kellyuglau的個人專頁

本身好喜歡飲星洲菜嘅餐廳嘅炭燒咖啡，但呢度嘅炭燒咖啡同普通咖啡機沖嘅咖啡冇咩唔同，而且都冇椰乳嘅味道，就好似即沖咖啡粉加咖啡伴侶嘅味道，都幾失望。其他食物一般般，不過不失。…查看更多

今日經過重新裝修嘅手作功夫茶點左杯38奶霸，一如既往咁足料！可能重新裝修嘅關係，店外人龍好長，但店員態度好好，值得讚！服務態度真係好好…查看更多

駱駝漆新開餐廳，環境不錯，算係喺駱駝漆入面裝修靚嘅餐廳，裝修簡潔，打卡一流。叫左兩個combos, 一個signature配麻辣薯條、一個blue cheese配芝士薯條。($88/set)先講burger, 呢間餐廳算係同價位中我幾欣賞佢塊漢堡扒嘅餐廳。佢塊扒調味幾重手，食落有m記豬柳強嘅味，最欣賞係佢地將塊扒嘅面頭煎得夠乾，但入面仲係好有肉汁，係靚嘅粉紅色。而blue cheese burger並唔係加塊芝士入去，反而佢地啲漢煲包入面係冇芝士嘅，但係blue cheese burger我真係食到blue cheese嘅味，所以我估佢地應該係加左入啲醬汁入面，呢個芝士味令到個包味道更豐富，所以兩個包之中，我會更推介blue cheese burger。然後薯條，麻辣薯條超有驚喜，佢嘅麻辣粉係真係辣，而且佢係粗切薯條，份量亦都合理，我覺得佢比起5 guys嘅 cajun薯條更好食。而芝士薯條係喺薯條加芝士粉，相比起麻辣薯條，佢就有啲普通。呢間餐廳真心不錯，而且價錢合理。…查看更多

呢間鋪位於food court入面最盡頭，可能晚市 附近又係工廈區關係， food court入面無乜人。去到moo moo, 店鋪內位置唔多，佢係室外後巷位置放置在一啲坐椅，有露天茶座嘅感覺，當然客人亦可坐店鋪前food court的座位。我叫了一個經典漢堡、薑汁芒果冰茶、豬頸肉沙律。先評價經典漢堡 ($60)漢堡包包皮只係微微烘過，仲係非常軟身，只係塗左好少好少嘅牛油，，而且因為烘得唔夠乾，配菜嘅汁整濕晒個包，濕左嘅包皮口感好差，唔算係好食嘅包皮。漢堡扒算有肉味，但較乾身，整體夾埋配料食都叫不過不失嘅。我覺得如果個包皮可以烘得再乾身少少，牛油再搽重手啲，整體個包會高分啲。評價薑汁芒果冰茶 ($28)呢杯飲品反而有驚喜，飲落好清新，以為薑味同芒果味呢個配搭會好奇怪，點知出奇地夾，真心推介呢杯飲品。評價豬頸肉沙律 ($54)豬頸肉煎得幾香，份量都足，沙律正正常常。…查看更多

12:30開門，準時去到已經有人等緊。餐廳有6張枱仔，無一陣就已經爆左，要排隊了。星期一至五佢地有個$50 lunch set，包一個美式牛肉漢堡、薯條同一罐飲品。漢堡包包皮軟熟，用牛油微微烘過，甜味，單食個包已經好好食。而塊牛肉厚度適中，見佢都煎得幾燶下。不過單食都幾咸，算叫有肉味，但乾身，完全稱唔上juicy。不過食漢堡包就梗係夾埋啲餡料一齊食㗎啦。個包甜甜地，舊牛就咸咸地，加埋其他配料，整體來講平衡得幾好。而跟餐薯條係厚切嘅粗薯條，面頭灑上少少香草，唔怕太鹹，幾好食。呢個漢堡包餐都算幾大份，對女仔來講真係好飽。成個餐整體來講性價比高，絕對係回頭之選。…查看更多

星期一下午茶時段，大概3點門口已排了幾位客人，大概等了15分鐘就有得入去。餐廳環境不大，又因為禁聚令隔開餐枱就更顯狹窄。但相比其他舊式餐廳，眼見的地方已算企理。叫了一籠小籠包($40) 和一碗牛腩擔擔拉麵($42) 跟餐2個生煎包 和兩杯豆漿。先評價牛腩擔擔拉麵超驚喜，性價比極高。牛腩炆得好淋、唔老；牛筋彈牙、黏牙、很入味。而且仲要俾左滿滿一碗嘅牛腩、牛筋，大大舊都起碼有6、7舊。湯底我選了擔擔麵湯，杰身、少辣，加上肉燥和花生，口感和味道都非常好。本人非常喜歡擔擔麵，我認為他的湯底已出色過不少連鎖上海餐廳。一整碗下來就是有點膩，但絕對是回頭之選！評價小籠包出籠熱辣辣，但湯汁少，沒有鮮味，豬肉也沒有太多肉味，就像超市急凍小籠包一樣，但勝在便宜抵食，$40可以坐低食籠熱辣辣的小籠包，也不好多説了。評價生煎包下午茶麵食跟餐我選了生煎包，不同於其他店鋪的生煎包，包裏沒有湯汁、較乾，豬肉也是沒有太多鮮味，就係普通菜肉包一樣，有點失望。但都係嗰句，跟餐就不好太多要求了。總括而言，下午茶抵食，性價比高，值得大家一試。…查看更多

