littleheiiiii's Profile

吉列豬扒咖喱飯好驚艷🥹難得地食到外脆內嫩嘅吉列豬扒，仲要即炸切出嚟好juicy ，而咖喱味道係港式x日式x重香料，調味唔會太辣又食得出咖喱嘅香料味道，蛋包飯入面嘅炒飯，仲要係落咗咖喱底，好用心！一啖滑蛋加咖喱飯同豬扒食得好滿足🥹最後真係清晒碟吞拿魚茶漬飯一開始比靚靚茶壺吸引，食落味道嘅balance 啱啱好，同埋上面有好多肉粒，不過我都係鍾意食咖喱豬扒飯多啲另外加咗一個炸南瓜餅 🎃都係即叫即炸，入面嘅南瓜勁香甜，食完仲想叫多第二個呢度每個飯都係60幾蚊性價比超高同埋好好食😭唯一係位置比較窄，只能夠一個人或者兩個人去食，舖面比較細，只有四個位，不過見到店主好用心裝飾舖頭，同埋服務態度好好！…Read More

好耐之前已經Save低咗呢一間懷舊平價西餐，今日行過佐敦附近諗住平平哋試吓，發現抵食之餘質素幾好！一入去個侍應已經問我哋要紅湯定白湯，嘢食都未叫，好快手就出咗餐湯同麵包🤣餐包係傳統嗰款入面搽埋牛油幾好，微溫個面有少少脆。羅宋湯有好多蔬菜喺入面，仲要足料到入邊搵到一大嚿牛肉，雖然係個餐附送，但質素幾好！我哋一人叫咗一個lunch set ，有得揀配飯、意粉、薯菜或者淨菜，主菜有得揀蒜蓉汁或者黑椒汁半隻無骨鹹豬手配薯菜$68雖然一上嚟睇到兩舊好似份量比較少，但係食落發現都夠，豬手嘅皮整得少少脆又唔會太韌，個筋位都幾入味香煎牛脷配薯菜$68原本以為得一兩塊，點知原來有4-5塊牛脷都幾抵食！佢係炆腍咗再煎，所以食落幾香口唔錯啲薯條全部食得出係即炸，沙律菜比較少，但係收得呢個價錢已經冇得挑剔🤣加咗凍飲都係$3，最後埋單每人都係$71 算係咁見到隔籬枱嗌西冷，塊牛扒同隻碟差唔多大😂應該會再去食。食完出去已經見到排晒長龍🫨睇嚟下次食要早啲去…Read More

其實之前見過有人介紹，bookmark咗一段時間，終於禮拜日嘅時候去食，發現幾正！每一碟嘅炒飯或者炒粉大概係$60-80呢個價位，稍為平過出邊其他餐廳，但係質素仲係好好👍🏻完全唔明白點解星期日晚市可以得2張枱🥲串燒(牛雞各三)食落去有炭燒嘅香味，牛肉同埋雞肉咬落都係彈牙有肉汁，同其他地方食到乾爭爭嘅好唔同！佢個沙嗲醬好多花生，覺得味道啱啱好，食完啲牛雞串燒都唔係好夠喉，將啲青瓜都點咗落去沙嗲醬度食埋😂檳城炒貴刁呢個要特別提及吓佢個蝦醬！一嚟成碟炒得好有鑊氣，同埋上面嗰三隻蝦都唔hea 唔係平時嗰啲泡水蝦仁。個蝦醬好香，我差唔多食晒成碟蝦醬，撈完啲粉之後直接食埋啲蝦醬😂因為真係好好味巴東牛肉呢一煲巴東牛肉係勁抵食！因為佢差唔多每一羹都係牛肉，食得出佢用牛坑腩煮，去到差唔多入口即溶嘅感覺，同埋每一啖都有椰絲同牛肉，個口感好正🤤最後叫多咗兩個 roti點埋啲汁食想講呢一間餐廳真係近期食得最好食嗰間🥹🥹然後價錢都affordable 希望佢做得住…Read More

