Jikomoto's Profile

今日難得去到k11 musea搵野食,知道商場有一個大嘅平台打卡位置,旁邊有一間有落地大玻璃嘅西餐,於是就試下見到好多人都有嗌麻薯窩夫,我點咗平時都好鍾意食嘅開心果口味,開心果雪糕真係好掂,另外仲有好似一張被咁嘅雪白麻薯超驚喜個麻薯係可以拉絲,拉到勁高、窩夫即叫即整,非常鬆軟,食落質地有少少似蛋糕。香橙伯爵茶醬有驚喜,食得出係新鮮水果製作出嚟,如果個醬可以多啲就更加好。煙三文魚凱撒沙律沙律菜新鮮、烤麵包粒鬆脆、仲有刨芝士片,整體fresh得黎唔漏炸番薯條非常有份量, 新鮮炸起真係好邪惡又好好食,仲要加埋黑松露沙律醬,真係難以抗拒嗌咗兩杯熱飲,一杯latte、另外試咗一杯焙茶鮮奶,非常欣賞有拉花嘅熱飲。如果唔飲咖啡嘅朋友,都建議可以試下焙茶鮮奶，焙茶味濃香、鮮奶順滑。on diet嘅朋友都可以揀豆奶或者脫脂奶。…Read More

台灣野我真係食過唔少，一向鍾意食台式食品，尤其鍾意食牛肉麵同埋蛋餅。今次朋友帶路去觀塘試下。見到餐牌樣樣都想嗌，就嗌咗好多嘢食，點知食物份量好多🤣就算我朋友好大食，都真係食到非常非常飽。炸物絕對夠熱食得出係即炸！我點咗炸雞扒新竹米粉、脆炸魷魚鬚，全部新鮮炸起外脆內juicy，面頭芝士大滿足，眼見佢咁大塊，佢裏面真係咁厚肉！都係超邪惡又好食！另外朋友點咗半筋半牛肉麵，我試咗少少，覺得好啱香港人口味。因為台灣普遍偏甜，呢度調整咗個湯底唔會太甜，牛味濃，我見到隔離枱仲加咗麻辣湯底好似好好食。我仲點咗台灣腸小食，哩度絕對貼近正宗食法，因為唔多餐廳有提供生蒜片伴台灣腸👍🏼超讚。至於芝士肉鬆蛋餅，絕對係我每次去台灣嘅早餐，所以明知好飽都想回味一下，絕對係台灣嘅味道。台式茶飲當然唔少得啦！熱香芋鮮奶味道好似熱嘅香芋雪米糍，飲落順滑濃香👍🏼 值得推薦！…Read More

我最愛就是黑毛和牛！ 喜歡和牛又想逛文青店，又想吃日式烤肉來荔枝角D2就可以一次過行街同食嘢黑毛和牛！ 午市定食套餐有泡菜、昆布湯、珍珠米飯，吃得飽飽的，上菜速度快，基本上放lunch食都唔擔心。牛肉和脂肪比例剛好好，我喜歡吃的牛肋肉厚度適中燒起來很，不需要自己邊燒邊剪烤肉。咬下去是豐富濃厚的牛香，恰到好處我還點了薄切牛舌片，厚薄剛好、入口濃香。還有一些蔬菜伴碟，翠玉瓜、大蔥、雞肶菇很讚的定食套餐！原本想追加的牛肋肉售罄了，下次一定要試得到還有泡菜、日式果醋沙律、珍珠米飯我還追加了一個沖繩海鹽雪糕配上煉奶甜香的雪糕，十分絲滑😊店員非常親切友善，還可以中途替你換燒網,大推！…Read More

有餐廳進駐了啟德體育園，來玩也不用怕肚餓了午餐時間，最吸引我嘅就係原條鰻魚咖哩滑蛋蓋飯，最特別嘅係佢有分辣咖喱同埋甜咖喱。我今次就揀咗辣咖喱，我覺得係微辣級數。每一個主食都可以加一款小食，我就加咗乾果營養燕麥杯。食落有少少似甜品感覺，內裏有乾果口感，味道偏甜。朋友就點了午餐的雞扒配金邊粉，開頭都以為是泰式常見的湯河，但送到上來見到賣相很精緻。我也偷吃了上面炸得脆脆的卷卷，湯頭味道很濃、也做到掛湯效果。朋友也加配了沙律，我吃了一小口，新鮮薯仔粒加水果好好味，食落清新好岩開胃。整體坐落舒服、唔逼，嗌野食都好多員工協助。…Read More

