ap8v74wmsn8x's Profile

同女朋友嚟食過鐵板燒，今日就嚟食下壽司刺身，驚喜指數當然又創新高啦，唔咁多廢話，先譾下啲嘢食先。放題刺身定食$468期間限定時令壽司定食 $288成餐飯都十分驚喜同滿足，真係仲好食過喺日本食。不過唯一有樣嘢真係要投訴下👇🏻右手邊白色衫果位壽司板長Ronald，佢實在太靚仔喇，我女朋友成餐飯都冇望過我一眼，淨係望住師傅，搞到我好有離異感覺囉😂😂😂總括成餐飯都係視覺同味覺享受，一邊可以睇住靚仔師傅整壽司，一邊食啲咁高質嘅壽司刺身，真係物超所值呀👍🏻👍🏻…Read More

$198鐵板午市買一送一真係太吸引，所以我又嚟順手幫女朋友搞下生日。不過今日就唔係影嘢食，反而係影下個Promotion 。呢間鐵板燒會俾好多驚喜你，不過$198嘅午餐就冇甜品，但係就可以以跟餐半價享有返1份甜品，咁都幾好吖，而驚喜就係餐廳會因為生日或慶祝週年而送返個日式絵馬俾客人寫返啲心願掛喺佢地嘅牆上面，放返1個月左右就會連同個絵馬同1張$100嘅現金卷寄返俾客人，真係都幾唔錯。總括今日嘅午餐大致上都好滿意👍佢地仲有咗啲絵馬砌咗個心形出嚟❤️…Read More

痴線㗎！食個鐵板餐$198已經係好過份嘅事，唔使$200食鐵板餐喎，市區一定做唔到啦！而家仲要成個9月買一送一，簡直係大放福利！入門嘅朋友未試過可以嚟屯門黃金海岸商場1樓Hakata Concepts試試佢地個$198午市鐵板餐買一送一，記住！係逢星期一至五，假期冇㗎！係假期冇㗎！雖雞個鐵板餐唔稱得上係豐富，但係作為1個午餐嚟講簡直係超標完成！有沙律有茶碗蒸，有個季節燒魚，而家做緊不時鮭，服務員唔介紹都唔知原來有三文魚係唔記得要返屋企生蛋，有燒野菜有炒飯有湯，真心講都唔知有乜錢賺。三文魚煎香咗塊魚皮插喺件魚肉度真係幾靚，但太吸引冇幫佢地留倩影真係師傅嘅責任囉，我一定投訢佢地整啲嘢食又靚又好食㗎！…Read More