llkidhn's Profile

這間新式裝修中式酒樓，我嗌咗蜜汁叉燒煎蛋飯配杞子桂花糕。叉燒雖帶傳統炭烤香氣，但肉質偏乾韌，蜜汁甘香卻未能彌補口感不足；太陽蛋煎得恰到好處，蛋黃流淌拌飯是一大亮點。  但整體性價比一般。杞子桂花糕：共有3塊(我已吃了一塊先影相) ，晶瑩剔透，入口沁涼，桂花的淡雅芬芳與枸杞的微酸本應相得益彰，可惜糖漿比例稍重，甜膩感掩蓋了原本的清雅。環境舒適，服務周到，適合想悠閒用餐的客人，但以這個價位而言，食物質素仍有進步空間，同價位確有更佳選擇。**評分：★★★☆☆（3/5）**  …Read More

今天又再黎Pici，一間主打手製意粉的西餐廳，麵條煙韌彈牙的質感完全展現手工製作的功力。 ✨ **必試推薦：** 前菜Vitello Tonnato： 薄切小牛肉配吞拿魚醬，鹹香開胃，但比以前牛肉較為鞋口 :(加$10升級的Burrata芝士：奶香濃郁，配上番茄仔同火箭菜絕配 Pappardelle野菌小牛肉醬寬麵：掛汁力強，肉醬燉得濃郁入味Tagliatelle番茄意粉：清新番茄醬與蒜香形成完美平衡 甜品Tiramisu：咖啡香與Mascarpone cheese 比例剛好，香甜不膩，為呢餐畫上完美句號。  如果多啲蛋糕portion會更完美！ 總結：從前菜到主菜都保持高水準，手工麵條的獨特咬口令人難忘，絕對會再試其他款式！ **評分：★★★★☆（4.5/5）**…Read More

今天下晝行入這間低調的咖啡店，沒想到被他們的Bagel徹底征服了！由第一口就忍不住想寫食評推薦給所有人：絕對係近期吃過最邪惡又滿足的貝果三明治！  Philly Cheese Beef Bagel**✨ 味道：**  貝果外層帶有？罌粟籽烤得微脆，咬下去卻保持紮實嚼勁，麵香十足。內餡的醬炒牛肉非常軟嫩，搭配濃郁的cheese經典靈魂，鹹香甜味完美交融讓整體層次更昇華～**🔥 亮點：**  1. **份量超足**——細食嘅男仔都可以食飽。  2. **醬料平衡**——起司不膩，微辣的黑胡椒提味很解膩。  **☕ 搭配建議：**  點一杯手沖咖啡，店員會推薦！**環境＆服務：**  水泥工業風咖啡店，座位不多但很chill，店員會介紹咖啡。下次絕對想試其他口味～  #貝果控 #食記…Read More

這次週年紀念晚餐選擇了這間西班牙餐廳的 Tasting Menu，整體體驗中規中矩，部分菜式出色，但亦有幾道未達預期。  **👍 推薦菜式：**  - **Rubia Gallega 風乾熟成肉多士伴魚子醬**——鹹香濃郁的熟成牛肉搭配魚子醬，層次豐富，是整晚最驚喜的一道！  - **招牌牛尾飯配橄欖油烤甜椒**——牛尾燉得軟嫩入味，米飯吸滿肉汁，甜椒的焦香更添風味，令人回味。  **👎 稍遜一籌：**  - **時令生蠔伴脆火腿，生蠔略帶腥味，影響口感。  - **炙燒帶子配堅果蒜油醬** 油漬感過重，掩蓋了帶子的鮮甜。  - **加泰羅尼亞式燉海鮮湯** 鮮味不足，湯底略顯平淡。  - **香橙木梨醬千層酥** 作為結尾甜點，記憶點不高，略顯普通。  **總結：** 適合想嘗試西班牙菜的人，但以這個價位而言，整體表現未算驚艷。如果是特別日子，或許有其他更好的選擇。不過店家的tasting menu經常更換，可能可以再給他多一次機會？  **評分：★★★☆☆（3/5）**  …Read More

