cctkate's Profile

雖然這個冬天不太冷，但是還有打邊爐的衝動。成班朋友圍着一個爐，嘻嘻哈哈的一邊吃飯一邊聊天，未嘗是件賞心樂事。餐廳門口擺放許多椅子，，如人流太多時，客人可以舒服地坐着等，當然建議提早book位。由於各人口味各有不同，我們分別叫了一邊清湯，一邊夠濃味的沙嗲湯。首先我們點了鮑魚套餐，這個套餐包括了不同的海鮮，元貝，蠔，象仔蚌等等新鮮的海鮮，餐廳把這些海鮮都洗得很乾淨，還細心地把鮑魚切片，這一點要加分。我很怕在外吃海鮮，洗得唔乾淨。經過火鍋的洗禮，各款海鮮大都脹卜卜，很有口感，肉質很爽口。仲有打邊爐不得不點的肥牛，肥牛的肉質未算頂級，口感一般，不算差又不是特別出眾。蔬菜盤，金菇也是打邊爐必需品，我喜歡將蔬菜放入清湯，可以吃得出蔬菜本身的甜度，由此可見這餐廳的蔬菜新鮮。其後我們還點了很多的打邊爐食品，不同的肉丸，牛肚，芝士腸等。特別要推薦牛肚及魚腩片，兩者很爽口。最後登場的是響鈴！！將響鈴放喺充滿不同肉汁同蔬菜的火鍋入面，吸收晒火鍋的精華，就算不用豉油，味道也十分濃郁，滿足的結尾。…Read More

每月的26號，我同男朋友會慶祝拍拖的日子，不一定要食昂貴的東西或禮物，我們志在一起度過呢一日，勿忘初衷拍拖的原因。看見La Famille 的蛋糕份量合適兩個人。故特意到尖沙咀海港城外賣2件蛋糕及2枝茶。La Famille店舖設計十分少女風，牆上掛著一幅製造蛋糕的原材料的畫，舖前的玻璃箱擺放著各式各樣的美味蛋糕。有選擇困難的朋友可能要同時買多兩件LOL。我們很快便決定了士多啤梨乳酪及提子蛋糕，另外加配日本和茶及玫瑰紅茶。士多啤梨乳酪蛋糕精美可口，中間有一層忌廉混合士多啤梨，食落有淡淡士多啤梨味，乳酪酸酸甜甜，味道很好。日本提子忌廉一如士多啤梨蛋糕一樣，口感很滑及香味四溢。提子皮脆，肉質鮮甜，與忌廉很配合。 其外，蛋糕鬆軟。日本和茶相對較遜色，玫瑰香味重，飲落唔會苦澀，因為不是濃茶，所以味道清淡，正正可以同蛋糕互相輝映。…Read More

有朋自遠方來，難得台灣朋友到香港一遊，當然要帶他們嘗一嘗好的食物。提起放題,我第一時間便想起尖沙咀的極尚大喜屋，價錢說不上親民，但食物質素絕對有保證。首先不能錯過的是新鮮的魚生，我們都喜歡食蝦，不論是甜蝦還是老虎蝦，蝦的肉質肥厚，爽口彈牙。普通去飲酒，消費很高，我們點了梅酒，絕對是值回票價。梅酒的味道不算十分濃郁，酒精濃度不高，但以任飲任食的質素，已算不錯。朋友喜歡飲清酒，但本人覺得有點兒偏苦。再黎，我們點了麻醬凍豆腐，這道是簡單的食物，相信大家都能在家製造，與其他放題相比，大喜屋不會麻醬溝水，所以濃郁的麻醬加上滑豆腐令人食指大開，加上蟹肉及蟹子，豐富了口感。其次，我們點了各款的壽司，壽司偏細小，細細一件，可以嘗試更多款，特別喜歡吞拿魚壽司，吞拿魚肉質肥美，油脂分布很均勻，一啖食落去，與混合醋的壽司飯十分配合。忍不住再叫多一份。另外叫了吞拿魚手卷，加上芝麻粒及洋蔥，不用配搭油醬油，味道很豐富。我們開始嘗試熟食，首先叫了天婦羅，日本番薯仔天婦羅是最好味的，番薯肉質軟綿綿帶甜，外表炸到脆卜卜，兩種口感。熟食都要點蝦！！台灣朋友是愛蝦達人，煮熟的蝦比較結實。加少少的檸檬汁，嘢味十足。最後埋尾是咖喱蟹及口水雞，食放題唔一定只吃魚生刺身，其他熟食都很吸引。當然他們的味道不能與泰國菜餐廳或者四川菜的餐廳相提並論，但味道算是中上，入味可口。放題吸引的地方是任食任飲，朋友聚會一起而不知道想食什麼，放題是一個很好的選擇。…Read More

