glazety's Profile

7點就到門口，已經見到一條長人龍，想不到仲有感多人幫襯，拎飛仔，要等40幾張，唯有去隔離D2商場行下市集先。大約7點50分返去， 原來已經過曬號碼，原來人龍已很快消滅，好彩唔駛再等過，無幾耐就安排到2個位。講真，唔好期望坐得舒服可以慢慢嘆，快餐店自助形式。老實地說，若為食物味道，不會專登再黎排隊食，一次已足夠。期望還是太高了。…Read More

叫左個dinner set, 約228至268蚊，包前菜，餐湯，香草麵包，主菜及飲品(加差價可點其他飲品)。都唔便宜，但黎左兩次，質素唔錯，若拍拖或慶祝生日可黎食餐好檸檬忌廉芝士意大利飯，很清新的汁，香甜的檸檬味，似食甜品，但好膩，不能多吃，所以佢的份量好少。羊架配燒汁，肉質燒得幾硬，過火左，但味道與檸檬汁很搭配。值得一讚的白酒硯，約168蚊，配蒜蓉包或薯條，大大。隻馬拉硯，很嫩滑，吸收曬白酒及parsley, 洋蔥味道濃郁，正加錢配green tea latte, 有驚喜，這裡的奶味濃郁但不會蓋過抹茶獨特的苦澀，岩曬抹茶控全單450蚊左右，連dessert 的話，578蚊單點，講真，呢種價錢在呢度都貴，環境係普通cafe 裝潢，但枱同枱之間太貼近，無曬私隱，情侶想談心就去第二度吧！…Read More

同Mr. Pig 黎愉景灣的Sunday Market 行街，遠離自由行的煩擾，感受外國人對生活的輕鬆步伐，於酒吧內外同朋友飲酒聊天，面對面交流關心，欣賞海邊美景，寫意，愉快。一直想試西班牙菜，終於有機會品嚐。這裡食飯價格不菲，裝潢高級具格調，不知道食物味道又是否值回票價?講真，這裡的海鮮炒飯確很昂貴，海鮮卻很少，幸好味道真不俗，和我想像的粒粒飯都吸收海鮮及香料的精華，而且粒粒煙韌爽口，不油不膩，實在很好，只是偏咸了一點，兩人吃的話，份量足夠有餘!…Read More

下午4點半，位置頗隔涉難搵，是日假日人流多，小店已經坐滿人。課室設計佈置，有趣。炸雞排很大塊，但無雞味，亦無其他味道，同台北夜市鹹穌雞差天共地炸豆腐無味道，太油膩，可以不試。試業期間，飲品點餐混亂，等30分鐘先出一杯飲品，實在需要增加人手呢。自助點餐，除左清理執枱，咩都係自己黎，都唔介意，但缺乏標指或指示，程序混亂。地方大，但冷氣缺乏，坐近門口，開放式格局，未到夏天已經邊食邊流汗，夏天一定很炎熱。總括而言，試業期間還有很多地方需要改善，食物質素普通，出單慢，食物選擇少，裝潢環境確夠噱頭，很多食客專程黎影相，但一間食店始終需要食物的穩定性，否則黎完一次影完相，地點位置又偏僻，好難吸引人黎再幫襯第二次…Read More

同Mr. Pig 難得在馬鞍山用餐，就一試這裡西餐。這裡環境氣氛浪漫，candle light 高級格調，適合情侶拍拖慶祝紀念日。價格當然不便宜，這份安格斯牛扒188元，但烹煮得過火，乾身，醃製時間短，唔入味，浪費一塊好牛扒，反而伴碟的薯仔椰菜花還入味。煎帶子蟹肉芝士西紅花意大利飯 128元帶子煎得外香內軟，非常嫩滑新鮮，忌廉芝士味一般，意大利飯較乾身，略缺煙韌口感，唯份量比想像中多，還不錯。埋單4百多元食環境氣氛，食物味道就不好高期望了。…Read More

心血來潮想食潮州菜，上網一查發現此新開潮州食店，菜式比較另類，同Mr. Pig 一試。此為菜茶，面上灑上脆米，一碗上湯，材料有花生，臘腸，菜乾，粉絲，蝦米，瘦肉，味道清淡，略缺鮮味，無想像驚喜，但感動清新。捻面猴名字比較特別，原來係如北京疙瘩的手拉面條，一片一片的不規則型狀，吃上來如上海刀削麵，但缺煙韌口感，較軟淋。湯頭較淡味，有冬菇，些許蝦米，菜甫，乾蔥，同菜茶的味道相似，但菜茶再濃味一點。醬三寶配白飯三寶為生蠔，海膽，醃仔蟹醬料一個字: 咸!海膽極小份量，醃仔蟹兩三隻腳，生蠔仔2隻，全部嚐起來充滿海水咸味，的確需要配一大碗白飯，58蚊，可一不可再欣賞小店menu每款菜式有一大段小字介紹，菜式簡單嚐起來屬家鄉風味，但菜式太少選擇，也沒有令人驚艷的味道，擔心它難以維持，雖繼續在菜式味道及款式上改良。…Read More

