WendyC1993's Profile

如果唔係朋友聚會揀中呢個地方，我都唔知道原來呢度有間咁適合聚會嘅餐廳。環境真係好一流，好靚，周圍都係打卡位，啱晒女仔去今次我哋全部人都叫咗佢個週末早午餐，佢部份小食係放題，一路食一路傾都幾唔錯。而且佢嘅放題係侍應攞啲食物俾你，咁就唔會出現餐廳客人走來走去嘅情況。如果唔係朋友聚會揀中呢個地方，我都唔知道原來呢度有間金適合聚會嘅餐廳。環境真係好一流，好靚，周圍都係打卡位，啱晒女仔去今次我哋全部人都叫咗佢個週末早午餐，佢部份小食係放題，一路食一路傾都幾唔錯。而且佢嘅放題係侍應攞啲食物俾你，咁就唔會出現餐廳客人走來走去嘅情況。整體嚟講有幾樣食物係我覺得做得特別出色嘅首先係佢嘅飲品，二揀一嘅飲品我揀咗watermelon grade delight. 飲落好清新，西瓜同埋提子嘅味都好突出，而且有好多果肉，勁fresh我哋升級咗個龍蝦芒果沙律，我覺得升級得好值，佢嘅龍蝦雖然唔係熱嘅，但係都比平時自助餐嘅凍龍蝦更加有龍蝦味，而且芒果都幾甜，配埋下面嘅沙律醬同埋一啲其他蔬菜，就好清新。另外佢個蟹肉海鮮羹都幾出乎意料，因為佢嘅海鮮好多 有八爪魚，青口，真正嘅蟹肉。味道比起其他菜式相對清淡少少，所以建議開頭嘅時候食咗先。任食嘅小食裏便，我覺得佢嘅沙嗲串燒 雞 係幾出色，我食過唔少嘅串燒可能相對比較乾少少，但係佢應該真係好Juicy。爆汁個種 正甜品方面我哋就冇upgrade到，揀咗個黑糖椰子雪糕。其實本身見到就咁雪糕都唔係話特別有期待，都以為係普普通通一個黑糖味嘅雪糕。點知佢做得好有心思，首先雪糕上面真係淋咗黑糖啦，而且隔離係佈滿晒個椰子絲。咁樣都未完，佢仲有一啲桃膠同埋水晶狀啫喱，成件事就即刻豐富咗好多。滿足晒個心癮。…Read More

今日同朋友喺旺角行街嗰陣，唔知道食咩好，咁啱見到佢喺樓下有個牌，於是就上去試吓。我哋叫咗個魚糕煲。我幾鍾意食韓國魚糕嘅嗰種煙煙韌韌嘅感覺，佢裏便除咗有魚糕串、獅子狗、魚糕片、年糕、粉絲同埋蔬菜，仲有少少海鮮。好抵食。佢嘅湯底係相對比較清淡少少，唔會太濃味，更加唔會膩，但啲粉絲索咗啲汁又幾好食。呢一個魚糕煲，我覺得配炸雞好啱，因為兩者個味道會有比較大嘅對比炸雞我哋揀咗兩隻味雙拼。整體嚟講兩隻味都幾入味，雞唔會有嗰種冰鮮雞嘅感覺，應該係即時炸的，因為上枱嗰陣仲熱辣辣。炸雞隔離仲有唔少薯格同埋薯角，一樣炸得好鬆脆，點埋蕃茄醬食，好正。我哋另外都叫咗一啲梳打嘅飲品，都比較清新嘅味，而且份量唔錯，唔使驚餵嘢食都未食晒就飲晒。…Read More

