yankeewong0831的個人專頁

朋友想食西餐，去咗呢間樓上扒房西餐廳，室內裝潢以木系配上綠葉圖案牆紙，環境雅緻寧靜，食物就以燒烤為主打。.🥗 烤鐵板燒汁吞拿魚配溫室青瓜車厘茄水牛芝士沙律 $138厚切吞拿魚表面燒到半熟，咬落口感煙韌，中間肉質嫩紅，油潤軟滑帶點鹹鮮，搭配好新鮮嘅青瓜車厘茄，再加上水牛芝士，杏仁片點綴，口感味道豐富。.🍄 忌廉牛油蒜香雜菌 $58雜菌份量足，忌廉汁濃稠creamy又唔會覺得膩，蒜味香濃，配上脆卜卜法式多士一齊食，啖啖滋味。.🤎 慢煮鮑魚配日式醬油意大利飯 $228 慢煮鮑魚肉質Q軟又入味，表面微微燒過更香口，Risotto軟硬適中，吸收晒日式醬油嘅鮮味，醬汁creamy鹹中帶甜，味道濃郁。.🐷 鹽味焦糖汁燒豬腩肉配青蘋果沙律 $228豬腩肉肥瘦均勻，豬皮燒到金黃香脆，肉質爽彈唔會有肥膩感，簡單用鹽調味更突出肉鮮味，同焦糖汁好夾，伴青蘋果沙律更多份清新香甜。.總括而言：餐廳主打燒烤，食物配搭上幾有心思，食材用料及賣相都相當不錯。用餐環境舒適，燈光氣氛柔和，拍拖慶祝或朋友聚會都好適合(●'◡'●)ﾉ…查看更多

去曼谷旅行都會食呢間餐廳，主打正宗道地的泰式料理，香港店開咗咁耐都係第一次去(๑˃̵ᴗ˂̵).🫓 蝦片 $15一坐低就會先上蝦片，脆卜卜帶點胡椒香辣。. 🦐 香脆蝦餅 $58/3件蝦餅啖啖肉，炸得金黃香脆，口感扎實。.🐷 燒豬頸肉配木瓜沙律 $128豬頸肉份量都幾多，外層燒得微微焦香，肉質軟腍爽口，搭配青木瓜沙律同酸酸辣辣嘅醬汁，清新又解膩。.🥬 肉碎米粉生菜包 $98肉碎炒得乾身惹味，同一般食開嘅生菜包唔同，肉碎加入豆腐乾，再配上米粉，口感更加豐富。.🐮 泰式牛肉船麵 $138船麵配料十足，有肥牛、牛𦟌、牛筋、牛丸、牛柏葉等，再配上炸豬皮，滿滿泰式風味。湯底牛味濃郁，有齊甜酸辣鹹嘅味道層次，金邊粉煙韌爽滑，吸收晒湯汁鮮味。.總括而言：餐廳環境雅緻舒適，佈置充滿東南亞風情。食物份量足，選擇都幾多，亦都keep到泰國嘅水準，鍾意泰菜嘅朋友可以試吓(●'◡'●)ﾉ…查看更多

朋友生日就去間高級啲嘅fine dining餐廳慶祝下(´ ᵕ｀*)餐廳空間感十足，以圖書館為主題，裝潢典雅classic，充滿復古歐陸氛圍，仲可以飽覽維港海景色。.🍽️ Tasting menu $1388/位.🥖 餐前麵包自家製麵包配上羅勒乾蕃茄牛油、海鹽牛油、橄欖油黑醋。.🥩 Cecina de Wagyu Beef Carpaccio醃製咗12個月嘅薄切西班牙生和牛，搭配青辣椒泡沫醬汁，牛味都幾濃郁，鹹香鮮味。.🦐 Spanish Red Prawn Carabinero上下兩層係墨汁啫喱，夾住西班牙紅蝦他他，配上百香果醬，酸甜清新。.🐚 Hokkaido King Scallop北海道帆立貝他他肉質新鮮，搭配蘆筍、昆布啫喱，墊底嘅墨西哥辣椒沙冰微微辛香，口感味道豐富。.🦞 Bouillabaisse店員會先上碟海鮮，有鮑魚、蜆、燒蝦等，足料新鮮，再即席倒入熱辣辣龍蝦湯，濃稠鮮味。.🐟 Spanish Sardine Confit西班牙油封沙甸魚，配上荷蘭醬、洋薊、白蘆筍，味道幾特別。.🍋 Lime Sorbet青檸沙冰清一清味蕾。.🍝 Smoked French Eel Pasta煙燻法國鰻魚配自家製意大利麵，麵質煙韌富彈性，醬汁有啲似卡邦尼味道，由巴馬火腿高湯加上蛋汁製成，creamy帶點鹹香。.🥩 Charcoal Grilled A5 Miyazakigyu Rib Cap日本A5宮崎和牛油脂分布均勻，生熟度啱啱好，色澤粉嫩肉質柔軟，搭配焦糖洋蔥醋汁同青辣椒醬，平衡肉類膩感。.🍰 Mango Mousse Pandan Cake芒果慕斯斑蘭蛋糕口感輕盈不甜膩。.總括而言：Tasting menu每道菜式擺盤都非常精緻，食物用料高質，配搭上亦好有心思，再加上典雅舒適嘅環境及駐場Live band獻唱，好有情調氣氛，啱晒拍拖慶祝。…查看更多

