Ashley Mok's Profile

根據個人嘅體驗同觀察，呢間拉麵店嘅負評都似乎係因為部份食客太敏感，或者得唔到自己想要嘅嘢而比嘅負評。排隊時間：我哋一行二人大約6:10攞飛，當時已經入咗第一輪，我哋嘅號碼係39同40，所以我哋都保守估計起碼要等1.5-2小時，我哋都去搵地方行吓坐吓，自己預計時間再返嚟。想食好嘅嘢就預咗要排隊，冇人排隊或者排隊時間快嘅話，其實正正係反映食物質素。老實講，當有食店要求食客限定時間還枱，都會俾人鬧等得咁辛苦仲要限住時間食，為做生意影響食客用餐體驗。另外，見到有食評話店家一次只煮一碗麵，係特登慢慢煮從而製造人龍，根本呢一句就係無稽之談。睇住店家每一煲嘅水每煮幾碗麵就換一次，仲洗埋煲，就係為煮出黎嘅效果，正因為如此，麵質同放湯時先可以減少雜質。由呢一件已經可以睇到，店家係真係唔怕麻煩，唔係為速度，無為做做多啲生意而影響質素，佢有佢嘅原則去堅守住自己嘅出品質素。湯底同麵質：等位嘅時候又睇到有好幾個食評話湯底淡味，唔夠味，唔岩食重味嘅食客，講真我哋當時都有少少concern。🤔我地order 雞白湯同濃醬油雞清湯，先飲一啖雞白湯，雞湯非常濃郁，絕對唔係令人口渴又或者係溝出嚟嘅嘢，口感creamy，配上麵掛湯一流！呢度小小嘅綠葉——青蔥，亦都絕對做到佢嘅角色，喺呢碗拉麵帶到一點嘅refreshing and highlight! 麵質同麥味對我哋嚟講都係唔錯，同佢哋嘅湯底都好配，口感都岩岩好。雞肉入口帶輕微煙熏味，肉質嫩滑，華味島嘅雞肉只要處理恰當，一定唔會令人失望！食緊嘅時候個腦即刻諗返之前喺灣仔食咗一間日本人開嘅雞白湯拉麵，當時飲一啖雞白湯已經非常失望，勁似忌廉雞湯，而且當時真係口渴！香港人嘅道拉麵嘅雞白湯能夠做到呢個效果，真心無失望！濃醬油雞清湯做到濃而不俗，雞油嘅香氣同醬油平衡得恰到好處，無互相搶鏡，配上幼麵感覺係一個非常適合嘅配對。而青葱喺呢一款湯底嘅拉麵嘅發揮更加明顯，將拉麵同湯底帶去另一個層次。特盛包括幾款肉，山椒鴨胸係值得一試！其他肉類都有一定嘅質素。服務質素：由排隊，攞飛，入座，點餐，收餐，埋單，再加上有時觀察到店家同其他食客嘅互動，絕對唔明白其他食評點解話佢哋服務質素惡劣，當然，每個人嘅感受都應該被尊重，同時，大家把尺都唔一樣。今次之後亦都更明白，香港人真係好鍾意投訴😂😂😂等候環境多蚊同埋熱，呢個完全唔係店家可以解決到嘅問題，店家係有提供蚊怕水俾有需要嘅人士使用。人齊攞飛，不定時派飛，呢兩樣嘢其實實會將心比己嘅一定能夠明白，店家想公平處理又有錯？冇安排一個指定職員企喺門口全天候排飛又有錯？一間舖頭仔…- 喺人手可以嘅情況下出嚟派飛，- 張飛上面有QR code可以隨時scan睇吓排隊嘅情況，自己預時間返去，- 提埋大家時間太抆先返去有機會miss左號碼就冇得補飛，-又問埋大家有冇需要噴蚊怕水，因為喺度等會好辛苦做到咁唔夠？😂 By the way, toilet 好乾淨！除咗拉麵，我哋都嗌咗龍蝦沙律同埋炸雞，炸雞嘅炸醬的確唔係我哋嘅個人喜好，但係雞肉無論處理定係來貨都係食得出店家係有用心。以上兩款拉麵都清光光，冇乜負擔（除咗排隊嘅時間😂😂😂）嘅拉麵晚餐，下次會strategy 咁排隊✌🏽✌🏽…Read More

