nocarbs_nolife的個人專頁

冬天想食啲暖胃嘅嘢，見到呢度用砂鍋相刀削麵，非常有興趣。藥膳湯底感覺養生，除咗醉雞，仲可以選擇豬軟骨同牛頸脊。[[成年人不作選擇]]因為咩都想試，所以揀咗有齊雞件、豬軟骨同牛頸脊，即叫即削嘅刀削麵。上菜嘅時候湯底依然滾燙冒煙。每條刀削麵嘅厚薄不一，非常有口感，呢啲係手工即削先有嘅質感。[[醉雞刀削麵]]醉雞相對清新，帶有微微酒香。加$18有油菜，非常健康。豆漿$9，熱豆漿好似打左層奶泡咁，好香滑，唔知以為飲緊奶。…查看更多

陪朋友去粉嶺做野，喺附近搵下野食，呢間餐廳餐牌勁多選擇，想食咩都有。環境座位寬敞，好舒服，見到keep住full house，都幾多人。串燒孜然粉味濃，好惹味，豬柳一啲都唔韌，豬頸肉爽彈，相當唔錯。鳳爪沙律嘅份量好慷慨，勁大盤，材料好多，鳳爪好開胃，青木瓜蘿蔔絲好爽口。濱城蝦湯蝦蝦蝦，蝦🦐好鮮甜，竟然比有七至八隻蝦，湯底都好清甜。見到有薑蜜好特別，竟然一啲都唔會過甜，夠辣。估唔到喺粉嶺求其入一間餐廳都幾高質，有機會會再encore。…查看更多

餐廳由粉嶺聯和墟街市活化而成，用餐感覺環境同普通餐廳好唔一樣，樓底高，空間感十足。餐廳除咗有人食嘅食物，仲有狗狗餐，歡迎主人帶埋狗狗一齊用餐。[[雙重芝士焗豬扒飯]]採用本地豬，好新鮮好Juicy，焗飯係炒底，粒粒分明好有蛋香，而且茄汁味濃，再多啲芝士仲正！🤤🤤[[香蒜雪花蟹肉扁意粉]]好有驚喜，蟹肉非常鮮甜，每條意粉都連住蟹肉，意粉嘅質地啱啱好，而且好多菇，用料十足。[[焦糖香蕉配朱古力窩夫伴日本雪糕]]香蕉有焦糖麵，又脆又甜，好好味。如果窩夫可以再脆啲就Perfect。[[椰子雪葩]]呢個甜品打卡一流，用椰殼裝住雪葩，而且好細心地。用忌廉黐實個椰殼，唔會食到搖嚟搖去，食到新鮮椰子粒，非常清香，椰子控一定鍾意。…查看更多

同朋友好耐冇見，想揀間坐得舒服嘅餐廳食飯傾偈，揀左想試好耐嘅天天海南雞。兩個人都可以坐四人枱，坐得舒服。除左海南雞，仲有好多特色新加坡菜。天天無骨海南雞[中份] + 油飯海南雞做到皮薄肉質嫩滑，即使全份都係雞胸部份，都絕對唔會嚡口。非常欣賞。雞皮與雞肉之間保持一層啫喱，好好味。三款醬料都非常高質，平時唔食辣嘅我都點完又點。油飯粒粒分明有雞油香，但又唔會過分油膩。豆漿海南雜菜鍋練習火鍋都好有驚喜，非常足料，粉絲同黃芽白浸喺豆漿索哂汁，好香濃。裏面仲有雞腎、大蝦乾、西蘭花苗同椰菜花。火焰石燒沙爹串串燒雞肉、牛肉同豬肉各兩串，職員會即場用火槍火炙，好香。即使唔點沙嗲醬都已經好夠味，點完更加惹味。估唔到除咗海南雞高質之外，其他菜式都相當唔錯，而且好適合同朋友坐喺度慢慢傾偈。…查看更多