米紙我哋揀咗自家製嘅醬料，佢裏面有啲花生粒，因為磨得唔係特別細，所以食落會有啲口感，而且花生味非常濃郁。米紙裏面嘅蝦好新鮮，食落彈牙肉質緊致。佢啲蔬菜點埋個醬汁真係好正。我覺得一人食兩舊唔過分。香茅雞翼嘅表現，正正常常外脆內Juicy。主菜我哋揀咗越式法包，裏面有嘅就係扎肉，同埋其他越南特色小小嘅食物。個包外脆內軟，配埋啲蔬菜幾清爽芒果沙冰同牛油果沙冰嘅表現都好突出，芒果會相對清新一啲，牛油果佢就幾飽肚下。兩隻嘅味道都好香濃，正。芒果糯米卷嘅size真係冇輸俾長洲糯米糍。入面嘅芒果靚靚囝囝，色澤金黃，甜度十足，再加埋個糯米皮都好煙靭，食得出係新鮮整嘅，唔係嗰種凍到僵晒嘅，一人一見一下子就K.O.咗本身我哋都係抱住試一試嘅態度食榴槤糕，其實對佢期望冇特別大，畢竟個價錢咁平。點知食落真係好出乎意料地好，佢雖然冇咩榴槤蓉嗰啲，但係佢個榴槤味係好真，唔會人工或者係化學味，非常喜歡。令到我對佢嘅其他糕都有期待，下次嚟到嘅時候我相信我會試埋佢其他糕整體嚟講餐廳嘅食物比想像中出色，一定會有下一次再食…Read More

真係好好彩我去到嗰陣仲有位，今晚係全場爆門。一去到嘅時候師傅已經好努力咁樣準備緊陣間嘅食材。今日天氣冇話特別好，雖然有海景，但冇日落，下次一定要喺好天嘅時候再嚟多次。我哋揀咗一個餐，主打有龍蝦又有牛嘅，仲再加埋其他高級食材，睇完個餐牌都已經肚餓成餐飯我覺得有幾樣嘢係我特別特別鍾意食，首先係個刺身，新鮮得來，佢加咗一啲白松露去點綴，吊起咗魚肉嘅鮮味。兩個壽司都係各有精彩，因為輕輕燒過一下，所以佢嘅油脂出晒嚟，食完之後你真係會再食多幾舊。扇貝係刺身級別嘅，所以食落零舍嫩滑。去龍蝦膏炒埋一齊嘅龍蝦肉就自然係重中之重，龍蝦肉食落爽口彈牙，上面也滿晒龍蝦膏嘅醬汁，好惹味。我同朋友一個人揀咗燒牛一個人揀咗厚切牛，廚師幫我哋Max咗埋一齊，所以我哋兩樣嘢都試得到綠色牛入邊就多咗啲蔥香，揀咗五成熟。厚切牛睇個厚度會好咬唔郁，但係一啲都唔會。牛肉好細膩無筋…Read More

最近的朋友話依度開咗間新嘅海鮮火鍋，所以就嚟試吓。入到嚟坐低睇咗Menu先知道原來佢仲有得食埋雞煲。打邊爐同埋食雞煲要用到嘅工具都好齊全，隔離仲有濕紙巾同埋乾紙巾我哋一坐低就已經攞咗調料過嚟俾我哋調配唔同時段有唔同價錢，而以最優惠嗰時段嚟講其實佢個價錢包埋雞煲又有海鮮盤真係好抵食，而且嘢飲只要加$20就可以任飲。雞煲上到嚟啲雞肉已經熟，店員提我哋可以用個木鏟炒下啲雞之後先至再食，上面因為加咗啲芫荽同埋其他配料，所以都好香我鍾意佢一上嚟雞嘅份量唔會太多，未至於話食晒啲雞之後就食唔落火鍋。佢喺我哋食完雞之後又會問我哋想唔想再添雞，咁安排都幾好呢個刺身拼盤好似係like咗佢哋嘅page嗰啲就已經會送，輕輕鬆鬆就得到小拼盤。佢嘅赤蝦都好大隻，又有希靈魚八爪魚同埋一啲貝類嘅刺身，嘗嘗鮮都OK。佢嘅海鮮拼盤上面龍蝦件真係好大份，我哋兩個人佢俾咗半隻龍蝦我哋，又有蟹，同蝦，其實食完呢啲都已經飽飽地。但佢嘅任食餐牌上面有仲有其他嘢食我哋都好想試，所以最尾真係食咗都唔少嘢…Read More