今天難得早收工，故特意前往大圍找朋友食晚飯，接著到大圍附近，朋友想食西餐，上OPENRICE看有那些餐廳吸引，看到其中一間的風車裝潢頗為特別，而又適合朋友聚會。由於當日下雨天，餐廳不算很多人，但也有七成滿座，相信食物有一定水準。環境氣氛偏暗，十分方便與朋友聊天，枱與枱相隔有距離，很有私穩度。如果餐牌可以加點心思，相信可以令人對餐廳印象提升不少。餐前小食，酸酸甜甜的，粟米片十分脆卜卜，很開胃。凱撒沙律，餐廳加入很多芝士粉，勁正！是日料品，蜜桃凍茶，蜜桃香味及味道不算突出，但是飲茶不會有罪惡感。lol.青豆湯，很濃郁，口感很滑。龍蝦意大利麵，茄汁醬帶點酸酸甜甜，很好味，意大利麵吸收了龍蝦及茄汁，很美味。肉眼，我點了七成熟，肉質不會很乾，味道很濃。配菜很新鮮，特別是菠蘿非常爽甜可口。最後的甜品為這一頓晚餐晚餐畫上完美的句號。…Read More

今日收工到觀塘行街，朋友表示想食魚生，我便到openrice 尋找有甚麼餐廳，發現apm附近有間大滿喜放題，食評都不錯，便決定賞試賞試。餐廳環境很舒服，與旺角比較，座位寬敞很多，與朋友傾計更暢快。放題必食之選-刺身我們口味都偏大眾化，三文魚，甜蝦，帶子等等，刺身新鮮可口，肉質鮮美。餐廳職員將魚生刺身舖排得漂漂亮亮，賣相已經令人食慾大增。其後，我還點了燒波羅。波蘿味道很甜，不似浸過糖水，而是波蘿本身的鮮甜，不過可以表面加入少少糖一起燒就更完美。仲有清酒同梅酒可以選擇，喜歡食酒的朋友，不要錯過！ 壽司因為朋友習慣晚飯要食飯，故特意點了3款壽司，份量偏向細小，一啖放入口，味道不錯，方便化左唇蜜的女士們。炸物未係手機食先時，朋友忍不住食了幾件，看圖已能感受到粉獎很薄，外面脆卜卜，南瓜肉很琳。😋最後是主角lol..不論任何款式的甜品都十分好味道，特別推薦朱古力糯米糍，濃郁的朱古力粉，這已經是round 3了。…Read More

久違了的日本菜日本番茄配上沙律生菜，爽脆鮮甜，加上日式沙律醬汁，成為今晚一道健康的前菜串燒選了合鴨大蔥串燒，充滿鴨肉香味面不膻，京蔥經過炭火洗禮後淨底既係甜味，沒有半點辛辣感覺第一次食天婦羅係沾岩鹽一齊食，有別於過往沾上天婦羅汁的食法，而用岩鹽配上鮮甜的南瓜，卻出奇到合襯蟹肉香芒薄餅卷，薄餅皮薄和十分脆身，而入面包住鮮甜的香芒肉，蟹籽配埋鮮味既蟹肉，三者合而為一，是一款有驚喜的小食餐廳門口設有一個似港式煲仔飯區域，原來就係用黎整釜飯既專區。侍應告知釜飯是有兩個階段，起初需要等待漏斗計時一分鐘，之後先食第一轉。親子三文魚釜飯入面當然三文魚籽、半熟三文魚，而意想不到既係會有我最喜愛既栗子。而第二階段就係將煲內的飯焦倒入熱漬和紫菜，成為茶漬飯。將飯焦剷開後就成為另一道美食，熱茶可以再次帶出飯焦香氣，值得推介…Read More

