yunshuntsz's Profile

呢間嘢喺CWB禮頓道嗰邊，細細間。同老公想食打邊爐，但係又唔想去到放題嗰啲咁大陣仗🤣呢間少少地，我覺得冇咁有罪惡感！然後我地發現，即使細細間，啲牛嘅質素都好好。佢哋係專食北海道十勝產和牛。我地嗌左A4同A5，前者肉味較濃，後者雪花較多，做到入口即溶感覺。兩個人去食，兩款牛撈亂食，會冇咁滯🤣然後佢除咗有壽喜燒之外，仲有海膽湯底同埋蠔湯底。價錢其實算抵，如果喺日本食應該唔止呢個價。最令我surprise 嘅係我真係撈到好多粒海膽🤣果然係真材實料！仲要所有食物淥完之後都變咗橙色。加湯，唔係就加水，佢有特別嘅昆布高湯。我同老公好努力咁想起唔加湯嘅時間食晒d野🤣因為個海膽湯底真係好濃，好正😋😋😋蠔湯底都非常濃蠔味，仲包咗一隻蠔喺入邊添！成個套餐會有飯或者烏冬，仲有蔬菜拼盤，最美原來仲有甜品添！我哋兩個人都嗌咗190G的肉，係飽同埋夠食㗎！嘻嘻，社交平台打卡仲送嘢飲添🤣🤣🤣2人埋單六百幾蚊，有和牛食，仲有海膽湯底，抵啦🤣…Read More

體育園其實都幾多餐廳選擇，呢間我覺得唔錯，佢隔籬就可以睇到運動場。西餐又幾好食，價錢唔算貴。而且服務唔錯。燒帶子忌廉手工闊麵 $168帶子同海膽係我不能抗拒嘅食物🤣兩樣都加埋，點可以唔嗌？帶子燒得勁鮮甜，啱啱熟，不會過老。海膽忌廉汁都係甜，掛汁啱啱好。仲有手工意粉添！成件事有surprise到我！Burger & Lobster 🍔🦞 $228個Lobster勁大條肉扯出嚟，點一點佢啲秘製檸檬唔知乜嘢醬🤣(勁夾)，然後一野放晒落個口度！OMG soooo satisfied😋Burger好食，個牛好夠味，個包超鬆軟！Four square pizza-premium beef rib $145我是Pizza怪，食親西餐都要嗌Pizza🤣呢個Pizza超足料，當前邊已經有海膽忌廉意粉，同埋burger嘅時候，呢個Pizza真係搞不掂🤣啲肉勁厚😍Mint Chocolate milkshake $62仲要唔小心嗌咗杯薄荷朱古力milk shake🤣好正，好fresh，好大杯，但又好飽🤣最後要打包個pizza回家🤣食完會Encore，質素高，環境舒服，價錢可接受！…Read More

生日同老公棄子去慶祝下😎揀左上環呢間餐廳March Menu 8 Course $880/person 由Moscato開始呢個生日Dinner❤️Caviar Box with Red Prawn🦐成盒配上貝殼匙羹，儀式感強烈，紅蝦新鮮，同魚子醬好夾，成晚最欣賞之一的菜式❤️海鮮清湯發覺呢間餐廳係有少少中西cushion，通常fine dining都會襯西湯為主，但佢選擇用有小小中式煮法去烹調。湯底飲得出嘅新鮮。北海道帶子配香檳汁帶子煎得啱啱好，肉質鮮嫩，又係用料新鮮，最差嘅係…得一粒，意猶未盡🤣法國蝸牛一口多士自己本身都幾鍾意食法國蝸牛，但係就咁配多次都係未試過，又幾夾鮑魚七星米Risotto平時Risotto係會用意大利米，偏硬身，我個人真係麻麻地。不過Waiter話呢度特登用日本嘅七星米，口感較腍身。鮑魚厚身，入味，好滿足嘅享受😋30Days Prime Sirloin我！好喜歡😍好好食！30天熟成上等西冷牛排，係將牛肉放於特定環境下存放30天，可有效提高其嫩度並讓風味更加濃郁。食落肉質細嫩、味道醇厚！要試！三文魚辣汁忌廉意粉正常發揮，係咪最後驚你食唔飽？所以再俾多少少澱粉質你🤣所以大家可以放心，fine dinning唔會唔飽，係驚你太飽😌…Read More