最近啱啱完成咗一個大project，所以專登放咗工之後自己一個人去一間餐廳放鬆一下。餐廳本身之前同同事一齊嚟過飲嘢傾偈，覺得幾唔錯。今次自己一個係專門享受佢哋嘅食物餐廳嘅食物款式唔算特別多，但係全部都好有心思，上次我聽店員介紹咗幾款都覺得真係用咗好多心機步驟先會諗得到嗰啲款式我今次試咗啲新嘢 首先係個tuna tartare佢個脆片就已經有兩款，白色嘅係米紙；黑色嘅係海苔。唔好以為佢好Hea咁淨係拎咗兩款唔同嘅脆紙，侍應介紹嘅時候佢講嘅步驟真係聽到我頭都暈埋，但係食落口就會覺得好夾，唔會覺得佢哋嘅功夫係白費或者多餘嘅。吞拿魚切粒加咗日本嘅蛋黃醬同埋另外一種醬撈均（好明顯我係聽書聽唔晒）底部仲加港式嘅辣椒油米紙好脆，吞拿魚都好新鮮。調咗味嘅吞拿魚同平時嘅刺身吞拿魚感覺好唔同。雖然佢嘅調味會比較重，但係其實好惹味，而且好夾，牛油果醬好細膩，整體層次好豐富。食完前菜就到主菜，我揀咗個黃油雞。職員話雞肉係拆骨之後加咗牛油煎，所以食落會有少少脆皮. 然後中間有蔬菜同埋芝士.職員解釋咗點解中間嗰醬食落會有少少空氣感，但係我唔記得咗😌黃油雞之前食過，一直都覺得黃油雞本身都好好食，但餐廳再將佢拆埋骨嗰吓，個service簡直正到爆。食落去嘅時候無骨脆皮，啖啖肉，而且再加埋上面嘅芝士，隔離仲有啲麵包粒，麵包粒佢好脆口又唔會硬，用條脷一壓就已經散晒，層次好豐富。四件雞真係食到舔舔脷。嘢飲方面我本身係跟Menu叫咗有椰青成份嘅飲品，但店員好似話嗰款飲品今日冇，轉咗另一個special俾我哋。而家倒數呢一杯上面係泰茶，下面係椰青水椰奶加少少鹽泰茶上面嘅泡沫好唔錯，而且茶嘅味道都好出。配搭嘅椰青水椰奶，估唔到同泰茶會match到。整體嚟講嘅係呢一間fusion菜真係質素好令人驚喜。佢唔係求求其其亂咁將啲菜式搞埋一齊又食得落口就算，而係真係有對味道追求過，非常好食。…Read More

今日落雨簡直落到好似傻咗咁，為咗避雨，我見到有間鐵板燒，於是就入咗去食啦。店員非常體貼，主動問我使唔使幫我保管把長遮，等我食得舒服啲～欣賞我揀嘅午市套餐有沙律同埋前菜小三點。沙律嘅蔬菜好新鮮，前菜上嚟嗰陣店員話可以由左食到有。分別有鮑片，豆腐，同埋牛蒡。鮑片比想像中入味同埋彈牙👍👍主菜有鮮活澳洲龍蝦，同埋肉眼薄燒卷。循例之前師傅都被我哋先打返張卡影吓相，睇吓啲食材有幾新鮮。龍蝦燒出嚟嘅份量非常之多，而且加咗依個龍蝦膏落去燒，惹味得黎好香口。師傅掌握個火候掌握得好好，肉質唔會過老，啱啱熟。好正。平時嘅薄燒牛通常都淨係配蔥，但係佢呢一個加咗啲菇落去燒，所以口感同埋味道上面都更上一層樓，而且再加埋菇嘅獨特嘅香氣，都幾值得一試。其實食完主菜都已經飽飽地，但佢仲有個鐵板炒飯。店員另外仲拎咗個湯過嚟，建議我哋炒飯食咗一半之後剩返一半加湯食埋佢，一飯兩食😆整體嚟講我覺得都唔錯，而且優惠價，都幾抵…Read More

