nnthrive's Profile

我哋叫咗京都牛鍋x壽喜燒極致盛宴 11道菜食到勁lam lam 脷Appetizer 作為喚醒味蕾，揀得好好，首先係芥末八爪魚野菜配上柚香脆豆腐，清新又有層次。而芝士炙燒和牛卷更令我哋超期待個主食，加埋精緻小食 – 香蔥他他脆筒 vs 檸檬の牛舌，簡直係食緊fine dining 感覺，尤其檸檬牛舌極厚身，食落彈牙，幾粒啱啱好～至於主打壽喜燒已經包咗三個部位： 炙燒焦糖肉眼芯牛鍋 VS A5和牛壽喜燒： 西冷/肉眼 肩胛肉 ，再配埋七品野菜盛合，有京蔥、冬菇、日式燒豆腐、蒟蒻、芝士竹輪、春菊、大白菜，索哂啲壽喜燒汁勁正。我就最最鍾意炙燒焦糖肉眼芯牛鍋: 店員超細心, 先用砂糖燒熱個鍋，再放入肉眼芯燒到焦香，外焦內嫩，七分甜； 而且肉眼芯即係成件肉眼最中間嘅位置 「大理石油花」，烹調時呢啲油花融化，滲入肉質，令塊扒得非常多汁、軟嫩，散發勁濃郁牛肉香氣，呢種油花與軟嫩瘦肉交織嘅口感實在太幸福！！！A5和牛壽喜燒： 西冷嘅油花好靚，分佈均勻，食落唔單止入口即化，仲好濃郁；肩胛肉就切成片，肉味仲濃，而且有嚼勁；蘸醬特別用咗蘭王蛋同無菌蛋，蛋香夠但唔會搶咗牛肉嘅風頭，同埋夢美人特級白米飯，蛋黃撈勻後飯粒充滿油香，勁邪惡，但忍唔住食哂，成件事好夾🍨甜品方面有柚子雪葩，​個人覺得清爽得嚟又唔膩，正好收尾～我哋另外加咗兩杯香港特色飲品「青風細雨」(有酒精版 - 獺祭) ，都好refreshing ； 成個套餐絕對值得一試，食過之後肯定會想再嚟！…Read More

唔知有冇人同我一樣勁鍾意星期六日搵間cafe，坐係一角感受和煦嘅陽光灑落嘅感覺～去完高山劇場，忽然醒起年幾前同朋友嚟過呢間小店就決定去多次 最欣賞嘅西班牙海鮮飯依然高質，用原隻蟹柳、日式珍珠米結合蕃紅花等經典香料竟然好夾，海鮮比例啱啱好，食落好香！menu 定期都會轉下，例如今次就食到日式豚肉生薑燒墨西哥夾餅，創意滿滿，估唔到可以咁食～兩個set都配咗湯／刺身沙律，再加飲品；幾鍾意西日合壁呢個概念，健康清淡，啱香港人口味點一杯sangria 風味水果茶，同偏好綠茶latte嘅朋友仔慢活一個晏晝埋單人均都係$200，性價比唔錯！PS朋友話下次再嚟都會點churros，肉桂糖粉點綴一口大小嘅churros勁香口😍…Read More

必比登小店！$1xx嘅PIZZA本身已經好抵，厚薄啱啱好， 脆得嚟唔𠝹口，食落陣陣麥香，mama mia! 有冇人明係幾難得？！ 話就話係避風塘風味，佢啲魷魚、蜆、蝦海鮮足料得嚟唔會辣到蓋過意式風味，超夾！不愧係意大利人開嘅舖，連自家製肉丸嘅蕃茄醬都風情滿滿，個肉丸仲好扎實！$268二人餐包埋高質沙律、蘑菇忌廉湯同雪糕，飽到捧住個肚出嚟，會唔會太抵食😆 呢間開咗幾年都唔少情侶朋友捧場～我明點解！食完覺得回訪率值90% …Read More