呢間bar，係一間被人遺忘了的心機bar👍🏻呢個地段，好容易比人忽略，但係去過之後，想同大家講，與其突登去中環COA排隊，不如試試呢間。環境靚，bar tender 好願意同你分享每一杯cocktails 背後嘅故事、做法、點樣飲。真係令我認識多左好多關於cocktails 嘅知識，真心有令我對cocktails改觀！Fire & Harmony「每一個動作、配搭都係對杯cocktail有用，我地先會做。我地唔想為左gimmick 、打卡，就是但加啲元素落去，但係又對杯野飲無加分」Smoke & chilli infused tequila, 再加入lime juice，杯邊有cinnamons powder。辣、但又有酸同甜做中和，加入smoky效果，不只是為打卡，而係smoky味道能夠進入飲品，飲第一口時，香、味俱全。第一口都幾辣，但之後又出奇地易入口，特別、好飲👍🏻推Warmth & Whispers 用Bacon油洗whisky ，使其吸收風味的同時，也讓口感順左，少左酒精味。基酒，處理咗「那」喉，烈酒嘅感覺。非常適合無飲開酒嘅人Port wine甜，多用嚟整甜品，但用左Black berry的酸，中和左，Bacon 咸用來吊味。個人感受：有心機嘅cocktail調配，不要gimmick但只希望將最好的給客人。亦飲(睇)得出基酒係高質、冰係靚冰。但佢只係賣緊$100/glass，如果同一杯酒係LKF賣，應該至少$150，高推 👍🏻…Read More

黃竹坑新商場southside地下一間好綠的餐廳，睇佢門口就知佢賣新鮮同埋啲牛都係no hormones，見到呢啲賣點已經想食啦！N+Classic Original Combo Set $108咬落去嘅lettuce, tomatoes, pickles完全feel到佢嘅新鮮！係出面餐廳食，唔會比到你嘅野，我都幾surprise!個包軟熟，舊牛油脂剛好，有牛味。爆脆爆脆雞煲 $108真爆脆，舊雞juicy，炸到勁脆，一咬落去有聲㗎！配埋佢啲自家sauce，整體好夾👍🏻N+ Burger貫徹「Farm to Burger」的品牌理念，是全港第一家真正擁有自家牧場的漢堡店，由澳洲Hunter beef 的5個自家牧場直送Premium Angus頂級安格斯牛🐂，製成100%全天然HGP free無添加荷爾蒙頂級安格斯牛肉及牛腩肉酸種漢堡🍔，肉質柔嫩多汁，油脂分佈平均。另外，大廚嚴選的新鮮食材每日備製🍅🥬，酸種漢堡口感軟綿而有質感，是天然酵母經過漫長發酵過程而成，相對其他漢堡包店的漢堡更為健康😍。N+ Burger的所有醬汁均是自家製作，當中N+ Classics的原味醬汁是由自家和牛牛骨熬製🐂，充分帶出牛肉鮮味…Read More

成間黄黚黚嘅Pizza店，行過好難見佢唔到😂裝修好有特色，價錢抵食，睇佢IG見到可以跨區外賣，本身已經bookmark左，不過竟然經過，就不如堂食啦！羅馬辣味煙肉 12‘’ $138廚房成個師傅喺度手拉pizza，pizza屬於薄餅底，想食少肉嘅，呢個係唔錯嘅選擇。如果係食肉獸，應該要嗌招牌Mama mia! 不過見到枱枱都嗌夏威夷pizza，唔知係咪好好味呢？😋余均益雞翼 $58辣醬惹味，order左5隻，2個人食剛剛好水牛芝士條 跟2人set嗌 3條又係剛剛好，配左他他醬👍🏻仲order多咗個自家製牛肉丸，配肉醬👍🏻其實好想試佢啲Homemade Donut🍩 有凍檸茶吉士，點知sold out🥲唯有下次試啦！有1人set$58，又有2人set$188，其實價錢真係幾化算🤣…Read More