這間中高檔中菜館果然名不虛傳，雖然價格偏貴，但每道菜都精緻得讓人難忘，非常適合節日與家人慶祝！  **✨ 必點菜式：**  - **清香柚子凍鮑魚**——鮑魚鮮嫩彈牙，搭配酸甜柚子凍，清爽開胃，加上乾冰擺盤更是美得像藝術品！  評分：★★★☆☆[這道沒拍到照片, 但我不懂上載Video]- **黑糖龍井茶熏雞**——雞皮油亮酥脆，肉質多汁很嫩，龍井茶香與黑糖的焦甜完美融合，煙熏香氣層次豐富！評分：★★★★★★ （6星!!!）- **招牌黑毛豬叉燒**——蜜汁香甜不膩，肉質軟嫩帶焦香，絕對是近年吃過最驚豔的叉燒！評分：★★★★★- **紫薯流沙包**——蓬鬆外皮加上紫薯香氣濃郁，咬開紫薯流心澎湃，超滿足～  評分：★★★★★- **黑松露和牛砂鍋飯**——和牛油脂香氣逼人，黑松露份量毫不手軟，鍋巴脆香讓人一口接一口！  但是如果想吃粵菜可以試試別的炒飯，這道有點略咸和Fushion。評分：★★★☆☆雖然人均消費較高，但食材品質和廚師手藝完全對得起價格，服務當天比較多人可能樓面人手原太夠但態度大多是好的。如果想帶家人享受一頓精緻的中菜，這間絕對值得列入名單！  **Overall評分：★★★★☆（4.5/5）**  #高檔中菜 #母親節大餐 #黑毛豬叉燒 #流心包控…Read More

這間隱藏在復古唐樓的Cafe近荔枝角出口1分鐘就到，頗有懷舊氛圍。主打中西融合的「卡邦尼腸粉」：濃郁奶油醬搭配滑嫩腸粉，創意十足，醬汁掛滿每條腸粉的滋味讓人印象深刻！可惜價格稍高，性價比一般。另點冰紅茶茶澀感明顯，沒有用糖，略顯可惜。適合想嘗鮮或打卡的食客，但追求飽足感或CP值者可能需斟酌。  另外應該沒有限時(我是星期六下午去的)，有加分！**總評分：★★★☆☆（3/5）**  📍 環境加分 · 創意菜式 · 飲品待改進P.S. 要留意星期六日沒有set!…Read More

下晝特登抽時間去銅鑼灣食呢間超人氣鮮味正宗蕃茄湯底麵食店舖十二點正開門 我地大約十二點半去到 等咗兩三分鐘就有位😇嗌咗兩碗麵 諗住試吓主打嘅自家鮮茄濃湯麵 配咗刀削麵牛魔王即包括牛胛 牛肩 上枱即聞到淡淡嘅蕃茄香 入口偏酸 個人覺得好似意大利蕃茄醬 但我鍾意偏甜小小嘅番茄湯 食落少咁一種上癮嘅感覺牛肩入口即化 好似高級日本燒烤用嘅肉咁而牛骨牛味很重 甚至帶點騷味 女朋友覺得騷味太重 我就覺得煮得非常入味 肉質好冧好好食推薦指數 ⭐️⭐️⭐️第二碗我哋嗌左麻辣拌麵 揀咗上海麵 醬汁有驚喜 甜辣麻三樣嘢維持係一個啱啱好嘅角力 加上炸蔥芝麻嘅香味 係必試嘅款式！🤩💕炭烤雞扒笑得非常出色外面嘅雞皮烤得脆薄 雞肉肉汁多而嫩 醬汁亦唔會太多🙆🏻‍♂️總括而言呢一款係一款驚喜菜式 我哋冇諗過係red object 試到咁好食嘅拌麵推薦指數 ⭐️⭐️⭐️⭐️⭐️…Read More