西班牙風乾火腿片30個月配季節蜜瓜其實我哋落單嗰陣以為佢都係一嚿起兩嚿止，點知竟然俾咗咁多我哋，個份量真係好驚喜。而且個蜜瓜好甜，配埋個火腿好夾。🤟🏼🤟🏼意大利有機牛肝菌野菌黑松露幼蛋麵佢個賣相靚靚仔仔，味道真係一絕，我哋勁快脆就清晒成碟。先唔講佢嘅麵條好掛汁，佢個cream仲香得黎唔會太膩，再加埋黑松露同埋鵝肝菌都係啲好香嘅食材，真係令人食指大動生拆蟹粉拌韓國年糕配蒜蓉酸種麵包我哋睇Menu見到生拆蟹粉嗰陣就覺得佢唔簡單。佢以年糕做底，上邊拆晒啲蟹肉加埋蟹膏整咗個熱辣辣嘅菜出嚟，隔離嘅酸種麵包好脆。上面嘅蒜蓉相對會生少少，加埋啲蟹粉一齊，超正。而且佢上嚟嗰陣仲噴咗少少十年嘅女兒紅（如果我冇記錯😜），噴完之後佢仲將成支留返俾我哋，如果有需要嘅可以繼續因應個人口味自己噴多少少紫薯麻糬巴斯克蛋糕，蛋糕份量好足👍Milkshake tropical sunshine。酸酸甜甜咁，雖然係milkshake，但係佢唔會太過濃稠, 我幾鍾意士多啤梨啤梨鮮打紅茶，朋友話佢嘅啤梨味幾出，雖然係紅茶做底，但唔會覺得太濃…Read More

成日喺街食飯，有時都想食返家既味道。見呢間餃子店都幾多人推介又有好多唔同口味選擇，於是同朋友試吓 !!叫咗八隻龍鳳松茸湯餃，呢款餃喺出面嘅舖頭比較少見，裏面係有黑白松露嫁🤩🤩松露嘅味道都幾濃郁，餃子餡嘅份量一啲都唔少，每隻都脹卜卜😁😁 值得一提嘅係個湯都好高質，平時出街食嘢最怕啲湯好多味精，呢個就好清甜，飲完都唔會有好口渴嘅感覺👍🏻👍🏻 另外叫咗個松茸醬，因為平時都好少喺其他餐廳見到呢款醬。估唔到個醬同啲餃子咁夾，好似將餃子嘅鮮味提升咗一個層次🤩🤩🤩🤩同行友人就叫咗韭菜豬肉湯餃，餃子菜同肉嘅比例適中，充滿肉汁 好juicy叫咗個蜜餞雞翼share, 小食嘅水準都好高😋雞翼充滿蜜糖味，好嫩滑，推介👍🏻👍🏻👍🏻呢個黃金皮蛋蛋香味食落比平時嘅皮蛋重，質感都幾彈牙。啲蛋黃仲係溏心嘅，質感同賣相都十分好🤤🤤 四川涼皮就重口味人士必點～超重蒜味，辣度就唔算好辣飲品方面，呢個檸檬薏米水都幾足料，帶有輕輕嘅蜂蜜甜味，整體感覺幾清新。…Read More

今日本身係約咗朋友食飯，都知道依一間餐廳好多人食，所以都提前訂咗位。點知朋友臨時竟然要OT嚟唔到，變咗自己一個人享受。餐廳裝修幾有格調，無論坐邊張枱望落都似係打卡位。就算坐出邊，都可以望住個寺，夜晚景色一流。因為係一丁友食，所以我都唔敢叫太多驚食唔晒。最尾，我叫咗半隻黃油雞，隻雞睇落就知道好後生😆雞皮卜卜脆，入面嘅雞肉好滑嫩。而且成隻雞髀因為我自己一個人食可以食晒佢，真係好正。佢嘅雞胸肉都仲係好Juicy，唔會好乾。另外佢仲有啲蔬菜做配菜我叫咗一壺士多啤梨荔枝綠茶，茶嘅份量比我預期嘅多我覺得兩個人飲都夠，可惜我得一個人，就唯有自己慢慢嘆茶。佢嘅士多啤梨同荔枝味都勢均力敵，香得黎唔會話邊個冚咗邊個隻味，都幾唔錯。另外我仲叫咗個Tiramisu， cream嗰part做得好細膩，我自己食晒成個都唔會太濟。中間嘅餅浸咗好濃郁嘅咖啡，兩者溝埋一齊食就更加平衡返、中和到個味。…Read More

