魔法小神童家薯's Profile

外表似一般茶餐廳，只喺畀佢水牌上既一手好字吸引咗入嚟。點知.......有眼不識泰山，原來喺香港鴛鴦王開架😆即刻order杯鴛鴦嚟飲，我唔會忘記呢杯鴛鴦為夏天帶幾大震撼，結果我隔一個星期都嚟飲一杯，唔好問有幾好飲，試左先ok?不得了嘅麻辣口水雞，賣相一流，配上老闆親自調配既醬，香、辣、甜、麻，味道獨特，好好味，已經成為我必叫既食物。其他飲品都好出色，椰香仙草都喺必飲😆😆如果係大胃王，呢款蕃茄焗豬，就啱你，足料，豬排多到食唔晒，仲有士芝拉絲，好有驚喜👍🏻想搵好嘢食，可以試呢間餐廳既口水雞同鴛鴦，一試難忘😍…Read More

位於沙田灣嘅一間隱世手工火鍋食店，無論係用料、味道都超晒班。一個靚料蟹宴唔洗三百蚊，真係好難搵到第二間。[環境］雖然係熟食檔入面經營，而入面裝潢絕不街市，牆上既畫真係適合打卡。［餐具］貼心濕紙巾，一陣用手食蟹唔怕污髒。[蟹宴］一人一隻凍蟹，蟹肉超清甜，記住撕走d鰓。黑椒蟹—醬汁惹味，有d辣，食得辣嘅朋友一定鍾意。講店員講足足一斤，好滿足！咖喱蟹—簡直係咖喱fans最愛，唔洗太辣，咖喱味香甜。因為黑椒蟹同咖喱蟹每人只可揀半隻食，最好夾4個人分配，可以試齊二款蟹。係dragon火鍋爐，好霸氣！麻辣、杞子魚鴛鴦火鍋。手工火鍋料特別巨形，牛脊肉要加錢，加喇 試埋喇 冇伏。特別介紹響玲係新鮮炸，超脆，記得落湯2秒夾起。［總結］鮮、巨形入味、抵食。唔多講試左先，大滿足！…Read More

巷仔冰室真喺位於橫街小巷，文青可以影下相，而食物不算太出眾。［環境］比較淺窄，坐得唔舒服。［食物］餐單都多野食，但菜色不算太有特色，都喺例牌野。我同朋友都叫咗意粉。惟一特別喺用朱古力喺碟上寫上餐廳名，不過食物沾到朱古力，味有d怪。 而個湯可加錢轉酥皮，味道不錯，推介。[總括來講］地方狹窄，坐得唔耐，食物一般。食個快飯喺可以，但約人去食就要諗諗。…Read More

見今期櫻炸雞promotion，雞伯伯落咁多廣告，早已經想試。但食開kcf 嘅fans都知，新雞通常不及舊雞好味，不過價錢唔太貴，而且過後冇得試，一如食下喇。［味道］炸雞上有d 紅色粉末，形神俱似櫻花喇， 而味道有小小甜，有小小辣，味道一般，不算難食，但食多舊有d膩。比起2017黃金粟米雞，同黑松露雞稍有遜色，喺「只會食一次果種」嘅程度。［價值］有飯嘅餐$42.5， 十分飽。用埋$5coupon就更抵食，我魔法小神童家薯（請關注），已attached 張coupon俾大家用，希望大家都食得開心…Read More

位於橫街小巷的新森林，出名大件夾抵食，除左焗飯，可以試下一人火鍋。【價錢】雖然每款食材不多，但種類多，以70蚊來講算是超值。【環境】裝修光鮮，十分潔淨， 牆壁的logo與餐廳名很有電影感。餐紙很漂亮，值得一讚【湯底】這五款火鍋有半數以上都是海鮮鍋，食材豐富，有青口、帆立貝、蝦、花膠等等。我地點了三個湯底，分別是鯛魚、蕃茄、安格斯肥牛。鯛魚湯魚味濃烈，如果是魚湯愛好者一定好喜歡，蕃茄魚湯不過不失，只是有點清淡。安格斯肥牛湯底味濃，和吉野家牛汁差不多，我十分喜歡，差不多飲晒^^青口配鯛魚湯，很鮮味濃湯肥牛魚肚很吸湯味【飲品】賣相不錯，特飲會加入水果及椰果，感覺超值。總括來講值得推介給朋友 或者會再會這款平民海鮮鍋如果食評有用，請俾like，請關注，魔法小神童家薯^^        …Read More

做開F&B行業(唔係Fashion & Beauty囉)，一入門口就知呢間野掂唔掂。裝修光鮮得體，桌凳擺位寬敞舒適，menu有design，有upgrade嘅套餐，食材有gimmick(安格斯牛、鮑魚、蠔、花膠、海斑)，待應有禮貌(自動加水)，毫無疑問喺大集團經營，俾到信心，唔洗中伏。【價錢】比較創興樓入面嘅火鍋，呢間都算貴，由來$188起錶至$288，加鴛鴦湯底$68。 我同朋友二個人叫$238餐(中價餐)，加湯底，無加一，埋單$544，物超所值。淨計安格斯牛抵食到暈。【湯底】10個湯底 + 貴餐有多2個湯底。其中川芎天麻專治頭病，補野黎，但藥才味重，要睇自己口味喇。【推介湯底】 麻辣 + 胡椒豬肚麻辣：配有質感而無咩味嘅食材，響玲，蜂巢豆腐(少見，呢到有)，可以索盡麻辣味。大啖咬麻辣蜂巢豆腐，勁過爆漿牛丸，好爽!胡椒豬肚：令海鮮變得更鮮，肉類變甜，魚同牛肉好上味，好出色!【食材】海鮮拼盤(跟人頭俾份量，冇得再添)，貴set 就再多d料(下圖)。海班：正正正，魚皮含膠質，勁有口感。鮑魚：唔啱火鍋，gimmick嘅野就算….。蠔：同上安格斯牛：牛味重，有口感，好好味，仲要任叫! 蜂巢豆腐：好少見，市面難買，(通常要加工，買豆腐磚放入冰格，改變質感)， 索湯一流，有口感，你會愛上。真。墨魚丸：惹味彈牙，建議用清湯烚熟。【美中不足】飲品款少：唔過10款，得可樂同一啲國產牌飲品，無夏枯草，無酸梅湯，有啲失望。我全程飲清涼爽黎調和，哈哈^^醬料不多：得6樣，比較遜色，如果芫茜愛好者，會失望了…………總括來講食料豐富，安格斯牛、鮑魚、蠔、花膠、龍躉，物超所值，會再食。值得推薦!如果食評有用，請俾like，請關注，魔法小神童家薯^^…Read More