諗住同Mr. PIG食餐正宗印度咖哩，選擇石崗，星期六晚8點，小店坐滿人，好熱鬧，見到一枱印度男人用手食烤餅沾咖哩，食得津津有味的樣子，已經好有食欲點選印度香料雞，面頭滲上椰絲，將椰絲混入醬汁內，一入口椰香同咖哩香料充斥口腔內，完全唔辣，反而似葡汁，用手(入鄉隨俗)沾上暖熱的原味烤餅，這就是期待的印度風味! 二人份量黎講，雞肉很多很充足，但鞋口唔夠嫩滑烤餅一塊15蚊，原味，一隻碟約6吋size, 頗厚身，無味道，但口感香脆烤䱽魚$98蚊，實在驚喜之作，值得推薦鐵板上，滋滋聲，一條完整的䱽魚放在面前，香味隨煙四散!魚皮烤得香脆，肉汁被鎖住，魚肉很嫩滑，很入味，完全無腥味。最怕魚多細骨，但幸好䱽魚骨較大條較明顯，容易挑起，啖啖肉，正一黎就送上此餅乾，兩款醬汁，燒烤汁…Read More

一連黎兩晚gathering，實在因食物環境吸引。可愛的餐具，藍白水手的海洋感覺，收服女孩子的心，眼見很多女生或情侶用膳，環境氣氛溫馨浪漫，靠牆梳花位，坐得舒服，唯枱與枱之間很密集，感覺較少私密空間，幸好平日晚上唔多人。比目魚漢堡，加20蚊，轉套餐，有湯，玫瑰花包，飲品。漢堡份量很大，內有芝士，洋蔥，生菜，蕃茄，蛋黃醬，比目魚排。sidedish有沙律及薯角，份量實在豐富。麵包香脆溫暖，蔬菜新鮮，比目魚滑溜，醬汁酸甜，簡單但味道豐富女仔黎講，份量實在太大，同人share 岩岩好。黑松露醬雞肉雜菌扁意粉約88蚊黑松露醬味道濃郁，但cream saurce 很膩，雞肉鞋口，食幾啖已很膩，份量同價錢比例都合理全部食物中，最欣賞佢的洛神花餐包，蒸包的外皮脆口，內裡有香濃的洛神花味，內已含軟嫩溫暖的牛油，感覺出自家製的用心磨菇豚肉漢堡很豐富的內涵，新鮮蕃茄芝士洋蔥烤香菇，燒烤汁配豚肉很配，可惜豚肉不是一塊肉排，而是煎煙肉，有點失望而且煎得唔夠香唔夠脆，又唔係漢堡肉，有點奇怪。日式鯖魚定食很豐富的前菜，賣相精緻，最驚喜係白飯上的炒蛋木魚，感覺到廚師的用心。鯖魚肉厚身，煎得較硬，口感鞋口，可有進步空間。每日精選花茶也不同，今晚係康乃馨未飲過，很想試試一朵康乃馨浮游在楬色茶上，除了似涼茶的甜味，沒有其他味道，對比香氣濃郁的薰衣草茶，講真很失望香氣濃郁的薰衣草茶，真材實料，但杯上的感覺，很小氣呢！溫馨提示: 記得全枱like 佢fb fanpage, 可享9折優惠，免加一總括而言，環境舒適，裝潢和諧，牆壁上有食物的相片作參考，食物與圖片相符，唔駛驚唔知叫錯咩奇怪野食，又多一個情侶用餐好地方…Read More

同Mr. PIG 睇完中環的pop up 展覽，坐叮叮，跨過無數階梯，黎到茶家，準備聽特設節目，live accoustic sound practice.邊坐人工草地，邊飲茶聽清新小品，實在寫意，慢活的樂趣!這裡飲料以茶為主，而且全新鮮泡製，沒有人工加工的果茶，只有花茶，和較特別的印度奶茶，嚐過這裡的印度奶茶和祁門奶茶都會深深愛上其獨有味道今次嚐的印度香料奶茶，有陣辛辣的薑味，奶味不濃，茶味較特出，不會死甜，飲後不會膩，同港式奶茶很不同，值得一試!洛神花薄荷茶: 酸甜的花茶，開胃消滯，愈飲愈開胃，哈!最欣賞佢的自家製蛋糕，每日新鮮出爐，買曬就無，想再食返無花果scone，但無曬，試下香蕉合桃磅蛋糕，無花巧的外表，香蕉合桃全真材實 料，沒有cream，牛油或糖，不會很鬆軟，但食材新鮮，健康之選和陌生人席地而坐，邊品茶邊欣賞音樂，共享公共空間，不自私，具人情味，實在是理想的生活概念!唯一不足是，露天位置屬吸煙區，要共享生活空間，無可避免要吸二手煙，這對非煙民，也是一種健康剝削呢！…Read More

