老寶的個人專頁

儲下了一堆相片想寫食評，終於在完成學業+工作無咁忙的時候可以開始呢個大計了!23/4/2012這天早了完成工作，於是便找個地點吃些小食獎勵自己吧。剛巧在這裡附近，想起這間人氣yoghurt鋪。都不是太難找，一入去，有很多不同的熊貓　:)，鋪頭細細，有一張長椅，雖然長椅上的布已經黑黑地:(店員細心地介紹價錢和叫法，我要了一杯標準size的，再自己落喜歡的配料。mochi也算軟熟，生果選擇還可以，我還是比較喜歡朱古力類的配料如oreo碎和餅乾條，最後滿滿的一杯也只是$34，應該比其他同類型鋪頭便宜呢！最後在店內坐了15分鐘，人也開始多了，把位子讓給別人，讓他們也能享受這價錢相宜的panda yoghurt啦！…查看更多

原來都唔係太難搵....好彩下午3點去到, 見到伯伯(同一個婆婆)仲係度整緊..買左$20食, 好香呀!!熱辣辣的, 好似蛋卷, 但比蛋卷更重蛋味...好想一次過食哂, 不過要留肚再周圍食, 同要留返d返去俾媽媽食...希望快d再有機會黎澳門再幫襯伯伯啦~~~…查看更多

早前買左yahoo團購, 今日出開旺角就黎買一份試下喇...原來限制左買咩味, 其實我好想試ocio味呀...不過咁平都唔可以要求咁多, 最後就要左白朱古力配云呢嗱雪糕但係我等落order都等左5分鐘, 只見得老板一個人整waffle, 整野飲同落單...所以搞完哂佢先得閒理我...有得食了, 又真係幾好食的! 香脆的waffle入面有白朱古力粒, 而且份量都幾多不過如果唔係有團購 又未必會走黎食啊~~希望老板請多幾個人幫佢手啦 …查看更多

自從上年10月開始, 已經沒有再在OP寫食評了。當中原因, 當然是因為沒有了陪我周圍搵好野食的那個他。離離合合, 原以為沒有機會跟他慶祝今年的生日, 但世事總是那麼奇妙吧。我們還是有機會一起吃生日飯了。 找了好幾個地方, 主要是想找一個輕鬆、靜靜的地方, 最後就找到Chesa了。從沒踏足過半島, 但各食家都說這裡沒有高級酒店那種令人拘束的感覺, 食物和氣氛也是超讚的。所以個多星期前就致電預約了。因為我打算自己帶生日蛋糕, 侍應於訂檯時細心提醒$50/位的切餅費, 不過如果不在餐廳吹蠟燭及進食就不用收切餅費。 訂了7點半, 自己早了半小時到, 先把蛋糕放在餐廳, 奇怪地, 今天竟然出現一個跟我同名同姓的人? 幸好最後只是一場誤會。經理細心地問我蛋糕是否需要放在freezer, 處理好蛋糕我就去接他了。 他也是第一次去半島, 我神神秘秘的, 事先沒有告訴他我們今晚到哪裡。一路朝著半島的方向走, 他說:「不是半島吧? 我咁大個仔都未去過半島...」我笑說:「哈哈, 咁今日就帶你去見識下啦!」總覺得第一次去, 要由正門入, 繞過兩層樓梯, 便到達chesa了。經理見到我, 便安排我們坐在梳化那邊的第二張檯。真幸運, 我只是早了個多星期訂檯, 但坐的位置也不錯呀! 侍應送上兩杯水, 便開始介紹菜式了, 最近在做summer's salad的推廣, 他又向我們介紹芝士的菜式。其實我一早已經在OP做足功課, 不過最後當然是主角決定啦! 點菜時, 我一直擔心只叫3道菜不夠飽, 但別忘了還有一個蛋糕!! 點好菜後, 侍應便送來一籃麵包, 最喜歡那一片麥包, 十分軟熟, 再加上不太膩的牛油, 我很快已經吃完3個了! 不久, 我們的第一道菜--crab meat pancake就送上了, size不大, 上面淋上香濃的龍蝦汁, 新鮮的蟹肉, 一向為食的他說, 這種鮮甜的程度, 應該是只用了蟹身的肉, 連蟹鉗的肉都沒有用。是真的嗎? 雖份量不多, 只能淺嘗, 但真令人回味。(未能post到這道菜的相片, 因為在他的手機...) 第二道是芝士raclette, 因為不想吃芝士火鍋以致太飽, 所以選了raclette。侍應送上時細心地提醒碟邊很熱, 然後送上一碟酸瓜配菜。我兩一向不太愛吃這類型的配菜, 所以只以新薯配著芝士進食。很重很濃的芝士味, 咸咸的, 吃到底還有一些近著碟邊很香脆的芝士。不過我最欣賞還是那些甜甜的新薯, 不配芝士也很好吃。 main course是rack of lamb, 我們都是不怕羊蘇味的人, 但這道羊架是完全沒有蘇味的! 五成熟的羊架內裡還有血紅色, 咬下是很嫩很滑的羊肉, 五成剛剛好! 伴碟還有薯蓉, 是磨爛了的薯蓉一層層鋪成長方體, 上面再配上一層芝士再焗。還有新鮮的伴菜如甘荀和粟米仔等。 平時食飯很快, 很少享受慢食的滋味。原以為3道菜不夠飽, 但很快已經有飽肚的感覺。這時經理過來替我們清理桌面, 我請他晚一點才送來「甜品」, 因為太飽了, 他友善地說沒有問題。就趁過這個時間好好欣賞一下這裡的環境吧。可能是星期五的關係, 今天全餐廳滿座, 有人在下面大堂等了一會才上來呢! 旁邊的情侶則在享用芝士火鍋, 有機會我也要試這裡的芝士火鍋和牛面頰。 說著說著, 侍應捧來了蛋糕, 問我要不要唱生日歌, 我笑說不用了, 只是請他替我們拍照, 沒有那種全場望住你切蛋糕的尷尬, 侍應也很貼心等我們欣賞完生日蛋糕才幫我們切 (有機會再寫一下這個生日蛋糕, 上網訂的!), 幫我們分好了, 又送上petit four甜品。說回petit four, 是香橙朱古力, 薑糖和酒心三角朱古力。香橙朱古力的朱古力有點香脆, 而酒心朱古力入口即流出充滿酒味的流心朱古力, 但卻沒有很啃喉的感覺。由於吃得太多甜食, 我們請侍應介紹一款熱茶, 最後選了earl grey (有中國茶, 日本茶等等, 但始終喝西茶配合一點吧!), 再坐了45分鐘喝了幾杯, 才結賬離開。 埋單比想像中平, 剛好$1000 (已包$50/位的切餅費及加一), 離開時侍應把未吃完的生日蛋糕包好送回我們。 簡單的一餐, 雖不知道我們還有沒有機會一起過你的每一個生日, 再周圍搵野食, 但希望這餐溫馨輕鬆又有少少高級, 再加自己給你小小驚喜的晚飯可以令你終生難忘, 也期待我們再有機會一起在chesa度過更多難忘的日子。:)…查看更多

