oldtse's Profile

中午路過，見有位就入座叫咗梅菜蒸鯇魚。菜單話需時20分鐘去蒸，叫完唔夠兩分鐘就上，一咬上口知中伏。梅到應該改菜名叫梅咗嘅鯇魚，本來想投訴，但就算佢肯換，我都無勇氣再食，自細聽太多廚房師傅發脾氣的作為。留言在此想提醒老闆注意食物質素，若我的遭遇只係偶有失手，希望廚房的表現能穩定點，今天你們令一個新客失望了。…Read More

係博文街，唔係埃華街。我以後都會記得小林札幌嘅地址，因為我嘅味蕾滿載了錯誤的記憶。話說聽聞大角咀有間叫札幌嘅拉面好食，咁我行開大角咀，去到埃華街，見肚仔餓，咪搵食囉。抬頭一見札幌二字，就入咗去。結果，叫咗碗䓤拉面，但實際上就食咗碗本土拉面，典型港式叉燒拉面，拉面面底似超市即食拉面，湯底又淡，居然夠膽係牆身寫上如果怕濃要講定要淡，也許我的味蕾壞掉了，我點都食唔出有咩咁濃。好啦，叫咗杯凍啡，又係淡得過份，似水非啡，似係一杯凍冰水唔小跌咗少少咖啡粉落去。平心而論，呢個拉面餐係可以食的，但係唔好掛羊頭賣狗肉，唔好改個日本名，叫番本土啲，叫札記拉面就啱晒河車，收番本土拉面價就啱啲。p.s.我本來諗係番埃華街個間落呢個食評，但居然搵唔到，唯有係度落。大家要認清兩間嘅分別。…Read More