喺香港我第二次飲手打檸檬茶，之前試過有另一個品牌個香水味太勁，搞到我都唔敢試第二次。平時見到呢間嘢非常之多人排隊，今日睇完戲出嚟見到唔太多人排隊，即刻同朋友走去買返兩杯試下味😊雖然有新嘢見到有氣利賓納好吸引，但係我都想試咗top one嘅招牌手打檸檬茶先第一印象係足料滿滿嘅青檸，係果汁同果肉fresh嘅味道！我幾鍾意飲青檸嗰陣味，我揀咗五分甜同埋少冰，所以我覺得甜度係啱啱好，建議同我一樣怕甜嘅可以揀半甜。至於朋友嗰杯茉莉手打檸檬茶，飲落甘香過我個杯，。可能係因為茶葉有啲似香片味嘅緣故，飲落茶味比較突出同埋有回甘，反而青檸味會平和一啲。佢同樣都係叫咗半甜少冰，職員都係用大杯裝，落單時職員提醒少冰可能會八分滿，但我用飲管篤開嗰陣都係滿瀉咗🤣等緊個陣見到側邊有部自動售賣機好得意，所以走咗去影相。想再飲多杯:)…Read More

約了人食飯但被放飛機，老公話不如隨便搵一間 兩公婆搵間餐廳坐低撐枱腳。後來老公話聽講有一間叫小野人嘅串燒店想試下咁我哋就行咗入去。咁我見到都乾淨企理就不如試一試，坐低之後老公用最快的速度落單，分別點了豬頸肉丶雞翼丶韭菜丶燒蠔丶撈丁丶 蟹柳丶 燒魷魚丶 特大森林特飲及牛舌等。由於我不太吃得辣所以備註中寫咗小辣。嘢食嚟到我仲擔心會唔會因為叫咗小辣會太淡，食落口雖然冇咁濃味但對我嚟講都係恰到好處，而且我覺得呢度並非一般只靠調味粉搭夠嘅串燒，而係起烹調 同埋用料方面應該都下個功夫 ，食物整體方面質素不錯。例如魷魚咬落去彈牙，亦不會有一種很難咬開的感覺。 最令我欣賞的法係 佢哋嘅撈丁，香口好食得嚟唔會好「漏亅。這間餐廳雖然並非大型餐廳，但服務態度及食物質素都ok，特別係想靜靜地傾下偈呢一度都係一個值得選擇嘅地方。…Read More

係一間可以打卡又可以做文青嘅cafe 一個人去又得二人世界去亦得的好餐廳～難得同老公一齊放假 當然要出去行下拍下拖❤️， 出油尖旺出得多都悶 今次我哋反而去西貢吹下海風。 沿著碼頭一路行到牌坊入面的「小區」 見到有一間餐廳nn coffee， 望入去 感覺幾舒服於是就拉住老公入去試下。服務員親切有善地邀請我哋坐低， 環境安靜，店員有禮值得一讚。當然一間餐廳 最重要還是食物。等咗一陣我點的鰻魚蛋飯到了🥰，個鰻魚係好香同埋食落唔會有骨😊玉子好足料甜度剛好, 好香，食落大滿足👍跟住我就見到更正嘅鮑魚🤣我都忍唔住 夾咗一啲佢嘅冷麵嚟食， 冷麵汁味道調教得非常好，鮑魚切片後入口亦爽口 ，明顯烹調方便真係落過唔少心思。 而且鮑魚亦都幫我哋 鎅開了一片一片，唔怕食得冇儀態，非常貼心。兩杯嘢飲 都很不錯，賣相亦都做足功夫， 我覺得好靚🤩(如圖)，抹茶牛奶上面有小丸子，好creamy，富士山梳打係超靚，我冇特別要少甜但甜度已經剛好，最開心係嘢飲上面仲有雪糕🤗。如果想 同朋友或者另一半 坐低傾下偈 食下飯，呢度絕對係一個不二之選。…Read More

今日去大埔龍尾沙灘玩，玩左陣行左去大尾篤搵野食。見到哩間餐廳食越南野，老公想食牛肉河就入去餐廳有分露天同埋室內，當日天氣非常好而且仲有好靚嘅湖景，所以我哋就揀咗室外。打開餐牌我老公點咗一份生熟牛肉湯河， 我叫咗一份蝦湯豚肉檬粉， 再加一份小食拼盤。食物到來賣相ok👍, 味道亦有驚喜！ 老公話牛肉相當唔錯，生牛食落口嘅時候 夠滑夠爽，熟牛係牛𦟌， 牛味濃郁。我最欣賞嘅 就係我嗰碗又有蝦又有扎肉同埋豚肉 真係大滿足😋。上菜之前店員 話湯係冇味精，可以放心飲用。即刻試一啖飲下，果然與出面嘅餐廳嗰種味精湯完全不一樣，味道 足夠之餘並不會飲完好口乾個種 🤣叫左細size小食拼盤，份量好足夠，我最鍾意食咖哩角同蝦餅。另外，龍眼冰甜度剛好，椰子咖啡都好香。除了食物丶環境之外， 親切有禮嘅店員亦應記一功。 順便一題，餐廳地方闊落丶環境清幽 食嘢之餘你亦可以順道畀自己身心靈休息一下，誠意推薦大家去試。…Read More