由於屋企多數都有飯開，所以都好少會買外賣，今日終於有機會食外賣！今次試即焗嘅白汁雞王焗飯，兩位店員禮貌真係好好，落單嘅時候廚房嘅女士面帶笑容地點頭打招呼（我係第一次去）。我一定食唔晒，所以嗌小飯，女士好好，佢仲問我睇吓夠唔夠食，飯係炒底，白汁唔係無味白膠漿，真係白汁😂😂，汁入面有菇，有瓜，有洋蔥絲，有芝士鋪面，少少黑椒香草再加啲分，雞肉都唔馬虎，唔係白烚！overall真係一個「焗飯」！黎呢度食真係好過去大XX😆😛，…Read More

喺尖沙咀本身諗住飲咖啡，諗諗吓都係支持吓香港奶茶，富華以前啲蛋撻係好好食，今次食一見到已經失望，離晒罩，仲要凍嘅 。 雞尾飽都係凍，咁大個爐哄住啲麵包，所有嘢都係凍？真係令我一度懷疑自己食緊咩。茶走茶底都差左。。。唉食$41，一個蛋撻一個雞尾包一杯茶走，問有無tissue，姐姐答tissue 盛惠$3。。。唔係俾唔起$3 ，而係作為一間餐廳，有tissue 提供係基本。tissue 成本要幾多？果然尖沙咀都係遊客嘅地方，留返比遊客消費好了。香港仲有幾多地方係比香港人消費？今次真係嬲。…Read More

蕃茄蟹肉檬粉同第一郡比就真係未夠，但應該都好食過連鎖店嘅出品檬粉夾落好碎，蟹肉餅口感似帶肥嘅豬肉餅，真係一般般。。。好嘅係芽菜用肥芽菜，蕃茄都有煮到半溶，湯有蝦味Lunch set 跟嘅小食我見每枱人都係要催先上，我食到尾都未上我先問，就即刻有，應該係lunch hours 忙所以炸定，但咬落去已係室温偏冷。其實咁廚房咁細做到咁多嘢已經好犀利，做得好。中上環黎講都OK，但唔使特登食，無其他人講到咁厲害🥲…Read More

平時🐣旦旦同嵐嵐🐶放假，我同爸爸都會帶佢哋周圍去玩下，我哋一家就最鍾意同陽光玩遊戲☀️，所以成日都會帶佢哋去科學園踩下單車🚴🏻、玩下scooter🛴同roller skates 🛼咁，等佢哋出下汗，放下佢哋電咁☺️咁玩完就緊係要搵地方醫下肚仔啦，今次比我地搵到逸瓏灣嘅Seek，泊車仲要只係$16個鐘，真係好方便。今次我哋叫咗4個午餐一家人share，大人細路都食得好開心😍我哋叫咗慢煮雞胸雞蛋紅菜頭日本紫甘薯南瓜藜麥沙律（午餐連飲品$88）🥗，本身呢個係媽媽諗住自私食，點知兩個小朋友都食到停唔到口，今次仲係佢哋第一次食紅菜頭同藜麥😝，紫金薯同南瓜都好甜，淨係細佬一個都食咗我3分1🥹雜菌黑松露扁意粉，仲有得揀加雙份黑松露😋，一上就好香，呢個係旦旦🐣自己揀嘅，因為佢真係意粉迷🤭，個汁香濃得黎又一啲都唔漏👍另外我哋仲叫左原條蒲燒鰻魚滑蛋飯（午餐連飲品$98）同果味BBQ豬肋骨配薯條（午餐連飲品$98），平時豬肋骨呢啲相對比較難處理嘅嘢食，小朋友都咬一啖就耍手兼擰頭，今次豬肋骨係超淋，旦同細佬都完全自己一個人食到，仲食到條骨好乾淨😂，而鰻魚滑蛋飯，鰻魚份量好有誠意，亦有外脆內軟嘅感覺，加埋滑蛋真係好好胃口💕。另外，我哋仲加配咗雞塊同炸蠔，2樣都唔錯，絕對唔係粉多過肉個隻😌環境方面都好特別，係用攝影嘅元素做主題，展出好多唔同菲林🎞️去做裝飾，簡單又型格😎…Read More

