zerofood's Profile

餐廳座落炮台山蜆殼街，環境清靜亦方便泊車，裝修以白色和藍色為主，感覺舒適。價錢實惠，食物份量足。點了必食的 美國黑毛豬鞍扒 及 招牌厚切鹽燒牛脷 套餐足料羅宋湯，味道非常濃郁可胃。洋蔥湯，清甜不膩。蒜蓉飽，熱呼呼的，香脆可口及好香蒜蓉香味。招牌厚切鹽燒牛脷，厚 2cm+，今次煮熟左 d，邊位較軟，中間較煙韌，唔介意生少少的朋友點餐時可以吩咐唔好全熟 ，口感會軟熟 d，份量慷慨，抵食美國黑毛豬鞍扒，煮得剛剛好，肉汁鎖係裡面，厚切，啖啖肉，食得非常爽。必食…Read More

銀杏館已放在收藏名單一段時間，今晚終於有機會一試。我們點了二人套餐，一邊享受 Live band 演唱，一邊等待晚餐...先在沙律吧食D蔬菜開胃，對於喜歡食菜的我，蔬菜選擇可以多D就更好。跟著就係熱熱的洋蔥湯，非常足料，好有洋蔥味，濃度適中。厚切的三文魚，煮得剛剛好，外皮煎得非常香脆而同時魚肉保持嫩滑，yummy yummy Pizza 一上枱已香噴噴，好香的羅勒味，配合芝士蕃茄簡直一絕，必食最後餐飲，我們各選了香芧茶及咖啡。推薦咖啡因店主選用了瑞士頂級咖啡豆，有濃濃的咖啡香味，就算不加奶亦不會有苦澀味....就這樣邊嘆咖啡邊陶醉在經典的懷舊金曲，滿足地享受了一晚。…Read More

在南丫島悠遊自在行了一日，最後想在這小島上享受晚餐，然後才會市區。食海鮮不大興趣，行吓行吓來到農舍這食素的小店，當然要試吓。坐了窗邊位置，感覺非常休閒:)老板殷勤地推介，我們點了蘑菇素食漢堡套餐及自選 Pizza.先來南瓜蘑菇湯，有好多蘑菇粒，湯好入味又不偏喊。自選Pizza，選了番茄、波菜、青椒，上桌時，陣陣芝士香味，餅底不會太厚及香脆，加上黑胡椒粒，勁正。麵包非常鬆軟，大蘑菇好有咬口淋得黎又有咬勁。最後，點了 Brain Power 果汁，內有 coconut milk, pineapple, flaxseed oil, 最適合白領一族補腦之用。…Read More

去開尖咀行街，唔想幫襯D貴夾唔飽既餐廳，試下去山林道碰下運氣。行行下見到間裝修簡約的小店，中式、日式、西式都有，一於試下。是日有二人晩餐選擇，我們點了個燒春雞套餐。是日湯係南瓜湯，南瓜非常清甜，味道剛剛好，不會太濃太淡。凱薩沙律都食得多，IIis 整得非常之有心思，上枱時有陣好香的煙肉香味，平常食既是用方粒麵包，IIis 的是打碎，並且是熱騰騰好香脆，口感一流菠菜意麵有好多菠菜粒，麵的醬汁清清的不會太流太難消化，配上醃過的三文魚，味道好親。主菜係出名的惡魔燒春雞，平時食燒春雞最怕D雞肉硬生生全無肉汁，IIis 既一切落去，肉質仲好軟林林，配上甜甜地既燒汁，好食都眨吓眼就食晒食埋雪糕，好完美的完成了一餐註 ： 如果個套餐連埋餐飲就 perfect.…Read More

大部份係太古坊附近的食肆都係做 office 生意，一到假日就好難搵到好野食。好彩還有坐忘，已幫襯了好幾次，佢地主打多菜少肉、無添加，最啱注重健康既人。主打菜係日式咖喱及豬軟骨定食，今晚就點了豚肉茄子炒白味噌定食。白味噌汁味道濃郁不會太咸，配白飯非常開食。豬肉不會太肥，茄子吸收了醬汁的精華，加上新鮮的蔬菜，下次可 encore.…Read More