星期六同男朋友在尖沙咀行街，大家都無意見想食甚麼時，上了openrice 看有什麼的推薦。看到J.L.Private Kitchen , 沒有太多的食評，膽粗粗想嘗試下。老實說，餐廳雖位於繁忙的tst街道, 但餐廳不是在地舖，所以都搵左一陣，餐廳係山林道23號，看見呢路牌，不用懷疑，直接走進去搭升降機就對了。🤣🤣普遍西餐廳都提供餐前麵包，但這間餐廳提供4款麵包，最令人有驚喜的是黑色那款，很鬆軟，搭配千島醬，很美味。巴馬火腿配搭菠蘿這組合，相信不少人都知道。當人人都覺得火腿是主角，恰恰相反，我覺得今次菠蘿似是主角，超鮮甜及爽口。五味吞拿魚奇異果沙沙，餐廳職員太忙碌，無時間詢問五味是什麼意思，作為前菜的吞拿魚很開胃，食得出魚的鮮味。記得在香格里拉酒店食過意大利雲吞，味道濃郁，很好食，不過價錢好貴，便無再去過。 餐廳所製作的黑松露意大利番茄雲吞味道可與其一教高下，但價錢遙遙領先。香煎北海道帶子龍蝦汁燴意大利飯，男朋覺得意大利飯偏硬不感興趣，反而我覺得飯吸收龍蝦汁，粒粒分明又很美味。慢烤波菜芝士釀穀飼西班牙走地雞胸，雞胸肉通常都啖啖肉，但肉質都偏粗柴，前菜太出色，主菜有點失望，廚師製作的醬汁味道豐富，如果雞肉可以更嫩滑，便錦上添花。柚子雪糕是我的致愛，柚子的香味搭合自家製作的忌廉雪糕，相輔相成，為晚餐劃上完美的句號。…Read More

難得妹妹準時收工，可以一起食晚餐，我們便決定在家附近的荷李活廣場尋找美食。燙烤達人開市很久，我們都未曾嘗試過，看似某最高領導人的樣貌🤣的掛畫，忍不住要拍照留念。一如其他韓國餐廳，有不同小菜供給客人，還可以免費添食。泡菜是我的最愛，這間餐廳的泡菜不算很辣，很開胃。其外還提供蛋漿、粟米同芝士，餐廳職員先打蛋漿倒進烤碟，其他配料可以自己配搭。看似美國隊長的盾牌，抽氣力很足，雖然主力食物燒烤，但餐廳未有很大燒烤味。厚切五花肉未燒之前都看到色澤很漂亮，好彩有餐廳職員幫忙燒，如果由我們自己來燒，應該會很浪費。五花肉表皮先烤至成金黃色，看圖已覺得很脆口，接著剪成一小塊，再加上印有燙烤達人的模樣按壓，我估可以加速五花肉更快熟透，最後沾上特製醬汁，味道更豐富。護心肉餐廳職員將猪肉排成一朵玫瑰花，未食都已經要影相呃like , 口感似係豬頸肉，肉質比較爽脆。年糕我很鍾意吃韓式年糕，配搭辣醬一起抄伴，只看其顏色，已經垂涎三尺啦。其實年糕本是無味，但加上濃濃的辣醬，令人忍不住一口接一口。燒烤不可不配合凍冰冰的飲品，一啖燒肉加一口酒，絕配！我點了mojito ，酒精濃度不算高，但餐廳不是酒吧，有咁的質素已算不錯。…Read More

收工實在太疲累，故與家人在屋苑附近餐廳食晚餐，有見玫瑰餐廳新增餐牌，餐名十分響亮-🐲雙龍吐珠海鮮鍋。本以為普通茶餐廳，對海鮮沒有很高期待，殊不知，當職員送上餐時，我們一行4人都被那用魚形乘著的海鮮吸引！！ 有開邊龍蝦、鮑魚、蜆及蝦。 湯底很鮮甜，飲得出沒有加味精， 可能加入疏菜，甜度十分足。龍蝦肉質爽口彈牙，輕易拆出，由此可見龍蝦十分新鮮。鮑魚啖啖肉， 口感不錯。另外蜆肉沒有沙，又很肥美，基本上海鮮都很新鮮，所以色香味都很有水準！家人還點了一些小菜，煎墨魚餅及超勁辣子雞。 煎墨魚餅煎得很香口，但覺得墨魚肉成份比較少，口感較滑，欠缺爽口的感覺。而超勁辣子雞，真的十分辣！！雞肉乾身，但香辣搭救，味道還不錯。我們點了檸檬可樂及檸檬雪碧，我喜歡餐廳提供一個裝滿冰的大杯，可樂隨隨倒入，很治癒。十分推薦雙龍海鮮鍋，日日不同海鮮提供， 日日新鮮好味！😋😋…Read More