隱約記得依度有一間天天海南雞，就決定過黎食啦～餐廳環境都幾舒服，侍應的服務都幾貼心，一見到我地冇曬茶水就立即幫我拎過一壺新的今次叫左佢一個中份的天天海南雞，雞肉好嫩滑，而且配左三種醬，有辣有唔辣，份量又夠兩個人食，岩岩好。 以前去新加坡的熟食中心食，份量會少好多，叫一個又唔夠，兩個又太多飯。而家依間就滿足到我，而且個味度真係好新加坡個d 一模一樣。我地再叫左餐牌的一個30幾蚊的油飯，其實如果唔係特別大食，依個份量夠3個人食lol如果細食的話都可以直接問店員上一碗（餐牌上冇的）我地除左海南雞之外仲叫多左個牛筋牛腩煲，牛筋同牛腩的份量都好多，而且又熱辣辣，正。 牛腩好軟腍入晒味，牛筋都係軟軟糯糯咁，就算係老人家冇咩牙都會食到。我地仲叫左個甜品，係桂花糕配斑斕醬，食口感會似白糖糕，但斑斕醬的味道都好出左黎，好有新加坡的風味。…Read More

唔知點解，朋友3號風球竟然都拉我出去食嘢，我哋去咗尖沙咀噴水池隔離的西塔老太太食烤肉。估唔到依家烤肉店員會幫我哋燒埋，我覺得服務真係好好。不過店員都有解釋如果客人太多嘅時候可能就未必可以全程有時間幫我哋燒，我哋都理解嘅，不過今餐有人serve埋真係爽歪歪😜如果係自己燒嘅話，我應該再靚嘅肉都會燒到老晒🥲我哋一坐低，佢就上咗啲醬料同埋前菜先。前菜有四款，我覺得四款都好好食，我哋encore咗幾次。薯蓉本身以為會好飽，但係佢可以做到好清爽，食極都唔膩。至於蔬菜沙律同埋一啲蘿蔔絲就更加係開胃，大家嚟到一定要試呀醬料個方面，店員話呢個係芝麻花生醬，隔離嘅係京蔥同埋芫荽，佢哋建議落一圈豉油，再落三圈嘅醋。Mix埋一齊之後個花生醬真係好香。嘢食方面我哋叫咗一碟肥牛，肥牛店員燒得啱啱好，包埋啲前菜食真係一流。見到張相又想再食另外我哋仲叫咗塊靚嘅牛， size都幾大份，店員幫我哋燒完之後剪開咗，另外仲好貼心咁問我哋想唔想試吓啲熟啲嘅口味，於是就幫我哋燒咗幾條相對熟少少嘅。隔籬嗰個口磨好正，口磨烤嘅時候佢中間會出水。店員佢叫我哋先飲咗裏面嘅水跟住先至再食個蘑菇。真係好鮮味。另外我哋仲叫咗一個炒年糕。呢個炒年糕糕佢除咗年糕之外，仲有鵪鶉蛋翠玉瓜同埋三色椒，份量都幾豐富。食落唔算太辣。…Read More