囍點在鰂魚涌工廠大廈內，上網 search 才知道地址。到達時，因時間還算早，故不是太多人。如無訂位，建議晚上七點前到，因過後已見人龍。 晚餐套餐只有一人餐選擇，因想試多D野，故我們散叫。 先黎老火湯，湯非常濃郁，亦無味精。但飲湯唔包湯渣感覺怪怪的，另外湯亦偏喊。 石鍋三杯龍崗雞，上菜時熱騰騰的，而且非常香，雞肉非常嫩滑及入味，必食之選。 清清地炒碟薑汁芥蘭，落單時已要求少油但亦偏多，不過芥蘭嫩及新鮮，一讚。 見好多人叫，亦試下。薑汁真的是非常薑，少量入口已全身暖，但可惜湯圓皮太厚而且$20只得三粒稍貴。…Read More

今年想與女友過一個浪漫的情人節法國晚餐，上網做了功課及實地考察後，決定選了 La Parole，而且早落訂還有折扣，加上她是社企，消費得來又助人:)。訂枱時已預留了窗口位，到達後，服務員很細心為了我們作出安排。 店內燈光暗暗的，中間吊燈還放了一盤特大盛開的桃花，背景音樂是80年代經典英文情歌，非常浪漫。 情人節套餐，食物已預先設計好，來到後只需要三選一揀main course及飲品。 先黎個開胃柚子沙律，𥚃面還放了花及心形紅蘿蔔。 跟著是扇貝，扇貝煮得剛剛好，肉質鮮美及彈牙 忌廉甜菜湯，顏色紅紅的，很配合情人節氣氛，而湯比想像中鮮甜，係蔬菜的甜味，忌廉不會太濃太溜，可以的話想飲多碗 平時很少食鵝肝及牛肉，既然係套餐預設，即管一試。鵝肝肉質很結實，不是鬆散而沒有口感那一種，入口後，口腔內充滿鵝肝的特有香味，再配合紅酒，真係一絶。而生牛肉，入口則溶，點上了黑色的粗鹽，味道好特別。 食主菜前，主廚特別安排了檸檬雪杷給我們清一清味蕾，真是心思細密。 終於主角出場，美國牛腩配薯蓉紅酒醬汁。牛腩厚切，非常 juicy 而不會韌，而且份量十足最後是紅苺蛋糕配焦糖燉蛋甜品。除了相機先食外，千萬不要立刻切黎食，因服務員會主動行埋黎用即影即有相機幫我們拍照留念，好體貼的服務 …Read More

平常已喜歡幫襯細細間的小店，今晚去左出名多野食的和富道碰一碰運氣。最後試左滕王閣食特式米線。招牌菜式：砂碢雲吞米線連金華火腿湯底。米粉煮得非常彈及爽口，方型的雲吞，大大粒，濃郁的肉汁鎖係入面，yummy yummy, 湯底有好濃郁的金華火腿香味，只可惜小弟食慣淡野，感覺偏咸了點。但老板娘好細心另加了雞湯溝淡，一讚👍🏼。素齋拼盤，好入味，送飯一流。紫米漿。非常香的紫米，又不太甜，值得一試。…Read More

新開左一段時間，因是連銷式，故在沒有期待下試了。店內充滿了歐陸式火車裝潢，好特別。試點了二人 Dinner Set先上薯仔湯，味道嘗可，熱辣辣的，如果再濃D會更好。烤雞沙律大大份，滿有驚喜，醬汁酸酸甜甜，好開胃。吉烈豬扒飯，用上特別的船形碗載著加上支架搖下搖下幾得意，豬扒炸得香脆又不太乾加上香辣蕃茄醬，一讚。墨西哥烤雞Pizza, 外觀非常吸引，餅底為薄底，食完不會太濟，饀料大大粒又新鮮，食指大動。最後上了 Tiramisu Cup, 杯是雪凍左，幾有心思，可惜糕底濕左，影響了口感，而且 cream 太多。…Read More