森林系風格嘅呢間餐廳綠意盎然，闊落有空間感，一入嚟已經好鍾意～同埋佢哋都幾貼心，餐牌上清楚標示咗“奶”、“蛋”、“辣”、“五辛”等，啱唔同類型嘅素食者。星期六晏晝叫超值套餐$1XX，已經包含餐湯、沙律、小食同飲品，真係超值！我試咗咖哩喇沙湯麵$138，味道濃郁，配料新鮮，喺炎熱嘅夏季食嚟特別開胃。另一個芫荽香菜蝦卷扁意粉$148，蝦卷爽口，意粉煮得剛剛好，搭配香濃嘅醬汁，令我食得津津有味。前菜㨂咗夏日必試嘅香芒沙律同凍小紅莓汁，味道清新自然，小食超推介黑松露茄子同鹽酥雞，好香口仲要似層層～ 抹茶雪糕或者芒果熱情果乳酪雪糕$38，食得出係高質自家製，作為飯後甜品仲好消暑添！整體嚟講，呢度嘅選擇多樣化，價錢合理，非常適合想食健康嘢嘅朋友！📌OVO CAFE (灣仔灣仔道1號地舖)…Read More

呢排又興返食醬油蟹，見呢間13年老字號勁多人介紹，仲要係老闆每朝6點就開始準備嘅自家醃制醬油蟹，一定要去下啦～平時食一隻都$200走唔甩，呢間90分鐘無限任食醬油蟹餐包咗無限追加超肥美醬油蟹、勁鮮甜兼有大隻蟹身嘅小花蟹湯、紫菜飯（一定要連蟹膏食，勁正！）、比想像中仲鮮味嘅辣醬蟹、脆得嚟微辣嘅泡菜餅、炒年糕（超煙韌）、炒粉絲，$4xx超抵~ 另外加錢叫咗青檸high ball，好fresh！📌醬缸韓國料理佐敦柯士甸道118號業廣商業大廈1樓PS +$30可以食埋醬油蝦 #hkfood #香港美食 #佐敦美食 #醬缸韓國料理 #醬缸 #香港韓國料理 #韓國菜…Read More

去開尖沙咀覓食嘅你一定聽過呢間嘢，超厚切招牌嘅鐵板扒餐港式風格份量多又有質素，上枱快手俐索，依家連入將軍澳都食到， 仲要平過其他分店，人均$146 （未計加一），點都要約埋fd睇下keep 唔keep 到水準‼️新店環境唔錯，啲位夠哂闊落，見都幾多一家大細嚟食！我哋兩丁友咗個⭐️招牌牛柳餐⭐️同⭐️西冷扒餐⭐️各配餐包 + 紅/白湯+嘢飲，就係懷舊扒房路線^ ^ 個人覺得鍾意牛味嘅Fd子話唔可以錯過牛柳，呢個部位係牛隻嘅腰脊內側，最少郁動，所以肉質極出名嫩，幾乎冇筋，加上油脂含量極低，口感精瘦，風味清淡肉感滿滿，5成熟配經典黑椒汁一流；邪惡啲仲有油花分佈均勻嘅西冷扒，仲大過我塊面，7成熟火候啱啱好，肉質實在又有咬口，都係有黑椒/蒜蓉汁揀，朋友㨂咗蒜蓉汁，點埋生蒜，超惹味呀PS 呢間晚市7點前仲有88折優惠(以離座時間計算) ；凍飲竟然唔加錢，推介凍朱同 加$18轉金牛 （即係芒果雪糕加忌廉）， 經過不妨支持下 👋📌金鳳大餐廳 將軍澳寶琳新都城中心三期地下G19-20號舖…Read More

