今日去咗元朗搵嘢食，發現咗一間主打韓式刀削麵嘅餐廳，原來係李家炸雞開嘅，於是就入去試吓。我就試咗款牛骨湯麵。牛骨湯充滿牛肉嘅香味，牛肉肉份量都相當多，配料有大蔥同蛋絲，增添香味。最欣賞係佢個麵質，好彈牙！而朋友就叫咗辣味湯麵，都辣得相當過癮。另外仲試咗一個小食，就係牛肉煎餅，份量都算大！煎餅煎得香脆，牛肉同埋韭菜都好香，唔錯唔錯！餐廳仲附送泡菜，新鮮醃製，而且仲有得refill。整體嚟講質素都唔錯，價錢都唔算貴，值得再去！…Read More

如果你鍾意試新派印度菜，Sepoy Mess 絕對係一個唔錯嘅選擇。餐廳位於圓方頂層，環境開揚，設計時尚，分上下兩層，坐得舒服又有氣氛。店內擺放咗唔少槍械裝飾，風格獨特，令人印象深刻。我哋今次叫咗幾款菜式，頭盤有 Lamb Samosa，外皮香脆，羊肉餡料幾辣，香料味濃郁，幾惹味；Arancini Tikka Chaat 入面係薯波，配上用鷹咀豆煮成嘅醬汁，酸甜開胃，口感豐富。Masala Garden Salad 清新爽口，香料味唔會太重，食落好舒服。主菜方面，Chicken Tikka Masala 雞肉嫩滑，醬汁濃郁惹味，配埋熱辣辣嘅 Garlic Coriander Naan，真係一啖接一啖停唔到口。甜品方面，Pistachio Burnt Basque Cheesecake 口感綿滑，開心果味突出，甜度啱啱好，係一個完美嘅結尾。飲品方面，Aperol Spritz 係橙味嘅酒，清爽開胃；Golden Vanilla Breeze 口感似奶昔，面頭仲有啲熱情果肉，香甜又有層次。整體嚟講，Sepoy Mess 無論係食物質素、環境定服務都非常出色，係一間成功將傳統印度菜現代化嘅餐廳，值得一試！…Read More

最近同朋友去咗尖東一間主打泰國同越南菜嘅餐廳食晚飯，整體感覺唔錯。餐廳環境舒適，裝修有南洋風情，燈光比較暗，營造出一種悠閒又有情調嘅氛圍，好啱放工後chill吓或者慶祝特別日子。我哋嗌咗幾款菜式，包括燒元貝、冬蔭功湯、泰式燒牛扒沙律、泰式乾炒豬肉河粉。燒元貝香口多汁，配上香料醬汁好惹味；冬蔭功湯酸辣開胃，隻蝦超大隻又厚肉，鮮味十足；泰式燒牛扒沙律微辣又夠香草味，牛肉燒得啱啱好，肉質嫩滑；乾炒豬肉河粉炒得夠鑊氣，豬肉香口，河粉唔會黐底，好有泰式街頭風味。飲品方面，我試咗Fresh Thai Colada，係用原個椰青上枱，入面有light rum、coconut rum同椰青水，味道清甜帶酒香，椰青味好突出，飲落去清爽又有熱帶風情，打卡一流！整體嚟講，呢間餐廳食物有水準，cocktail有特色，氣氛又夠靚，係一個好適合朋友聚會、慶祝或者想感受南洋風味嘅地方。下次會想再試埋佢哋嘅越南菜！…Read More

早幾日同朋友去咗荃灣「漁樂場」食晚飯，整體真係唔錯！餐廳裝修好grand，環境闊落，夜晚仲有live band表演，氣氛一流，好啱慶祝生日或者朋友聚會。我哋嗌咗冰鎮咕嚕肉、啫啫通菜煲、薄脆海鮮蠔餅、乾炒牛河，每款都好有水準。咕嚕肉酸甜開胃，冰鎮做法幾特別；啫啫通菜煲熱辣辣上枱，香味十足；蠔餅炸得香脆，入面啖啖海鮮；乾炒牛河鑊氣足，牛肉滑又唔油膩。飲品方面，我叫咗手打香水檸檬茶，清新解膩；朋友就試咗Blue Ocean Cocktail，藍色好搶眼，味道係荔枝味，微甜又清爽，打卡一流！「漁樂場」食物有驚喜，氣氛又好，價錢合理，真係一間會想再去嘅餐廳。如果你都想搵個地方慶祝或者chill吓，呢度絕對值得一試！…Read More