補祝母親自帶媽媽去食放題，平時通常出油尖旺，但知道大埔開咗，就唔使去到咁遠😊入到去都幾多人，以前食放題都係tick tick紙，放題我都係第一次用電話落單，估唔到又幾方便，全程食物數量正確冇漏過單👍👍👍隔離枱食客唔識用個落單程式，職員都即時幫手。食物方面：飲品有清酒、梅酒、apple cider、嘉士伯道地、維他、韓國飲品嗰啲自助甜品櫃芝士餅、啫喱杯、蛋糕、泡芙、曲奇餅比較少見有曲奇餅朱古力噴泉都係比較少見👍自助區有日式沙律、螺肉等等冷盤另外熱盤都有燒三文魚鮫、章魚小丸子、炸福袋（我阿媽仲飲咗紅青蘿蔔煲豬骨湯）重頭戲梗係刺身！！刺身方面，嗌咗三文魚、油甘魚、赤貝、帶子、甜蝦、玻璃蝦，除咗甜蝦比較一般，其他都好鮮味👍尤其係帶子同三文魚😋中段嗌咗好多熱盤，全部都係獨立碟上，如果你叫咗粥或者拉麵嗰啲碟好大，就有機會張枱唔夠位🙈 職員好醒目，好快速幫你收碟，仲主動幫你換骨碟添。熱盤方面：有幾樣我一定要推介👍⭐魚西京燒，醬汁味道恰到好處⭐上湯花膠，唔係薄hea野，入味有膠質（見到隔離枱每人一份咁嗌）串燒牛舌、雞軟骨、燒菠蘿、燒羊架👍夠熱又唔會太熟天婦羅整體比較油膩鍋物海鮮粥、清酒煮蜆👍足料新鮮唯獨是天婦羅同羊架冇跟埋個汁，就有少少美中不足。但整體細心有服務，最尾last order完之後，仲有人過嚟問你啲嘢食齊唔齊，主動幫你追單👍👍雪糕方面應該係每人一個，我哋叫咗雲呢拿雪糕同朱古力，係movenpick同埋haagen Dazs❤️…Read More

太和出名多好嘢食，下晝時間想飲杯cocktail😊想有個寧靜又悠閒嘅下午時光。一坐低見到個酒櫃好靚，叫咗一杯signature drink “dream", 顏色係好fancy嘅太空感覺，同埋完全畀個氣泡吸引咗👍朋友就嗌咗杯pina colada, 飲得出唔係糖水，而係好香嘅椰奶、鮮菠蘿打成😊食物方面，我叫咗黑松露薯條，黑松露醬好足料，亦都有濃濃嘅芝士香，分量亦都好飽足。仲有重頭戲係龍蝦帶子海鮮薏米飯，冇錯係薏米飯！感覺係一味fashion菜，用意大利risotto嘅做法去製作薏米。未食之前唔知會唔會怪怪哋，但係食落又覺得感覺特別、有咬口、好入味，絕對值得encore!…Read More

辣得好過癮嘅麻辣火鍋，喺香港食麻辣火鍋有事係鹹多個辣，但今次食呢間係麻同埋辣都好適中。仲有一樣好重要嘅嘢，就係好有空間，座位非常闊落，唔會畀隔離啲煙整到唔舒服。講返嘢食先，今次鍾意食海鮮嘅我同埋朋友，都點咗海蝦、聖子、珊瑚蚌，因為辣嘅海鮮嘅味道特別鮮甜，仲有我最鍾意食嘅鴨血。海鮮爽口鮮甜，一食就知高質野，最後大家爭住食要encall。叫咗鴛鴦鍋，因為我鍾意唔辣嘅薯粉。兩個女仔去食都可以叫幾樣唔同嘅配料，因為可以選半份，咁就可以食多幾樣嘢。仲有一樣好特別嘅嘢，係一坐低就會送碗糖水畀你飲，如果你唔係好食得辣，中途亦可以用作解辣之用。如果你想睇住維港景優雅打邊爐，絕對係好選擇。…Read More