The Mussels呢間餐廳新開無耐 2021年年尾開張 依家終於有機會試餐廳主打青口料理 由於座落尖沙咀海旁K11 Musea 側身望出商場玻璃窗外 便可飽覽維港景色 係一大加分位Traditional mussels傳統款式用咗白酒作烹煮 可以品嚐到青口嘅鮮甜以及儼如生蠔一般嫩滑嘅口感 入口即化推薦指數：⭐️⭐️⭐️⭐️⭐️Italian style mussels意大利款式用咗蕃茄湯底烹煮 蕃茄味唔濃烈 但蕃茄嘅酸味勝在可以更能帶出青口嘅甜味 值得一試推薦指數：⭐️⭐️⭐️⭐️⭐️Japanese style mussels日本款式用柚子胡椒作輔料 為呢道菜增添左唔少日本風情 柚子胡椒的確係聰明嘅選擇 但比上述兩道菜略微偏鹹推薦指數：⭐️⭐️⭐️⭐️呢度每款青口都會附上一盤薯條 薯條啱啱出爐 熱辣辣 外脆內軟 可以點每款青口留下來嘅湯汁 各有風味煙三文魚菠菜白汁意粉呢度菜加咗好多巴馬臣芝士 (which I like it a lot)亦非常有水準 白汁濃稠比例非常完美 能夠啱啱好掛到上意粉但亦唔會太稠 調味非常出色 喺一間主打青口嘅西餐廳入面食到完美嘅意粉 令我好想下次再嚟試佢餐牌上其他嘅菜式推薦指數 ⭐️⭐️⭐️⭐️⭐️值得一讚店員嘅服務態度 友人唔小心將白汁整咗落衫度 店員經過非常細心 馬上奉上紙巾以及濕紙巾 抵讚…Read More

星期四去咗青衣城食譚仔三哥原來中午堂食都幾多人 等咗差唔多15分鐘先入到去我哋即刻嗌左新出品嘅 老油條鴨血水煮魚湯底加普通酸辣湯底配生菜雞肉另外仲嗌左三隻土匪雞翼飲品嗌咗葡萄烏龍茶首先講講最新出品嘅老油條鴨血水煮魚湯米線個人都係比較鍾意傳統嘅麻辣湯底但無可否認水煮魚湯做得相當合格 湯嘅鮮香同埋辣味平衡得剛剛好 只係因為個人口味比較鍾意麻辣湯底 但作為新出品來講可以試一試😙鴨血方面完全冇腥味👍🏻老油條亦都相當脆👍🏻但略微硬咗啲😅推薦指數⭐️⭐️⭐️最後補充多句：「三哥」嘅雞肉都係偏鞋口 雞肉方面都係去返「譚仔」食好啲至於葡萄烏龍茶 烏龍茶嘅味道未算好突出 而且同佢葡萄嘅味道唔太夾 下次我都係嗌返凍檸茶好啲🙃推薦指數 ⭐️⭐️…Read More

今晚book咗迪士尼酒店加購華特餐廳Walt's Cafe晚餐 套票入面包埋成套晚餐 但係只能夠喺特定嘅Menu上面簡主菜選擇包括：美國牛小排、烤羊牌、伊比利亞斧頭豬扒以及是日海鮮精選 🤍餐廳嘅氣氛滿分服務質素亦都一流👍🏻首先上台嘅餐包仲係熱嘅 個人鍾意配忌廉湯一齊食但係佢哋首先上咗沙律先 （少少美中不足）黑松露雞肉卷紅洋蔥沙律 最令味蕾為之一振嘅係佢嘅金橘 配上醃好嘅紅洋蔥同酸忌廉 配搭非常完美 （如果佢嘅沙律菜再多啲就好）美中不足嘅係雞肉卷雖然標明係慢煮，但佢非常鞋口，調味亦都唔好食黑松露感覺可有可無 無為這道菜加分 推薦指數：⭐️⭐️⭐️另外一道沙律係凱撒沙律配雞胸肉 （不包括在套餐內）同樣地雞胸肉質非常鞋口但佢嘅牛油菜配上凱撒沙律醬 非常好味😋推薦指數：⭐️⭐️⭐️⭐️肉桂甘筍蘋果忌廉湯？呢個湯一上枱我同我伴侶即刻對望左1秒 感覺非常尷尬雖然佢用嘅杯碟都非常雅致，夠晒復古。但係湯嘅份量非常小，令我哋有少少吃驚湯嘅味道非常濃郁，配有獨特嘅甘筍味道，有令人上癮嘅感覺 可能廚師發覺到呢個湯嘅味道只適合淺嘗，所以配上特別細小嘅杯具，但我prefer 正常嘅湯碗😢我哋將餐包留到去呢個時候再點湯汁食用 😛推薦指數：⭐️⭐️⭐️⭐️⭐️烤羊排 medium well 七成熟烤羊扒的確有驚喜上面嘅木牌寫住左客人要求嘅烹調程度羊扒雖然有少少騷 但烤得非常嫩滑 調味剛剛好恰到好處 香氣撲鼻我點左法式香草蛋汁Bearnaise，但呢個汁我認為比較適合配魚，因為佢有好濃嘅牛油香但係鹹味不足。羊嘅騷味會蓋過醬汁嘅牛油味道。不過每碟主菜旁邊都有芥末醬，羊扒配上芥末醬亦非常合適推薦指數：⭐️⭐️⭐️⭐️⭐️牛小排（10安士） medium 五成熟一開頭覺得非常嫩口，牛味充足。配上選擇嘅野菌汁既能帶出菌香，口腔入面亦充滿咗牛油香氣推薦野菌汁配牛肉 但食食吓發覺佢哋serve嘅牛小排非常多脂肪可以見到側面切割面有近一cm都係肥膏 食到最後會發覺非常肥膩、滿口油 呢個位置略扣分推薦指數：⭐️⭐️⭐️⭐️配菜忌廉焗薯 potato gratin每人可以再選擇一款配菜我哋嗌左薯條同埋忌廉焗薯薯條炸得過份硬 😵‍💫至於忌廉焗薯可以在烹調多一會兒 因為薯仔仲係太硬，反而忌廉醬汁亦因為高溫而失去水份，焗嘅時間可再縮短或再加多忌廉醬嘅份量味道上不夾 忌廉醬汁同薯仔各有各出色但夾唔到一齊推薦指數：⭐️⭐️熱朱古力飲品需要額外加錢 兩杯$70 不包括在套餐內熱朱古力上面嘅朱古力會隨着時間溶化但因為我哋等唔切啦最咪用匙羹攪拌題外話：以前迪士尼餐廳上面朱古力印嘅係"Disney"而家似乎用咗廠商批量生產嘅貨 唔知係咪為咗節省成本而做嘅調節？但朱古力味一樣咁濃郁非常出色推薦指數：⭐️⭐️⭐️⭐️⭐️凍朱古力味道一樣都係好濃郁但個人會比較推薦熱朱古力多啲推薦指數： ⭐️⭐️⭐️⭐️⭐️華特一口甜品 Walt's Petit Fours （不包括在套餐內）最後甜品嘅部份 非常精美嘅6份小蛋糕 打卡一流🙆🏻‍♂️❤️推薦指數：⭐️⭐️⭐️⭐️…Read More

