kayying's Profile

一心想去買太陽餅，但橫掂都去到兼且唔使等位，諗住試埋其他嘢特別係蛋餅🍳午飯時間佢有lunch set，一個正餐再加一杯嘢飲都係50-60幾蚊，份量同價錢黎講，都幾抵食我叫咗肉操拌麵便當，佢有餸可以揀我揀咗台灣腸，而我鍾意食粗面多啲所以轉左佢嗰隻粗嘅關廟麵（$54 + $3），跟餐飲品我就揀咗凍嘅珍珠奶茶（加$10 ），以及另外散叫咗一個芝士肉鬆蛋餅 （$42）先來嘅係芝士肉鬆蛋餅，望落去都幾大件，芝士肉鬆同蛋嘅味道不過不失，過吓口隱都幾好但同台灣食嘅味都係有相當分別，可能因為台灣嗰啲係小店望住佢即整即煎蛋香味相對較濃而蛋皮亦都較香脆而肉燥拌粗關廟麵再配台灣腸份量係相當之大份，無論麵同腸嘅份量都多，麵嘅質地我以為係煙靭嘅但係原來係冇彈性，呢個就唔係我杯茶，不過配埋旁邊有甖麻辣醬係非常惹味。台灣腸係好正正常常嘅味道，但真係好大份食到我好飽成餐較為失望嘅係杯嘢飲，我嗌左最普通嘅凍珍珠奶茶，佢呢間嘅珍珠奶茶並唔係我哋常常飲開嘅台式珍珠奶茶無手搖或機器攪過，而係好似茶餐廳嘅一杯奶茶加咗珍珠同一粒粒大大粒嘅冰，所以只係似飲緊普通奶茶，可以skip不枉我特登去買太陽餅（$138 8個），有驚喜！酥皮、奶香、甜度各方面平衡得好好，我覺得好食過大部份喺台灣買嘅大牌子，食完要再去買💛💛💛…Read More

男朋友鍾意食咖哩，我就鍾意食叻沙，成4點都未食野，鍾意去cafe既我都餓到要搵飽肚野食，黎到D2 place 呢間岩晒口味又唔太多人，一於試試叫左兩個正餐送飲品，包括新加坡無骨海南雞叻沙摻摻（$88）、馬來咖喱牛腩配小魚椰漿飯（$70），送既飲品揀左桔仔特飲海南雞好滑，雞皮晶盈剔透，無骨好方便，叻沙味道正常，最好既係湯夠熱🔥 如果可以杰身小小掛到面更好咖哩牛腩飯既咖哩汁好到位，牛腩夠腍身，mix埋恰到好處，椰漿飯椰味唔重，飯粒加上椰漿去煮較挺身，配埋咖哩汁可謂香辣可口 （少少辣only)送既特飲好正，已督好既桔仔，酸酸甜甜，可以解辣解膩總誓黎講，性價比高，會再幫襯…Read More

一星期前去尖沙咀分店一心想食放題，點知原來tst無放題（第一次幫襯尖沙咀分店🙈），散叫食得唔過隱，未開始食已經book定今個星期要食返個放題彌補遺憾只book到最早既5點，不過唔緊要，訓到下晏食一餐夠晒數，5點食岩岩好。因為疫情都好耐無黎幫襯，多左好多人，5點已經有人walkin 等位，我地早左10分鐘到，職員好好俾我地入座先，仲要坐好private既角落位，唔會有人係隔離行黎行去，夠鐘再幫我地落單我地揀左鹿兒島黑毛和牛放題，一個堅魚湯，一個壽喜燒湯+🥚，明顯地多人幫襯，之前食上菜好快，今次要等成15分鐘先有野食一開始上前菜，以前用3層架，而家變左用兩個小盤上菜，分別係三文魚沙侓同埋鮑魚，鮑魚好好食🤤🤤 之後開始十下十下，主攻鹿兒島和牛同茶美豚，無quota食其他款喇 牛既質素好好，未至於入口即溶，但無渣好滑牛味重，我淹蛋食好甜。茶美豚食左3個部位，腩位、梅肉同肉眼，我最鐘意梅肉，食落爽口，肉眼較瘦無咁滑，腩肉又偏肥d其他配料依然好新鮮，次次我都係咁食椰菜同其他野菜🥬🥬🥬最後總共食左13碟肉大滿足💛 亦都係食緊期間已經book定下一次😝😋😎…Read More