今日早收工接細佬仔放學, 之後就去左中心麥當勞下午茶佢就食脆辣雞腿包餐我就要左新出品的甘薯批同美祿可可脆片麥旋風甘薯批正!! 甜甜的蕃薯蓉好似流心咁流出黎麥旋風就一般 可可脆片同雪糕唔係太match都係oreo好食好多…查看更多

星期日下午 同肥仔行德福 就決定食甜品啦!!之前都食過一次 好多款揀 今次下午茶時間我地就揀下午茶menu個d最後我都係心思思 揀左心太軟~好流心呀!! 配埋cookies + vanilla 雪糕食剛剛好~睇返之前d食評 先發覺次次個伴碟圖都唔一樣 好有心思!!肥仔就食佢最鐘意食既蒟蒻 我見好似好少食家有提呢樣野其實佢都仲得唔錯架 好清新 好香生果味下次再食過~…查看更多

今日放左工要去polyu返學 肥仔又要返cu咁我我地之前就一齊去時新食個early dinner 啦~~冇得講次次都係雙層芝士蛋漢堡配沙律汁超好味 好juicy呀 仲有我最鐘意食既蛋~再加杯檸樂一齊飲 夠哂~hehe 不過之後都去左隔離食雞蛋仔...…查看更多

同肥仔一齊左5年啦~~~今年好開心因為佢花心思諗去邊度食飯 整個過程都係極之神秘我地之前約好左去尖沙咀 我仲以為係尖沙咀食tim之後肥仔就帶我去中港碼頭坐小巴 原來我地係去黃金海岸食buffet呀!!!哈哈 整個過程都係好興奮啦~我地6點半去到 坐係outdoor位置 好彩天氣唔太熱個日都幾full 不過氣氛都幾好 有駐場歌手唱下歌又有戶外燒烤 我地第一轉就先去食bbq野 其實我對肉食就冇乜興趣但係就好岩肥仔啦 我就覺得個燒鱔好好咪 好肥架今次既主打係蟹 所以每人有一隻大閘蟹 仲有好多蟹既菜式整體黎講都幾好食既 反而其他海鮮類好似青口呀螺個d就唔係幾得~另一吸引係甜品 好多款式 不過大部份都係好睇唔好食最好食係個朱古力 好香朱古力味~~埋單credit card有7折應該唔會再黎啦~不過都要多謝肥仔精心既安排:)…查看更多

話說正日生日個日肥仔唔可以陪我食飯 所以就提早幾日食因為要等肥仔放學 我地就去新城市啦我一早book左8點半 (明明係我生日 又係我book位)我8點3就去到 不過諗住等埋肥仔先入去啦8點半到 我話book左位就即刻入得 當時都仲好多人等緊架我地仲好好彩咁被安排坐左4人位一坐低睇menu 嘩!! 勁吸引~~而且價錢都ok初初肥仔見我book日本野 又見出面睇好似好貴咁點知睇menu發覺都ok~仲有好多選擇 真係令人花多眼亂!我見到第一頁個鰻魚飯兩食 ($101)好似好正 就叫左呢個肥仔就叫左雜錦烏冬配天婦羅加6件壽司 ($118)等左一陣就上菜啦 嘩好大份 我個鰻魚飯除左好大桶飯之外仲有meso湯啦 蒸蛋 同刺身 um!!個三文魚刺身好正!!好肥!!肥仔個份有好大碗烏冬 好多舊天婦羅 同埋sushi最後我仲幫肥仔食哂d天婦羅!!雖然我地好肚餓 不過我地都食唔哂....一提就係我個鰻魚飯兩味 加湯都係一般 就咁食好食好多!!配冷烏冬就好喇~~肥仔話可以再來呀 下次試下牛肉火鍋先~~…查看更多