長沙灣呢間餐廳好有特色，佈置成昭和年代嘅日本商店街，舊式士多、復古招牌海報、遊戲街機、汽水機等場景，門面店內裡𥚃外外都充滿懷舊氛圍。.招牌鍋物二人餐 $498二人餐有燉飯+串燒拼盤+小食兩款.🍲 頂級美國極黑牛頸脊壽喜燒燉飯燉飯一鍋三吃，店員先用砂糖、牛油配上壽喜燒汁燒牛肉，牛肉肉質軟嫩，沾上蛋汁食更滑溜；燒完牛肉再加入蔬菜、鮮菇、豆腐等，最後加入黑松露奶油燉飯，西式燉飯同日式壽喜燒汁一啲都唔違和，入口濃郁creamy。.🍢 串燒拼盤有海蝦、雞翼、五花肉、雞翼、冬菇、秋葵、菠蘿等，燒得幾好唔會乾，配微辣醬汁更惹味。.🍟 松露芝士薯條幼身薯條炸得香脆，洒上芝士碎，蘸黑松露醬一齊食香口滋味。.🥚 明太子玉子燒玉子燒蛋味香濃，口感濕潤柔嫩，表面鋪上滿滿明太子醬，炙燒後再加上蟹籽，鹹香鮮味。.🍨 雪糕梳打+$28(跟餐)梳打有幾款口味，揀咗波子汽水，配雲呢拿雪糕，加埋車厘子做裝飾，好有復古feel！.🍹 蜜桃冷泡阿薩姆紅茶 +$28(跟餐)冷泡茶可以揀紅茶/鴨屎香烏龍茶，仲有幾款水果可以選配。紅茶味突出，加入粒粒蜜桃，果味香甜清新。.🍓 士多啤梨芭菲 $108芭菲加上不二家牛奶妹同熊熊裝飾，賣相非常可愛。入面有macaron、士多啤梨、白桃、雪芭、脆脆等，味道口感豐富，食完好滿足(´ ᵕ｀*) .總括而言：餐廳除咗環境有心思，啱晒打卡！食物方面都幾有特色，主打西日fusion菜式，前菜、燒物揚物、主食、小食、飲品等選擇都幾多，用餐體驗不錯。…查看更多

呢間茶飲店喺屋企附近新開咗一段時間，見到佢哋主打自家製純素食材，用天然糖、自家製植物奶同珍珠，感覺健康啲(●'◡'●)ﾉ.🧋非常可仁 $46由純素朱古力醬、低卡酮糖、杏仁奶調配而成，面層鋪上綿滑朱古力米奶蓋同朱古力碎，入口朱古力味濃郁，珍珠煙韌Q彈。.☁️ 藍天白雲 $48呢杯飲品味道同口感都好豐富，有柚子、芒果、百香果、椰子花蜜、藍藻岩鹽糖漿、燕麥腰果奶，面層再鋪上濃厚椰子奶蓋，藍白色漸層望落幾靚，入面食到芒果蓉同蝶豆花奇亞籽啫喱，味道清新微酸微甜。.🥟 紐約辣芝士素批 +$28除咗飲品，仲有素批同曲奇。批皮硬身帶點脆口，芝士餡唔會太辣，配西班牙莎莎醬。.🍪 抹茶海鹽麻糬曲奇 +$24純素曲奇偏軟身，中間夾住軟糯麻糬，抹茶味濃郁。.總括而言：飲品款式都幾多，有手調系列、植物奶茶、純茶、沙冰等等，而且低卡啲健康啲，大家飲嘢又多個好選擇。…查看更多