下晝學完車去咗青衣城搵嘢食 俾我搵到呢間同路人鋪頭 menu睇落又幾抵食 加上十二點仲未洗排隊等 我入咗去單嗌咗個麻辣麻醬手撕雞拌麵 一嚟店員上錯咗個烤雞扒拌麵 但人有錯手呢家嘢通唔埋 店員姐姐都即刻九秒九換番碗麵俾我 抵讚一上台我又以為佢俾錯咗麵俾我 但原來呢間店嘅手撕雞都係雞髀手撕雞 不過睇落似斬開一塊塊 唔似手撕出嚟 聞落好似口水雞嘅香味 食落麻醬味都唔重 而且係中式麻醬（not日式） 手工麵食落彈牙有咬口 清爽夠晒凍但我嫌佢青瓜得兩三啖唔夠喉雞嘅味道有少少酸臭味 唔知係咪佢麻醬嘅味道 但影響不大呢個價位下 我嘅推薦指數：3.5/5 🙆🏻‍♂️平價美食😛 我下次想試下佢地鋪頭嘅古早味蕃茄牛肉麵😋😋😋P.S. 鋪頭門口嘅酒精搓手液有啲難聞 建議大家唔好用😵‍💫😵‍💫😵‍💫…Read More

今日下晝出街行行吓街覺得肚餓就去咗食燈籠滷味 諗住可以重拾下台灣美食嘅回憶而家朗豪坊店做緊優惠買$200 Coupon 可以送會員卡 以後每餐都可以有八八折 所以我哋就用咗優惠 叫咗二人套餐 主菜係滷味王子麵 其實我哋嗌嘅時候唔知道王子麵係乜嘢 後尾睇英文發現係台灣嘅即食麵麵嘅味道算係唔錯 麵質偏軟 索晒滷味汁非常入味 但係覺得佢嘅蹄膀唔係好入味 肉質偏硬 成碟野入面仲有榨菜 豬耳仔 花枝丸 同埋百葉豆腐 唯一想再食多次嘅係嘅係花枝丸 其他都一般推薦指數：2/5小食我地簡咗細碗滷肉飯滷肉有肥有瘦非常均勻非常入味 但係白飯嘅口感少少奇怪 成碗入口不過不失 推薦指數：3/5第二碟小食我哋嗌左芋泥肉鬆蛋餅之前我屋企人食過係好好食 但今次係同一間店舖 事隔一年芋泥太甜 甜到有啲膩其實佢嘅醬偏鹹 夾埋甜嘅芋泥 理論上係甜鹹相輔相成加上肉鬆非常香口 蛋餅鬆脆有蛋香 所以唯一美中不足就係調味失色嘅芋泥推薦指數：3.5/10冬瓜茶不過不失 但係我嗌左半糖出嚟嘅結果好似無糖咁樣 嗌少冰但係杯野有一半都係冰推介指數：3/5總括嚟講呢間野水準下降左唔少 希望店家用心改善食物質素 用心整出嚟嘅食物我相信大眾都會感受到 如果唔係我諗我下次唔會幫襯（雖然我有八八折）…Read More

