littlebull's Profile

最近將軍澳新開的日本料理， 期特已久lunch走去試試， 但令人大失所望！首先， 午餐餐牌上10個餐有3個都唔供應， 我們點了銀鱈魚餐同刺身set, 侍應已提醒我地燒魚需要20分鐘， 諗住15分鐘都可以等下，點知刺身set 食完等左40分鐘都未上個鱈魚set, 追左佢地幾次，個個都話跟緊，到最後我地趕住返工取消鱈魚set埋單走人， 本身餐廳客人唔多，40分鐘都上唔到菜講唔過去，加上佢價位唔算低...雖然最後餐廳話唔收錢,但趕住返工又唔夠時間食晏，令人難以接受！希望餐廳日後會有所改善！…Read More

每次夜晚去上環做運動後都會去揀得啱食車仔面，因為呢度既店員好友善熱情，店員姐姐仲會記得我地飲品喜好🥰呢間車仔面餸菜同口味選擇好多，性價比高，如果食得辣嘅可以試下佢地既辣醬。有時仲會撞正佢地開枱，有麻雀聲陪住食😂…Read More

上星期五約左朋友去將軍澳踩單車，經過單車館見到呢間cafe, 就去左試下Cafe行文青路線，既環境好寧靜舒服，每枱之間有足夠空間，好適合談心我地兩個人叫左個二人套餐，包一個小食，兩個主食，兩件cheese cake 同兩杯飲品，都唔駛$300蚊，好抵食！我叫左個意式番茄雞肉意大利粉，番茄醬唔會太酸，食落好開胃，我本來擔心唔夠飽，但佢份量都幾多。朋友就叫左個味噌湯烏冬，湯底幾唔錯！而我最滿意既就係呢杯杏仁latte，味道好香濃！…Read More

上星期五同朋友慶生 去左米芝蓮2星既欣圖軒食午餐 點既主要係點心：香芋火鴨雪山包-外皮夠脆 幾口味鮑魚海鮮芋酥（原名唔記得）-上面係鮑魚 下面係芋頭酥，餡料好足 有好多蟹肉，亦有芋頭既香味，值得一試！極品三式海鮮餃-分別係黑松露帶子餃（左）、鮮斑餃（中）、長腳蟹菜苗餃（右），個人最鍾意帶子餃，非常鮮味！金魚餃-可能因為食左三式餃，覺得呢個無咩特別，個人認為叫左三式餃可以唔駛叫呢個XO醬炒蘿蔔糕-蘿蔔糕本來係好普通既點心，但呢度整得好好味，蘿蔔糕本身好綿，味道亦好好，非常推薦！最後既甜品揀左比較特別既薑汁雪糕， 上面係薑汁雪糕，旁邊配上龍眼肉，下面就係奶凍，口感好豐富！…Read More

星期四夜晚七點幾左右，揀左呢間唔駛排隊既越南菜。 我地兩個人叫左3道菜，首先係冬蔭公湯份量都幾多下 每人有兩至三碗 四個人share都應該無問題，味道道不過不失 不竟冬蔭公都好難整得唔好食主食方面叫左香茅雞翼湯，雞翼炸得好脆，唔錯！而比較有驚喜既係辣醬炒硯，雖然用辣醬炒，但一d都唔辣（利申：我本來就唔係好食得辣）佢用左黃椒、紅椒同洋蔥炒 都幾開胃…Read More

星期五約左朋友出尖東食飯，見到經過見到呢間小店有新鮮運到既刺身就諗住入去試下我地兩個人叫左特選花之魚生飯、鮮蟹肉蟹膏炒飯、帆立貝刺身同埋赤座蝦花之刺身有劍魚腩、吞拿魚、油甘魚同海膽，刺身全部都好鮮甜，個人認為劍魚腩最好食蟹肉蟹膏炒飯份量比我想像中要多，雖然賣相唔係太靚，但味道唔錯，飯粒分明，如果蟹膏多d會更加好帆立貝刺身好爽口，左邊果塊係赤座蝦，都係第一次食，味道有d似甜蝦，幾好味，而蝦頭就用左黎煮湯小店既服務員都好友善，但座位就好窄，郁下都撞到膝頭最後兩個人食左七百幾蚊，價錢算合理…Read More

每逢星期五晚我都盡量避免出旺角食飯 因為周圍都係人而且唔記得book位既話都好難搵位 去左幾間餐廳都無位既情況下經過女人街 見餐牌既食物賣相唔錯就入左去 我點左個老虎蝦龍蝦汁意粉 朋友就點左鯖魚雞翼飯 同埋水牛城雞翼。每個餐都包湯、飲品同甜品 望落去都幾抵！餐湯係南瓜湯， 不過不失啦。而我點既蝦意粉就真係幾強差人意 我本來以為龍蝦汁應該係比較濃身既 但係出到黎好似湯意粉咁 d汁太稀太多浸住哂d面，搞到無咩食欲:(而朋友點既鯖魚雞翼飯就無咩特別 亦無驚喜。水牛城雞翼還ok 但唔係太正宗如果你唔特別追求好味黎講係ok抵食既…Read More

每次同客食飯如果食日本菜既都常都會揀西村 除左因為係酒店入面環境好又夠靜之外 呢度既12件壽司商務定食都唔錯！第一次食以為會唔飽 但係定食餐包埋蒸蛋、烏冬同埋湯 食完都好飽雖然壽司每款只可以揀一件 但係有好多選擇 除左平時食開果d之外 重有右口魚、深海池魚呢d其他地方比較少有既揀壽司，$420黎講性價比都幾高！…Read More