chloechen715's Profile

星期日4點半到都要等3張枱，位置唔多，不過可能因為上菜比較快，所以都唔需要話等好耐，不過記得人齊先入座。當日Nacho冇晒，唔知係咪因為咁樣，所以漢堡包同三文治係跟薯條1. 真煙肉烤芝士三文治配薯條🧀一嚟到就聞到上面嘅芝士碎勁香，入面啲芝士係會拉絲，🥓煙肉係有厚度，唔係薄薄一片嗰啲cheap cheap 煙肉🥪麵包都好食，甜甜地，不過我估係有用油去烘個包再加埋入面嘅煙肉就好似油左少少🍟薯條係幼身嗰一種，炸得啱啱好，調味都好夠，有落黑椒同埋有鹽2. 和牛芝士太陽蛋漢堡包配薯條👍🏻🍔漢堡包係甜甜地嗰種個牛肉好食，再配埋未熟嘅蛋黃，成個配搭好正，覺得係所有嘢入面最好食嘅3. Signature pancake burger🥞美式style pancake有配 maple syrup 同埋鹹嘅煙肉個名係漢堡包，其實佢中間係夾住左兩隻蛋同埋一個大啡菇仲有大量煙肉雞蛋同煙肉都係咁上下味道，不過夾下面嗰層果一隻雞蛋個黃就熟咗個大啡菇都好唔錯，幾香，都唔會話好濕個pancake就咁食就冇乜特別，而且切多幾下就好容易碎咗咁款，都係配埋啲餸咁樣食再揀多次，可能會食多個漢堡包好過4. Caramel peanut butter real bacon milkshake 🥤個質地比較杰身用，飲管有啲難飲，味道都係甜同煙肉都幾鹹，煙肉就係薄同埋比較乾嘅煙肉，咬口多啲，個人就冇乜興趣5. Lemonade soda 👍🏻除咗啲梳打水玻璃樽幾特別之外，隻杯又有檸檬同埋香草，打卡都幾唔錯，最重要係主食都比較油膩同埋重口味，所以如果配返呢個清新嘅Soda會比較適合。Overall都好食，值得encore …Read More

呢次係我第二次飲，encore得緊係唔錯奇亞籽火龍果 $33好足料，除咗見到成層奇亞籽之外，仲食到好多火龍果果肉。火龍果食落唔係好淋，亦都唔係切到好細，切成正方體，幾有口感。不過，感覺未係好熟，咬咬下有啲啲酸，嗰少少酸完全係可以接受，配合返幾香少甜嘅四季茶就中和得幾好。飲落個層次係火龍果嘅甜，之後少少酸，之後就飲到好香茶味。幾唔錯…Read More

芒果芝士奶蓋同想像唔一樣，開頭以為下面會係芒果汁，上面有芝士奶蓋。成杯野嘅構成係奶多過芒果。其實感覺唔到芝士奶蓋嗰種鹹味。至於芒果，佢下面係有少少汁，而隻汁食落其實有啲似以前金拱門出嘅芒果雪糕，上面嘅芒果汁。而入面係有果粒，係粒粒分明，唔太似新鮮果肉。不過係幾好飲，夠解渴。…Read More

食咗四個餸覺得呢間野正正常常，都係街坊野，咁啱喺附近想食麵都可以一試四餸車仔麵都算足料肥牛——算係厚嗰啲，都肥豬紅——都幾多舊，味道同質地都唔錯泰式炸魚餅—-可能本身expect會有少少香茅味，出到嚟就唔係話好有味紅腸——都係正常水平凍雪梨蜜——叫咗少甜但係都係好甜…Read More