其實我一向都好鍾意去有特色嘅cafe, 因為坐嚟感覺好有文青feel, 而且靚嘅CAFE真係好多打卡位。今次同個friend去咗尖沙咀食嘢，其實我自己一向都好鍾意食甜品多過食正餐，所以一攞起MENU就想叫窩夫食，而且係紫薯窩夫！其實之前喺銅鑼灣同一間都食過，不過今次食落就覺得好似份量細啲，唔知係咪因為跟餐追加會少Ｄ。我哋每人點咗一個lunch set，我點咗日式炸雞明太子撈烏冬，要咗杯熱咖啡。同行朋友就要咖哩肥牛蛋包飯。點完餐等候時間其實都幾長，大概15分鐘左右，但係等待都係值得嘅，因為我個冷烏冬明太子真係真材實料，食撈烏冬最怕就係唔夠將不過佢哋嘅醬係啱啱好就囉成個麵。 另外個炸雞真係非常新鮮，食落外脆內嫩滑！朋友食嘅咖哩係偏甜嘅日式咖哩，最欣賞係個蛋包飯，蛋量非常足夠絕對係令人有滿足嘅感覺，連埋肥牛在碟上嘅陣容真係非常之強勁。由於我要食埋個甜品所以都係點咗一杯熱嘅咖啡， 整體嚟講非常值得再食。…Read More

今日去咗石門食lunch, 知道呢度附近有好多新嘅餐廳, 去咗京瑞廣場一期一樓嗰邊食, 行咗一陣見到呢間小店覺得好有feel就入咗去試下。我哋坐緊玻璃窗位置感覺好寬敞、舒服。我點咗煙三文魚卡邦尼意粉，煙三文魚份量好足夠，捲起一個花形好靚。卡邦尼汁食落好creamy，食得出係好有質感嘅忌廉及蛋黃味，絕對係好有heart嘅卡邦尼醬。意粉食落唔會太硬，捲起同Ｄ汁一齊食入口好配。另外叫咗一個特別啲嘅，就係烤焗深海鱸魚配黑松露醬薯蓉，因為自己本身都好鍾意食魚但係又好怕食到雪藏魚柳嗰種味，見到呢度有深海鱸魚就一定要試下啦。因為係即整嘅緣故所以都要等一段時間，但係絕對值得等嘅，因為食落個魚皮好酥脆、魚肉好嫩滑，而且食落絕對唔會有骨，所以唔需要擔心。最特別嘅係我未食過黑松露醬薯蓉，不過一向鍾意食黑松露嘅我其實好期待。發現黑松露醬同薯蓉原來好夾，入口有黑松露香又有薯蓉實在嘅質感！俾我發現黑松露有多一種食法！整體嚟講畀到我好多驚喜，下次再嚟石門都會食！…Read More

大圍優雅嘅 cafe，同媽媽去咗大圍站附近嘅西餐度諗住食lunch， 諗起想食all day breakfast， 就search到呢間西餐廳， 媽媽叫咗牛扒扁意粉， 黎到係超級巨型牛扒， 味道 唔會太鹹、配埋嘅汁都剛好夠用。 食落啱啱好唔會太韌。 另外有餐湯， 係南瓜忌廉湯， 味道 甜甜地幾好飲。 我自己就叫左個all day breakfast， 最有驚喜係個炒蛋， 我諗佢哋係用靚蛋因為好有蛋味， 另外茄汁焗豆、西式腸、 煎雞扒 都係標準嘢啦。 反而有一個煙三文魚嘅沙律係我最欣賞嘅👍飲品方面我哋 都係叫咗咖啡， 我叫咗玫瑰咖啡有啲特色，飲落去有玫瑰糖嘅香味， 望落非常之靚雖然飲到最後有少少甜得滯， 但係我覺得唔錯😊最緊要係兩個人埋單都係差唔多200蚊，呢個份量呢講真係超級抵食！…Read More

一睇之下發現好多地方都有呢間馬來西亞菜餐廳， 但馬鞍山就真係第一次見。 我急不及待帶阿媽去試下， 不過好可惜原隻龍蝦麵係限量就冇得食喇。阿媽叫咗海南雞客飯， 一定海南雞，另上有菜心同埋油飯加例湯， 海南雞好夠滑溜👍 菜心有蠔油都係清清哋咁啦 ，個例湯上嘅時候唔夠熱..我就叫咗個小食拼盤， 第一次見到小食拼盤都咁巨型， 春捲有四嚿， 凍辣雞腳都有好多， 仲有好多舊蝦餅添😍 我最鍾意食蝦餅， 彈牙得嚟好有質感另外我仲叫咗個甜品 千層糕， 有驚喜嘅係千層糕原來係暖暖哋嘅， 食落有種煙煙韌韌嘅感覺， 對於不嬲鍾意食湯圓嘅我嚟講我真係覺得好好食， 仲有椰汁嘅香味我同阿媽都嗌咗個買一送一嘅台式茶飲， 自己未試過買佢嘅外賣部， 不過喺馬來西亞餐廳飲到台式茶，感覺又幾特別…Read More