長沙灣新開咗間韓燒，環境非一般韓式烤肉店，以70年代會長之家為主題，佈置了水晶吊燈、屏風、掛畫等，裝潢懷舊復古，相當有特色。.會長王牌套餐 $398🌱 韓式小菜 提供5款韓式小菜，可以refill，有啲味道偏辣，配燒肉食更開胃。.🐷 招牌牛油熟成厚切五層肉擺盤五層肉加上豬肉刀，玩味十足(๑˃̵ᴗ˂̵)五層肉肥瘦相間，唔會太肥膩，最特別係用牛油熟成，牛油包住五層肉，融化滲透肉中，燒到表面金黃焦香，肉質爽彈帶油脂香，入口充滿牛油香氣。.🐮 特級牛肩脊 牛肩脊厚薄適中，色澤鮮嫩油脂均勻，燒完肉質仲好柔軟，無醬料調味更突出牛味。.🐮 韓式醬牛五花牛五花唔會醃得太鹹太重味，油花豐富，燒到油脂微微焦香，充滿牛脂香氣。.🥗 時令蔬菜拼盤除咗有新鮮生菜，可以包住燒肉一齊食，多份清爽口感。蔬菜拼盤仲有南瓜、翠玉瓜、洋蔥、菇、菠蘿等等，食完咁多肉類，可以平衡膩感。.🦀 醬油蟹膏蟹子拌飯 $108飯面舖上滿滿醬油蟹膏同蟹籽，蟹膏軟滑鹹鮮，蟹籽爽脆鮮甜，味道鹹甜鹹甜，拌埋海苔碎及生蛋黃，口感豐富啖啖滋味。.🍡 烤年糕配黑糖 $68年糕煙靭軟糯，表面烤得脆脆地，配黑糖好夾。.🍓草莓忌廉米酒 $98米酒酒味溫和，草莓味都幾突出，甜甜地入口順滑。.🍑 奶油桃桃烏龍 $58鳥龍茶味清新帶淡淡白桃香甜，奶油忌廉綿密輕盈。.總括而言：餐廳主打韓式烤肉，以套餐為主，另有十多款單點肉類或韓式料理，食物質素唔錯，加上環境充滿復古韓國風情，鍾意食韓國嘢可以試試(⊃｡•́‿•̀｡)⊃…查看更多

本身好鍾意食蠔，有時食buffet都係主攻食蠔，可以任食蠔放題真係好滿足(´ ᵕ｀*) 同時仲可以食到特別嘅懷石八品同其他日式料理。.🦪 生蠔串燒放題(2小時) $598/位.🫖 時令海鮮湯海鮮湯用陶瓷壺裝住，有燭台heat住，倒落小杯慢慢飲。湯底濃郁鮮甜，入面有蜆、蝦、小貝等好足料。.🍤 炸牡丹蝦外層沾上薄薄炸漿，蝦頭炸到好酥脆，蝦肉有彈性又唔會太乾。.🍱 喜多嬉懷石八品懷石八品賣相精緻，擺盤好靚啱晒打卡，店員會講解由順時針淡味食到濃味。✧ 蟹肉羊羮：口感好似啫喱，入面有絲絲松葉蟹肉，味道清淡帶鮮。✧ 象拔蚌刺身：爽口鮮甜。✧ 和牛沙律：和牛軟嫰牛味濃，配柚子醋沙律。✧ 免治雞肉棒：免治雞肉餡混入雞軟骨，軟腍中帶有粒粒爽脆口感，沾上蛋黃食更滑更滋味。✧ 牡蠣茶漬飯：啖啖蠔湯鮮味。✧ 燒活鰻：鰻魚厚身肉嫩，食落比一般蒲燒鰻魚更有彈性，有原味/燒汁二食，燒完充滿魚油脂香。✧ 秋葵冷盤：秋葵配上明太子，清新味蕾。✧ 吞拿魚蓉：吞拿魚蓉油潤細滑，加埋三文魚籽更鮮味。.🦪 任食生蠔、焗蠔、焗帆立貝生蠔由北木島直送，隻隻都肥美飽滿，蠔肉軟滑creamy，帶淡淡海水味，配蔥花蘿蔔蓉、柚子啫喱，鮮甜清爽。焗蠔/焗帆立貝可選原味、蒜味、辣蒜味、芝士醬，最鍾意蒜味同芝士醬，鹹香惹味。.🍢 任食時令串燒約有10款串燒任食，除咗雞肉、豚肉、蔬菜等，仲有羊肉同比較少見嘅雞腳筋、雞心串等，整體質素不錯，燒烤時間都控制得幾好。.🦀 松葉蟹五島手延烏冬烏冬較幼身口感滑溜，配上松葉蟹鉗，湯底清澈。.🍹汽水及梳打特飲 任飲幾款汽水同果味梳打。.🌸 甜品櫻花最中餅夾住桃味雪葩，配黃豆粉黑糖蕨餅，又靚又好味。.總括而言：餐廳座位寬敞，用餐環境舒適寧靜，服務亦唔錯。有時食放題啲蠔或者海鮮質素都麻麻地，但佢哋嘅日本蠔真係高質，而且好新鮮，其他食物水準亦不錯，啱晒鍾意食蠔又鍾意食日本嘢嘅朋友(●'◡'●)ﾉ…查看更多

