Wendi Yuen's Profile

OpenRice 訂咗位，有註明慶祝生日🎂一入到餐廳勁有驚喜，已經佈置好生日🎈勁有心思，仲有準備埋啲玩具俾小朋友玩小朋友一入到去勁開心，直接去玩玩具大人有大人傾解食飯，望住小朋友自己去玩就得啲野食又好好食，又係有驚喜，仲有自創蛋糕🎂店長仲好好見小朋友生日，送咗隻恐龍公仔🥳真係又食又玩又拎，好少可係香港搵到咁有心思嘅餐廳❤️已經諗好下年生日會想係呢度搞🥳🥳🥳地點又勁方便，就係尖沙咀，必去親子餐廳…Read More

對於一間因有蛋敏感而要求將蛋分開，但唔肯將蛋分開獨立碟嘅餐廳，幾好食幾抵都唔會再幫襯🙅‍♀️事源小朋友有蛋敏感，堂食早餐落單時要求將蛋分開，落單職員事後告知廚師，但門口收銀亞姐好大聲話師傅唔得閒，唔會分開（當時成間餐廳都聽到，仲要唔止講一次）。最後落單職員超級唔好意思咁同我講唔得，落單職員係好有禮貌，但無奈亞姐唔肯咁做🙅‍♀️🙅‍♀️🙅‍♀️🙅‍♀️對於一間因有食物敏感而要求將蛋分開，但唔肯嘅餐廳，幾好食都唔會再幫襯…Read More

經過見到呢間無咩人又環境乾淨，又唔見有寫限時，同fd入咗去食，2個女仔叫咗4個餸2杯野飲，大肚婆係大食啲😅 啲嘢食都唔差，我哋食到一半，個職員無啦啦攞張單黎話我哋限時60分鐘，你哋俾card 定現金，我即刻問佢，我入黎到而家你哋都無講有限時，仲要係60分鐘！！！個職員黑口黑面話：我哋門口有寫，呢度好多間都係限時60分鐘，麻煩埋單。我話：有限時我明，但係咪應該要講聲先，得60分鐘我一定唔會揀你呢間食！！個職員黑面走開咗🙄🙄🙄同我fd講，大肚婆食嘢本身唔可以食得咁快，同埋我哋叫咗咁多野，佢哋而家開始有人排隊就趕客！但我哋啲野仲有一半未食曬，都要逼著埋單先。出到門口，我望咗好耐都唔見有寫限時60分鐘，入返去問個職員係邊度寫，佢話玻璃mon 有顯市，我再出去望咗2分鐘，唔見有顯示！由於我唔想動到胎氣，唔想再同個職員糾纏，但好想講咁嘅服務態度真係好差，就算啲嘢食唔差都無用！有要限時真係係無問題，但唔該提前同人講或者每張枱溫馨提示俾人睇到，而唔係逼人埋單🙄🙄…Read More