Pat SY's Profile

四月四日兒童節，相約家人一起慶祝侄仔入到心儀的中學，好過中六合彩🤣🤣🤣！大家北上消費，我一行五人留港消費，刺激經濟😬😬😬！前兩日打電話訂枱，去到唔駛等就有位，但坐得比較迫，要問侍應取椅放東西。我叫了3-4人寶藏海鮮手工金盒連雙併湯底，一邊冬陰公湯底，另一邊椰奶雞肉湯底，究特別。另加叫美國雪花小牛排、牛板腱、鮮腐竹、手工韭菜餃子、蜂巢豆腐、泰國船面河粉鮮手打烏冬。飲品都好好飲和精緻，分別叫了泰式手標啵啵奶茶、奶蓋手標啵啵奶茶、鮮芒芝士奶蓋和泰式芒芒碌碌。海鮮手工金盒內有鱔、魷魚、鮑魚、鮮魷魚丸、扇貝、蝦、珊瑚蚌，全部好新鮮。值得一試，但是份量比較少。…Read More

昨天在中央圖書館上完堂，下午放假休息下。就去咗這𥚃嘆下，沒有期望之下，就有少少驚喜！向女部長示意一個人，已經一路帶我入坐，仲有兩個 table 比我選擇，我當然選擇靠牆不當眼位置啦！坐下即刻問我食飯抑或飲嘢？為的是預備餐具，並遞上溫水和 iPad menu，隔了一陣子就走過來問我想食咩？服務不錯👍🏻！我點了豚肉生薑配日本飯，頭盆有餐湯（薯仔湯）和沙律選擇，因為我不吃 cheese, 問沙律可否走芝士👍🏻，侍應說可以，於是頭盆叫沙律。 點餐後，送上麵包牛油，吃完後，遞上蔬菜沙律🥗，好新鮮！主菜送上，有少少驚喜！明明叫豚肉生薑燒，點解有一碟蔬菜天婦羅嘅？仲要皮薄鬆脆好好味！豚肉生薑燒都好味，肉片不太肥，薑片少咗啲，有好多大蒜，好入味！吃吧！送上至愛嘅黑咖啡，慢慢休息嘆下！…Read More

昨晚瞓唔著，諗吓明午食乜嘢，於是即刻透過 Openrice booking，Que竟然有位，平時成日 full booking，終於可以試吓新嘢嘞！等候0分鐘入座，服務員很親切和有禮，日式設計裝修，不停播放日本歌，雖然唔知唱緊乜，但感覺舒服和令人放鬆。這裡是用QR code 自助 order 食物，唔識用也可以叫服務員 order. 我 order 咗軟殼蟹意粉，有蟹肉碎加茄汁醬煮意粉，意粉面放上炸好嘅軟殼蟹，加上少許芝士碎、紫菜絲和沙律菜做伴碟，味道唔錯，但茄醬蓋過蟹肉碎嘅味道，但軟殻蟹好新鮮。另外叫了一件加賀焙茶蛋糕，中間有梨做餡，個人覺得太多 mouse, 食落好漏！又越食越覺得甜，所以食剩咗一半。最驚喜係杯 Que絲滑黑咖啡，又香又滑，啱晒我這個咖啡迷。去鬆一鬆，也是不錯的選擇。…Read More

開咗一段時間的幸匠燒，一直都未試過。今日約咗小蛙去試吓，順便預祝小🐸⋯⋯生日快樂、身體健康！我們在 Openrice 預留了坐位，準時到達唔使等直入，環境舒適、兩旁用竹簾間開，有少許私隱度，舒服！我們點了兩個壽司🍣午餐，有我哋最愛的海膽，正呀！全部壽司都好新鮮，唯獨有紫菜卷住的壽司🍣就差了一點點，因為紫菜過咗氣，唔脆！唔新鮮！敗筆也！服務不錯！不時幫你加茶，收碟！總括之，可試，但不要叫有紫菜的食品。…Read More

