2個大食人仕，最好就係食放題！大埔區依家多咗好多放題選擇，但漁屋就係我哋兩個嘅最愛選擇！因為真係唔會漏單，食物有質素保證！食放題嘅第一件事，一定要叫刺身！大大盤上台，份量好多，而且好新鮮！除咗三文魚、北寄貝，估唔到連貴價貨嘅帶子同赤貝都有！我哋至鍾意就係蝦，成隻手掌咁長，仲好彈牙！正呀！Encore壽司之餘，都試吓個天婦羅，唔會太油膩，首推夠鮮甜嘅南瓜天婦羅！串燒選擇好多，最鍾意雞軟骨，每粒都漲卜卜同脆卜卜！仲有鯖魚味道好入味，唔錯架！壽司類推介芝士蝦，好好味呀！臨完場，一定要食埋酸酸甜甜燒菠蘿！作為飯後嘅消化小食確實唔錯！最後，當然要留肚食甜品啦！選擇超多架！…Read More