沙田呢頭食lunch好貴，最近都物色緊唔同嘅餐廳食平少少，搵到沙田中心呢一間鐵板平價午餐。睇個餐牌又真係幾吸引嘅，就算係有肉有鐵板，都只係收$50至70左右嘅價位。叫咗個吉列豬扒鐵板意粉：有配菜、意粉份量偏少、吉列豬扒就普普通通算係咁。炸粉少少厚，不過以$48嚟講都唔可以太挑剔。味道就同普通茶記差唔多，未至於話好好食，但係可以做得更好😂覺得佢可以放多少少汁，同埋多少少意粉嘅份量。。。因為幾個人食完午餐之後都覺得唔夠飽…Read More

星期六去到啱啱開舖已經滿晒芫荽煎餃好香，食得出啲芫荽係新鮮嘢咖喱雞洋蔥煎餃就普通，食得多有啲漏蕃茄薯仔魚湯好香，飲得出冇乜味精，難得地飲晒佢！不過可能太多人，等出餐都要一段時間，都要唔趕時間，同埋有啲耐性先得。最後埋單嘅時候，老闆話prefer 現金，但係最後都俾我哋用八達通🥹…Read More

本身見到食評以為應該正宗台灣菜，加咗$5要蕃茄濃湯，得幾舊生嘅蕃茄，仲要個湯底係冇乜蕃茄味淡茂茂，要加幾匙羹辣醬先夠味，好失望🥲牛腱炆得幾腍嘅，但係有啲牛筋唔均匀，成碗麵份量勁少，晚餐嚟講唔夠飽，唯一好少少係有幾條菜同半隻蛋，同埋啲麵幾煙韌，可惜食兩啖就已經冇。基本上間餐廳qr code 落單，仲要排隊埋單完全冇service 可言，最後都要加一 。$93 一碗咁嘅蕃茄牛肉麵食到有啲嬲，完全唔係台灣菜應有嘅質素。…Read More

有一日心血來潮行過南區，諗唔到晏晝食咩求其入咗一間日本餐廳食😂點知原來都ok wor當日lunch menu 揀咗一個魚生飯，同埋鰻魚蛋飯，套餐有送麵豉湯同小食，揀咗特選刺身(有兩片帶子、兩片三文魚腩同甜蝦)魚生飯嘅三文魚同帶子都新鮮，但係蝦同貝類就麻麻哋，整體嚟講都OK嘅鰻魚蛋飯味道偏甜，有好多洋蔥正！鰻魚個肉質都OK唔似放咗好耐，感覺熟食好似比較好。如果下次再經過應該都會去食，但係特別去就應該唔會。…Read More

同朋友一齊去食，因為比較多人所以包咗間房(見到佢話平時係2.5hr 限時，但係可能因為包房就冇限到都幾好，可以傾下偈)前菜有炸魚皮：正常野，都算脆嘅任食雞煲有幾款：麻辣、花膠、芝士揀，我哋叫咗麻辣同花膠，芫荽嘅份量可以同佢講走或者多芫荽😂幾flexible。味道嚟講個雞煲係幾唔錯，同埋雞件唔係太多骨，加埋洋蔥好惹味！花膠雞煲就有好多舊花膠，都炆得幾腍同入味嘅。唯一有個唔係幾好嘅地方，就係佢個雞煲嘅煲底係尖，但係放咗喺電磁爐上面，每一次攪拌嘅時候都好似陀螺咁😂要用隻手揸住先唔會跣出去，呢個可以改善一下之後上咗刺身船，有鯛魚、生熟北寄貝、甜蝦、魷魚、油甘魚。整體嚟講都算新鮮嘅，有啲impress 係條鯛魚係原條劏，質素唔錯。之後去到火鍋可以揀椰子雞湯、海鮮湯同麻辣，第一輪上嘅海鮮船好誇張！有龍蝦、鮑魚、沙插、草蝦、肉蟹🤣特別係啲草蝦串咗上去竹籤隻腳仲郁緊，鮑魚都係，大部份都好新鮮！之後refill啲火鍋配料就冇咁靚，不過都勝在好多款揀，整體質素都唔錯。食物嚟講以出街食火鍋放題每位$500連加一，算係咁，不過可能我哋嗰晚包房，所以上菜比較慢，由7:30食到11點先完😂😂😂…Read More