大家如果想去嘅話都check下有冇開先，因為我成日撞到佢冇開。。。2人食以下份量係好飽玉米起司蛋捲餅 $36如圖所見呢個蛋餅係非常厚。一般嘅蛋餅層皮都係麵粉加水，但係佢呢個係手抓餅嚟㗎。手抓餅係好香好正。不過真係要趁熱食，因為我食得太飽唞吓再食嗰時佢已經變韌，本身真係可以撕開嗰種。份量係好足，一盒四件係好飽肚。再加上入面係有芝士，其實一個人食兩舊，已經膩。呢個真係要同朋友一齊share手工滷肉便當 $45呢款滷肉係比另外一款嘅稍為肥啲嘅。相比之下食落更加軟身，不過會再油啲。但佢呢隻滷肉就唔係嗰啲會入口即溶嘅。隻滷蛋好入味，滷汁偏鹹，少少重口味。肉燥飯 $28呢款就係較瘦嘅滷肉。食落去啲肉粒會比較鞋身少少，但係都未至於話乾，都幾唔錯。而個飯差不多食到最底會覺得比較多油，應該啲油汁浸左落去下面。所以其實個飯都唔係話乾，中規中矩。蚵仔煎 $36麵餅係有少少透明，而食落係煙韌，感覺似係木薯粉整，同平時出面食嗰啲好大分別，係幾得意嘅質感。啲蚵仔都幾大舊，有一蚊銀咁大，成粒波咁，幾有存在感。汁方便係偏甜。綜合盤 $28豬耳—識落感覺有啲油，有種要溶嘅感覺，就鹹鹹地咁百頁豆腐— 呢個食落有啲似鬆散嘅魚蛋，唔似食緊豆腐，幾有趣，味道都唔錯，都係一般滷味咁鹹鹹地。甜不辣—感覺似食緊一舊硬身啲嘅糯米糍，又係啲煙煙韌韌嘅嘢…Read More

呢一間係出名食酸菜魚河同埋佢支包裝精美嘅野飲(嗰樽係可重用酸菜魚飯 $59溫泉蛋茄牛通 $58呢2個主食係朋友食嘅，所以冇食評酸菜魚河 $59呢個酸菜魚河份量好大，正常食量可能都食唔晒，怕浪費可以同朋友一齊食或者叫佢少啲。個魚我覺得幾唔錯，佢唔老，幾滑，又冇骨。至於個湯方面，調味超級充足，簡直毫不吝嗇，超重口味。我自己就唔太慣食咁鹹，所以冇乜點飲個湯。黃金蝦球 $25呢一個炸蝦球佢食落係蝦丸，就算外賣拎返屋企需時，食嗰陣都脆脆地。上面黃色嗰pat就係鹹蛋黃醬，冇話好鹹，味道唔錯。而且又夠大粒。黑木耳 $18佢個汁主要係豉油。佢嗰隻豉油都係重鹹嘅。個木耳又浸得夠耐，所以都十分重口味。我覺得如果佢可以酸返啲就好鮮果消脂蘋果果醋明目圓肉杞子蜜解毒胎菊花蜂蜜 我自己係飲菊花蜂蜜嘅，個味道係好清新，淡淡地又甜甜地，可以中和返其他嘢食嘅重口味。我自己都幾推薦呢個嘢飲。因為飲落真係幾唔錯同埋感覺又健康，再加上佢個樽真係幾靚。單嗌就$20一支，我覺得路過買一支消暑解渴都唔錯嘅。…Read More

好食到我一瞬間就將呢間餐廳晉升為心目中最高質黃西餐榜首，真係好好食，食完覺得好幸福好滿足店員姨姨都好親切友善不過有啲可惜嘅係個個去親都會食嗰個蛋糕今日係冇得賣忌廉汁鳳尾虎蝦配手製闊麵呢個完全令人眼前一亮🤩超級無敵好食 佢個麵一擺落口係有一種好獨有好香嘅味道，完全唔係普通係街食到嗰啲意粉味。好少何食意粉覺得入面最好食嘅係意粉。可能係我見識少，但係佢係我食過最好食嘅意粉。隻蝦係食到有急凍feel，但係算係好爽口同埋有蝦味嘅。個汁都好香，食到有牛油嘅味道，不過有少少膩，建議同朋友share自家製醃肉、菠菜葉及車打芝士薄餅個Pizza底係都係好香。個邊邊位係脹卜卜，但係唔係好實在嘅麵包，脹係因為入面好有空氣感然後，上面舊肉係燒豬肉，係好有肉汁，超級Juicy。舊肉上面係比較多香料，有香草嘅味道，而且都係稍為重口味少少嘅，不過佢上面有啲菠菜葉，菠菜葉本身就冇調味，又會比較乾身，但就啱啱好配搭返有肉汁而且味道較重嘅豬肉，結果合埋一齊就中和返成個味，令到個pizza好balance芝士方面都夠香凍水果茶佢凍但冇冰係入邊，所以個味唔會變淡。飲得出似係煲出嚟嗰種水果茶而唔係落糖漿嘅水果茶。非常的清新配搭返比較膩嘅主菜簡直冇得彈 …Read More