四個中🐸游泳去 La Bonne Attitude. 新舖開張去吹吓水，順便在除夕為其中一個🐸慶祝生日。舖位需細，但五臟俱全，有一點溫暖自在的感覺。主廚兼老闆由幫人打工到開小食店至現在開西餐廳，都係用心創作美味食物。去到餐廳，其中一個🐸已經坐下，完全不用等位，當晚坐無虛席，坐下，侍應即刻遞上餐牌，我們叫了兩個六道和兩個八道菜的晚餐，這樣可以試吓多啲款式的菜餚，又不會太飽，一齊 share 食!首先送上餐前小食是彼得包和牛角包，個人最鍾意是頭盆—— 薄切帶子配蘋果, 西芹, 黑松露，覺得很有清新的感覺，甚至乎其中一個🐸唔食西芹，都可以話好食😋！法國鴨肝配橙, 檸檬 —— 鴨肝很軟棉棉，同橙和檸檬絲好夾。馬賽海鮮濃湯—— 好濃、蝦好新鮮，只係個人不喜歡青口🤭。自家製野菌雲吞配牛奶泡沫 —— 因為個很喜歡菌類，但係唔喜歡奶味，但又仍然覺得接受到。小鱗犬牙南極魚 配味噌牛油汁 —— 魚煎得啱啱好，又新鮮，正！西班牙紅蝦 配希靈魚子牛油汁 —— 第一次吃西班牙紅🦐，覺得🦐味比一般🦐濃偏咸，但炸得啱啱好！北海道豬肉眼 —— 好霖和 juicy 。A4 和牛西冷 —— 好霖和滑，但個人覺得太生，朋友們就好 like 。 海膽蟹肉鐵板炒飯 —— 好香好好味！仲有我最愛的海膽， perfect! 薑梳芙厘 —— 薑汁是另上，好細心！喜歡落幾多就幾多！Yummy! 焦糖布甸 —— 焦糖硬脆口感 crossover 霖滑的布甸，好食！最後一定要嘆番一杯咖啡，完美呀！由於新開張，人手不夠熟練，但有禮，食物有水準，感覺舒服自在！…Read More

每次來喜來登酒店，都是去雲海。今次打算同大蛙和小蛙一起鋸鮑魚慶祝生日，所以去天寶閣一試，有驚喜喎！環境舒適、服務很好👍🏻！未去之前，已經在網上找定 Menu 睇吓有咩食，當然要睇吓有什麼招牌名菜，招牌菜 order 了芝士焗釀鮮蟹蓋、魚子芙蓉蛋白龍蝦球，兩樣餸菜都好好味，個人覺得芝士焗釀鮮蟹蓋的芝士再焗金黃色多少少更好，會更加香。魚子芙蓉蛋白龍蝦球就啖啖肉，夠特別！大蛙喜歡喝酒，就 order 一支紅酒慶祝，由品酒師推介，非常好介紹和配合食物，我們叫了炸蟹鉗（彈牙，蝦膠重少蟹肉），但不是我喜歡的炸蟹鉗，有點失望。）有酸汁（品酒師就提醒我們酸汁會影響酒味）配食。值得一讚！最攪笑就係小蛙用刀切蟹鉗時，就飛咗3/4 落地（咁就跌咗$100落地），無得食啦！於是大蛙同我即刻切D蟹鉗比小蛙一起分享，還說笑，這個失誤要講足十年，大家就哈哈大笑😂！但侍應即時見到就拾走地上蟹鉗，然後即刻免費叫廚房弄過一隻給小蛙。服務真是好好！非常感謝！當然主菜——鮑魚，超好味！又大隻（本來叫一人一隻，但他們只剩下兩隻，唯有三個人 share 兩隻啦！）甜品的甜度很好，樣樣都好味，最開心見到懷舊的芝蔴卷！這晚真的很滿意又攪笑！再次祝大蛙生日快樂、主恩滿溢！…Read More

本來三隻小娃🐸去英國、荷蘭旅行，由於疫情肆虐，擴散全球，被逼取消旅遊大計。其中一隻小蛙由英國回留要進行14 天家居檢疫，前晚已經完成檢疫。於是昨天出嚟慶祝一下，消消悶氣和失望的心情。天公不作美，不停下雨☔️，諗住很少人外出吃飯，就沒有做 reservation。裝修後，第一次來，應該係因應政府的要求枱與枱之間不少於1.5 米距離，所有員工帶上口罩工作，仲預備酒精消毒濕紙巾和多些纸巾給客人除口罩，好細心👍🏻！所以覺得更舒服和食得安心。坐下即遞上暖水和 menu，聽到我們想叫龍蝦（招牌菜）就即刻上前話比我哋知剩番二隻，叫佢即留，回來告訴我們實質只剩番一隻，真係有點失望，唯有讓比小娃吃啦！我們兩隻中娃分別叫了肉眼和西冷，（都係煮得出色的招牌菜），頭盆小娃叫了炸蝦😋，中娃我倆叫了切片墨魚(視覺效果美，成朵花🌸那樣，味道好又不韌，只係我倆覺得太多）。甜品叫了廚師推介咖啡球一客和二個口味清新似 mouse 拼餅😋，加埋我至愛的咖啡☕️，滿足！享受完午餐，侍應還送上每人一份小禮物，好驚喜呢！是由餐廳經理找贊助得來的，簡直係疫情下的一點甜！…Read More