通常啲咁有特色嘅cafe會選址元屯天，但呢間就係旺角鬧市😝 小清新嘅佈置，勁多cute cute面包同特色咖啡，大部份都係$28-$32左右，算平，貼心嘅店員仲問我哋洗唔洗整熱啲包，態度抵讚！揀咗清新綠色系嘅斑蘭波波日式面包、開心果貝果，煙煙韌韌嘅口感（下次想食超得意嘅菠蘿包 ） ；芒果楊枝甘露大福爆多忌廉，仲有芒果粒粒，香蕉朱古力蛋糕將典型嘅banofee變得更有層次焙茶latte 同 cappuccino 唔錯，最啱鍾意嚟 chill一chill📌+bread @plus_bread (油麻地B2出口步行一分鐘） 油麻地窩打老道3B號地舖#香港美食地圖 #油麻地美食 #cafehoppinghongkong…Read More

？$200有找的邊爐放題，去邊搵呀？召集大胃王，地表最強放題回本攻略來啦！最近真係好掛住開冷氣打邊爐，點知搵到呢間筍嘢，立即同大食朋友去試一試！而家竟然可以$200有找任飲任食的邊爐，真係唔捽捽眼都唔信！選擇多到你眼花撩亂，淨係湯底已經有19款（可以㨂烤魚/雞煲/正常湯底）！所有平時打邊爐會食到的嘢都有，手切肥牛同醃雞件都幾滑，特別是牛板腱，食落軟腍又夠牛味。重點係，海鮮同肉類都擺曬出嚟任你拎！虎蝦大隻，重點係新鮮爽口，竟然仲有蠔！除咗成櫃非酒精飲品，連5款啤酒都可以隨意飲，自家製竹蔗茅根馬蹄水正呀，飯後仲有生果，真係太有誠意了！食到飽到心口，呢個性價比真係太滿足，肯定會因為個價錢再嚟！#食在荃灣 #放題 #邊爐 #任食#yahoofoodhk #foodshare #topcitybitehk #hongkongfood #香港美食地圖 #hkfoodblog#hongkongblogger #香港美食日記 #香港美食推介 #hkfoodguide #hkfoodlover #foodiehk #picofday #nomnom…Read More

見最近重回話題熱榜都覺得係時候食多次果然係連續3年米芝蓮必比登餐廳 再去都仲有驚喜泰北咖哩金麵 高質❗️惹味之選金麵一半炸過，一半係原麵，兩種口感，撈埋BB辣秘製咖喱汁食，椰汁清香同香茅味消油膩感，勁掛汁，雞扒燒得嫩滑，有炭火香泰式炭火鹽燒魚 *lemongrass, pandan and lime leaf, chilli dips 勁好味！生菜包肉食得多，生菜包幼粉絲再加魚肉點酸辣汁第一次？粗海鹽裹魚身（本身塞滿香茅）去烤 fresh ! 芒果糯米飯🥭芒果+糯米飯+椰汁+脆米經典組合 將芒果捲成玫瑰造型，吸睛,😍醉貓河🥳*餸就嚟多過啲河粉 辣得惹味—豬肉碎、粟米仔、洋蔥、蘿蔔、菜、河粉勁滑薑汁菠蘿沙冰 vs 泰式奶茶 勁啱夏天 正👍🏽泰式炭火鹽燒魚 *lemongrass, pandan and lime leaf, chilli dips 勁好味！生菜包肉食得多，生菜包幼粉絲再加魚肉點酸辣汁第一次？粗海鹽裹魚身（本身塞滿香茅）去烤 fresh ! 芒果糯米飯🥭芒果+糯米飯+椰汁+脆米經典組合 將芒果捲成玫瑰造型，吸睛,😍醉貓河🥳*餸就嚟多過啲河粉 辣得惹味—豬肉碎、粟米仔、洋蔥、蘿蔔、菜、河粉勁滑薑汁菠蘿沙冰 vs 泰式奶茶 勁啱夏天 正👍🏽…Read More