終於喺香港島可以搵到一間好食，而且價格正常嘅潮州嘢！早幾個月前新開張，見到燈光好光猛，已經嘗試，但係一直去旅行放假冇事道，今日要外賣加送終於可以試到！試咗幾樣嘢，真係好高質素！原本冇好大嘅期望，熄咗少少發現都真係非常唔錯，所以有啲都係食咗先影：沙嗲鵝紅：第一次食沙爹煮，食落去，鵝紅好滑，唔散，好出色！滷水豆腐：好滑溜，外皮都唔會好硬或者太靭，味道夠入味！中翼同埋鵝肝正常發揮🤭大家一定要嚟支持，出色又有心，又有禮貌嘅師傅老闆，點可以唔支持小店！順帶一提，酸汁都係經過調味，係一個非常出色嘅配角。…Read More

喺商場行到咁上下想食酸菜魚，一定係非姚姚酸菜魚莫屬，尖沙咀又有，銅鑼灣都有，又坐得舒服，冇一般酸菜魚都係環境比較細，坐得冇咁舒服嘅顧慮😛今次又係嗌咗必食嘅香港老油條，唔知道佢係用咩食材做到呢一種特別嘅口感，將佢浸一浸落酸菜魚嘅湯底度再食又係另一種風味😆 不過今次都係嗌香鍋，就咁食都10分唔錯，強烈推薦！香鍋嘅餸菜都係繼續唔少得午餐肉、寬粉、豬腸同雲南菜花特別試吓炸豆皮，又唔會吸哂油同咸度，應該都係因為廚師炒得比較均勻，試過喺出邊食豆皮係會好鹹好鹹🥶🥶🥶食菜係必需，少鹽少油嘅熗炒手撕蓮白菜炒得非常香！呢種炒飯真係屋企做唔到，份量都幾多，呢個價錢絕對OK ！最後同媽咪share 冰粉，完美嘅句號。其實每次嚟最鍾意嘅一樣嘢都係可以係餸菜嗰度自己揀少鹽少油，呢樣嘢真係好緊要！同媽咪出街兩個舒舒服服食餐飯，呢個價錢都唔錯😆…Read More

之前同朋友&小孩來brunch~開心去咁咗呢間餐廳，餐廳外就係大大嘅草地公園，望出去好舒服！餐廳以經典英式韓式fusion美食為主打~同小朋友一齊嚟都好多啱食嘅選擇！.親子friendly items:#三文魚菠菜忌廉汁闊條麵菠菜忌廉汁闊條麵，配上香煎三文魚扒味道唔錯！#全日早餐一碟有煙肉、茄汁焗豆、香腸、煙燻三文魚、大啡菇、薯餅和多士！份量多又吸引！#焗芝士薯條小朋友至愛🤣 焗完非常香芝士味！配薯條一流！#黑松露野菌湯小朋友都好喜歡這個湯，野菌味濃郁可能特別吸引🤣#炭燒安格斯肉眼牛扒我哋大人好喜歡💕係有少少筋減左啲分Cream Burlee Cappuccino 和Long Black咖啡沖得唔錯！欣賞佢嘅拉花🥰好靚～…Read More

Deer cafe 店主都好有心機去打理，重新設置餐具，望落都幾光鮮，好配合西貢嘅vibe 😛每一次叫 all day 都係因為薯餅😂今次都唔例外，特別欣賞係佢嘅煙肉，因為好多cafe處理煙肉都係會煎到好脆，甚至乎乾，呢度係岩岩好，而且仲有少少生果，清新啲開胃啲Truffle pasta 就正常發揮，比較喜歡唔會太creamy 同油膩Hojicha Latte☕️用呢一個icon形容絕對吻合，與我認知的較為深色。香氣撲鼻，茶味濃郁，略嫌焙茶粉於泡沫中突顯了苦味，所以不能直接飲用；拌勻後味道也不錯。Setting 的確好舒適，lunch set 價錢相宜，休休閒閒喺西貢享受吓時間，呢度係10分唔錯嘅選擇。…Read More