經弟婦推介，這是第二次來用膳，今次一行五個人，因為知道可以留座，所以一早打電話 book 位食午餐，但有 minimum charge (最少每人一個 set lunch)。午餐前， Cafe 仲主動 whatsapp 我👍🏻可以 order 定 set lunch 主菜，收到訊息非常開心😃，因為得一個鐘頭吃飯的時間，叫定可以食得舒暢點。Set lunch 包括有主菜（有三樣選擇，可擇其一），甜品（指定原味pancake) 和 coffee (可選擇 drink menu 裡任何款式👍🏻coffee or tea. （凍飲循例加少少錢）。坐下後，即奉上 Drinks menu，當然選擇我至 like 的 coffee，今次我選擇 Rose coffee☕️ ，前一次試過 Black coffee，好 ok。今次主菜我吃鮮茄吞拿魚意粉，味道很好，吃完主菜，隔一陣間就奉上甜品🍮原味 pancakes（心目中的主菜），班㦸很有蛋香味，加埋有少少甜味的 cream，口感很好，好味😋！加埋咖啡，真的很滿足！如果不是趕返工，有時間慢慢享受就更加好。…Read More

幸福！令人想起二人👫世界、一家人齊齊整整。今天的幸福是同家人來幸福班戟🥞朝聖，每次經過這間店舖，成日都超多人排隊。昨晚，因為晚餐時間未完，早來就不用排長龍。四個人要叫四樣東西，這是 minimum charge. 全部自坐形式，買票後給你一個取食品通知機就可以入坐等，courter 有清水、紙巾提供。我們叫了朱古力香蕉🍌班戟、時令鮮果班戟和兩杯凍皇家奶茶。軟綿綿的班戟配少少甜味的 cream, 好味！但朱古力醬🍫太甜，不太喜歡，生果新鮮。奶茶就一般，個人覺得台式奶茶好飲D。價錢偏貴，仲要自助，覺得有點不值，但未試過又可以一試嘅！幸福是覺得和家人一起渡過，加埋幸福班軾做甜品慶祝生日。…Read More

六小福又出動慶祝生日，今次壽星公話要食中菜，於是上 openrice 找好地方，最後決定去彤福軒。一早在酒店網頁訂位，並預留一隻北京烤鴨(兩食），之後有酒店職員打來確認訂位，還説會 email 一張 guarantee f form 給我，minimum charge 要$2100，要留下信用卡資料寄回給他，這個有點麻煩。去到香港瑰麗酒店，找它的門口，嘩！行極都未到，原來是最入面的一個門口，入了去看見一幅不似有電梯的牆，乘電梯上二樓平台，再行一百米左右才到大堂，再乘電梯上5樓才到達。一去到就覺得燈光太暗，看餐牌有點困難，安排我們坐長枱，可以望到窗外的景色，但不是最正景觀位置，望廚房就對正一個。茶介人頭計，是乎叫什麼種類的茶，有不同價錢，因為已預留一隻北京烤鴨，一吃兩食，還有專人在你面前片皮，有得睇有得食，頭一次嚐試用黃糖點烤鴨皮先吃（師父建議大家這樣吃），夠特別！好味！ 之後其他有肉的鴨就加青瓜、京葱和海鮮醬包裏粉皮（好薄)吃，真是超好味！一試難忘！ 剩下的鴨肉就切粒加其他配料炒再自己伴生菜（菜邊有修剪過），全是手功菜。頭盆叫了金錢酥蟹盒，個人覺得欠缺了一個汁點來吃。海鮮就叫了花甲，很有酒香味，我們很喜歡，連汁都喝盡，哈哈哈！侍應推介金湯黎麥舞茸燴菠菜苗，味道又夾喎！因為唔夠飽，再加叫小籠包（皮薄多汁）和窩貼。甜品叫了順德雙皮奶、陳皮紅豆沙湯圓、生磨蛋白杏仁茶和茉莉黑芝麻焦糖布甸。全部不過不失。還有這𥚃的 toilet 實在太少，沒有指示，只可由侍應帶路。容易迷路！…Read More

上次是中午來這裡為朋友慶祝生日，是半自助加 main dish 的 set lunch，記得印象不錯。今次晚上六小福來這裡試試，我們叫了兩個 pizza, 一個是辣肉腸 pizza, 另一個是 Parma ham pizza, 兩個 pizza 都是薄批，好香和脆，食得出即叫即製加埋用料好，好味！一份 steak (medium rare), 有口感和肉香味。一碟 truffle risotto, 上菜後侍應在你面前磨下 truffle, 香味四溢，意大利飯煮得很好，軟硬兼施，超好味！一定要試試！一碟鮮茄蟹肉意粉，每樣食物都各有特色！最後order 了一個甜品拼盆和一個tiramisu, 之前在網路上 booking，留言是為朋友慶祝生日，他們便在 dessert 上，放上 Happy Birthday 的朱古力牌子和點上一支蠟燭，細心！Coffee 都令我們很有驚喜，有拉花和 promotion 的字樣，最攪鬼是送上一大片朱古力，旁邊還放了一個金錘子，好好玩呢！驟眼看上去，以為放下了一片大咭片做 promotion. 笑死我！…Read More