趁天氣仲有涼意既時候，把握每一個可以打邊爐。而每次想食放題或者打邊爐，第一時間都會係諗起兆萬中心。今次就決定揀一間以特色湯底做主題，又有日式放題既餐廳，黎一個中日交流放題餐牌紙上的食物款式都已經好多，有刺身、壽司、燒物、天婦羅等等。而火鍋配料亦有好多，基本平時打邊爐既配料食物都有，其他肥牛同黑豚肉就可以寫紙落單，絕對夠晒多元化。飲品更加係無限量自取，而且款式眾多。四格湯底絕對係一大賣點，每款湯底十分足料，飲得出係真材實料，唔係味精湯或者用粉整，而我最喜愛既係人參雞湯，參味甚濃！只於放題方面，無論你刺身或者壽司上既魚生都好生鮮，特別係三文魚刺身切得夠厚，滑口同有油香。炸物即叫即炸，口感香脆，唔會有油膩感。燒物方面首選鹽燒海中蝦，肉質新鮮彈牙，海鹽味滲入晒蝦肉，無需再額外調味就已經好好食，最後仲order左3次。最後餐廳既職員服務態度好好同細心，會主動幫每台客追單同確保落左單既食物送上，真心俾讚!…Read More

今日特意請屋企人食晚飯，媽咪偏向粵菜，於是預先問左同事係觀塘附近有咩好既私房菜，佢地極力推介左呢間。首先上左拼盆先：豬肚、牛肚、雞肉絲。豬肚夠爽口；牛肚又夠入味、又淋；雞肉絲夾住青瓜絲好爽。3者都帶辣，適合重口味既人。什菌大蜆豆腐湯：清甜得黎又吾會有蜆既腥味。蜆又大粒，又爽口，但隻隻都無沙！值徥一試。金銀蒜蒸龍躉腩：雖然龍躉份量吾多，但貴精不貴多。啲肉滑得黎又實正，最重要都係無乜腥味！蒜蓉粉絲蒸聖子王：啲聖子啖啖肉，又肥美，又大隻，仲有啲蒜蓉超多，落足料，一啲都吾腥！而且啲粉絲吸晒啲汁，正！士多人啤梨骨：好新穎，好大膽既創新，而且出奇地好好食，吾會話好多骨，酸酸地既汁配上啲肉，令啲肉吾會太肥膩。御膳炒飯：一上枱已經陣陣香味，炒到粒粒飯，又吾會濕，而且好夠鍋氣。上湯浸時菜：呢個不過不失。菜係爽口，吾會煮得太耐。花龍蝦：揀左香煎，煎得好金黃，但又吾會影響啲肉質，啖啖肉。甜品：布甸配紅豆沙汁，布甸夠凍，而且滑溜溜，同紅豆沙汁好夾，好好味。屋企人都很滿意這一餐，包括不喜歡出街食飯的媽咪都滿意，覺得菜餚味道及賣相不錯。老實說4人套餐，認真夠飽！雖然價錢看似偏貴，但性價值是相等的，味道很好！最重要對老人家來說，中餐始終最合他們的口味，屋企人對呢餐都好滿意。…Read More

早排寒風吹襲，就一於搵番一家韓式炸雞，配合一下冷冷的天氣，去之前留意到Openrice每人必點的Hot Item - 太陽芝士炸雞 ( $198 )！餐廳內每隔兩台就有人點這一盤。所以第一道當然是先點這款太陽芝士炸雞，金黃色非常吸引，中間放著熱呼呼的農夫包，內裡更盛載著濃厚的芝士，係由三種芝士混合而成嘅芝士醬，芝士味香濃，溫馨提示炸雞可選有骨/冇骨，配合不同喜好。辣豆腐湯泡菜味濃，辣味十足，飲完個身即時暖晒，而且配料十足，二人分量都可以每人兩碗，冬天天氣必點！炸紫菜卷($60) 香脆可口不油膩，意想不到係中間包住韓式粉絲，配上甜酸辣醬非常惹味。嘢飲方面亦有驚喜，，賣相不錯，我地分別叫左菊花蜜特飲$58菊花蜜外觀好靚，大大朵菊花。Apple Cider Rita$78去到中環當然要飲少少酒，不過明天要返工，所以飲少少。…Read More