在SOHO 區有不少素食選擇，今次試下標榜有機的 Life Cafe. 走上好有情調的樓梯，感覺自已到了泰國做spa, 上到上層樓底好高，燈光及氣氛好有情調，服務員安排我地坐窗邊的二人枱，看著窗外Soho電梯人來人往。Vegan Soup. 湯好濃好香菜味，加上 black pepper. 必食跟著點了著名的Life Salad。通常西餐廳的salad 都是細細份，但黎度的salad用大碗裝上，份量十足，正。沙律菜淋上了 olive oil 好香好新鮮， yummy yummy.再來必食的African Stew. 煎香左的豆腐混合了煮熟的麥溶配上獨特醬汁，一定要試。Life Burger的薯條整得好特別，脆脆的又不太油膩，漢堡即大大份，送上仿肉涵料，加上大量沙律菜，:…Read More

無肉食為北角新開的素菜餐廳，賣點係素食自助餐。新開期間每次都大排長龍。建議各位先訂枱。只做午市及晚市，每市分為兩節，每節為一小時半。自助餐以中菜、粵菜為主，感覺像家庭式飯菜，最欣賞係烹調不會太濃味，適合減肥健康一族，有炒飯、紅米飯、青菜、釀豆腐、蒸番薯、沙律等。另有清湯、 南瓜西米露、 檸檬水選擇。不過南瓜西米露偏酸，可能是西米煮得太耐。而清蒸青菜即好爽口，青菜亦新鮮，雖是炒飯，但非常少油，一讚。…Read More

禮拜日晚去開荃灣西，想搵間浪漫而又唔迫人的西餐廳，係網上搵資料，最後試下Olive Cafe，貪佢燈光暗而價錢不算太貴。因入座時已過了黃金晚飯時間，故沒有限制時間交枱。除指定 Set Dinner 外，Menu 內的主菜加$45就可以轉套餐，非常貼心。餐包熱騰騰的，配上最喜愛的黑醋，正。香煎鱈魚配西藏紅花薏米飯。飯粒一粒粒的，好彈口，而且煮得不太濕，加上煎香了的鱈魚，適合不想餐餐大魚大肉人士享用，必試。香草燒春雞配檸檬百里香草汁。雞肉有少少靱，勝左清清地味不太濃，加上厚厚的薯蓉，yummy yummy.Hot Lemon Tea 用茶壺奉上，並使用English breakfast tea茶包。食物方面份量適中，唔錯唔錯。…Read More

非常之有特式的樓上土耳其私房菜，幫襯時記得一定要預約，廚師會問你budget, 到時會同你訂你的餐單，無menu 所以可以舒服的等待驚喜。新鮮的沙律，加上酸酸地的乳酪，非常開胃薯條切得好薄，炸得好脆，加上煎得很乾身的茄子，好特別。薄餅加上炒羊柳再配上特式醬汁，正。上碟時，還以為D醬汁係油，原來味道係酸酸地甜甜地。重頭菜，烤雞釀飯。上碟時，香噴噴。還以為只像燒春雞，但原來入面釀了蕃茄飯，D飯完全吸收了雞的味道，yummy yummy.三色椒燴飯，如果人多的話會成隻椒上碟。香煎魚柳，魚柳好滑，蘇皮亦不是太厚身，唔錯唔錯。最後三色甜品，最喜愛為中間的火龍果雪糕。…Read More

平時搭巴士經過港運城都見到此餐廳，因地點不太就腳，常緣慳一面，今晚終於可以試下。入到去當然要試下招牌雞扒飯，但因無dinner set, 服務員推介豬手雞扒飯。雞扒煎得幾香口，事先淹了香草及黑椒，非常入味，但雞扒稍薄，厚D就更好。豬手煮得好林好入味，又不太肥，正。奶茶都算香濃好有茶味，如用瓷杯盛載就更好。…Read More

平日返工日子，唔想去茶記迫人，最後揀左廟街黎間cafe.是日Lunch Set, 價錢相宜羅素湯都 OK, 如有黑椒選擇就更好。忌廉湯亦不錯。 蒜蓉包熱辣辣，好脆好爽口。沙律是配黑醋汁， 蔬菜亦新鮮，好好胃。魚柳好滑配上似蛋黃的獨特醬汁，yummy yummy...西冷牛扒，肉汁豐富，一D都勒，薯條亦是厚切，必食。附送的甜品，太creammy, 不是個個啱胃口。…Read More