VTEC龜!'s Profile

先講地點, 門口無公共交通直達, 可以話不便, 但又可以話方便. 駕車的可以泊後面空地, FREE OF CHARGE. 行返出去青山公路 (約 5 分鐘), 有 MTR 巴士可以入屯門, 熟路的話行多 10 分鐘其實就係屯門公路轉車站, 搭乜都得.食物呢, 其實又無乜特別, 都係 BBQ 場的例牌野如各種扒類, 丸類, 雞翼, 蕃薯等. 非肉類的食物不多. 棉花糖同面包好似係要另費購買. 飲品都係例牌的一樽水 + 一罐野.食物不是自取, 要埋去 COUNTER 叫佢比, 理論上次數不限, 職員都算友善, 唔會見你食咁耐就咀蔑蔑.前面見到有些評論話食物太咸, 但我又唔覺, 可能我本身鐘意食辣野掛. 雖然此網站鼓勵食家多寫和食物有關的資迅, 但 BBQ 場又真係冇乜特別野好寫, 味道差亦未必係餐廳問題, 可能只係自己燒得衰.環境呢, 0個度唔算大, 半個場係有蓋燒烤區, 另外半個場如無客光顧, 就會丟空, 小朋友可在該處玩耍. 有個 SIR 滑梯, 一個藍球架, 十幾部兒童單車, 仲有幾部夾公仔機. 最好既係個場四邊都有圍欄, 圍欄不高不阻視線, 感覺不局促之餘, 又可防止細路仔走左出去, 不錯的設計. 比較難攪既係廁所, 用貸柜搭建, 頗為污糟, 女士可能會不便.…Read More

一大班親戚, 又想聚會又想郊遊, 結果選擇這裡, 貪呢度有野食有野玩, 細路又唔會悶.入到去, 先黎每部車 80 蚊泊車費硬食 (BBQ 場要付費泊車, 還是第一次). 都算啦, 諗住 STAY 得耐, 計返都係十幾蚊粒鐘.入到去, 原來佢有幾種服務比你揀, 一種係 BBQ 任食 ($128), 一種係齋入場費 (唔記得50定80蚊), 一種係摘荔枝 ($120, 但不知有沒有限制).我地就揀左 BBQ 任食, 共七人. 還境枱凳都尚可, 只係比較多烏蠅, 但考慮到其他 BBQ 場都差唔多, 附近又有飼養動物, 我認為可以接受. 食物望落好淺色, 以為冇乜點掩過, 但食落又唔係喎, 味道尚可.不過最大鑊係時間, 學埋市區放題0的衰野 ........... 竟然設有限時 !! 三小時咁大把.Oh God, 七個人仲要係天寒地凍, 已經肚餓想食多0的, 但一個小爐頭要在三小時內燒 7 人份的食物, 加上仲要搵人去看住班0靚仔, 可以想像有幾急 ? 係急到要 5 個人燒 1 個人食 1 個人睇細路無間斷輪流互換, 咁先至勉強0係三小時內僅僅夠飽. (任食 BBQ 竟然係要僅僅夠飽, 多諷刺).最頂癮既係, 佢真係疊正第三個鐘頭, 就搵人黎搬走0的野 "清場", 比唱 K 交房更趕客. 但人地一早講明三個鐘, 你又冇得反對.如果唔係已經比左 $160 泊車, 我諗我根本唔會再比呢 $128 入去 "速食". 除非你原本就諗住係燒 3 個鐘, 否則真係要諗清楚.…Read More

由於係帶住小朋友, 好難影相, 請見諒.星期六夜晚原本係諗住渣車去西貢食 DINNER, 但通街泊滿車, 冇計.太太忽然醒起電視有介紹過一間坑口村既西餐廳, 近近地不如去試下, 於是就黎左呢度. SET DINNER (安格斯牛扒配鵝肝+法國田螺+餐飲+甜品), 另加一碟帶子長通粉.上餐手法都算似足西餐廳 , 逐碟菜上, 唔係茶餐廳 "大堆頭一次過" 式既上菜方法, 總算有0的西餐既 FEEL, 醬料如芥辣及芝士粉也是每人一 SET 擺定0係度比你用 (不過我慣左唔落醬, 冇試過). 塊安格斯牛其實都幾厚, 一般方法亂咁煎, 肯定會 "孕" , 但佢呢一塊, 完全冇一忽係 "孕", 表面仲有少少燶, 有0的炭烤味, GOOD. 太太碟意粉我只係食左幾條, 幾入味, 唔咸, 最重要係夠大碟, 淨係一碟意粉都應該夠飽, 好過出碟 80 蚊但係得一兩啖既貨色. 最後既甜品, 係提拉米索 (Tiramisu), 原來佢係一坏坏咁上, 大約係麥記0個0的粟米坏咁大, 原價 $55 一坏既甜品, 夠香夠滑就一定架勒 (否則已被人拆招牌), 但比價特別既係, 原來佢分上下兩層, 上面一層係正常的, 只有甜味, 食到坏底0個層, 竟然係有酒味 (應該係加左 GIN 酒), 好彩佢落得唔多, 否則便會醉駕 總括黎講, 食物係有水準, 只係嫌價錢貴左少少. 不過掉返轉講, 賣到咁貴都仲係滿客, 賣平0的就真係永遠都唔駛食 …Read More

