陳刀仔's Profile

喺附近睇中醫，未夠鐘就喺附近搵嘢食，見到一間茶餐廳居然有竹炭漢堡包食，就膽粗粗試吓點左個洋蔥咸牛肉芝士竹炭漢堡配薯角等咗十分鐘左右就有嘢食買相都好吸引，仲有用完即棄手套，等食客唔駛食到成手汁醬，以茶餐廳嚟講真係好貼心味道方面都ok, 略嫌D酸菜等配料太搶味食唔到咸牛肉嘅味道薯角應該係即叫即炸，唔會霖晒佢仲要唔係配茄汁而係配泰式酸辣醬，反而更加夾見到個餐牌原來全部都係肉餅飯，仲要係你估唔到嘅做法配料都有，下次有機會真係要試吓…Read More

好耐沒跟舅父等親戚飲茶，藉著幫媽媽慶祝母親節，就一行8 人去飲茶。好彩之前訂了位，11:30 店外已經眾了幾十人，好彩係室內，所以可以周圍行。由於限時90分鐘，故之前已經想好了各款食物，所以坐低5分鐘左右已經可以落單。雖然是星期六，而且有多客人，但侍應數量足夠，所以服務快捷而且禮貌。不過可能客人太多，上菜有點慢。…Read More

今日放假，老媽子去左打牌，於是同老公豆兩支公試吓呢間酒樓。由於食左早餐，所以只係叫左三個點心同一個煲仔飯。叉燒腸就一般，叫做足料小籠包我哋最遲先食，居然還熱，D汁很多芝麻芋頭口感不錯，芋頭足料，連我老豆唔係幾好煎炸食物都食左兩件蝦干咸雞煲仔飯都多件雞，不過就覺得D雞過咸，仲咸過食臘鴨總括嚟講，食品份量足料，服務員態度和藹，坐位舒適。不過又好似未至於乜乜十大食府。臨走時碰啱下午茶時間，好多人等緊位，下次試吓下午茶時段，價錢平D可以試多D其他點心。…Read More

女友想食日本餐, 想起之前的一個中午去過尖沙咀的魚一丁味道都唔差, 今晚就去食餐牌上的選擇都幾多, 相片又吸引, 未食已經流哂口水 我地食o左燒肉眼扒, 牛肋條豆腐, 日式煎蛋卷同一個六款的刺身拚盆燒肉眼扒係用一個好似胡椒午餐店的圓型鐵板DIY的, 不過此店的鐵板可能唔夠耐熱, 肉眼扒由始至終都無全熟 (大約一分鐘就唔再熱), 不過肉眼扒的味道好香, 油羔的部份給鐵板煎煎就已經香味撲鼻牛肋條豆腐只係牛肋骨肉伴一件大件的豆腐, 味道好淡, 一般日式煎蛋卷一客已經夠六個人食, 好大件的卷但整得幾軟熟, 不過估唔到咁大件, 差點食蛋都食飽, 唔駛食其他野整體感覺有一特色, 係調味方面好簡單, 但因為少油少鹽, 想健康的食, 此店係一個不錯之選擇…Read More

一心上去食金寶的越南粉, 但見此店的人龍認真長, 於是今次轉食鐵板, 下次先食返金寶啦買左份漢堡扒加雞扒, 包汽水, 餐湯, 白飯等左廿分鐘有得食, 第一個感覺係 --- 好香之後埋到位自己煎, 醬汁的味道唔錯, 蒜蓉汁比較優勝, 淋落漢堡扒度塊扒就無咁乾, 易入口了特別鍾意食佢既紅蘿蔔, 勁甜未試過的, 都值得一試的:)…Read More