之前食過PHI覺得食物同梳乎厘都唔錯，佢哋喺MegaBox新開咗分店，店內裝潢充滿冬日氛圍，每張枱都有一隻熊啤啤🐻陪住你，依家仲有聖誕限定menu，一定要試吓(●'◡'●)ﾉ♥.🦞 深海中的龍蝦潛艇 $185鬆軟麵包夾住滿滿龍蝦肉，調味以簡單為主，可以試出龍蝦真鮮味，配上沙律菜和車厘茄，食落更清爽。.🦞 紅噹噹龍蝦意大利飯 $165龍蝦已經去殼拆肉，食得更方便，肉質鮮味爽彈，Risotto口感煙韌，吸收晒龍蝦湯精華，啖啖濃郁滋味。 . 🎅🏻 聖誕老人拯救雪地裏的小熊 $152聖誕限定梳乎厘，以聖誕老人和小熊為主題，充滿節日氣氛，真係可愛到唔捨得吃。梳乎厘蛋味濃郁，蓬鬆輕盈充滿空氣感，濃濃芝士奶蓋鋪滿梳乎厘，配埋軟滑忌廉一齊食，入口滿滿幸福感！.🧸 小熊的朱古力泡泡浴 $58小熊飲品都係聖誕限定，賣相好似甜品，朱古力香濃幼滑，味道甜而不膩，面層濃厚忌廉加上小熊曲奇，真係好似浸緊泡泡浴(๑˃̵ᴗ˂̵).☕️ Govida朱古力酒咖啡 $58朱古力味突出，咖啡酒味香醇溫和，甜甜地入口香濃順滑。.總括而言：餐廳環境舒適溫馨，仲有大大小小嘅熊啤啤陪住大家，聖誕節就快到，店內佈置咗好多聖誕裝飾，環境同限定menu都充滿節日氣氛，係慶祝聖誕嘅好地方。…查看更多

之前喺幾個商場都見過呢間以柑橘為主題嘅韓國餐廳，今次終於試咗又一城分店，店內以白色同淺木色為主調，加上橙色點綴，有種小清新感覺。.🍗 濟州柑橘口味炸雞(無骨) $108/半份炸雞可以揀有骨/無骨，配菜有薯條同沙律菜。炸雞肉質軟嫩都幾juicy，外層粉漿唔會太厚，炸得金黃香脆無油膩感，柑橘醬甜甜地，入口多份清新味道。.🥩 烤大骨牛小排 $158牛小排醃得夠入味，醬汁鹹中帶甜，肉質軟腍帶點燒烤香氣，唔會切得太薄，咬落更有囗感。.🍝 山薊菜大蜆意粉 $92意粉配上大蜆、大蝦同菇菇，口感豐富，大蜆大蝦肉質新鮮，扁意粉軟硬適中，奶油醬汁質感creamy，加入韓國特產山薊菜，令西式意粉增添韓式風味。.🧇 柑橘窩夫伴雪糕 $135窩夫配上新鮮柑橘，賣相好吸引(*´ω`*) 窩夫口感軟熟，中間夾住輕盈嘅忌廉同柑橘片，按自己口味再淋上柑橘醬，啖啖都充滿柑橘清甜味( ˘ ³˘) .🍊 濟州柑橘乳酪 $68必試signature飲品，放上原隻柑橘好可愛(๑˃̵ᴗ˂̵)柑橘果肉加入乳酪打成，乳酪味偏清淡，微微酸甜味道清新。.🍊 抹茶柑橘蜜露冰 $58抹茶同柑橘呢個組合幾新鮮，沙冰質感細緻柔滑，同時飲到抹茶味同柑橘甜味，入口清爽一啲都唔違和。.總括而言：店內走簡約風格，感覺清新明亮，氣氛輕鬆舒適。餐廳主打韓式fusion菜，有啲菜式同飲品幾有特色，佢哋有咁多分店，想試都好方便！…查看更多