1920年大和堂蔘茸藥行，捱過日本侵華時代，見證住九七回歸，至2017年正式結業。2018年舊鋪活化，百子櫃、鐵閘、長木椅、金漆牌匾仍然保留。先唔評論食物同咖啡，只係以上歷史同事物已經足夠我去一探究竟👍🏻平日下午去已經人山人海，根本坐無虛席，一路食一路都有人入嚟。如果要評論埋食物同咖啡，令我更加欣賞👍🏻座位數量適中，坐得舒服，唔狹窄。好欣賞佢將以前牌匾仍然保留之餘，仲加入咗啲新嘅元素，兩者毫無違和感。Barista位置後面成大個百子櫃，將作狀嘅手沖咖啡推到極致🤣(真心好少寫食評係寫到呢度都仲講緊環境以非食物🤣)本人係手沖咖啡愛好者，與專業一詞毫無關係，但仍然好喜歡同Barista吹水學野。$80/Hand drip，(唔好意思忘記咗邊隻豆)飲到有層次，flavour of almond and plum！很可以！店員仲介紹埋另外兩款豆俾我，諗住下次再番去encore㗎啦❤️傳統英式早餐 $108好食就係天經地義🤣如果All day都唔好食，呢間cafe…都可以保留嘅，因為coffee好飲🤣大和堂聯乘李輝記漢堡包 $168反而想讚嘅係呢個漢堡包，李輝記係九龍城好出名賣凍肉嘅舖頭，每逢過時過節打邊爐就會排長龍🤣喂估唔到平時打邊爐嘅牛肉整成嘅漢堡包，係咁好食😋同埋上面塊煎蛋，個蛋黃流心到好似假咁，靚到一個極點。大和堂曲奇 $48/塊係唔平㗎啦，但係佢竟然有嘉應子味道嘅曲奇，喜歡試新嘢但又怕伏嘅我，只係嗌左朱古力曲奇🤣正常發揮嘅好食。唔知醜嘅我問店員R左半塊嘉應子曲奇試🤣(其實仲想試臘腸雪糕Pancake and 鴨肝菠蘿油，呢啲新奇野🤣無奈胃太細，都係留返下次先）味道偏甜，唔伏嘅，但未必係我口味。下次想試埋ginger and nuts 🍪 好少真係打咁大篇嘢，但係呢間Cafe係值得，的確會再encore👍🏻推介大家試試佢❤️…Read More

想夜晚飲吓酒，食吓飯，又唔想出中環咁遠，絕對建議嚟呢間啟德Airside 6樓平台嘅墨西哥餐廳！可以坐Outdoor，勁好chill😎D staff都好nice好好傾，suggest嗌佢哋嘅signature cocktail 🍸 加Mexican nachos😋咁就一個晚上！Chief selection-羊架 $328冇諗過三百幾蚊一份羊架，可以有成四大嚿！2個人食剛剛好，而且唔係Hea嘅煮法，用咗麵包糠嘅方法嚟煎，肉質嫩滑，唔會太生！Starter- 墨西哥玉米餅 $145揀咗蝦，好 好 食 😋老公讚不絕口，芝士冇同你慳😂調味都非常正宗！其實本身好鍾意食墨西哥菜，每次去親都一定會點nachos/taco呢啲菜式，今次就試下quesadilla，果然冇失望！下次會試埋其他😋Dessert- Chocolate brownie $6868蚊1個甜品唔係唔嗌呀嘛？4大舊brownies+1球ice cream會唔會抵咗少少？😍Waitress有個小心機要讚下，話說我講緊電話，見到佢哋係咁望住我，到我收線，佢哋就上甜品。拿，唔知係未真係咁considerable唔想disturb我呢？😝Chocolate milkshake $75Bellvista signature cocktail $88睇住bartender表演，成件事好正😍值得每人order一杯坐一個晚上談個心❤️…Read More