今日約咗個好耐冇見嘅朋友，想搵間Cafe坐低傾吓偈舒舒服服咁食個飯，佢推薦咗依一間餐廳。間餐廳都有唔少set嘅meal 我哋揀咗個是日嘅湯係煙肉薯蓉湯，配咗個熱辣辣嘅蒜蓉包，幾好食，有啲期待佢嚟緊嘅食物。墨西哥雞肉餡餅佢嘅雞肉好嫩滑，呢個係意想不到嘅，而且佢仲配咗兩種醬，都幾有心思。佢嘅餅煙煙韌韌咁，味道食落去會有少少辣。但因為我哋兩個叫嘅都係梳打，解辣，所以我食得幾過癮。我哋嘅沙律揀咗煙三文魚，你見到佢煙三文魚份量都唔少，而且下面嘅蔬菜都好新鮮。我哋另外仲叫咗個蜆同埋小食拼盤。小食拼盤佢個芝士醬林晒喺啲薯條嗰度，薯條食得出應該係即炸嘅，因為仲係好脆好好味，另外兩個醬一個係蛋黃醬一個係蕃茄醬，點炸蠔同埋魚條就幾夾吓。青口係白酒煮嘅，佢仲會配埋桶仔俾你放穀，都好細心。我哋另外仲叫咗一個柚子芝士蛋糕同埋焙茶嘅芝士蛋糕。個人覺得柚子味會相對清新一啲，而焙茶味嘅嗰個茶味的確幾出另外仲有兩個馬卡龍，隔離嗰啲係啲曲奇餅仔最緊要嘅係買單嗰陣都唔係貴，真係好抵食。…Read More

甜蝦唐揚炸到好酥脆，一上嚟就已經聞到佢嘅香味，蝦比想像中嘅大，而且份量都多。一路傾偈一路食唔覺唔覺就食晒。究極丼絕對係佢嘅主打，一個丼飯裏面已經夠晒我哋兩個女仔嘅份量，而且仲有好多種唔同類型嘅海鮮MIX一齊，又鮮又滿足銀魚仔冷豆腐， 好fresh。朋友好鍾意食銀魚仔，我哋撈埋落個究極丼度食，又豐富咗🤩我哋仲叫咗個打卡一流嘅海鮮杯，入面除咗見得到嘅海膽，魚籽，三文魚塊，仲有好多蟹肉絲，最底嘅係一啲蜜柑啫喱，一個杯又係刺身又係甜品，大家可以留返後少少先食😋😋另外我哋叫嘅碎吞拿魚腩卷同埋蟹膏雪魚乾都好唔錯👍煉乳士多啤梨雪葩應該係期間限定，我哋係咁啱喺個黑板嗰度見到先至叫，一碟有四粒，仲要黐埋金箔，超有誠意。雪芭嘅質地唔係就咁雪糕，我哋食落覺得有少少軟囉，但係又唔似係糯米，好特別。士多啤梨當然會有自身嘅一啲果酸，溝埋練乳食，一流。我覺得呢個價錢有四粒真係勁抵。…Read More

今日嚟咗依一間私房菜火鍋店食晚飯，我哋揀咗打邊爐舖頭有房可以坐，唔坐房嘅話大堂都有啲卡位可以坐得好舒服。我今次揀嘅湯底蕃茄薯仔湯底，湯底上嚟之前其實都冇預計話要先飲一碗湯咁。但係上到嚟嘅時候試咗一下又發覺佢真係幾清甜，又唔似落咗味精咁，所以都一人飲咗一碗。蕃茄同薯仔嘅份量都好多，我哋叫嘅係二人餐，揀嘅係魚皮，牛小排，墨魚丸、鮮蝦水餃、芒果同埋水蜜桃味嘅沙冰。仲有個蔬菜拼盤。另外我哋都將加咗一個牛粒。牛小排嘅雪花紋路好靚，食落又有牛味，厚度啱啱好，份量都可以接受。當然高質嘅牛梗係唔會有人嫌多。🙈另外加嘅牛粒其實一開頭都好糾結，因為牛片就容易啲知佢熟度。但係牛粒可能表面轉咗色入邊仲係生嘅都唔出奇。慶幸嘅係今次牛粒就算我哋冇特別在意佢淥嘅時間都好，佢會熟到好靭，反而牛味仲好重好Juicy，唔錯佢嘅蔬菜拼盤種類真係超多，可以一次過食到咁多款，仲要基本上都好新鮮，真係值得叫…Read More