GraceChan4371's Profile

今晚一行11人去打邊爐，環境闊落，舒服，地方清潔企理，冇一般火鍋店嘅油淋淋，小食選擇多，仲要質素高，飲品選擇亦都好多，食物更加唔使講，好多種類，又新鮮，又處理得乾淨。甜品種類都有好多有芋圓有刨冰仲有雪糕大人小朋友都食得好開心，價錢合理。最緊要係而家好難得一見，細心又態度好嘅員工，冇嫌棄小朋友來來回回攞嘢食，定時定候又會幫手清理枱面，加湯等等。近年係銅鑼灣真係好少見呢種火鍋放題咁高質素一定會再去幫襯。…Read More

跟朋友4人於星期六約6點左右坐到夜晚十點，氣氛舒服，雖然係一間酒吧，但係唔係好嘈嘅個種，好適合幾個朋友坐低傾心事。飲品一啲都唔貴，食物價錢亦好合理，食得出老闆好用心處理所有食物，一啲都唔hea，叫左所有野食都好好味，唔係一般連鎖店工場預早處理再加熱嘅食物。好多小食可以選擇，好啱夜晚唔想食太多野嘅朋友都。唔怪之得一路坐都不斷有好多客人，仲見到好多熟客仔，開左唔好耐都有咁多熟客仔，証明呢間小酒吧有實力👍…Read More