呢間餐廳已經食咗第三次，OpenRice 有折，去到現場dinner set都有六折，嘢食好食，staff超級friendly，特別係對BB！絕對Baby Friendly restaurant!!!!意式辣肉腸薄餅 $158Pizza不得了，上次第一次嚟食係晚飯，pizza新鮮出爐超好食。有次lunch set泥食，可能比較多人，爭少少。但係今次又係晚飯食，水準keep到，同老公太肚餓，9秒9隊左成個pizza🤣餅底軟硬適中，芝士份量同辣肉腸好夾👍🏻真心係must order item!脆皮乳豬配黃薑蕃茄飯 $318最鍾意出街叫啲屋企整唔到嘅餸菜，脆皮乳豬係其中一樣！一嚟到熱辣辣，切開脆卜卜仲出緊煙，食落嫩口，肥膏同豬肉比例剛剛好，唔會太油膩。配埋黃薑飯，係幾襯！羊羊都食到舔舔脷🤣(重點唔係太鹹，所以都放心俾BB食🤣)最值得一讚就係啲staff真係好鍾意BB🤣成餐飯係咁撩我個仔玩，令到bb好開心！我地又食得好開心，因為有陪玩專員🤣絕對會encore再encore❤️👍🏻…Read More

善慶街嗰邊多小店同酒吧，餐廳質素往往都唔差，今次同老公試吓呢間法國菜。整體嚟講，係一間好有心機嘅fusion菜餐廳，將法國特色同華人食材、煮法mix and match！亦睇得出廚師落過下苦功去design Menu，欣賞！Dinner time set for 2 $998Included 2 starters, 2main courses,1 dessert.❤️Toro小金杯中拖羅加青提子，酸酸甜甜帶出鮮味，中間撈咗啲鰹魚芥辣啫喱，好特別嘅配襯，食得出有心機嘅菜式design!❤️Red Prawn Tartare個人好鍾意呢個，泡芙上到嚟熱辣辣，裏面有鹹蛋黃醬，面頭係紅蝦加粒粒guava，仲有啲魚子嘅鹹味點綴。❤️牛仔面頰肉配燒鵝油千層薯牛仔面頰肉超淋，入味！個底仲有啲豌豆同埋酸紫椰菜醬，酸酸甜甜，好襯牛肉。仲有啲魚腥草襯千層薯，調味剛剛好，唔會搶主菜。❤️八寶釀乳鴿出面好少可以食到呢道菜，心機嘢！乳鴿裏面釀入本地特色材料，鮑魚、瑤柱、羊肚菌、金華火腿、滷水鵝肝等等。仲有啲mulberry sauce喺底，中和乳鴿嘅油膩。所有嘢加埋，係食物嘅享受👍🏻❤️桂花菊花雪糕我估係自家製嘅桂花菊花雪糕，加埋啤梨jelly，啫喱清甜，雪糕甜，兩樣加埋剛剛好👍🏻Good ending!呢間餐廳絕對可以encore，仲好適合食完晚飯過隔離飲酒添！❤️…Read More

呢間餐廳之前好出名外賣壽司，點知發覺佢連外賣火鍋都做埋🤣價錢公道，所以試吓佢！$428 2個人，又唔使落街買餸，好方便！選咗蝦湯底，湯底勁濃郁，濃郁到我嗰晚瞓唔着覺🤣好明顯嘅真材實料！牛肉高質素，有足夠油脂分布，但又唔係得個肥字，食落仲有牛味！本身驚牛嘅份量比較少，所以仲自己加底，但係最後發現份量真係足夠！大贊墨魚滑同埋蝦仁滑，煮完後超彈牙，感覺到材料好新鮮，可能因為本身做開刺身？🤣再讚埋有誠意嘅丸類，竟然係芝士獅子狗😍炸魚皮唔錯，響鈴可能焗耐咗爭少少蔬菜拼盤份量足夠，配搭都唔錯👍🏻其實本人覺得外賣邊爐，最重要都係外賣佢個湯底，然後自己再加料同屋企人一齊share。呢間嘢完美做到我嘅諗法，而且食材方面都係比想像中出色！…Read More