早排同朋友去咗Day22 Steak試新嘢，主打鐵板即煎牛扒，真係幾有驚喜。我哋叫咗三文魚配美國牛柳同美國牛肩胛扒，每份都係原塊生牛肉放喺熱辣辣鐵板上，鍾意幾成熟就煎幾耐，啱晒鍾意食半熟或全熟嘅人。牛柳肉質嫩滑，煎到五成熟啱啱好，外脆內嫩；肩胛扒就比較有咬口，肉味濃郁，啱晒鍾意重口味嘅朋友。三文魚都唔錯，油脂分佈平均，煎香咗之後好惹味。每份扒仲配搭牛油，更加惹味。加$48可以升級套餐，有餐湯、薯條同特大杯裝飲品，性價比唔錯。薯條炸得香脆唔油膩，餐湯要左忌廉湯，都唔錯。我叫咗青檸梳打，清新解膩，配牛扒一流。整體嚟講，Day22 Steak坐得闊落舒服，食物質素穩定，最特別係自己煎扒嘅體驗，值得一試！…Read More

路過尖沙咀咁啱又想食韓國野，唔洗諗一定係去韓國街。今次憑感覺走入一間睇落幾傳統嘅韓國餐廳，叫做「家家戶戶」，食返D比較傳統正宗嘅韓國菜。打開餐牌，基本上數得出嘅傳統韓國野都可以係度搵到，我同朋友就要左一份辣豬肉拌飯同埋牛肉炒粉絲食，兩個都要左套餐。先講辣豬肉拌飯，豬肉份量夠多，其他配料有齊芽菜、翠玉瓜、紅蘿蔔絲、煎蛋等等嘅配料，配埋韓式醬，口感好豐富，撈埋一齊食幾好。而牛肉炒粉絲亦相當有驚喜，即叫即炒有鑊氣，味道都係正宗韓式味道，而牛肉唔係普通肥牛，而係經過長時間燉煮嘅牛肉，所以好腍之餘仲好重牛味，勁好食！至於配菜都好抵食，有泡菜、青瓜、腸仔同豆腐，仲有海帶湯，感覺好豐富。價錢都幾合理，人均100左右，下次有機會再試下其他野先！…Read More

今日經過荔枝角D2，想食下西餐，於是入左地下嘅Pizza Pig食。望餐牌都見到幾多選擇，有pizza、意粉、牛扒等等，亦有一系列cocktail可以飲。話到明Pizza Pig，當然要試佢嘅pizza啦！揀左一個叫meat lovers嘅pizza，有parma ham、辣肉腸等等嘅配料，非常惹味，而佢個批底係薄批，帶有麵粉香，果然值得叫！另外叫左吞拿魚他他，非常開胃，生吞拿魚份量夠多，好新鮮，另外個汁帶有少少洋蔥同酸瓜，好有墨西哥風味，相當特別。仲叫左雞胸青醬貓耳粉，貓耳粉相當掛汁，青醬亦都好creamy，而雞胸都焗到好嫩滑，超正！飲品叫左杯Oreo特飲，好濃oreo同朱古力味，勁邪惡！埋單兩個人$600，性價比唔錯，下次有機會再試其他野先！…Read More