水門雞飯分店越開越多，晚飯時間滿座，裝修充滿泰國風味，仲會播泰文歌😆[[串燒魷魚]]Size比想像中大隻，真係有焦香味，魷魚一啲都唔韌，點埋醬酸酸辣辣幾好味。[[水門雞飯]]轉雞脾加$10 ，唔好睇佢冇乜顏色，其實雞肉相當入味，而且非常滑，油飯粒粒分明👍🏻[[冬陰功雞河粉]]河粉係泰式寬厚版本，湯底比一般嘅更辣更惹味，適合嗜辣人士。[[馬拉盞炒通菜]]泰國野點少得炒通菜，呢到仲可以揀少辣/少油。加埋杯柚子蜜，好滿足〰️…查看更多

西營盤站附近好多餐廳，競爭都幾大，距離地鐵站少少距離的日常，值得花點時間走去吃。🍽️牛肉卷➕明太子熱拌烏冬好豐富，除了牛肉卷同烏冬，附有沙律味噌湯+溫泉蛋，明太子微辣加醬油拌勻食味道濃郁，但略嫌鹹咗少少。牛肉卷裡面包住雞髀菇，中和肥牛的油膩，但相對難咬，個人比較鍾意卷金菇。🍽️唐揚炸雞冷烏冬有四舊炸雞，炸得非常酥脆，毫不油膩。天氣有啲熱，食冷烏冬特別消暑，而且冷食烏冬特別煙靭，食得推介。柚子抹茶上面有一球sorbet，啱哂夏天飲❤️…查看更多

灣仔大王東街午飯時間好多人龍，呢間特別多人，主打雞同叉燒。🍴蒜香蔥爆霸王雞 $69成個套餐有例湯有油菜，可以加$3配菜飯，唔想食飯嘅亦可以轉米線或米粉。醬汁嘅主調係炸蒜同豉油，一啲都唔辣，有好多香蔥絲，配飯都幾惹味。🍴龍鳳配（叉燒配沙薑雞）可以揀轉比加錢轉雞髀，呢度嘅雞水準正常，叉燒就可以唔使叫，又柴又乾，亦都冇乜叉燒嘅蜜汁香味，就似好嚡嘅瘦肉。米粉嘅湯底同滾水冇乜分別。欣賞例湯裡面真係有料，每兜都有原隻雞腳。…查看更多

良田村裡面竟然有一間對咖啡咁講究嘅coffee shop，無論Aeropress、手沖、虹吸都有得飲，而且咖啡豆嘅選擇都唔少。第一次見到Americano都可以拉花，原本以為加少少奶，邊white Americano，原來老闆用特別嘅方法製造一層啡泡，拉出淡淡嘅latte art。另一杯普通Americano比較厚身，係飲過最濃嘅Americano。坐坐下有啲餓，好想食甜品，老闆話連雪條都係自家製，甜度低，窩夫厚，可以更脆身，肉桂蘋果甜而不膩，肉桂控覺得可以加重肉桂🤤整體性價比高！超足料，一定會再訪，老闆好熱情。…查看更多

今日陪屋企人黎附近面試，順便食埋晚飯，見到呢見台灣小店幾有味道。*半筋半肉麵*餐廳用QR Code落單，紅燒湯底可以自選濃度，濃啲淡啲都有得揀，牛筋好軟好入味，而且份量足。麵條揀左粗麵，好有手工製作嘅感覺，每條粗幼不一，有勁度有咬口，唔錯。*鹵肉燙菜*比起一般嘅油菜多咗醬油嘅鹹甜香味，仲有肉香，比一般油菜好味好多。*皮蛋豆腐*夏天食呢一個涼拌小菜，非常開胃，豆腐凍冰冰，加上醬油膏嘅味道，好似食緊豆腐花咁滑。熱薑母茶 (餐飲+$8)薑母茶一上枱，已經聞到好香嘅薑味，辣度同甜度啱啱好，唔會太濃，好易入口！熱飲黎講 呢杯薑母茶份量都唔算少架！…查看更多