深水埗同長沙灣地鐵站中間其實幾多平靚正食肆 呢間開咗無幾耐見幾多人食 好彩閒日爆哂場都食到 冷氣又夠涼 正呀🥢🥢🥢3個人叫咗1個主菜 2個炒粉麵 飽到癲🥢🥢🥢今晚嘅主角係黃咖喱炒軟殼蟹 大大隻軟殼蟹炒到入晒味，黃咖喱加洋蔥同蛋炒，再用蒜蓉包索哂啲汁，正!泰式蟹肉炒飯上枱時香氣四溢，飯仲有焦香，落青檸汁好清新；至於蝦仁炒金邊粉同樣份量人，蝦仁料好足兼彈牙，酸酸甜甜好開胃，金邊粉條條分明花生碎香口芒果糯米飯暖暖地上枱，鋪滿椰汁嘅糯米飯口感唔錯，半隻手掌大嘅芒果，椰汁香唔會太甜，幾清新！📌美味的泰國菜 Aim Aroi Thai Foods長沙灣元州街162號地舖港鐵長沙灣站 A2 出口, 步行約5分鐘==============================Follow @nnthrive #筷筷和你搵好西=============================#食在長沙灣 #長沙灣美食 #泰國菜 #窮系女子 #poorj#yahoofoodhk #foodshare #topcitybitehk #hongkongfood #香港美食地圖 #hkfoodblog#hongkongblogger #香港美食日記 #香港美食推介 #hkfoodguide #hkfoodlover #foodiehk #picofday #nomnom…Read More

同學生時代比, 出嚟做嘢之後大時大節的確多咗同另一半食好少少~ 今次不得不讚下BF, 搵到間睇得又食得嘅西餐廳🦞 龍蝦二人餐原價確係唔平 $1288 ⭐成餐有6道菜咁多, 食完表示值得! \ 龍蝦配法式牛油包 /滿滿龍蝦肉搭配簡單酥脆法包，沙律突出龍蝦嘅鮮同，相當適合作為前菜\ 龍蝦沙律 /原隻龍蝦配以沙律菜、無花果、青提、橙、蕃茄仔、青瓜等，加上乾冰效果份外清新 \法式龍蝦湯/ 濃郁! 啖啖龍蝦肉，好暖胃\經典意式龍蝦燴飯/CLS 呢個波士頓龍蝦蟹膏滿滿；原隻開邊龍蝦夠彈牙，加埋蕃茄意式燴飯酸酸甜甜，無得輸\ 炭燒安格斯牛肉眼 / 牛肉紋理唔錯，食得出係靚肉! 識牛脂肥美味濃，黑椒炸蒜蓉香濃令牛肉食落惹味；蕃茄、烤薯都燒得幾香口\ 每日驚喜甜品 *包埋免費畫碟/煙花效果本身已經滿分，畫碟勁靚! 佢知我鍾意畫雪同企鵝，特登事先同餐廳講定，好感動( 不過問返侍應, 原來唔一定有畫碟，但會有裝飾打卡)講返個甜品 – 有成4款咁多! Tiramisu , 心太軟勁正 (You know 香港啲男仔對甜品最高讚賞就係”唔甜”) 朱古力勁濃, 堅流心!!! 我就最鍾意香橙焦糖燉蛋同雲呢拿雪糕二重奏, 難得一次，係值得架! 除咗生日優惠，點飲品、酒精類都可以用埋買一送一優惠PS 記得OpenRice 訂座 *主菜餐牌用正價計係有88折 (不過套餐、海膽多士、生蠔、黑松露黃油雞、斧頭扒同支裝紅白酒就無啦)#食在尖沙咀 #labeat#yahoofoodhk #foodshare #topcitybitehk #hongkongfood #香港美食地圖 #hkfoodblog#hongkongblogger #香港美食日記 #香港美食推介 #hkfoodguide #hkfoodlover #foodiehk #picofday #nomnom…Read More