好難得肥仔星期一都同我食飯今晚就由我安排啦 帶左佢去旺角呢間小店平時我地多數去d商場呀連鎖餐廳食 真係應該發掘多d呢d小店 其實我上兩個星期先黎過 係同事帶我黎既個次我地又係食左二人餐 覺得好食夾大件!!!所以今次再黎最欣賞都係鴨胸salad 好香既鴨胸 有d食家話唔鐘意個tc pizza我反而好鐘意食 因為有好多沙律醬 不過唔可以食太多 好肥架!!我個雜菜湯就好酸!! 忌廉湯d味就有d怪 真係有待改進:(主菜叫左上次賣哂既羊仔肉意粉我覺得熟左d 如果整到7成熟就好喇!!最後我就叫左荔枝綠茶 肥仔叫左芒果紅茶飲品就普通 冇乜特別 因為所有野真係太大碟 好想食心太軟都食唔落不過上次同同事食左 覺得都幾好味一提就係有心食最好先book位我book左7pm 但食到8pm都已經full左 (唔知佢會唔會開埋上一層呢?)…查看更多

上完yoga 點知好大雨 就唯有搵地方食lunch啦最近的餐廳就係呢間叫左個火車頭湯河 有牛腩 牛柏業 牛丸 生牛 牛筋等等 d牛腩幾林 幾好味同埋好大碗 食左一半已經好飽 再加杯凍檸茶 不過勁多冰!!! 見menu d野都幾貴 除下午茶外 咩時間都係一樣價錢 仲要加一!!!其實個格局同質素都係茶餐廳je 埋單要$50 真係冇下次…查看更多

食完飯同肥仔行去佐敦帶佢食雞蛋仔~因為之前食過好好味 好脆架!!不過今次食完就覺得同上次完全唔同雖然外面都係好脆 但係入面仲有好多漿而且冇咩蛋味 $13真係唔係幾抵出奇地平時要求多多既肥仔覺得幾好食 仲成包食哂!…查看更多

開學野同肥仔周圍食~~食完鼎泰豐同雞蛋仔之後 本來想再戰haagendazs不過肥仔話唔想食 就即刻上OP search下附近有咩甜品好食喇:)um..一入去 唔係好多人 我就叫左個雪芝戀芭菲杯因為我最鐘意個d一杯野可以試好多野食既甜品!!個杯有cheesecake 雪糕 餅乾 芒果 朱古力醬 全部都係我鐘意食架!!!而且唔係好大杯 剛剛好~~但芝士蛋糕味道有d怪..肥仔就食左菠蘿冰冰 份量好多 亦好清新不過其實除左佢係原個菠蘿上之外 又好似冇咩特別肥仔好鐘意食呢d野 所以都好o岩佢下次有機會試埋其他冰冰啦~整體黎講都好味道既 價錢偏貴左d…查看更多

因為要傾去日本旅行既野 今日就同肥仔一齊去左megabox貪megabox可以上網!!本身諗住去CPK 不過之前行過見呢間野好平 要慳錢去旅行嘛!!我地7pm左右去到一檯客都冇 搵到個sofa位 好舒服跟住就叫左$99二人餐冇諗過咁多野食!!前菜: 我叫左凍豆腐 我覺得太多汁 不過因為我鐘意食凍豆腐 所以都ok肥仔叫左田園沙律 因為佢話佢唔肚餓 好似好酸呀!主菜:叫左個鐵版烏冬同鰻魚飯兩個上菜時都係熱辣辣架!!鰻魚飯好好食呀!! 佢係一舊飯團咁 加埋燒汁同生雞蛋鐵版烏冬就冇咩特別 不過都係因為夠熱 所以都幾好飲品我加左6蚊叫左個紅豆綠茶新地 d綠茶太苦!! 好似好多綠茶粉肥仔就飲蜜桃茶甜品:估唔到甜品都有兩個!!!揀左朱古力同雲呢拿木糠布甸我本身好鐘意食木糠布甸都幾好食 不過太多餅碎 如果少d就好食d不過以呢個價錢 可以食到兩個都好抵!!旺角某"出名"食木糠布甸既鋪頭都要$2x一個架!!!仲有 侍應哥哥好體貼呀 我地食完主菜之後就拎部電腦出黎傾佢好醒目咁hold起個甜品唔上住我見其他客人都係大概食完就會上甜品以呢個價錢 可以兩個人靜靜地傾野 又有咁多款野食 都值得再黎既~~…查看更多