同家人喺K11行到肚餓，但商場多連鎖野，價錢又唔平。一行出商場，見到對面馬路有間好大的泰國菜，好多人幫襯。門口已經有濃濃的泰國風味。裡面好大，可以容納好多張枱，所以多客人都唔洗等好耐。餐牌好多選擇，實有野啱食。*泰式生蝦*夠新鮮~點埋醬料好鮮甜！好好食。*鐵板蠔仔炒蛋*一上枱見到份量呆左，超足料超大份，而且好有鑊氣，唔講以為食緊蠔餅，好香脆。蠔的份量好慷慨，大大粒。串燒有牛、雞、豬，香口惹味，上枱好快清哂。*蒜容炒貴妃苗*食返碟菜平衡下，點知都好有驚喜。夠哂蒜味，貴妃苗好爽好新鮮，冇草青味。呢到夠大又好坐，野食多選擇，都幾啱一家人黎食。…查看更多

好羨慕啲喺大堂有coffee shop的商廈返工的人，日日都可以飲靚啡。29coffee牛頭角總店一直冇機會去，今次出開上環，即刻去試下，天氣熱坐喺到會有少少辛苦，因為大堂係半開放，冇大門，熱空氣會流入。*Smoked Salmon Bagel*呢到的bagel size比較細，如果好肚餓的話未必夠食，煙三文魚唔係夾火箭菜，係夾青瓜，感覺幾清新，但青瓜份量可以多啲。貝果紮實有咬口，雖然有拉扯感但好有麵粉香！煙三文魚加左少少paprika調味，幾好食。配埋杯高質啡，希望有機會再黎。…查看更多

最初以為呢到地點唔方便，應該唔洗等位，點知星期日下午黎到滿座，等幾耐就真係睇運氣。唔少人都會黎外賣咖啡。店內有一張大枱，加幾張迷你二人枱，空間感幾好，唔會好逼。無論咖啡定輕食，都有唔少選擇，幾吸引。*Egg Salad Egg  Salad  Croissant*呢個唔太推，預先生焗好，後來再翻熱，牛角包明顯過硬，甚至有啲燶同苦。*Avacado  Toast  with  Eggs*呢個就好高質，酸種包質素好高，一塊好厚，所以食到好香的麥味，有口感，牛油果冇咩可以衰，夠新鮮就OK! 溏心蛋生熟程度剛剛好，呢個一定會再黎食。*Wake up zombie*天氣熱飲呢杯special drink，感覺好清新！裡面有茶有啡，味道好平衡。…查看更多

平時見間間NOC都排哂隊，但其實一啲都唔平，仲要收加一添，不過想食健康啲又坐得舒服，呢到環境又真係唔錯。新出的蟹肉蛋白多士，中間墊左啲菠菜同黑醋，但始終蛋白水分比較多，都係會整到塊酸種包淋哂，不費力就可以切開。蟹肉蛋白的份量好豐富，應該至少有4隻蛋白，調味好輕手，帶點蟹肉嘅鮮甜味，自己加左好多黑椒。我會話呢個價錢，有一半係比犧牲左的蛋黃。呢到嘅酸種包冇咩特別，冇口感唔煙韌，冇咩香氣，唔會有麵粉香。…查看更多

檔口貼有指示，教你落完單唔洗比錢住，返黎拎餅先付款。雖然好懷疑店家係咪記得自己張單，但跟指示做應該冇錯。本身搵唔到鋪位位置，但見到長長人龍就知冇搵錯啦！蟹籽吞拿魚超多吞拿魚，好有份量的手抓餅，雖然唔係好見到蟹籽的踨影，但呢個價錢冇投訴啦。夾住新鮮生菜，好清新，餅熱吞拿魚凍，外熱內冷感覺不錯。食嗰時啲餡多到爆哂出黎，略嫌沙律醬多左啲。手抓餅係走厚實路線，唔係台灣嗰種整到鬆身的感覺。下次會想試埋其他口味。…查看更多

葵廣掃街必食😆實在太鍾意食Mexican wrap同taco，taco即叫即整，可以揀餡料，等左五分鐘有熱辣辣taco到手，裝得好整齊，比埋手套企埋一邊食。牛肉有驚喜！感覺似burger裡面嘅patty，有啲得肉筋咬下，好濃郁嘅牛味👍🏻感覺似食緊漢堡包，不過比較容易漏哂啲牛出黎😂😂蝦就比較普通，蝦近乎蝦米嘅size😆口味比較清淡，下次可以試下其他醬汁，可能會更惹味。整體已經好高質！$32-$34有份即製taco。…查看更多