ononchan's Profile

今日釣完魚攞住啲泥鯭，嚟到大埔街市熟食中心，見四周都好多人，最終因為唔駛等位去咗食評唔係咁好嘅釗記，諗住未必咁好彩試一試佢，打算加工椒鹽泥鯭、再叫兩個小菜（叫咗豉椒炒蜆同豉椒鵝腸）同啤酒咁。店內一個四眼妹話加工70蚊一斤，我多咗一両，一係俾番兩條泥鯭我一係加10蚊，我有啲愕然但訂價係咁就真係無話可說，只好收回兩條泥鯭。之後，我向店內一個四眼仔叫一支大青島啤酒，同佢講我帶咗支白酒，要求俾冰桶，有其他客人要用我即時交還，四眼仔話ok，之後親自攞一個裝有冰粒，凍水同一支大青島嘅膠桶俾我。之後，店內一個70餘歲嘅阿姐攞碟椒鹽泥鯭嚟，大聲講：「我一桶油二百幾返嚟，真係蝕俾你呀！」我再次愕然，咁算唔算侮辱客人？！你舖頭都寫明椒鹽加工每斤70，你用二千蚊桶油唔通又怪我呀？？食曬碟魚同蜆，飲完啲酒好耐都未見碟鵝腸，我問四眼仔有冇漏單，我話漏單唔要了，四眼仔好誠實，話冇落單，我就取消了。埋單時我睇吓有冇收多錢，俾我發現多收了二十蚊，70阿姐話冰桶要加收，最近開始，我話一早同我講要加收，我心甘命抵，餐牌、店面冇寫埋單唔出聲，我唔check單都唔知。喺度希望大家惠顧此店必須小心，清楚收費內容，之前濫收費用嘅評價絕對可信，小心！！…Read More

呢間餐廳食品正常，價錢雖然比附近一帶貴少少，我都經常惠顧，一直沒有大問題。今日，我兩公婆如常嚟到享用早餐，一份牛扒一份魚柳，當時，侍應一個著白色衫一個著黑色衫，準備落單時唔記得問邊一位，答案係叫我搵另外一個，唯有等啦⋯⋯點知，黑衫一直幫後到，但近佢嘅兩枱食客落單，我唯有再等⋯⋯落單後，見到侍應攞住杯齋啡逐張檯問係咪佢，之後又攞杯凍啡走甜俾後到，但要凍齋啡走甜嘅食客，感覺好亂。之後，一直有扒餐、三文治等餐送到後到食客檯，我問其中一個侍應，佢嘅解釋係分兩個人做，可能一個快啲一個慢啲。期間，我見黑衫同白衫根本都有落單，真係嬲嬲哋，都算，嚟到嘅魚柳薄過紙、細塊又有啲怪味，沙律菜有部分發黑，呢個真係忍唔到，叫過白衫，佢嚟到我叫佢黑色菜唔好俾人，佢望一望啲菜走去幫隔離檯落單，漠視我嘅建議，我隨那在此做過記錄，希望管理層能夠正視，改善下。另外，餐牌寫嘅煎焗流心蛋，唔似煎焗，方法可能唔同唔緊要，試過幾次嚟到根本冇流心，希望改善。…Read More

今日打算叫雙淨餸，排咗一陣到我揀餸，好快叫咗個粟米豬扒，跟住猶豫咗一下，因為見想食嘅綠葉菜只得菜心牛肉一種，舖內一個比較大年紀、黑口黑面嘅姐姐話：「早知你咁耐我俾第二個先啦。」我打個突，心諗「原來邊個快邊個先，早知唔駛排隊啦。」我忍佢冇出聲，叫埋第二個餸「菜心牛肉」，姐姐係咁夾菜心唔夾牛肉，我忍唔住問：「冇牛肉嘅？」佢隨即夾咗兩塊牛肉，但好明顯深深不忿，大聲講：「最後兩塊都俾埋你喇⋯⋯」我好嬲，大佬呀我而家俾淨餸錢呀，兩塊牛肉好似恩賜咁⋯⋯啲食物已經唔係話好食啦，排隊亂排又冇人理，附近咁多選擇，唔想受氣真係去第二間⋯⋯⋯⋯…Read More

雖然見不少負面食評，仍抱住食平DD嘅心態試食，結果…………真係中伏！！淨係講吉列豬扒拉麵，炸粉硬、豬扒實，兼且豬無豬味，講得唔好聽，真係食落肚都【銀】胃！拉麵勉強可以，最離譜隻蛋……只係烚蛋加色，蛋黃仲乾身到粉碎出黎！！一向又懶又怕煩嘅我，「歎」完個麵，實在情不自禁……………Read More