下晝睇完戲 諗住係langham mall 行吓睇睇有咩好食 搵到呢間係四樓嘅Korean fushion 菜 話就話pizza maru 但佢嘅炸雞出乎意料地好食 炸皮脆而不膩 外面淋上嘅醬汁甜鹹恰到好處 肉汁鮮嫩多汁 雞胸一啲都唔鞋 推薦大家：10/10Pizza話晒都係招牌菜 一啲都唔馬虎 批底perfectly baked 鬆脆又香口 係我食過數一數二正嘅批邊 唔食批邊嘅朋友都一定會食晒（P.S. 我地冇加錢upgrade批底）Pizza餡係sweet rancher sauce底 配烤得剛剛好嘅韓式炒牛肉（beware this part is spicy) 同埋鮮蝦 焗薯 以fushion pizza嚟講係新奇有趣好食 (有少少似mamaday嘅pizza)我地下次有機會會試下個特色芝加哥pizza 底推薦：9/10***兩個人食 飽到嗌唔到嘢飲 perfect afternoon tea😋😋😋Thank you chef from Pizza Maru 🙏🏻You made my day💕…Read More

蕃茄師兄食評良心食店 一定要嚟支持七點入到鋪頭 心諗好彩早啲嚟 因為已經坐滿晒人咁濟我哋嗌左兩碗面 分別係一貝子 同埋 滑一滑分別係米線同埋拉麵底個人覺得米線底比較襯佢個番茄湯底蕃茄湯底比較貼近住家菜口味 蕃茄味香得來唔會太人工 唔會太咸太甜或者太酸 俾人一種好warm嘅感覺一貝子嘅蜆肉冇腥味 而帶子食落都幾鮮嫩滑一滑入面嘅滑蛋非常好味 滑得嚟唔會膩 炒到有蛋香飄逸嘅感覺牛肉感覺亦唔會太鞋 名副其實滑一滑我地仲嗌左鮮炸腐皮墨魚蝦條 同埋 70度慢煮麻辣瑞士汁雞中翼蝦條係口痕想食 但食落幾高質 炸物唔會林唔會太乾 熱辣辣咁拎上枱 抵讚！至於碟雞翼精粹係麻辣瑞士汁 好似譚仔三哥麻辣加瑞士汁咁 係出色嘅combination：）桂圓紅棗桑寄生茶 唔太甜 用嚟解膩一流！…Read More

呢間餐廳我自己食過三次 以前都都係夜晚嚟 今次諗住午市上嚟會少啲人
但不旦冇午市優惠 啲牛唔知點解炸得好差 一邊放塊牛係個石板上面燒 一邊有一粒粒炸粉跌出嚟 結果燒完舊牛 已經冇晒外面層炸皮 好失望伴碟椰菜份量少到好似俾人偷食左咁麵豉湯感覺略濃個咖喱忌廉烏冬我係第一次食覺得好好味忌廉嘅感覺唔算太heavy 咖喱同埋忌廉嘅香滑完美咁結合不過啲雞就有少少韌我哋叫左兩杯野：紅棗蜜糖水同埋綠茶latte紅棗蜜糖水略嫌有啲甜 不過我哋自己加咗水稀釋完之後覺得好好飲杯綠茶latte都非常之出色 連啲冰融左之後唔會覺得太淡Btw 可能午市人手唔夠 所以上台速度略慢而且見到有侍應除左鞋放對腳係櫈上面 攞住手機打機 感覺略有礙眼…Read More