呢間餐廳嚟食過兩次，第一次係同老公慶祝Anniversary嚟食晚飯，第一次嚟已經好鍾意，因為佢環境好正，好有中東特色，嘢食都好味👍🏻今次食Lunch再encore! $268/per person, kind of Semi-buffet, 餐湯、前菜、鷹嘴豆泥、小食、甜品、生果，呢啲全部出邊自己攞。套餐包蛋奄列，炒得好滑，唔錯！另外仲可以加錢叫main。溫馨小提示，烤肉拼盤喺呢度嘅必試，但係份量超大，預咗要打包🤣因為上次晚飯食咗，所以今次淨係加咗個羊肉串及雞肉串！估唔到雞肉好食過羊肉，肉質滑嫩，唔鞋口，少有！嗌咗兩份嘢飲，益力多lemonade，味道特別，同平時飲溝咗益力多嘅Mocktail有啲唔同，可以一試Peppermint tea，見到無咖啡因所以嗌，唔係我style，但好喜歡佢個壺同埋杯☺️埋單人均~$500如果想經濟實惠啲，可以嗌少個飲品，但係值得嚟朝聖👍🏻…Read More

餐廳細細間，喺正Mikiki對面，好容易被人忽略。見到裝修唔錯，所以入左去食。第一道菜放入口，我已經話：呢間要encore!6-Courses Menu🥩1️⃣柚子焗生蠔柚子同生蠔好似唔係Friend，點知一放入口，震驚到我，好夾好好食！2️⃣Parma Ham配哈密瓜3️⃣南瓜忌廉湯4️⃣香煎大蝦蕃茄莎莎大蝦好鮮味，煎得好好，第一啖唔好點醬，要試真實嘅味道！之後蕃茄莎莎嘅酸完美映襯左隻蝦👍🏻5️⃣香煎牛柳配黑松露汁牛柳肉質好好，切落去有彈性，剛剛好7成熟，火候控制得好好，極重炭燒味。松露汁超濃，配牛好食。配菜焗薯食到用料好，係甜㗎！仲有羽衣甘藍舖底👍🏻高度欣賞！6️⃣法色焦糖燉蛋甜品畫上完美句號👍🏻埋單$810/2個人呢個價錢，呢個水準，超值！真心高推俾大家❤️星期六日同平日都有相同嘅Lunch set and dinner set，價錢很合理👍🏻…Read More

3點入座，食下午茶🫖價錢以下午茶泥講，適中，平均$120一位，菜式都係以澱粉質為主，例如喺金邊粉，菠蘿炒飯，意粉等。但有得加$28或者$38有小食，小食有串燒，生蝦，芒果糯米飯，紙米卷等，款式都幾多！仲可以加錢飲泰式特色飲品！今日同朋友泥食下午茶，貪佢有個落地大玻璃，可以安安靜靜同朋友傾偈，睇日落。唔想食咁多澱粉質，所以嗌左一個餐，但加左3個小食😂主菜意粉偏creamy，二人share剛剛好，女士們一人份量可能會有啲滯。生菜包有芫荽，啱晒芫荽愛好者，味道非常濃烈👍🏻煎蝦餅厚身，炒通菜味道濃，夠辣！提一提大家泰式咖啡本身係甜嘅，所以如果想飲無糖咖啡嘅朋友要記得同佢講走甜☺️…Read More

呢間餐廳嘅裝修好獨特，成日聽好多人講，所以自己想食好耐，但係又聽講晚巿排晒隊。今日就同朋友嚟食一個late lunch🤣(提提大家2:30截單，唔好太late🤣)招牌炒章魚 $146章魚好嫩口，一啲都唔韌，滑脫脫😍果然係招牌菜，送飯一流，所以都忍唔住嗌咗個飯波波！一雞兩味 $228食韓國嘢梗係要食炸雞，嗌咗兩個口味，原味同埋甜辣！雞肉滑嫩，唔會過老，有韓國餐廳炸雞嘅水準，值得一試！ 最緊要配埋白蘿蔔一齊送😍拳頭飯 $68冇理由淨食餸，冇飯落肚。嗌多咗個拳頭飯，可以配辣炒章魚一齊食😍Perfect match無得輸😋環境超級有氣氛，勁啱夜晚同朋友嚟一路飲酒一路食炸雞！果然排隊係有原因🤣會再帶朋友嚟encore👍🏻…Read More