今次小弟要為大家介紹一間十分之好食的避風塘辣蟹 ---- 蟹增盞我同女朋友兩個人去食, 叫左個二人套餐, 四百多元, 菜色包括:紅燒魚翅兩碗 -- 雖然覺得係假的翅 (因為兩頭都尖), 但以湯的水準是不錯的!油鹽水浸蜆 -- 做得極之出色, 特別係d粉絲浸完油鹽水之後, 混合大頭菜絲食真係十分之滋味呢避風塘辣蟹 -- 呢味好野味, 不過雖然係少辣, 但係都辣到出汁, 不過蒜蓉勁香, 我冒住食完會勁口臭的代價, 畢左幾更送左兩碗白飯, 正另外蟹肉一流, 隻蟹好新鮮, d肉好甜, 新鮮係因為肉係黐殼的炒菜都幾有鑊氣!總體講, 價錢唔貴, 又有隻大蟹又有魚翅, 其實食得好滿足:)…Read More

今次到勝利道, 主要都係食兩間頭一二名的食店, 德國的熱狗很對板了, 輪到奇香的意粉我食左碟會牛肉意粉同一杯凍奶茶, 會牛肉意粉的味道同其他茶餐廳有好大分別, 我覺得奇香的係用茄汁炒意粉, 意粉比較乾身, 上枱時候仲有少少煙冒出, 除了牛肉, 仲有一些什豆, 味道都幾特別奶茶過得去, 茶夠gip, 收貨! 不過, 試過一次就算, 因為唔就腳, 同埋覺得佢唔難食, 但又唔會令我有特登來幫襯的衝動!…Read More

找尋何文田的食評, 排頭位的係hot dog link, 於是, 今日下晝就去食:)我食左個特餐一號, 係肉醬熱狗 + 薯條, 只係 $18肉醬的味道幾好, 不過最欣賞係條熱狗腸, 有好香既豬肉味, 仲有豐富的肉汁, 個包熱辣辣, 真係好好食, 唔怪鬼之咁多人讚!薯氣就一般啦, 唔係好夠脆, 不過都只係一個大配角, 所以無所謂, 熱狗好食就可以了, 下次一定會再幫襯!:)…Read More

尋晚去tko 食飯探阿姨, 順便再去光顧聰嫂私房甜品我今次食芒果涼粉, 因為上一日先到b仔食完, 但係唔夠痛快, 覺得麻麻地, 今次去聰嫂就試試佢地的涼粉得唔得結論係: 好一點, 因為涼粉的藥材味比較重, 食既時候感覺似真係食緊涼粉, 仲有係涼粉入口時有涼浸浸的感覺, 這是食涼粉很重要的要求!芒果又夠甜, 份量都多, 碗涼粉加埋花奶食, 俾我食哂! 阿姨碗薑汁芒果豆腐花都幾好食, 我試左一啖豆腐花, 都幾滑, 幾好食!…Read More

星期三晚入元朗食b仔涼粉, 慶祝細佬生日馳名的b仔, 上次食已經係好耐之前的事, 大大碗的什果涼粉, 其實又唔係好特別, 不過反而鍾意食雞翼尖, 腸粉之類的小食, 最重要係, 因為人客多, 熱鬧咁食係最有氣氛的不過今次去食, 味道又好似退步左, 生果好似西瓜粒, 哈蜜瓜粒, 大樹菠蘿絲, 都唔夠凍, 仲好似切左好耐, 涼粉無以前咁滑口同好味雞翼尖好辣, 蒜蓉落得足夠之下, 確係惹味, 好彩雞翼尖水準可以保持, 唔係就失望了仲有碗紫米露, 想俾少少意見, 可能煲唔夠耐, 紫米唔夠滑b仔的出品, 覺得可以再好一點…Read More

宵夜諗唔到去邊食, 忽然醒起不如入大圍食雞粥啦, 三個人坐的士入去食, 真係想做就去做三個人叫左兩煲細雞粥, 一隻乳鴿, 一碟薑蔥加非蟹, 豉汁炒大蜆, 炒通菜, 炸大腸, 雖然只係宵夜, 但係估唔到原來大家都咁肚餓一煲雞粥有三件雞件, 雞肉係有味雞, 幾正, 粥底好滑, 好香米氣, 果然係招牌菜! 乳鴒wonderful, 炸到脆卜卜, 正加非蟹七十八蚊一隻, 但無用, 唯一可取之處係薑蔥汁味道幾得, 不過有得揀寧願貴d都要食肉蟹好過炸大腸有水準, 食物算ok, 只係個蟹因為無肉, 有d失望, 總算保住大圍靚雞粥的美譽:)…Read More