好耐無食buffet，疫情開始到而家應該都成年冇食，餓咗好耐😂😂😂為慶祝生日，所以就想食buffet，其實好遲先book位，本身都係話full晒，但因為有喺酒店住，佢哋有預留少量位置比住客，所以先有得食安排咗坐近攞食物位置非常好，我可以睇住生蠔幾時多人排隊幾時冇人排，二人食咗三打生蠔，生蠔偏細隻，係法國生蠔，得一款，頭果輪質素冇咁好，之後食嘅較為新鮮，係咁耐冇食過生蠔任食之下，不過不失啦另外亦都食咗其他冷盤，包括刺身壽司，負責切魚生嗰位職員黑口黑面，攞幾次都要慢慢等佢俾反應仲要係冇尾音嘅，完全窒礙大家去拎魚生嘅意欲，而魚生亦都一般，較為特別嘅係有雕魚，另外有一啲小碟小杯嘅魚生，包括海膽豆腐同埋泰式生蝦，泰式生蝦好好食我食咗好多杯生野另外有其他海鮮類，龍蝦有驚喜，平時基本上我係唔食嘅，因為好似擦子膠，但呢度嘅龍蝦肉質爽又多膏，鮮甜好味，值得食完再食，另外仲有一款蟹肉法包亦都好好食（即係好似東京好出名果一款）近排做緊蟹嘅主題，所以多咗好多蟹菜色嘅款式，可惜我並唔好蟹，只試左一兩款side dish (risotto焗釀蟹蓋同埋蟹粥，但唔記得影相😅），其他冇太大興趣熟食黎講唔多選擇，都係咖喱燒味幾款熱盤咁樣，而基本有嘅燒牛肉都唔錯，佢唔會切到好大件俾你一野塞飽你，燒牛肉熟度啱啱好，肉質淋身，配燒汁唔錯甜品方面，選擇唔多但非常衛生，有專人喺玻璃櫃拎俾你，但款式都係大約10款八款，味道冇咩特別所以冇乜印象。另外仲有雪糕，係movenpick，有專人舀俾你，可以揀筒，正常味道無特別整體而言，食物款式唔算太多，個別食物有驚喜外，大部份不過不失，Buffet唔係成日會食嘅嘢，食完呢次未有意慾再食，試吓其他buffet好過…Read More

突然想食酸菜魚，係openrice搵左幾間心水想試既，但只有呢間仲book到位，地點距離係幾遠下，但想食都要付出腳程🤪塞車遲左好在店家無cancel我既booking （openrice訂臺有9折），而去到其實都唔full，可以隨便揀臺坐一心想食酸菜魚當然必點，另外仲點左夫妻肺片，炒萵筍食物好快送到，第一味上枱嘅係酸菜魚，一拎到黎已經食指大動，我哋嗌左小辣，食落口辣到剛好，魚片都好滑，唯獨美中不足嘅係唔多寬粉，以寬粉係尋底應該唔係一齊煮，所以唔入味同埋黐埋一舊，正唔正宗我就唔知，但整體係好食，二人份都係198第二碟上枱嘅係夫妻肺片，佢係小食嚟， $48一碟，份量比想像中多，佢屬於冷盤，個汁好惹味亦都適中唔會過鹹，呢碟都好好食最後上枱嘅係炒萵筍， $68一碟亦都係非常大碟，一食落口超有鑊氣，但就偏油，鍾意食萵筍嘅應該會like題外話，間舖頭位於帝景灣，都係啲新落成嘅樓盤，其實冇乜舖頭開張，較為靜局，正因為咁，可以慢慢享用食物唔怕被催趕，如果開喺我屋企附近我應該會成日幫襯😝…Read More

Ad hoc約bff食飯傾計，想搵一間可以坐耐啲食物又OK嘅餐廳，但星期五好難即興book位，我search之下決定去D2 Place，地點方便大家，見到呢間餐廳冇限時又可以book位決定一試。Book咗七點但其實好似無客，坐位都舒適，Menu唔算多選擇但我哋都話有好幾樣想試，職員服務超好，耐心介紹單點食物，轉餐優惠同飲品選擇。可能另有一位職員見我哋三心兩意唔知揀咩飲品，佢佢逐一為我哋介紹有咩選擇，亦特別推介兩款特飲，講出飲品成份味道令我哋可以想像啱唔啱飲，聽佢講到幾吸引，本身我同B F F夜晚都唔會飲咖啡類嘅嘢，最後都決定叫佢嗰杯我西柚咖啡（唔記得真正嘅名），仲有兩款主食，蕃茄海鮮闊條麵同埋rib eye。職員問我哋食唔食豬肉，佢仲送咗一小疊類似風乾肉腸配麵包俾我哋，而家真係好少見到餐廳職員咁有耐性介紹餐飲，呢個絕對係加分💛飲品係分開兩個器皿奉上，首先係一杯類似西柚梳打嘅飲料另外附上一小杯expresso 俾我哋自己添加自己控制咖啡份量，味道我好鍾意！酸酸甜甜，我落晒成杯expresso，雖然有啲濃，但係好match食物上枱都好吸引擺盤好靚，闊條麵食落似自家製而d海鮮亦都有驚喜，竟然有size幾大嘅墨魚仔，茄汁味偏酸，但可以中和我哋食扒嘅油膩感牛扒上枱亦都非常吸引，牛扒size好大塊，仲配有薯格，串串蕃茄，長豆同粟米芯。成盤野都好好食，特別係薯格，就算放涼左，都仲係好脆，外脆內軟。牛扒係medium，生熟度剛剛好亦冇血水，有肉味，筋位亦都很淋基本上我哋食到舖頭差唔多收舖，我哋一路食一路傾，職員完全係冇行過嚟問食完未或者想收盤，完全唔會趕客。各樣條件加埋，包括冇限時，座位舒適，食物飲品都好食好飲好睇，服務好好，好值得再幫襯💛💛💛…Read More