沒有睇過介紹, 只係泊完車咁0岩經過見到呢間野由於間野0係門口擺左幾張檯, 0的人坐晒出門口燒爐, 行過0個陣見到有自助炭爐燒, 陣陣香味.再睇下個價錢牌, 大部份肉類都只係 8 蚊串, 睇落唔貴, 於是就決定坐低試試間野除左有炭燒爐之外, 亦有有潮洲打冷, 我們 (2 人) 就叫左 12 串野 (豬牛羊雞樣樣有0的咁啦, 仲有一條秋刀魚).再加一碟菜. 爐是免費提供的, 不另收費. 見到實物, 有少少失望, 因為 SIZE 實在太細, 比平時放題0個0的仲細串, 並非我想像中 "掃街" 那種 SIZE. 如此計算, HK$8 並非一個便宜的價錢, 最抵反而係條秋刀魚 -- $10 only.0的串燒冇乜點醃, 較淡口. 雖然個爐真係用炭燒, 但燒出黎冇乜炭味, 唔知點解, 同沙田0個間廣東人小廚有點距離 :(. 反而碟通菜就炒得幾 OK :), 兩個人埋單 $140 (無叫野飲), 如果係諗住食好野, 呢間會有點失望, 但若果係諗住搵地方坐下消磨下時間傾下偈, 還可以的.…Read More

今次係我第一次幫襯.其實之前都有留意呢間餐廳, 印象中個價錢比較貴, 所以經過門口都冇入到去.昨晚再經過佢門口, 見到價錢好似平左0的 (大約 $60 一碟意粉), 加上唔想等位, 所以就入去試試.入到去, 人不多, 侍應都幾好禮貌, 地方亦整潔, 印象不錯.點了兩個菜, 太太點了一個係忌廉汁菠菜雜箘天使面, 我就係三文魚雜椒磨菇PIZZA (9 寸薄批)先來的是天使面, 我一睇見就 "0下?!" 左一聲, 實在太太太細碟了. 成 $50 得咁細碟野, 一個人食邊夠飽 ?再來係個 PIZZA, 由於一早知道係 9 寸批, 所以對其大小沒有意見.本來就想上來 OPENRICE 大罵他搵笨, 但吃過之後, 就有唔同想法 :因為其選料都很講究, 手工精美, 絕非茶餐廳 PIZZA HUT 之流, 我對意大利菜沒有研究, 不知它算不算 "正宗", 但可能肯定, 係用心之作.客觀來說, 是物有所值, 不算搵笨, 可以安心付款.問題係, 此餐廳有點捉錯用神, 這種格局, 應該出現在中半山 SOHO 區, 或赤柱或鯉景灣, 在 "街坊價" 的深水寶區, 似乎格格不入.如上文所言, 此餐廳本來收費甚貴, 走高當路線, 但不知何故降低了收費 (或許是沒生意吧), 比茶餐廳高一點點, 加上區域問題, 令人產生錯覺, 以為佢係 A/B/C 快餐包野飲, 結果變成唔湯唔水. 如果佢搬去 SOHO 區做, 應該可以打造成特色餐廳, 收 $100 一碟.有意幫襯的朋友, 要有心理淮備, 切勿以 "快餐/茶餐" 的心態視之.…Read More

