sansanwong's Profile

牛牛鮮，主打潮汕牛即切即食，就係因為比佢個透明廚房吸引，朋友生日就book左一試，我地揀左B餐食潮汕牛，打咭拼盤先出場，手切牛肉有多個部位可選，吊龍用匙柄係最好食，每次叫都真係冇比雪過嘅牛你食，所以嚟到完全鮮嫩紅肉，另熟食都不錯，其他配料選擇多，蜆竟然響任食區任攞，只係嫌個沙爹同牛骨湯底，兩個主打都略為淡，如果濃些就會令到啲牛更好食，值得一讚係所有職員都很有禮貌很熱誠，希望唔係開始先係咁，值得一試，唔好等到錯過先至嚟排隊。…Read More

通常係衰先寫食評，但今次例外，陶源尖咀食🦀放題，坐底已經幾個待應招呼，又不停提我地出去攞野食，一次叫16隻🦀上得好快，4個人但都冇限一次叫幾隻，唯一係有d蟹比較細隻，平均3両以下，但都隻隻爆膏，完全冇出死蟹黑鰓蟹，呢度要讚👌，4個人每人食左10隻有多，至於其他餸鴨同鮑魚都好食，係個羹有d鹹，上年好多間都話食臭蟹，今年都諗左好耐，都揀到間正，食第一餐🦀，雖然佢貴左d, 大家記得去鄰X買買coupon就平番…Read More

到玉桃軒食晚飯，主要想食佢隻片皮鴨，以前在康怡吃了很多次，覺得好食又大碟，所以今次都揀左玉桃軒食，可惜而家片出嚟鴨肉得半隻，以前鋪滿一個圓大圓碟。成隻鴨未批曬就拿走，鴨肶不能留，加錢才可兩食。最離譜係佢話鴨套餐只加30就有多碟小菜，原來套餐係鴨388+30, 但如果只叫鴨全隻係288, 變相個小菜係130元，埋單先知佢兩張餐紙有取巧之嫌，其如小菜價錢亦很貴。以後食片皮鴨可到樓上星海食，冇咁覺比人取巧搵笨。…Read More

Bad experience! 出菜慢，人手不是不足，只是流程混亂，個個都唔知做緊乜，買麵包同餐又要分開排，收銀又唔清楚自己餐飲賣緊咩，入到去得一個字，亂！ 外賣一個茶餐要等起碼半個鐘，前面等左9個字，最後又錯單，唔知仲可以捱幾耐…Read More

新開張，去試新推廣極緻放題，D餐大拖羅，海膽，雕目魚刺身，魚子醬任食，二人四片大拖羅嚟到，有油份但得2X2cm咁大塊刀功又很薄，有點失望，再來海膽，點知又鯹又臭，食埋雕目魚刺身，薄到會吹走又冇色澤，六舊水嗰餐堅嬲左，叫經理理論，男經理十分有禮貌，肯換碟海膽，呢個貴餐最值錢嘅食物已經係咁樣，可以放棄，唯有叫返中等或以下嘅食品暖吓肚，其他食品與一般放題無異，最後唔好信啲影片全部打手，食放題都係食最平嗰餐最着數。…Read More

稻香前身，環境新還是可以，但樓面人手嚴重不足，火鍋肉類質素一般，其他火鍋選擇很少，很多食品要自己加錢，除頭盤送的龍蝦海鮮可觀之外，冇乜值得一提，這個質數可以很多選擇…Read More

叫左個花甲刀削麵湯，好有海鮮味，麵質亦非常，係好食嘅，鋪入面menu韓國字，食客有一半以上是韓國人幫襯，好有種返左韓國嘅味道。不過以為係阿豬媽親自打理，但入面全部大聲純廣東話嘅男伙記，d韓國人坐低，大大聲叫qrcode, qrcode, 韓式味道，港式管理，有d似去左澳牛，有d 扣分。…Read More

朋友生日選了一間貴價一點外觀又高檔的日式串燒店， 當日中午時間，吧檯得兩組客人，一位男經理，一位串燒師父，說明訂座坐底後，首先看似經理沒有招呼理會，一直在鋪後面沒有出來，到我們叫點餐，他的態度十分惡劣，粗聲粗聲，有時還帶點質疑我們，之後全程兩檯人自己坐自已食，沒有其他人在招呼，師父沒有任何交流，一份似港式茶餐廳感覺，以為去了佐敦港式串燒店，明明是間日式串燒，連一句日文也聽不到，沒說有日式待客之道。論食物，一般，說是有備長炭店，但不覺太有炭燒味，也沒有太特別，但是價錢是同區貴，因為朋友生日，本來有幾間選擇，最後選了這間貴一點，看過食評，可能是膳稿，怎知食不到日式感覺也沒有好好服務，雖然火起但㩒住，因為有點不好意思，總括，整過食飯過程沒有日式感覺，還得到冷招待，一定不值這個價。慎選。…Read More

食lunch食到一肚氣，小店樓面3個其實唔係唔夠人手，1點3入到，等左一陣冇人，嚟個阿姐唔識用手機，冇人識落單，落落下又話冇油渣麵，一句撻埋嚟話11點已經賣晒，我呆左，話而家先一點，係咪要嚟食早餐，好啦轉其他麵，已經用左半個鐘order, 搵個唔熟嘅阿姐用手機落單，再等半個鐘上麵，食左一著，後面有人叫油渣麵又話有，興到一個點，又貴又食得唔高興，4十幾蚊食3舊叉燒同油麵，义燒一般，鴨翅冇乜鴨肉，當時唔只係我地一檯咁燥，做唔掂唔好賣廣告，唔會再幫襯。…Read More