見OpenRice有七折優惠卷，買左杯仙草奶茶，去到加$3加左芋頭珍珠。奶茶係普通奶粉溝的奶茶，味道同貢x、歇x亭差唔多味道。仙草亦不過不失，無乜特別。😶😶但珍珠就真係唔多ok，佢地珍珠有兩種選擇：黑糖珍珠同芋頭珍珠。聽落芋頭珍珠幾特別咁，咁我就叫左。但珍珠食落毫無芋頭味道，除左顏色特別啲，味道真係無乜特別。重點仲要勁淋！勁無咬口！飲落真係分唔到飲緊仙草定珍珠。整體好普通，如果要飲珍珠類嘅飲品，建議過隔離街口歇x亭買，性價比仲高。…查看更多

係open rice上面見到呢間鋪好似好抵食咁，就走左去試。外賣左一碗兩餸麻醬米線，點知拎到翻屋企，乜餸都無，搞到我又要特登走多去一轉。去到我一話乜餸都冇，店員就好似知道乜事咁，俾返我要嘅餸，個反應就好似話俾我知佢係特登咁，真係好唔老實。最令人咋舌嘅係，個店員係帶着膠手套拖地，然後繼續戴住個膠手套去打開個外賣碗同捧住碗麵去加餸，問題係佢前一刻仲帶住個手套去揸住個勁污糟嘅地拖，成件事真係好嘔心。出去食嘢污糟就預左，但係眼不見為乾淨都好，唔係擺喺我面前比我見到丫嘛。而且佢哋成個地下都一灘灘水，衛生條件真係好差。不過講翻碗麵，個麻醬湯底的確不錯，味道同濃度都不錯，食得出麻醬嘅濃厚感覺。我叫咗中辣，但係佢嘅辣度大概就係譚仔嘅小辣咁上下，而且佢個辣度唔會搶晒成個湯底嘅味道，個湯底做得真係好出色。但係餸就真係麻麻地，雞翼尖有雪藏味而且有少少難食，芝士腸都有陣怪味。米線就不過不失，但係煮得有啲淋。總括來講，係抵食嘅，但係唔老實同埋衛生條件差對於我來講已經夠令我唔會再回頭食。…查看更多

一直很喜歡吃蘋果批，最近看到之前有報館報導過這間的蘋果批遠近馳名，便特地前來。以為有報章報導過的餐廳一定會大排長龍，但今日午市時間去到，餐廳都幾清靜，只有一兩枱客，本來打算堂食，點知見到原來佢地都只係用微波爐幫食客翻熱，咁我不如帶翻屋企清清靜靜咁食了。餐廳職員服務不能說很殷勤，但比一般茶餐廳已算好了，沒有粗聲粗氣，知道我是外帶，還提我一聲回去用微波爐叮熱即可。買了一個大批，蘋果餡料酸酸的，似檸檬批加蘋果批咁，香嘅，批皮都香牛油味。不能說敗筆在蘋果酸，因為可能有些人喜歡酸的，而我本人就還好了，就是下次經過會買，但不會特地去買。反之，順道買的雞批餡料足，牛油皮香，較蘋果批更出色。早知買個雞批大批，蘋果批切件仲好😂…查看更多

經過尖沙咀附近，看到樂天皇朝六折嘅海報，咁抵就決定午餐食呢間。記得對上一次食樂天皇朝係半年前，一直都是喜歡吃它的原味小籠包勝於八色，但今次跟第一次食樂天皇朝的朋友一起吃，便叫了一籠原味、一籠八色。八色小籠包一如以往，噱頭勝於味道，八味當中只有蟹粉、黑松露較出色，口味傳統的人，建議可只叫原味。但今次很可惜的是包皮水準亦不及以往，只是等了影一兩張相打卡嘅時間，頂部的包皮便已經變硬，包皮沒有以往的軟嫩，最出色的包皮部分都失準了，認真趕客，怪不得要用六折優惠來吸引顧客了叫了一碟生煎包，餡料好吃，有肉汁，但包面有怪味，因之前從未叫過，所以不知是否本身就是這樣的味道，但怪味就肯定大扣分最後還叫了一碗蔥油麵，不是招牌，但味道不過不失，本人本身亦非常喜歡蔥油麵，所以整餐就只有這碗蔥油麵值得一讚。樂天皇朝最出名的小籠包不能保持水準，即使用六折這些方法吸引客人亦治標不治本。但總括而言，整餐非常飽肚，味道亦不算難吃，六折後人均$100，亦值得再去。…查看更多

看了雜誌的粢飯專訪，特地來試。店舖乾淨，人客不多。下午茶時段，叫了一份炸雲呑配豆漿和單叫了一個咸粢飯。炸雲呑不是重點，但這個下午茶餐只需21元，很抵吃！相反，特地來一嚐的粢飯味道平平無奇，飯幾好食的，但肉鬆太濕，黏在一起，而且油炸鬼亦不夠脆，吃上去的口感不太好。總括，不是住在附近的，不推介特地去試。…查看更多