難得的平日有機會經大圍，品嚐下輕鬆的屋子味道。下午茶只一款，scone 英式鬆餅1 set2件不包飲品收50蚊實在很貴，有點餓，都係叫鮭魚迷你飯另加一杯番石榴蘋果汁。等待的時間有點耐，15分鐘左右，趁此時影下相，畫下畫。第三次黎，唔駛等位，慢慢欣賞這兒裝潢，柔和格調，牆上掛滿相片及名信片，感覺溫馨。終於等到果然迷你，但新鮮熱辣的白飯淋上日式燒汁醬油，白芝麻，混和微熟的三文魚，實在出奇地搭配，家常味，食曬，但醬汁太少，食到尾只得白飯三文魚少都可以了解，但30蚊一碗白飯，感覺好克薄。。。。最唔值呢杯飲品因為無套餐，單點32蚊一杯，外表如茶餐廳冰飲，味道淡得可以，只飲到淡薄的甜味，其他嚐不到，被冰味完全蓋過講真，32蚊這樣的質素，好呃錢枱與枱之間很逼，我身型算瘦削，連出入都好困難，食客的對話都難有私隱地被陌生人聆聽，坐得唔舒服，又侷促擠逼，cafe最重要係環境舒服，收得貴點都叫合理，但食物貴，又坐得唔舒服，這樣價錢，在市區仍有更多更好選擇呢！…Read More

一落船，人頭湧現，第一站，當然食最近的魚蛋，呢間好多人排隊，又多味道選擇，10蚊2粒，實在唔便宜，但一場黎到，一定要試下老實講，味道普通，魚蛋唔彈牙，實在唔值5蚊一粒呢！可以skip 呢間，留肚食其他長洲美食!…Read More

Mr. PIG 帶我去食呢間糕點，有很多款式，紅豆糕，綠茶紅豆糕，芝麻糕，砵仔糕，南瓜糕等，每樣都大大件，每件7蚊8蚊不等，外形平實不花巧，以味道取勝雞樹藤6蚊一排，但比較硬實，無味道，無之前好味，可以唔食，留空間試其他糕點更好…Read More

再一次黎呢間海灘度假feel 酒吧小店，必再食炸芝士波一啖咬落去，芝士被拉出一絲絲，芝士香濃，外皮香脆，實在好正叫左杯mocktail, Sunrise in Cheung Chau. 紅石榴香橙，味道似fruitpunch, 比較sweet 但顏色橙黃，底部偏紅，確似日出初昇的顏色，很美麗埋單48蚊，算係感啦！值得再試!食店裝潢很有海灘滑浪feel,背景播放著節奏輕快的外國樂團音樂，輕鬆品味一杯飲品，聽著音樂，閉上眼睛，寫意愉快的格調，假期，就是這樣子，休閒，不趕不忙…Read More

晚餐黎到呢間，因為仲未夠鐘坐船走，經過時呀姐又大力推介118蚊2人海鮮套餐，2碟海鮮包埋茶同2碗白飯，見佢感落足咀頭，價錢又唔貴，又唔駛等位，就坐低試下。坐在海傍漆黑地望著海邊漁船，都幾有氣氛，直至菜上枱，就知中伏了蒜溶蒸扇貝細到無朋友，一啖咬落去，仲有好多沙，咬到牙都痛，吞唔落，感覺無沖洗乾淨，好唔衛生椒鹽九肚魚味精重，得個咸味，魚味無曬，可能要蓋過魚唔新鮮的腥味吧！最好味，竟然係碗白飯!118蚊，食這兩碟質素的海鮮，都算貴呢！…Read More

同Mr. PIG 在長洲展開美食團，第一站就當然食特有大大。粒芒果糯米糍，Mr. PIG 帶左我去呢間，講真，無太大驚喜，果肉唔夠juicy, 得個凍字，無曬芒果味，皮唔夠煙糯薄身，10蚊糯米糍在長洲仲有更多更好的選擇糖不甩，唔係一粒粒圓型球體，花生都比較大粒，花生香味濃，唔錯，但糯米糍粑似嚼口香膠唔夠軟滑，仲好頂胃睇黎去錯地方食選錯食物，其他食客多數叫芒果凍奶，涼粉冰，有機會試試。…Read More