銅鑼灣分店未開之前都會特登去海港城分店度食，想食酸菜魚麻辣香鍋，但係又同事想坐得舒服，可以揀嘅選擇其實唔多，所以姚姚一直都係我嘅不二之選原來已經轉咗做電子落單，其實都幾方便，一眼望晒可以揀啲咩配菜，自己撳更方便🤭第一次試麻辣香鍋，見到有巴掌牛肉，好似好特別咁，即刻試吓先！由第一次食姚姚就好鍾意食佢嘅臘味炒飯，佢同出面嘅臘味炒飯做得咁好嘅係除咗粒粒分明，佢嘅臘味份量真係冇欺場😛 同時有足夠嘅香葱，平時好少食飯嘅我都起碼食一碗先滿足🤡🤡雖然今次冇食酸菜魚，但係都忍唔住要食油炸鬼，應該係佢哋搓嘅麵團落咗少少糯米粉？食落去嘅口感同一般粥店嘅唔一樣，多一份煙靭嘅口感，就算唔浸酸菜魚嘅湯都好好味🤭🤭終於到主角出場！之前食麻辣幹鍋通常都係去厚福街嗰間，但係嗰間每次都係好多好多辣椒，辣椒仲多過啲餸😂😂😂今次都係order得比較多配菜，但真係可以見到辣椒同食物嘅比例係正常啲無論食麻辣香鍋定係酸菜魚都唔少得薯粉！第一次喺度自己電子落單，記得嗌少鹽少油，但係唔記得咗小辣，辣得滯，不過都好過癮好惹味！如果有朋友唔係好食到辣嘅話，建議都係少少辣或者少辣最好🤭…Read More

出去食飯想享受到唔止食物質素，環境同服務都好重要。利申：我係好喜歡去食街坊嘢，大排檔，街市，茶記都係我嘅至愛，所以完全唔慣要唔要五星級服務事。呢度食物overall OK，未去到wow，但食得出係有心做得仔細。明白難請人，但，基本嘅野都好似deliver 得唔好。唔係想list out issue，但真係全程太令人難以理解餐廳有無 brief / train 好同事？#1 入座安排混亂Book左table for 2早左到，見到一張四人枱上放左「Reserved」牌仔，同waiter 講booking details，佢示意我坐另一張二人枱係無「Reserved」牌仔，咁我以為二人只可以坐二人枱，點知一分鐘後有兩個人冇訂座，但就被安排坐四人枱😯我簡單問同一個waiter 嗰張有訂座牌嘅四人枱其實係唔係留咗俾我，因為我係有book，佢竟然同我講「其實個牌仔擺喺度㗎咋，不過你想嘅話都可以坐過去」🤦🏾‍♀️問題：- 咁究竟我嘅booking 佢哋究竟有冇record？- 咁如果都係冇事先安排嘅話，我張枱究竟有冇被安排？- 點解我兩個人就係安排坐二人枱，當時有幾張四人枱都唔俾我？而之後入嚟嘅兩個人就可以直接坐四人枱？係咪睇waiter 心情？#2 Order: 甩單/ waiter 好似唔太了解menu 我入座後首先order 鴨油薯條，menu 寫「鴨油薯條/薯粒」，我唔清楚「薯粒」係咩，我問waiter 「薯粒係唔係tata tots？」，佢話「係」，我見佢個樣唔太肯定，驚佢唔知咩叫tata tots，我就再問「係唔係即係薯寶？」，佢話「唔係，係薯仔切粒」。我心諗，其實如果佢唔明我講咩，點解要答我係？如果我冇再追問，serve 左薯粒，我唔食嘅話咁點算？ （我真係唔食薯仔切粒）等朋友嚟埋我哋就order埋main 同drinks ，我哋一路傾偈，傾傾吓突然發現遲過我哋嚟嘅人都已經食緊嘢，我哋問返take order 嘅waitress，佢即刻幫我哋跟，然後同我哋講唔好意思佢哋失誤原來冇落單。。。。。。。問題：- 又落單去到我哋追單，足足過左30分鐘以上，咁耐嘅時間點解冇員工會發現我哋張枱一直只係得一碟薯條同埋一杯嘢飲？正常都會問吓要唔要order 定係夠唔夠嘢食？- 客人問關於餐牌嘅嘢其實係正常不過嘅事，但係點解又好似唔係好回答到咁？鴨油薯條係呢度signature ，都好似答唔到咁？- 好笑嘅係我哋食緊碟薯條，突然之間又嚟多一碟。。。正常見到枱面已經有一疊薯條，兩個人第一碟一半都未食完，會唔會又order 多碟？#3 抽氣問題其實有啲shock見到呢度安裝嘅係細抽氣系統，但呢度嘅menu 有扒有炒有炸，應該用大型？咁佢呢度用咩其實都唔關我事，但係成間餐廳都係油煙味我就有啲介意，我坐近門口，所以我開道門通氣，點知waiter 三番四次冇了解過，就直接閂返道門。。。問題：- 其實有冇企喺客人嘅角度諗過點解要開門？唔通道門自動開？#4 Toilet key 離開之前，我去水吧問佢哋有冇牙籤，然後再喺佢哋面前行去洗手間方向，當時佢哋係冇特別嘅嘢做緊，而行去洗手間嘅通道係唯一一條去洗手間嘅通道，唔係通去其他地方，所以我肯定佢哋係知我去洗手間。我嘗試開Toilet道門，鎖咗，以為入邊有人，喺出面企咗幾分鐘，入面都冇聲，我就折返返問佢哋其實係唔係要 toilet key，佢哋先至話係要，然後好禮貌咁俾條key我。。。。後來我先知原來我朋友都係要問，佢哋先俾toilet key佢問題：- 點解明知客人係去洗手間都唔會主動俾鎖匙客人？客人唔會無端端要行入去非用膳位置，即係後巷。To conclude，呢度嘅staff係任何嘢都非常無awareness ，成件事好似客人同佢哋係唔同個體，我真係完全唔知道發生咩事，好turn off。…Read More