琴晚經過過旺角，去咗呢度食和牛丼，睇餐牌原來唔係好貴😯😯，店舖細細得2張長枱同8張櫈，老闆勁nice 咁介紹佢地舖頭嘅招牌，最後叫咗2個日本和牛丼🤤🤤.每個飯都配一個沙律同麵豉湯，雖然係送但係一啲都唔馬虎，日式沙律d菜好新鮮好爽脆，仲有多醬！麵豉湯就正正常常.日本和牛拼照燒雞丼 $88🌟🌟🌟和牛同雞肉切成一粒粒，平均鋪喺飯上面，仲有啲粟米同洋蔥、蔥粒，幾乎見唔到飯，勁足料🤤 每一粒和牛都煎到啱啱好，咬落去霜降嘅油脂喺口中爆開，口感嫩滑係真係和牛🤤🤤照燒雞粒一d都唔鞋，仲有好香嘅雞味(冇雪味！).日本和牛拼葡萄豬扒丼 $98🌟🌟兩碗嘅和牛其實一樣🤤，而葡萄豬扒都好香豬肉味，油脂咬落爽脆，不過肉嘅位置比較乾身。飯底有木魚味嘅飯素，仲有少少肉汁，食落好香又夠味😋😋..最後食到飽飽😍性價比真係好高！！！…Read More

上網見到ig好多人食，作為羊群心理我同朋友仔都一齊去試吓。今次見到有特價就叫咗個二人套餐，恒生咭有優惠兩個人都係$288有7道菜算reasonable 😗1️⃣惹火山木耳酸酸辣辣幾開胃，份量唔少2️⃣川味口水雞 🌟雞肉原來係凍上，都有好多雞肉少骨，醬汁鹹香少辣，唔錯唔錯3️⃣水煮牛肉 🌟🌟一上枱，我見到成碗都係紅色嘅辣油真心驚😱明明叫咗小辣，點解都會變成滿江紅？！冇計，都叫咗，唯有就頂硬上😵 原來食落去唔係見到嗰隻咁辣，未至於辣到孖潤腸咁，不過由喉嚨攻上嚟，好刺激🥵 牛肉片咬落幾有趙口，又唔會太硬，煮到啱啱好，仲食到有少少牛味👍🏻底下仲有大量芽菜同埋蓮藕，素晒辣汁都幾好食4️⃣噴火小籠包🌟呢個小籠包幾好食，中間有大量辣嘅肉汁，包嘅皮都幾薄，好惹味🤤不過未至於噴火😹5️⃣乾煸四季豆🌟🌟呢個餸係出乎意料地最好食！四季豆配上醃好嘅肉粒，加上大量蒜茸炒得勁香，我地兩個都係咁食🙊6️⃣香芹豬肉水餃比較普通，皮比較厚，正正常常7️⃣黃金南瓜露作為一個解辣嘅甜品，佢係凍上嘅😌食完咁多辣嘅菜式之後食返個涼浸浸嘅甜品，特別舒服，如果南瓜同埋椰汁嘅味道可以更加濃就好啦整體來講，我覺得呢間餐廳性價比都幾唔錯，如果鍾意辣嘅朋友可以一試😛👍🏻…Read More

