SasaKwan719's Profile

見到有日式拉麵， 我鍾意食日本嘢，就入去試下， 想柯打嘅時候， 啲侍應已經做到燶口燶面， 啲眼神但有殺氣㖭， 都唔緊要喇。 都係想食好嘢啫， 都唔計較服務喇。現場得三四個客， 好多都已經食緊拉麵， 我地一行兩人， 拉麵煮兩個字三個字， 賣相都唔錯，非常期待， 我叫鰹魚湯底， 朋友叫胡椒豬肚湯底， 加多一客餃子。胡椒豬肚湯底唔差， 但係個湯底 胡椒味太重， 湯汁比較傑， 唉， 個半生熟蛋我哋兩個食完個肚都唔係好舒服， 最搞笑嘅就係一百零蚊嘅拉麵， 我哋以為係日本拉麵，但佢係用香港製造嘅xx 蕎麥麵底或伊麵底做。 好食就話無乜所謂， 但其實真係好難食， 完全無日本嘅拉麵咁嘅感覺， 點解裝修要做到好似日本拉麵咁呢。 重點係嗰兩片肉， 完全係凍冰冰， 啱啱喺雪櫃攞出嚟就畀人食。好啦， 講返鰹魚湯底拉麵， 個湯底極少， 水位唔過個面底，又結又難食， 雪藏 豬肉味仲要好犀利， 後尾我真係食唔落。講埋個餃子簡直就係 好唔掂， 雪藏肉淋bet bet， 一啲都唔香口， 一啲都唔似食緊餃子，完全冇乜味嘅。埋單要二百九十幾蚊， 真係寧願食隔離pepper lunch好過。…Read More

呢間台灣餐廳我哋去過好多次， 我覺得好多道菜都做得非常之出色，本人覺得 最好食嘅就係 胡椒蝦， 一路食，太好味，都好多菜色唔記得影相， 我哋大約叫咗十個菜式，個個都掛住食🤣 啲餸又大碟， 又好味， 價錢都ok…Read More

平時去行長沙灣廣場都唔覺有咩好食，最近又發現咗長沙灣廣場3樓竟然有間好嘢食， 呢間mr. o 喺商場小店， 估唔到佢啲嘢食真係ok喎。我午飯放兩點， 可以食到下午茶餐， 第一日食試下意粉，都好ok， 有新鮮茄肉整醬，調教個意粉汁好好味，仲包埋杯咖啡都係58蚊， 但我要凍飲 ，再加幾蚊， 個意粉好食呀，而且份量夠飽，仲有杯凍咖啡😁大滿足， 因為之前都有去過D2食西餐， 個價錢起碼貴呢度兩至三倍， 我下次都會過再嚟試佢其他餐， 希望令我再有多D驚喜啦😜…Read More

由細到大都唔鍾意食蛋捲， 因為有牛油怕肥， 但朋友生日佢送咗盒蛋捲畀我😁我一路擺咗喺公司無諗住食， 曾經諗住傳送畀人， 有一日肚餓，就攞咗件蛋捲出黎食，一食就食咗三舊😍跟住我想講啲餡料非常非常非常好食😋 同埋非常非常非常飽肚😜， 呢幾日係公司，一肚餓都唔落街買嘢食， 就攞個蛋捲出嚟食， 食到第二層之後見底， 跟住就好有意欲想知道呢個蛋捲喺邊度有得買， 一search就見到原來得三個地方有得買， 之後見到食評， 又發花癲寫下， 就係咁啦🤣， 一路食蛋捲， 一路寫食評，感覺其實都幾得意🤣…Read More

平日甚少踏足荔枝角區，Friend話睇到呢間, 想試下，就陪佢去食呢間台式小店試下。入到去店舖細細，侍應唔係好夠，自己搵位坐底，QR code落單. 唔好要求會有好好服務質素，一心唸住享受食物就算。我地兩個人，點左呢啲食物👉古早味手工滷肉飯分量好足，但滷肉味本人認為有D淡，無乜特別。👉台式肉蛋芝士吐司😋😋😋呢個最令我心動，咬落去，無論口感，味道，溫熱度都非常出色，食完，而家一路寫住食評都一 邊口腔口水增多。會再 Encore食完食同吐司有D飽，👉黑布台式香腸皮脆，皮有點厚，都正常，還可以啦👉花枝丸配准鹽我哋兩個，每人食咗半粒， 就已經無再食，成碟放棄，我已經可以食得好辣，但呢粒丸辣到非一般人可以食得落。辣到勁飲凍野。野飲👉桂花烏龍茶 （正常ok）👉冬瓜茶 :)…Read More