太子有好多特色餐廳，呢間餐廳日頭係Cafe，夜晚就變身為酒吧。餐廳樓高兩層，入口圓拱外牆同室內紅磚牆都好有異國風情，無論Cafe或酒吧都啱feel。.🍽️ Dinner Set 2人餐 $488.🥓 伊比利亞火腿忌廉薯餅薯餅外皮炸得酥脆，咬開忌廉薯蓉口感幼滑creamy，加上伊比利亞火腿嘅鹹香，香口惹味。.🫑 西班牙青椒仔青椒仔烤過仍然爽口，味道温和基本沒有辣度，濃濃青椒味帶少少甘甜。.🥗 煙三文魚番茄牛油果沙律煙三文魚卷成玫瑰花形，再配上番茄沙律，賣相唔錯！底層仲有牛油果蓉，呢個組合清新又輕盈。.🦐 蒜片欖油大蝦橄欖油加入大量蒜片浸住大蝦，小鐵鍋一上枱已聞到好香蒜味，大蝦肉質爽彈，蒜味香濃好惹味，如果配埋法包就更perfect (´д｀).🦀 蟹肉伏特加香辣番茄忌廉粗管通粉意粉三選一，醬汁加入Vodka幾特別，番茄忌廉汁酸酸甜甜帶點微辣，伏特加酒香都幾突出，蟹肉同粗管通粉吸收滿滿醬汁，夠晒濃味好開胃。.🐷 慢煮焦糖豬腩配香烤飯團及炸蓮藕片主菜三選一，豬腩肉肉質粉嫩，咬落有脂肪感，但唔會覺得肥膩，配炸蓮藕片一齊食，口感更豐富。飯糰塗上醬油再燒，表面微微焦香，飯粒煙韌軟糯，十分飽足。.🍨 自家製西班牙油炸鬼 +$48Churro外脆內軟，有淡淡肉桂香味，甜度啱啱好，可以蘸朱古力醬，又可以配雲呢拿雪糕，雙重滋味。.🍹 Mr. Ginger $138Whiskey混合薑汁、薑蜜、檸檬汁、糖漿、蛋白等，薑味唔會太重，入口清爽。.🍵 Tipsy Matcha $128Vodka混合西柚汁、百香果汁、檸檬汁、雲呢拿雪糕，味道酸酸甜甜，再加上宇治抹茶粉同蕨餅，多份日式風味。.總括而言：店內樓底高好有空間感，燈光柔和，用餐環境舒適。Dinner Set 2人餐份量足幾抵食，飲埋Cocktail傾吓偈，拍拖或慶祝都唔錯(´∀｀)♡…查看更多

呢間cafe嘅人氣蛋糕相信大家都唔陌生，去食晚餐發現點堂食menu可配任何蛋糕半價，開心haha.🥩 炭燒澳洲榖飼黑安格斯封門柳 $198封門柳燒到5成熟，表面微微焦香，肉質粉嫩juicy，牛味濃郁帶點咬口，配燒汁亦唔會蓋過肉味，配菜有香烤蔬菜同薯蓉。.🍝 泰式冬蔭功扁意粉 $138扁意粉軟硬適中，配上大蝦、大蜆、青口、魷魚等，加入冬蔭功調味，令西式意粉增添泰式風味。入口充滿冬蔭功香料嘅香氣，味道甜辣濃郁，開胃惹味。.🍰 草莓西瓜蛋糕 +$39蛋糕layer層次分明，頂層草莓洛神花果凍鋪上玫瑰花瓣，味道酸酸甜甜帶淡淡花香。夾層有清甜西瓜配上玫瑰味忌廉，杏仁餅底帶有杏仁粒粒。口感和味道層次分明又好match，食落清新輕盈，仲係gluten free！.🍰 雜果千層蛋糕 +$34呢款蛋糕就含gluten，三層海棉蛋糕分別係草莓味、班蘭味和原味，口感鬆軟綿密，配上多款新鮮水果，鮮甜多汁又色彩繽紛！.總括而言：餐廳以藍色為主調，地方唔大但坐得舒服！除咗招牌蛋糕出色之外，扒類同意粉都幾有水準，作為將軍澳人唔使搭車出去就食到(´︶`*)ﾉ…查看更多