𝕿𝖍𝖊 𝖌𝖗𝖆𝖓𝖉 𝖛𝖎𝖇𝖊𝖘 𝖔𝖋 𝖔𝖑𝖉 𝕳𝖔𝖓𝖌 𝕶𝖔𝖓𝖌🇭🇰Birthday reward set menu $418/pax，我哋琴晚係食set B，因為兩個人嘅關係，就叫曬佢嘅所有choices 🤓基本上所有都好好食，所以。。。好多星星🤭.1️⃣ appetisers:- 泰式香芒蝦沙律🌟十分清新，🦐🦐 分量超多，仲有一點點嘅芒果汁，配上青芒果甘荀泰式沙律，十分開胃，一啲都唔馬虎！.- 牛仔肉薄片配火箭菜及酸菜🌟牛肉肉質細嫩，上面有厚厚嘅忌廉酸醬，再配埋沙律好fresh 🤭2️⃣ tomato soup 🍅🌟🌟我想講呢個係我飲過最好飲嘅蕃茄湯🤤 有香濃嘅蕃茄味，估計落咗cream 好滑，上面有一層勁香蒜味嘅油，將普通嘅番茄湯昇華🤩.3️⃣ main course - 煎石斑配蘆筍意大利飯佢地嘅risotto 食落好正宗，而魚柳可以食得出唔係一般貨色，不過可以再煎得香啲，而蘆筍汁比較淡味，可能係為咗突出魚柳，相對牛柳比較失色，不過都已經幾好🥺.- 牛柳配忌廉焗薯及雜菜🌟🌟雖然牛柳細細塊，佢十分之香嫩，牛味勁香，叫咗medium 中間仲紅紅地，熟度啱啱好，旁邊嘅薯菜都整得超好食，有一舊係用薯仔片同薯蓉整成嘅都勁香😋😋.4️⃣ dessert - 檸檬蛋糕法式蛋白霜配忌廉及乳酪雪芭 🌟🌟🌟呢個係我全晚覺得最有驚喜嘅一碟💕雖然lemon cake 睇落好似平平無奇，但係佢中間嘅檸檬mousse 好fresh 🌱 令人垂涎三尺🤤乳酪雪芭反而奶味比較突出，成個combination 好正❣️❣️❣️- 法式咖啡燉蛋配香脆焦糖榛子酥條🌟🌟其實夜晚食咖啡嘅甜品都有啲驚會瞓唔着😂不過個樣又好似好吸引咁，係咁食係咁食🙊 咖啡味好突出，偏甘香唔苦，香滑嘅燉蛋一入口，咖啡就從舌頭開始diffuse 到整個口腔，仲留低醇厚嘅餘韻～不過酥條就比較普通，都脆嘅😋.5️⃣ 生日蛋糕- 柚子青檸乳酪慕絲蛋糕 (估計係?) 🌟本身以為送嘅蛋糕應該會細細舊，點知原來有a5紙咁大🤣 底層係傳統嘅海綿蛋糕，中間夾住柚子蓉，上面嘅mousse 輕身又清香，好正😋.6️⃣ 最後仲有一壺English tea，嘆住茶欣賞live band，為呢一餐畫上完美嘅句號。☕️.整體來講我覺得係超值啊！！除咗可以支持💛店之外，仲可以感受到以前英殖香港嘅氛圍，有一種古典嘅英國情懷💕而且食物都好出色，壽星表示👦🏻好滿意🙊…Read More

好耐之前已經聽過呢間韓國餐廳，聽講十分之熱門🤣今次一於同朋友仔去食！因為驚要排隊嘅關係，我哋6:30已經去到，唔駛等可以直接入座👭🏻 疫情之下，餐廳亦設有圍板隔開兩枱嘅食客，亦有提供信封放口罩，好好服務。我哋兩個港女叫咗好多打卡嘢食🤤🤤🤤熔岩芝士炸雞麵包 $148一上枱真係好igable 😍 炸雞份量都幾夠，本身雞肉都有調味，幾好食，可以俾我哋放入去麵包入邊捲起拉芝🤤但係麵包皮可能放耐咗，冇想像中咁脆。卡邦尼年糕 $78佢係用焗盤serve 嘅，白汁都好濃郁，不過年糕嘅調味可以再重手啲，上面有一粒流心蛋，爆汁撈入去年糕嗰度好治癒🤤芝士海鮮菜餅 $68比想像中脆，上面有好多海鮮、泡菜等等嘅配料，感覺都好足料🤤 不過用網嚟裝住，切開嘅時候隻叉成日都碌咗落去個網度😂好蝦碌😂爐板燒布朗尼$68又係另外一個igable 嘅菜式🥰 作為甜品brownie 嘅份量非常之多，一方面上面嘅雪糕慢慢溶落去，另一方面brownie 被火燒烤，冰火兩重天🤣🤣🤣 仲有啲咸甜嘅脆脆喺旁邊，口感好豐富！ 不過brownie 入面比較濕潤痴牙，如果可以硬少少就好啦😋總括嚟講，佢哋嘅賣相都好靚🥰…Read More