難得放假，一定要嘆一下，就選擇了這一間新開的食店。一踏進去，有種似曾相識的感覺，格局不變，只是裝修了，換了枱椅，但擺放的長枱位置完全沒有變。好似去了似前的 UCC cafe.我 order 了主菜漢堡咖哩蛋包，這個飯真是很好味！蛋包住的是有味(牛肉和磨菇）飯，真是值得一讚，另加了栗米湯和照燒雞肉柚子沙律，湯不夠熱和沙律菜有生銹痕（不夠新鮮，放得太久了），敗筆！飲料 order了八女抹茶啫喱，糖水和抹茶啫喱另上，可隨意落多少，好安排！…Read More

六小福相約在梵高慶祝生日，可惜其中一小福因家中有事不能出席。第一次到1881,因為開始近聖誕，有很多聖誕燈飾，感覺很美，心情也慢慢放鬆下來。踏進餐廳門口，是賣梵高產品和 cake shop，再往內進就是餐廳重地，感覺舒服和寧靜，吹水非常好👍🏻。水杯是用上印有梵高設計圖案的雙層玻璃杯（精品店有得賣)，特別！我們叫了半打荷蘭生蠔作頭盆，生蠔新鮮、口感爽甜。但只得這款蠔。主菜我們叫了三款，分別是鴨胸、黑毛豬腩肉和鱈魚。另加黑松露薯條和焗麵包片👍🏻。個人覺得鱈魚煎得最出色，好味！🐷腩肉太過肥👎🏻，味道可以。鴨胸一般！甜品全部都是 Mini cake, 我們叫了三件 share, 分別是朱古力霖酒蛋糕、綠茶蛋糕和passionfruit mouse cake, 全部都好有水準。因為網上訂位時說明是為朋友慶祝生日，所以餐廳在甜品碟免費用朱古力醬寫上生日字樣，還送上一張即影即有的集體照和咭！很貼心呢！…Read More

第一次去這裡為朋友慶祝50歲生日，看食評説這裡 booking 好 full, 所以一早過幾月前在酒店網頁訂枱。落大雨，我們準時到達，餐廳為我們預備了一張四人圓枱，一邊是梳化坐，對面是兩張獨立椅子，不知道是否因為我很早預約，所以是大約正中央背靠魚缸的最佳位置👏。坐下來，侍應即刻拿 Menu 📖 介紹當日的 Saturday brunch，Brunch 包括頭盆、主菜、甜品和燒牛肉以自助形式, 果汁、汽酒、紅、白酒任飮。頭盆是用層架送上，覺得自己似去了 High tea, 但我超 like, 因為不太喜歡自助餐形式，成日出出入入，很難傾偈。吃完頭盆，當然是飲湯啦！這天湯有兩款，一是洋蔥湯，二是龍蝦湯，我們當然選擇了龍蝦湯👍🏻，（這𥚃超出名的招牌菜，真的很好飲味道剛剛好，我們超 like)主菜有很多款式，每款弄少許給我們 share 吃，落order 之前仲問我們有什麼不吃，因為我不吃羊，所以沒有點這個 main dish. 唔夠仲可以 reorder. 我們吃甜點途中，仲細心❤️送上兩件紅莓拿破崙給我們 ( 碟邊仲用朱古力寫上 Happy Birthday to 我朋友的名字）這是我意想不到的驚喜！真是值得讚賞👍🏻！最後嘆埋杯咖啡，真是非常完美！…Read More

來到尖東，突然好多人放飯吃午餐，四處超多人，突然想起 The Lounge, 但不知道這裡有沒有午餐提供，只知有下午茶 tea set。一去到未坐下，就問侍應有沒有午餐提供，隨即拿餐牌給我看看，並安排坐位給我。這𥚃樓底高，有很大的玻璃外牆，若不是天橋和行車線左隔，一定視野更好。每枱都相隔很遠，很自在舒服。雖然午餐選擇不多，只有幾款，但價錢不貴，今天我頭盆選擇了南瓜湯👍🏻，主菜選了烤春雞胸肉伴薯菜，（一向不太喜歡雞胸肉的我，因為怕嚡😜，但這個可以接受），甜品選了芒果布甸(有鲜奶一起伴上，但我無要，拍照後叫侍應拿走，費事浪費）。這𥚃的侍應值得一讚，他們會主動問你需不需要什麼醬汁，例如茄汁，見你倒不出來，就主動過來幫你，因為支茄汁是新的。感覺很好!…Read More