早排裝修左大半個月, 原來係擴充營業. 今日去到仲見返以前個韓國老闆, 即係唔係頂手啦.畢竟以前間舖太窄, 坐位少, 又迫匧, 大部分坐位都係圓凳, 位得好辛苦.而家霸埋隔離個舖位黎做, 闊落左. 由於0的枱凳大張左, 所以實際枱凳數目冇乜多到, 都係要等位.始終都係新裝修, 所以環境都 :)再講下食物, 由於小弟都算係熟客, 舊有的菜式幾乎都食過晒, 所以第一件事就係睇下個 MENU 有乜唔同左.留意到以往既五花腩飯同豬肉飯冇左, 但多左幾個湯面同湯飯今晚叫左一個牛肉湯飯同一個石頭鍋飯.先講湯飯, 飯同送係分開上, 一兜係送，湯浸住，一兜係飯，係一０的類似珍珠米黐立立既飯，我就幾鐘意，但唔係人人都０岩。湯底都 OK, 0的送都夠淋, 最欣賞係佢湯同人飯分開, 客人可以隨喜好決定將0的飯浸幾耐, 漏耐0的就入味0的. 另一個係石頭鍋夜 一如以往, 店員係會幫你落辣醬同攪勻. 但今次個味日道就跌左 WATT. 0的飯冇乜味, 冇左以往既鑊氣, 就同電飯煲拿出黎果0的冇分別, 0的送都係冇乜味, 結果要落大量辣醬去 "撈", 失去左原有味道 :(總體來說差過以前少少, 希望只係新開張未適應, 繼續努力.題外話 : 原來0係淘大都有間分店, 唔知係咪0的師傅過左去果邊做呢 ?…Read More

兩年前都去過幾次 (又係因為去金巴利攪結婚0的野經過困度), 雖然都要 $50~60 蚊一碟飯, 但質素 OK, 尤其石頭鍋飯, 真係幾有 "鑊氣", 值得 ! :)尤其記得果個收銀阿姐真係韓國人, 有時會聽唔明我地0的廣東話, 要指手劃腳先溝通到. 但服務卻沒有因語言障而被影響, 招呼殷勤, 賓至如歸.兩年後的今天再去果度, 第一樣在意既係唔見左個韓國老闆娘. 本來都想食返我最愛既石頭鍋飯, 但又忽然興起想試下0的 BBQ 燒肉, 就叫一客 BBQ 牛肉黎試 (HK$95). 點知 ............ 0的牛內竟然又乾又靳又骸, 仲要冇味 . 太太叫左個紫菜卷, 同樣冇味. :(晚市菜式通常都唔包野飲, 要另行購買, 都幾貴 (汔水 $10, 咖啡奶茶要 $13), 不過佢有冰水無限供應 (真係冰水, 成樽水擺落雪柜雪到變冰果種), 所以野飲貴0的都唔係大問題 :).向來對呢間野既印象都幾好, 希望唔係頂左俾人做攪到質素下降啦, 希今次只係佢地一時失手, 冇下次.…Read More

:) 有室外坐位, 對住個水池都幾靚, 有情調一如樓上各位版友所講, 食物 , 冇乜野揀不特止, 大部份都係煎煎炸炸, 冇味, 太油係得個沙律吧比較接近一般自動餐, 其他類別都冇乜野揀兼難食.有個龍蝦湯, 稀左少少但都 OK, 不過就實施 "配給", 每人只淮飲一碗, 唔係任飲 :(仲有個炒蝦又係配給, 每人只淮食兩隻, 咁就即管埋去睇下有乜咁巴閉啦, 點知一上碟 .... 霉既, 死左十年既死蝦.偶然會出0的特色食物, 但當然又係排餐死鬥搶最唔掂就係飲品同甜品, 雖然大部份中下價自助餐都唔包任飲, 但都冇理由只係俾一罐汔水丫 ! 仲要唔係 COCA COLA, 係 MIRINDA 炸, 清水要自己走出去水吧問佢拿 (唔凍, 冇冰的), 更加唔好旨望佢會有人埋黎幫你斟水. 咖啡奶茶果0的, 俾錢都冇得飲 ! 甜品嘛 ....... 近乎沒有, 只係有一大兜水汪汪既涼粉, 蛋糕就成晚咁長只得一盆, 一盆蛋糕俾 200 個人分囉, 連水果都衰過人, 半個鐘先拿一盆出黎, 結果攪到0的人股噪, 先至勉強再拿一盆哈蜜瓜. 日式食品 -> 冇壽司 -> 冇雪糕 -> 都冇 !食到8 點幾, 0的客開始埋單離場, 就索性乜都唔出, 執野收工 雖然佢既價錢只係一般自助餐既一半, 但我都寧願俾 $2XX 去尖沙咀食, 怕貴既就最多夜0的先去食宵夜 BUFFET. 呢0的錢, 真係唔好慳.一句到尾, 以後都唔會去. (太勞氣, 可能有好多錯字, 請見諒)…Read More