平時好少出大角咀嗰頭😝今日同朋友一齊去嗰度覓食！之前喺網上見到推介呢間黃店💛，就即管去試吓佢哋個漢堡係唔係真係咁好味🤤🤤🤤同朋友去到嗰陣已經係晏晝兩點，可能已經過咗午飯時間嘅關係，餐廳細細間都幾舒服，場上仲貼左好多美式嘅牆紙，好有格調🥳 🇺🇸 原來佢哋嘅lunch set 包飲品同沙律，平過就咁嗌😯😯我哋叫咗一個至尊漢堡、水牛城雞肉漢堡同bbq雞翼，上菜嘅時候，我同朋友對於沙律嘅份量都好驚訝，因為佢哋嘅沙律菜真係好足料，仲落咗好多蜜糖芥茉醬，好好食😋至尊漢堡 $88出乎意料地，呢個漢堡同相中嘅一模一樣🤤🤤 兩塊牛肉漢堡扒有成2cm 咁厚，仲有好多肉汁，中間嘅蘑菇同洋蔥食得出係事先grill過，再加埋番茄同生菜食落好清新🌱水牛城雞肉漢堡$60 (+$8 菠蘿)朋友話佢第一次食blue cheese 都覺得好好味，雖然雞肉係有啲辣，加埋菠蘿就啱啱好，就咁見到有兩大塊雞肉，呢個價錢來講好抵🤩👍🏻BBQ 雞翼 $38/5每一隻雞翼都係新鮮炸好，上邊有一大層BBQ醬，食落都幾香，不過我哋兩個個餐都好大個份量😂差啲食唔晒整體來講，佢哋嘅漢堡質素好高，性價比都唔錯，會再去幫襯😋…Read More

如果要我揀太安樓邊一間最好食，我會揀魚蛋佬🤣🤣🤣 個人好鍾意食港式嘅小食，平常篤一串魚蛋都已經好正最特別嘅係佢哋嘅秘製沙嗲醬，我食過好多間唔同嘅沙嗲魚蛋，都係覺得魚蛋佬嘅沙嗲醬最好食🤤🤤🤤🤤🤤 有好香嘅花生味，辣得來又唔會好”確”喉，鹹鹹甜甜配上魚蛋就最正😋 平平無奇的魚蛋，配上超好食嘅汁，就好似賦予左靈魂一樣，搞到停唔到口😍😍🥰🥰除咗食魚蛋，之外我仲會叫牛柏葉，本身無味嘅牛柏葉索晒啲汁一樣好好味…Read More

之前同朋友行旺角中心，行行吓覺得好肚餓，見到一間賣雞蛋仔嘅舖頭就去試吓💛💛💛仲要係黃店🥰比利時70%黑朱古力雞蛋仔$25+$6麻薯其實就咁睇個價錢覺得好貴，都有D唔捨得，老闆見我企左喺前面諗咁耐，極力遊說我加麻薯😂😂😂老闆一整完個雞蛋仔出嚟，就聞到好香嘅朱古力味，雞蛋仔嘅朱古力味好香濃，再加埋煙煙韌韌嘅麻薯，係三重嘅享受😋😋😋食完之後覺得呢個價錢係值得嘅👍🏻👍🏻雖然個荷包真係好肉赤🙈😭😭…Read More