返工同同事心血來潮想簡簡單單又坐得舒服咁食上海菜，Openrice 見到夏麵館，兩個人傾吓計食吓嘢，呢度個環境都好似好適合，其實入到去都唔敢相信原來夏麵館近年個形象唔同咗咁多😯食上海菜必點四喜烤麩，如果係有拖油就更好食，口感會更好葱揚拌麵係同事之前試過話好食，所以encore，我第一次試都幾喜歡佢嘅葱幾香，不過蝦米就略為唔夠爆，但絕對對得住呢個價錢🤭食上海菜必點上海年糕🤭🤭🤭🤭🤭簡單清淡雪菜肉絲就夠，年糕都好煙韌，帶有少少糯米香百頁我都係第一次食🫣🫣同事話做得幾好索到少少湯汁又唔會太淋小籠包就正常發揮上海春卷都真係做得幾好，餡料正宗，外層鬆脆，咬落去「索索」聲！😛😛人少少又想簡單食上海菜，唔需要fancy or 好高要求，夏麵館真係幾好嘅選擇，呢度嘅staff 都好nice!…Read More

Order 左 all day breakfast $148同 Americano $38，價格比出面market price 貴20%有多，當然會expect 出品較高，但真係有失望。Bacon好薄好薄，唯一口感就係焗/炸到脆片咁，腸係好淋，無乜味，兩樣野都好油。炒蛋有落牛油同奶炒，但唔滑，固體左。薯餅都係炸到好油好油。Menu 話係sourdough，但呢塊係普通toast? 完全兩樣野😐All day breakfast cost一向唔高，但咁樣嘅出品，$186，我個人黎講係無下次，呢一刻都係半放棄狀態，唔想食落去。…Read More

之前試過尖沙咀嘅神山拉麵，後來知道係同一個集團，今次嚟旺角都想食飯好難忘嘅坑紋麵！🥲🥲🥲上次係試豚肉白湯，今次清少少試慢煮8小時嘅牛肝菌雞白濃湯，雞白濃湯濃得黎油膩感唔重，牛肝菌輕輕帶來多一個層次咁，同時獨有嘅坑紋麵又能夠做到掛湯效果，做得都幾好呀！呢度嘅豚角係香港拉麵店做得相對好唔錯嘅一間，層次分明，脂肪入口即溶其實攞嚟送飯定係食拉麵都好滿足😛😛唐揚魚又係must order item！蜜桃焙茶同蘋果焙茶係拉麵店比較少有…Read More

呢幾年少左牛肉麵選擇，當想食牛肉飯嘅時候，呢間黎自日本嘅就當然係更吸引我眼球！每次經過都長龍，今日早d黎食點知都要排😂😂😂應該真係好高分今日想狂食牛肉，order 左重量燒牛肉飯，真係好多牛肉，好入味，好滿足，都只係$78🥹🥹朋友試野菜豚肉定食，又ok喎！唔會有豬「蘇」味，菜都炒得幾香，仲有salad跟😌兩個女仔都試埋小食，叫左炸雞同餃子，咁呢度signature 唔係佢地，中規中矩就ok食個快飯，又想要d日本野，呢度係個好選擇，要排一陣都ok😛😛…Read More