>>>環境/氣氛/質素都唔錯 長期做優惠<<<TST行完街唔知食咩好通常都揀呢間，小食正價都只係$68-$88呢個範圍；意粉都係$168左右今次叫咗⭐️ 小食：烤西蘭花苗配烏魚子碎 ⭐️主菜：燴蕃茄牛面肉意大利麵 、燒帶骨豬扒配香茅芥末籽忌廉汁 — 最鍾意意粉夠濃郁，牛肉嫩滑得嚟仲有蕃茄香；帶骨豬扒火候啱啱好，個汁順滑又夾🏷️想再有優惠啲就經 OpenRice 訂枱啦\ \ \ \ \ \ 📍The Grill Room （尖沙咀） / / / / / ==============================…Read More

平時已經好鍾意食泰式 今次搵到間有泰式邊爐嘅 仲要係愉景新城 啱哂行完街去醫肚 可自選2種：我哋叫咗泰式椰汁雞湯vs 泰式清湯～尤其鍾意用雞件、香茅、蕃茄等熬製雞湯，越煲越香甜；呢個價錢已經包咗7種肉任食：羊肉片、酒釀雞件、牛胸爽、卡樂beef、牛板腱、M7牛胸腹、豚肉片等，整體可以，咁最重牛味一定係牛板腱同M7和牛～重點係自己可以點埋泰式小食，例如豬頸肉、惹味派嘅沙爹串燒— 雞牛豬、豬手咁；鍾意烚下烚下嘅朋友話，估唔到佢有25種火鍋配菜咁多，除咗平時啲蔬菜、丸等，仲有蝦滑、墨魚滑（頗彈牙）、白菜餃～ 🏷️$278雞煲加牛板腱火鍋放題餐 120 mins PS 收碟都算快，兩個人坐四人位都無問題，掂呀！📌泰·初夏荃灣青山公路 - 荃灣段398號愉景新城2樓2030號舖…Read More

⭐️ ‼️回訪率90%‼️食拉麵梗係最着重湯底，呢間嘅湯底熬咗12小時，濃郁但唔膩，堅好味，食完仲唔會口乾！賣點之一係唔用急凍肉，所以食落去感覺好新鮮。加$38嘅超值套餐包小食同飲品，性價比唔錯⭐️🥢金龍濃湯海老拉麵 $128 vs 鹽味清湯蛤蠣拉麵$118不愧為招牌之一，基本食材（豚肉、筍、拉麵等）就一樣，靠個湯同主配料一爭高下 —— 剝好哂殻嘅紅蝦鮮甜彈牙，個湯底色香味俱全，拉麵麵條吸飽湯汁；但我自己就更鍾蛤蠣，湯底再清啲，蛤蠣一啲沙都無，肉質新鮮～🥢仲有小食味道都幾正：鮮蟹肉忌廉薯餅 vs自家製魷魚豚肉餃子，真蟹肉釀製兼即炸，外層香脆而內餡軟滑；加添咗魷魚粒嘅餃子食落口感更豐富。飲品方面，富士柚子汽水同靜岡綠茶可樂都幾特別，值得一試！BTW 原來夠$78就可以儲一個印花，4個就送小食；仲有石亭同沃川兩間尖沙咀居酒屋的新分店（歷史26年同23年 , 都係同一個老闆）📌味吉長龍 (尖沙咀)尖沙咀漆咸道南17-19號帝后廣場地下7-8號舖…Read More

******************************跑馬地街角一隅，轉角總會遇上驚喜～今次同朋友去呢間小cafe 唔止vibes夠chill，啲嘢食幾高質，仲好歡迎狗狗，又幾有人情味，兩丁友咁就係雨天hea咗大半日啦～******************************Gnocchi with basil pesto 嗰啲gnocchi 微微煎過，再佐以茄乾同青醬，食落超香～Rosetta with smoked salmon都唔錯，烤製嘅zucchini 添咗幾分清新～ 飲返杯Espresso tonic 同 Iced classic chocolate，望住窗外嘅雨景，份外寫意～*weekend 無set menu，不過意粉/toast都係$88-$108左右，唔算貴…Read More