頭裝修幾骨緻，當日去到唔算多人，坐得都幾舒服。店內的燈光偏暗，幾有浪漫氣氛。我地叫左個2人set,加咗2個龍蝦湯。龍蝦湯：聞落都好濃龍蝦湯味，入口都幾cream。啲龍蝦甘甜味，都唔錯。頭盤(菜、巴馬HAM 加蜜瓜)：蜜瓜幾爽甜，塊Ham 配蜜瓜簡直一流，而且吾膩。賣相都好靚香蒜白酒煮蜆，食落都好有白酒味，個人中意多蒜。最重要既係啲蜆一啲沙都無，啲蜆啖啖肉，而且吾係得啲殼。極力推介。炭燒美國豬仔肋骨，個汁酸酸地都幾開胃。而且都好入味，好腍，都唔洗用力切，肉質都算軟滑。個配菜嘅薯條幾好食，夠熱夠脆，仲係好實淨嘅薯條，唔係腍謝謝果啲。黑松露野菌煙三文魚意大利飯，面頭有啲巴馬臣芝士片，飯夠熱，啲芝士溶咗落啲飯都幾香。黑松露果啲味都好香，一上菜已經聞到果陣味。再加上啲野菌足料，食落去好有口感。三文魚幾新鮮，而且無根。跟餐甜品-提拉米蘇，係好濃咖啡甜同唂咕粉味。跟餐甜品-美式芝士蛋糕，口感係幾滑嘅，個芝士味有少少似咸芝士味，都係唔太甜嘅，牛油餅底都鬆化，吾會硬。跟餐cappuccino跟餐mocha…Read More

今日行經過慈雲山中心，就見到一間新開嘅台灣嘢食，見到個裝修好精緻，就入咗去食。呢間台灣嘢食主打滷肉飯同牛肉麵。我哋就叫咗一碗滷水旦牛腩滷肉飯同埋三盛牛肉麵，另外我哋仲叫咗小食紅酒雞翼。每碟飯都會加送一碟前菜----醃辣青瓜，青瓜好爽口醃左辣就更加開胃。滷水旦牛腩滷肉飯啲牛腩好冧好入味，滷汁香濃，碎肉入面加左少少肥肉，每一啖都好香濃。 三盛牛肉麵可以自己簡湯底同麵底，今次我就簡左蕃茄牛肉湯台灣麵。牛肉好足料，份量好夠，牛腩好入味，唔會好韌，簡左台灣麵，唔會太林，硬度適中，湯底係蕃茄湯但有少少辣。紅酒雞翼，雞隻好入紅酒味，雞肉好嫩滑。我地仲叫左杯台灣特色野飲----仙气柚子茶，係用新鮮嘅生果即揸出黎，好清新，入面仲有新鮮嘅柚子肉，好值得推介。…Read More

今天星期日，天氣晴朗，起身後覺得無所事事，就決定與男朋友到觀塘吃brunch。觀塘是工業區，大廈舊式，近年興起有不同特色的cafe , 諗起有朋友講過The Base,懶得再諗，google 個地址就去試下。餐廳佈置簡約，門口左邊是個很寬闊的吧枱，右邊是一些裝飾物及放置雜誌。餐廳提供的水浸泡着一些香草，雖然飲落同普通水不大分別，但望落很漂亮，是這間餐廳的心思，值得欣賞。基本上有all the breakfast 提供的餐廳，我都不用考慮，直接點選。牛角包很脆，煙肉有兩款，我喜歡煎得很脆那款，雖然口感偏硬，但不停咀嚼會感受到煙燻的香味。自家制的鵝肝雞肉批，雞肉肉質嫩滑，整個批口感結實。大啡菇舖上半熟蛋，一切開蛋，蛋黃汁徐徐流下，混合大啡菇一起吃，口感更滑溜。飲品點了冰鮮果茶，不同新鮮水果混合果茶，味道很濃郁，就算餐廳加左很多冰塊，但味邊都很足夠。 試過很多工業區的餐廳，感受到這間餐廳很用心經營，對食物質素不是敷衍了事，落足料的水果茶只需加$5！…Read More