每次經過洗衣街, 總會俾個藍色門面所吸引, 泰式海南雞飯-- 要試試先同一般切雞飯最大分別係, 飯係雞油飯, 醬汁由薑容換上了酸辣醬, 雞肉係無經調味的, 可以話係百份百的白切, 唔點酸, 辣兼備的點雞醬, 可以話係只有淡淡的雞肉味, 肉質都算嫩, 油飯好香, 有雞味, 不過唔多油, 偏乾除左個雞飯之外, 還揀左個特級火車頭, 大湯碗入面有牛丸, 牛腩, 豬手等材料, 份量幾多, 仲有河粉做底, 飽肚之選精選拚盆有春卷, 粉包, 炸雞翼, 辣雞腳, 炸蝦餅, 每樣食物都幾平均, 用大塊生菜包春卷同香葉來吃都幾好食!甜品來一客芒果糯米飯, 兩個人埋單盛惠二百二, 食到好飽:)…Read More

四個人入左將軍澳食甜品, 覺得幾好味, 所以寫番個食評同大家分享分享!我地叫嘅甜品包括椰汁南瓜露( 小弟叫的), 開心樂園, 榴槤班戟及芒果豆腐花; 我的椰汁南瓜露是熱食的, 喜歡食南瓜因為南瓜有好香的味道, 呢度個南瓜露都算唔錯, 椰汁同南瓜的味道取得了平衡, 唔會有是但一樣太濃而唔好食見友人的開心樂園好似有好多料, 問朋友好唔好食, 佢話好正, 特別係d水晶珠同什果的配合, 仲有加左大菜糕, 涼粉, 椰汁, 真係好精彩, 下次我都要食先得榴槤班戟好唔好食就唔知, 只係知道榴槤味勁重, 不過個friend就話唔錯, 拍得住滿x芒果豆腐花就只係一般, according to 個friend的comment估唔到原來將軍澳都有間不錯的甜品店, 上到openrice先知原來都已經好多人品評過, 果然識貨!…Read More

好耐無嚟過添樂園食我既至愛---腊腸雞飯了, 尋晚喺宋皇台波地踢波之後, 同兩個波友去食宵夜! 可能跑足九十分鐘既關係, 好肚餓呀腊腸雞飯之外, 仲叫左一碟鮮油多, 一杯凍奶茶, 除左煲仔飯之外, 添樂園有埋茶餐廳既食物, 因為隔離開埋類似澳門茶餐廳既食店, 兩間舖既食物可以互叫! 都好, 方便好似我呢種食客!腊腸雞飯到! 但係唔好即刻開蓋, 因為要再焗多三分鐘先會好食, 呢個係我既經驗, 唔係啲飯會唔夠熟! 腊腸咬落去有好多好香既肥油必出嚟, 好正! 雞件好多塊, 將甜豉油淋哂落去煲仔度食, oh! 好好食啊!茶餐廳食物既油多味道只係一般, 奶茶ok播, 夠滑, 不過最有信心始終係煲仔飯呢…Read More

肚餓既聲音在肚既中心響起了, 又係時間去食, 食飽個肚先有力 女朋友建議到domon食拉麵, 七點鐘, 店內人唔多, 難道今天不是假期?揀左招牌辛辣拉麵, 炸餃子同燒魚餅做今晚既晚餐! 辛辣拉麵幾好食, 有日本拉麵既風味, 幾鍾意好似洋蔥絲既物體, 令辛辣既湯底加上一份刺激, 肉醬汁都幾辣, 仲幾野味, 材料落得幾足, 正!燒魚餅都好食, 唔係一般既甜味日式魚餅, 而係有鮮甜既感覺, 起碼唔係成口炸粉咁啦! 餃子都唔錯, 皮唔厚, 點餃子既醬油都好味女友都覺得好食, 下次都會捧場…Read More