行完西九去Elements覓食，唔想食啲太formal (or太貴)嘅餐廳，呢間韓風Cafe就幾適合(´︶`*)ﾉ店內以簡約木系裝潢，搭配花花佈置，帶點文青風氛圍，其中榻榻米包廂座位好有韓國feel！.🥘 明太子帶子炒年糕 $89年糕比一般韓式年糕長好多，口感更加軟糯Q彈，掛滿明太子醬，鹹鮮creamy帶點微辣，配上帶子同三文魚籽更添鮮味。.🍧 仲秋藥菓刨冰 $107刨冰份量十足，舖滿藥菓碎再放上花形藥菓，賣相好吸引！藥菓係韓國傳統甜點，口感緊實帶有蜂蜜甜味，刨冰入面仲藏住年糕，好有驚喜！.🥐 伯爵茶布甸牛角包窩夫 $145除咗伯爵茶布甸、牛角包窩夫，仲有焦糖脆片、雪糕、蕨餅等，非常豐富。布甸幼滑茶味香濃，牛角包窩夫外酥脆內鬆軟，淋上伯爵茶醬更加分，黃豆粉蕨餅煙韌軟糯，一次過滿足幾個願望( ˘ ³˘) .🍯 Lotus焦糖奶昔 $58奶昔質地濃稠適中，入口綿滑，再灑上滿滿Lotus餅碎，啖啖充滿濃郁焦糖餅味，甜而不膩！飲品都會搭配傳統韓國花煎，煙韌外皮包住紅豆餡，貼上花瓣裝飾好靚。.🍊 韓國柑橘梳打 $52柑橘醬甜味果香天然，mix梳打口感清爽。.總括而言：Cafe環境簡約清新，感覺悠閑cozy！食物以輕食為主，鹹食選擇唔多，主要有年糕、炸雞、紫菜包飯等。甜品、窩夫、飲品等更加吸引，賣相別緻亦美味，而價格喺Elements入面都算比較親民。…查看更多

天氣轉涼最啱打邊爐，去咗呢間幾有特色嘅火鍋店，店內裝潢走中式宮廷風，仲有啲打卡位，連菜式都加入宮廷元素。.🍲 康熙花膠雞湯鍋(半隻) $298湯底望落幾濃郁，花膠同雞件分開上，花膠大大塊，湯底滾咗之後，店員會將花膠剪細塊落入湯底，再加埋半隻鮮雞。雞湯味鮮香濃，雞肉都幾嫩滑，打邊爐之前一定要飲咗湯先，感覺好滋補( ˘ ³˘) .🐮 本地牛頸脊扇牯牛肉(細) $318牛頸脊肉色嫩紅紋理細緻，油脂分布均勻，切得厚薄適中，入口牛味濃郁，肉質鮮嫩帶點油脂甘香。.🥟 滾得囍餃子拼盤 $138拼盤有5款餃子各兩粒，包括和牛芝士餃、新鮮菜苗帶子餃、韭菜豬肉餃、馬蹄冬菇豬肉餃、芋泥豬肉餃。粒粒皮薄飽滿，和牛芝士餃幾有新意，菜苗帶子餃鮮甜清爽，馬蹄冬菇豬肉餃囗感豐富。.🟡 黃金雙拼 $88雙拼有炸響鈴同炸魚皮，外層沾滿鹹蛋黃醬，口感鬆脆唔油膩，鹹蛋黃味道香濃，就咁食或者浸湯食，雙種滋味。.🦪 沙白蜆 $88肉質新鮮脹卜卜，味道鮮甜。.🥬 滾得囍豐盛雜菜拼盤 $78雜菜拼盤有多款蔬菜、粟米、番茄、雲耳等，擺盤色彩繽紛，全部都好新鮮。.🎋 竹蔗茅根(一渣) $78清潤解渴唔會太甜，啱晒打邊爐可以清下熱氣。.總括而言：餐廳空間寬敞闊落，環境古色古香，燈光暗暗地幾有氣氛。湯底同食物選擇幾多，款款湯底都加入中式宮廷元素(●'◡'●)ﾉ無論環境擺設、餐具、菜式都有心思，用餐體驗不錯。Heading: 中式宮廷風火鍋…查看更多

