lemonwater321's Profile

媽媽最愛陳意齌，可能係食開有感情，總係會特登到中環或銅鑼灣買。今日剛好經過，就買了山楂餅和蝦子扎蹄孝敬她。山楂餅同平時外面買到既唔同，味道較清甜。蝦子扎蹄的腐皮非常出色，豆香，而且一咬有千層之感，配合蝦子的香，味道一流。呢個最好唔好隔夜食，入左雪櫃再熱返出黎，腐皮會無咁想同痴埋晒。不過蝦子扎較油，所以媽媽會沖一壼茶來慢慢享用。…Read More

爸爸駕車到銅鑼灣辰田, 可能因為星期五, 附近搵左一段時間先有位泊車.黑醋骨: 全家都鍾情此骨, 因為肉厚身得黎真得醃得非常入味. 表面少少乾脆, 咬落肉好爽. 唔會偏肥, 味道酸甜適中, 恰到好處. 推介!象拔刺身: 刺身新鮮, 咬落爽口, 而且非常鮮甜.上湯娃娃菜: 娃娃菜吸收了湯汁, 清甜好味. 乳鴿: SORRY, 掛住食無影相! 皮脆肉嫰.最開心係呢度有電視睇,我同媽咪唔會MISS左 "盛女", 睇埋先走~…Read More

同屋企人飲茶，這家酒樓好多人但位子不會太迫。鮮蝦腸粉：　腸粉皮很爽滑，夾得不痴筷子。蝦沒蝦味，但好爽和大粒。叉燒包：外面是甜脆的皮，裡面是咸香的叉燒，感覺很Ｑ，味道又香又合拍。排骨蒸飯：飯略為蒸得乾了。排骨很少，只有３粒。鮮竹卷：加有杞子的鮮竹卷，味道不重油和味精，裡面有甘筍，吃得清新。山竹牛肉：以前較大粒，現在縮水了，而且肉味不夠。綿花雞：雪藏雞沒甚麼好評論。綾魚球：好多魚骨絲，好危險。下次唔食綾魚球, 其他都OK.…Read More

朋友買了合桃酥和芝麻餅給我吃, 聽說大歡喜在青衣是很有名的老店.吃到好重雞蛋味, 餅很鬆脆, 不費勁就咬開, 爆LIKE這個酥芝麻餅也是非常好食, 餅做得很薄, 表面舖滿芝麻, 未吃已遠遠聞到芝麻香.吃到咸香味, 因為芝麻超多, 所以味道很重, 吃了2塊就頂不順了.朋友說這家店地點不易找, 好像是在一條老舊村屋裡的街市內, 要找一段時間才找到. 因為她住青衣, 所以去比較方便. 我一想到要坐車進去, 又轉車, 又要找店, 頭都暈. 還是請她有空再去買!…Read More

昨晚爸爸楂車入屯門玩, 跟住就去興記得埋飯.因為要睇住架車, 所以天寒地凍我地都要坐露天位京都骨, 個汁酸甜好開胃, 肉多過骨, 好食~西蘭花炒雞球, 西蘭花無咩味, 要沾蠔油.粟米牛肉湯, 阿媽話唔錯, 唔係落左好多生粉水, 無咩味精, 牛肉都多.燒味拼盤, 叉燒好食, 外面燒得好脆口, d肉又唔會乾憎憎, 蜜汁至正! 燒鵝爸爸至愛, 佢話個皮燒到脆, 而且唔係好肥, d肉又滑.好耐無一家人食大排檔, 呢間d野真係唔錯!…Read More

今日終於有機會試新野 - 超級隊長!!我同個FRIEND 叫左一個餐加大配洋蔥圈.個包呢, 其實好搞笑, 夾住塊薯餅, 但個size同個包同舊肉又唔fit, 如果同樣係圓型就好d.食到一陣芥末味, 但塗唔勻, 一啖有芥末一啖無.個薯餅脆, 但舊肉好鞋烚烚.洋蔥圈得幾件, 好少啊~ 不過好食, 脆得黎裡面又甜甜地.同場加映豬柳蛋漢堡, 實在係鞋到爆, 但包乾憎憎都唔出其, 豬柳一d 肉汁都無, 好乾, 連塊芝士都乾都硬左...我可能太耐無食麥當勞, 估唔到變成咁.…Read More

我都係第一次食自家烏冬.但我唔想食普通野, 於是就叫左一個玉子麻醬冷烏冬.估唔到都幾多料, 有青瓜絲, 雞絲, 仲有旦, 係溫泉旦, 好滑.食落好勁麻醬味, 凍冰冰, 好開胃.烏冬雖然凍冰冰, 但爽口同埋彈牙.我同同學一齊叫左一碟玉子,甜甜地, 好好味.不過唔知係唔係D麻醬好漏, 份量雖然唔多, 但食完覺得好飽><…Read More

今晚和姊妹們飯局, 佢地想諗新野, 又要西餐, 又要坐得耐, 仲要平...於是就搵左呢間RISO試下.我地三個人叫左兩個餐, 包括甘荀煙肉飯, 蕃茄粟米火腿意粉, 沙律, 一杯果芊多, 一杯玫瑰茶, 仲送甜品: 草莓蛋糕同芒果蛋糕.份量唔算好多, 不過真係幾好食.我鐘意個飯, 食落粒粒有汁粘住, 飯好香好軟.意粉就一般, 無咩特別.飲品都OK, 唔會過甜.沙律份量都唔少, 適合我地怕肥既人.呢餐每人只係43蚊, 坐得舒服, 抵讚!…Read More

同同學去食飯, 其他薩莉亞食得多, 屯門真係第一次, 仲食到一頭煙.因為好多人, 我地都等左半個鐘先入得.一入去, D 枱仲執緊, 污糟糟. 梳化位仲有兩撻核突的食物殘骸. 見到都唔開胃.等左咁耐, 而且見咁平就算.我地每人叫左一個意粉, 跟住叫一客PIZZA share黎食.意粉唔知點解個份量比其他分店少.我食吞拿魚長通粉, d 汁好多, 但通粉反而好少. 但係因為個汁好漏, 所以都覺得足夠.個PIZZA先最令人驚訝, 點解出水架?我地諗左好耐, 到底要唔要退返俾侍應, 朋友話退返去, 佢最多倒左D水俾返我地.不過, 呢個樣真係好唔想食, 最後決定退返去.個侍應見到PIZZA出水, 就話係咁架, D菠蘿會有水. (我平時見其他店唔會喎!)個侍應就答: 咁我攞去倒左D水, 再焗一陣俾返你啦.無諗到侍應咁誠實, 真係好嬲又好笑.最終, 我地都接受呢個安排.下次, 我都係去返其他分店食就算.…Read More

一個人午飯, 隨便食.聽人講就講左好耐, 從未食過, 今日就試一試LA.叫一客麻醬撈烏冬, 明明叫暖的, 上來竟然凍冰冰的...不過算LA~ 我都懶得再轉, 費事又要等. 雖然凍冰冰, 不過又幾好味, 麻醬食落好香又唔鞋口, 蛋係糖心蛋, 好好食. 烏冬彈牙. 不過我仍然想食暖的.燒玉子好乾, 我還以為係熱的, 點知都係凍的... 搞咩...不過食落少少甜, 都算唔錯.…Read More