500蚊我當跌左今日滿心歡喜上去食dinner，食到一肚氣，7點30分落單，都睇得出佢廚房出得好鬼慢，由本身唔肚餓都等到好肚餓，8點20分終於黎左兩杯熱朱古力（直頭我想講，仲難飲個m記果杯），去到8點30分先上個頭盤，再隔十分鐘再黎上個湯（個湯好重胡椒味完全唔好飲），8點50分再吹佢先黎一黎個意粉，點知個意粉涷既同埋又係好重椒味，9點先送份牛扒，d汁多過塊扒，塊扒又唔厚又多肥肉，食落去根本就係油撈肉，頭兩件都吞到，第三件直頭想嘔出黎，食到依到，個侍應行過黎問甜品想要奶凍定焦糖燉蛋，我自己都諗左諗，你份set寫心太軟架wo，已經係罵都哂氣，直接望左個食左都唔夠三分一既意粉同牛扒起身埋單走算，前前後後係個餐廳兩個幾鐘比左500幾蚊，仲要食到個肚唔多舒服。
真心唔明點解會有咁多人讚好依間野…Read More
真心唔明點解會有咁多人讚好依間野…Read More