之前食過荃灣homeland覺得唔錯，咁啱去開旺角，發現原來旺角都有homeland，於是就去試下啦。餐廳位於商廈樓上，以為位置咁辟應該冇乜人去，點知去到坐滿晒，都要等一陣先有位，睇嚟相當高人氣。野食都幾多選擇，Pasta、pizza、甜品應有盡有，今次就要左兩個主菜同一份蛋糕。先來一份牛面頰墨西哥芝士餡餅，餡餅充滿芝士，亦都有好多牛肉，仲有少少刺激嘅辣味，好有驚喜。最近流行QQ意粉，所以試左韓式玫瑰醬龍蝦QQ捲捲意粉，龍蝦一上檯好吸睛，D肉都切好晒，方便share。而QQ意粉都好彈牙，加埋韓式汁幾有風味。因為朋友生日，叫埋個無花果焙茶奶蓋巴斯克軟心蛋糕，餐廳仲送埋即影即有。個蛋糕好軟滑，充滿芝士味，焙茶味亦都好出，面頭嘅無花果都同蛋糕好夾，相當唔錯！野飲叫左草莓蜜桃梳打，甜得嚟幾清爽，解渴一流！整體質素唔錯，有機會再帶多D朋友一齊食先，聽講旺角同荃灣店喺夜晚七點之前離座都有九折…Read More

荃灣有間麻辣串串香呢排裝修完，見到餐牌都有啲新嘢，所以就搵晚去試吓本身佢都有麻辣燙、重慶酸辣粉同埋串燒，見到佢新Menu有烏冬同埋米線，今次就試吓佢個雲南米線先佢個米線湯底唔錯，唔會好重味精，叫咗小辣，辣到啱啱好，飲得出個湯係自己煲👍🏻啲餸都好好食，尤其是豬手同埋牛腩，炆得好夠腍又夠入味！另外口痕試咗幾串串燒，揀咗釀雞翼、雞軟骨、羊架、金菇肥牛卷，燒得好夠火候，其中羊架大力推薦，佢好有羊味，燒得夠腍，勁正！另外仲要咗個燒生蠔，生蠔勁大粒，又有勁多蒜蓉調味，勁香！另外仲叫咗個鐵板牛油帶子，上枱真係好夠熱，就算放咗喺度一陣先食都仲係熱辣辣，而帶子嘅質素都唔錯，有五大粒，吸收晒啲牛油嘅香味，好邪惡！佢嘅炸物都好出色，我哋叫咗一份炸多春魚，有四條，炸粉厚度啱啱好，炸得好香脆惹味👍🏻整體都覺得質素唔錯，下次再試吓佢啲烏冬先…Read More

夜晚路過元點，見到商場入面唯一一間漢堡西餐廳，希慎, 啟德, 將軍澳都有其他分店，見到元朗商場有，於是入去試下dinner。元朗店係西餐廳嚟， signature有burger同埋pasta, 沙拉 等等。聽講漢堡包選用新鮮牛肉製造，係一個健康嘅漢堡包，所以叫左一份burger試下。Burger好厚身好足料，加入左邪惡嘅花生醬，估唔到又幾夾！佢嘅薯條亦係新鮮炸起，好脆口，抵讚！另外叫左個蜆肉意粉，以為得幾粒蜆，點知有成幾十粒蜆，食極都仲有，好足料！意粉吸收晒蜆肉嘅精華，好夠鮮味，另外再配一份薯格，好耐冇食，食到冇停手！仲試埋佢個黑松露磨菇忌廉湯，相當重cream同重菇味，因為D菇打碎晒，每一啖都有菇味，幾正！整體水準幾好，希望佢喺我樓下開啦！…Read More

今日去左大館食西班牙菜。Lunch time時段去有lunch set可以揀，包湯或者沙律同埋甜品，另外可以揀要兩款或者三款tapas。我地一個叫左兩款，一個叫三款，夾埋有五款可以share。Iberian Ham Croquetas炸火腿球有3粒，外層香脆，內層係好creamy嘅薯蓉同parma ham, 非常邢惡！Gambas – prawns with Garlic and Chilli兩隻蝦好大隻，好多膏，蝦肉都好爽口彈牙，好正！Spinach Tortilla加左菠菜嘅西班牙蛋餅，非常鬆軟同充滿濃郁蛋味，加入蛋黃醬幾好食。Mussels – 250g mussels cooked with txisorra and sherry青口份量都幾多，味道帶有天然嘅鮮味，再加埋特別嘅雪梨酒，非常香。4oz sirloin, peppercorn sauce, frisee salad叫左五成熟，生熟度掌握得幾好，牛味重又唔會好韌，肉質唔錯。餐湯同沙律都好豐富，最後甜品就係西班牙油條，劃上完美句號。整體幾好feel, 野食又唔錯，值得去食！…Read More