zizi *'s Profile

一家人去海洋公園，原本想去冰極餐廳，之前去過有企鵝睇之餘價錢合理，食物都唔錯，可惜個日冇開，貪方便係呢度食，點知就中伏!呢間餐廳係自助式，即係自己去買完餐，自己拎埋位食。其實環境都ok，坐得都舒服嘅，人雖然多，但係位與位之間都算闊落。雖然冇服務可言，但每個餐都要過百蚊不等! 其實去得主題公園都預咗，但係選擇少之餘，食物質素比茶餐廳更差。。。CP值好低，真係唔會再去! 個人認為寧願俾多少少去海龍王或者冰極餐廳冇咁唔抵…Read More

set lunch 有4-5 樣野揀，平均$60-80 加一，有湯同一杯餐飲。勝在環境舒服，唔會同隔離枱貼到埋一埋，又冇新港城樓上的食肆咁嘈。呢個價錢黎講質素唔錯👍 會再幫襯…Read More

係朋友大力介紹下，咁岩放假周圍商場又多人，就黎試下呢間小店。雖然位置唔起眼，但係都幾多人喎! 價錢唔貴，一碗魚生飯大概$38-58 不等味道ok, 不過唔慣佢個飯係暖暖地由於本人鍾意食芝士，覺得呢個芝士蟹籽軍艦好正!! 其他都唔錯，以呢個價錢食到咁既水平 好過好多連鎖店好多!老闆女亦好好人好有禮貌會繼續支持 :)…Read More

媽咪生日，近近地諗住試下呢間幾新既西餐廳，貪佢有大大隻窗，有少少景之餘又坐得舒服。好可惜佢係唔接受電話book 位，想坐近窗就唯有早少少去等位。好彩唔駛半個鐘就有位了! 6個人食，叫左6個餐share份量都幾多，個個都食到好飽!waiter 普遍都好好禮貌，不過唔知係咪趕住收鋪，9點到我地第1碟岩岩到已經收埋哂d salt & pepper ...埋單$7xx, 6個人都幾抵食，可以再黎，不過唔會再叫牛扒 …Read More

久仰大名，今次終於有時間黎排隊食burger 啦！間鋪比較細，座位唔多 同埋有的逼，絕對唔係傾計談心既地方。但係係出面已經聞到好香既燒肉味，所以點都要排隊試一次 ！ 等左20分鐘左右，要人齊先入得。叫左個大磨菇牛肉漢堡+芝士薯條，兩個女仔share食係岩岩好。。因為個burger實在係好大個 ！牛肉好 juicy!! 個包亦都係好鬆脆！芝士薯條就不過不失啦，漢堡的確唔錯 ！ 不過值唔值得排咁耐隊就見人見志啦…Read More

本來訂左枱9點宵夜時段，咁岩星期四人唔多，我地早左去佢都俾我地坐低先。入到去每枱之間都有隔開，感覺幾好，有多d自己空間，唔似一般放題韓燒咁逼，私隱度高d侍應服務態度亦都冇之前既評論講得咁差喎 ！可能客少佢地冇咁忙，仲好有耐性教我地點燒先好食野食選擇唔算多，不過基本野 如牛雞豬羊都有齊，味道都叫不過不失啦，每人都才不過$130左右，呢個價錢黎講都幾唔錯架啦！ps 個人推介 磨菇腸 : )雖然話有限時，不過冇客等緊 都冇趕我地走…Read More

與男友去DINNER間鋪唔係好大店內氣氛比較 casual2個人叫左 1 個芝士薯條1個羊肉KEBAB, 1 個羊肉加雞肉 mix kebab仲有碟 串燒雞咖哩炒飯飽到食唔哂芝士薯條好好食, 芝士好濃郁不過都幾大碟, 幾滯下KEBAB 都好好食個waitress 介紹左個 薄荷汁 for 羊肉kebab好好食~ 不過冇乜薄荷味至於個 mix kebab 跟 bbq sauce 都好好食個炒飯相對之下就普通左d其實淨係kebab同薯條已經好夠飽,唔叫炒飯都ok埋單total around$240以呢個價錢有咁既食物質素, 係物有所值既!…Read More

與男友去西貢試一試滿泰雞飯 地方都好乾淨企理老板服務態度都幾好個雞飯其實都唔錯~ 雞都幾滑, 個雞飯都幾香不過唔知係咪期望太高~ 冇預期咁好食D咸豬肉個皮好香脆, 個飯都係雞飯, 唔錯最好食係呢碟豬頸肉! 香脆得黎唔會太乾身$58一碟都抵!飯普遍都係$3X 一碟, 份量都好夠整體而言係唔錯 下次會再去試下D串燒 …Read More

一行7人去慶祝生日係坑口地鐵站附近有小巴直到, 都算方便每人$130入面環境ok, BBQ位置都闊落唔會同隔離太近有2張長檯同1個爐設備都齊全有埋個鐵架可以放係爐上面燒不過食物就真係普普通通選擇都算多既有一個菜包丸, 腸仔, 扒, 金沙骨, 蕃薯, 面包, 栗米都有海鮮有多春魚, 魷魚, 螺仲有牛油俾你搽棉花糖要另外俾錢買 $25一包不過都係 墨魚丸, 原味雞翼, 金沙骨同埋 番薯 比較OK其他都麻麻飲品方面每人有1支細水+1支汽水啤酒要另外買 $200 1打有藍妹 同 嘉士伯不過洗手間比想像中乾淨而且係座廁另外入面除左BBQ都冇乜野好玩個人認為唔值$130, 所以都唔會再去都係自己買野去BBQ抵D…Read More

2個女仔去食晚餐不過佢話冇 DINNER SET, 淨係得散叫前一晚BOOK左位不過7點去到仲有幾張吉檯如果8點就可能要等一陣位~ 都幾多人叫左好多野食: 好清新 不過捧捧雞原來係雞絲, 而且雞絲少左DD細portion都夠2個人食 隨沙律附送, 不過要request先有, 唔同佢講佢唔會跟味道不過不失, 食哂成個有d膩main course 既份量都唔算大 (與一般美式餐廳比較) 個意粉 汁同味道都唔錯, 幾濃芝士味,不過D意粉好硬, 煮耐少少 淋返D會好食D個蒜蓉包唔夠脆, 整體而言普普通通 三文魚 OK, 不過冇乜驚喜旁邊既薯仔 幾好食tim!! 讚!! 仲有雪糕跟不過個雪糕細左D 平平無奇外面個層酥都唔脆芝士味比較淡整體黎講食物係唔錯,成餐最好食係捧捧雞沙律同 apple green crisp店內環境幾好, 舒服, 不過都幾嘈員工服務態度亦唔錯, 有求必應, 而且幾好禮貌不過個人認為呢個水準唔值 $200 一個人埋單一共 $418…Read More