間中都會同朋友去酒吧飲吓酒傾吓偈，今次就體驗咗一間比較特別嘅日式酒吧，主打客製cocktail，無固定menu，根據人客嘅喜好、心情(●'◡'●)ﾉ度身訂造出獨一無二嘅cocktail 。.今次試咗4杯用上不同時冷水果嘅cocktail，仲會配上朱古力威化餅/果仁等小食。.因為第一兩杯想飲果味重啲冇咁strong嘅，所以調酒師就揀咗咗🍐 山梨縣梨混合日本gin酒，同埋🍇 香印提子配合日式燒酎。其中用上香熟芋發酵製成嘅燒酎真係一試就愛上，入口散發荔枝和玫瑰花香氣，配上提子特有嘅微微果酸味，味道非常融合。.之後嘅兩杯就超級有趣，調酒師先俾2張咭仔寫低對同行朋友嘅第一印象，再根據張咭仔嘅內容去調酒haha.🍍我話朋友似Melody haha, 之後調酒師就用上菠蘿, 好有心機咁調咗一杯粉紅色嘅酒，仲用檸檬皮剪咗個黃色音符。而朋友對我初印象係溫柔lol,所以調酒師就用上車厘子糖漬整咗杯好容易入口嘅sake🍒.總括而言：酒吧地方唔係好大，classic風格低調又有格調，燈光昏暗柔和，整個環境氛圍令人非常放鬆。平時去bar都比較少同調酒師交流，但喺呢度同佢哋好似朋友咁傾偈，品嚐到專屬於自己獨一無二嘅cocktail，真係一個好獨特嘅體驗。…查看更多

.好耐冇食韓燒，趁weekend去食個豐富嘅lunch，一入門口就見到熟成櫃掛住肉類，未食已經覺得好吸引(´ ᵕ｀*) .🇰🇷 KOREAN FEAST $680/位.🌱 前菜一坐低就會先上五小碟韓式前菜，可以無限refill，大豆芽蝦仁同銀魚仔最惹味。.🥗 季節沙律 沙律菜新鮮爽脆，配上黑醋汁，酸甜開胃。.🍶 真露煮蜆鮮蜆肉質新鮮，湯底帶有淡淡真露味道，加上牛油香味，鮮甜濃郁。.🥚 韓式蒸蛋蒸蛋脹卜卜，非常蓬鬆軟嫩，蛋面舖上蟹柳蟹籽更加鮮味。.🍖 醬油牛肋骨全程有店員幫手燒，時間控制得最好！牛肋骨醃得夠入味，甜甜地嘅醬油好滋味。.🥩 熟成牛小排牛小排雪花分佈均勻，肉質細緻軟腍，本身無調味更突出到牛味。.🥩 夏多布里昂牛排牛排相對油脂較少，肉質有彈性，切開色澤粉嫩，充滿肉汁富牛味。.🐷 熟成韓國五花肉五花肉肥瘦相間，燒到焦香入口唔會太肥膩，肉質爽彈帶油脂香，用生菜加泡菜包住一齊食更清爽。.⚪️ 帶子帶子外面燒得少少焦香，咬落有半生熟口感，肉質軟嫩。最後燒埋配菜菠蘿同杏鮑菇，菠蘿燒過更加香甜juicy，杏鮑菇keep到水份。.🍜 泡菜和牛炒飯 • 水冷麵每人可配一款主食，泡菜和牛炒飯夠濃味，水冷麵好清爽，配燒肉食可以解膩。.🍦 蜂巢雪糕 雪糕幼滑奶味濃，再配上甜甜嘅新鮮蜂蜜( ˘ ³˘) .總括而言：餐廳環境寬敞，裝潢唔同一般韓燒店，整體感覺較高級，卡位設計坐得好舒服。餐廳自設熟成櫃，可以食到更優質肉類，仲唔使自己燒(๑˃̵ᴗ˂̵)…查看更多