jennyfish's Profile

咖喱雞煲仔飯都有，有好多款煲仔飯選擇，我就揀咗好基本嘅臘腸排骨煲仔飯，屋企人揀咗白鱔田雞煲仔飯、陳皮黃鱔煲仔飯，個個都食到舔舔脷！份量唔係好多，但係好夠飯香，煲仔飯餸滿滿，材料十足，即叫即做夠新鮮，上枱熱辣辣，加上濃濃豉油汁，的確好好味！今日排隊唔係好多人，屋企有人坐輪椅佢哋都招待，仲安排咗一個出入比較方便嘅位置俾我哋，等到煲仔飯上枱，掛住食唔記得咗影相！平均都要$80-$100一款煲仔飯，視乎選擇嘅材料啦！我哋都試咗佢個爆汁瀨尿牛丸！味道OK，不過冇驚喜！價錢都唔平，$30有2粒，$55有四粒！到此一遊，可以唔使食！叫咗兩款小菜，分別有蒜蓉蒸蝦，同埋椒鹽泥鯭！椒鹽泥鯭有驚喜，夠鮮味又夠香！蒜蓉蒸蝦啲蝦好細隻，不過味道都唔錯！經過附近，唔怕排隊，又好鍾意煲仔飯嘅，都可以一試！不過就冇乜驚喜感覺啦！…Read More

足料，夠香，但味精較多，食飽飽之後，有些口渴！不過整體，環境衛生舒服！用手機落單，之後碗麵上桌又快又熱、又大碗！好多雞絲！碗麵份量都算足，係多咗少少味精！食完之後就好想搵嘢飲！一入到去就已經當你係熟客一樣，夥計仔會走埋嚟指你去坐低，然後火速放低一張有QR code嘅手機落單紙，跟住你就自便啦！又唔可以話冇Service嘅，係隨便少少，自如少少啦！我坐窗口位，可以欣賞吓𥦬外油麻油街境，一個人靜靜享受咗一碗雞絲湯河，都算唔錯！睇餐牌，有多款甜品選擇，又有越式麵包，越式沙律，越式飲品，雖然唔算選擇好多，但係就款款都幾有特色。如果你喺旺角行街，行多兩步上嚟幫襯下，都算係一個好地方！…Read More

餐廳細細，但係整齊舒服，有西餐廳嘅格調。食物有水準，新鮮又美味，正如標題所講，係值得一試，有酒店水準嘅西餐廳，現場見到廚師非常用心準備每一道食材！每一道主菜，都由西廚親自用心準備，才交到每一位客人手上品嚐。我哋由自助沙律吧開始，已經非常欣賞。沙律吧大約有10多款選擇，但可以見到每一款都好用心製作，我哋基本上每一款都有嘗試，都覺得好美味，無論係芝士蕃茄沙律、煙三文魚、Cold cut、切片芝士、鮮果沙律、薯仔沙律、紅菜頭沙律、通粉沙律等等，每一款都好精緻，絕不馬虎，的確係有酒店水準！主菜我點了焗酥皮盒，酥皮盒新鮮出爐，又脆又香，吃過沙律吧，其實已經飽了一半，但也絕對沒有影響我對主菜的品嚐期望，結果仍然非常滿意，仍然係酒店級水準！最後我選了一杯熱咖啡，又熱又香，仍然保持水準，所以整頓午餐都非常滿意，亦有足夠時間慢慢品嚐。同朋友一路食一路傾，呢個半自助午餐真係令我哋非常滿意，一定會再encore！總括而言，係一間好有誠意，而且有水準， CP值亦高嘅酒店級食物，平民級收費，有熱誠嘅西餐廳！…Read More

Food and drinks were well prepared and packed when I arrived the counter 15 mins after I placed order via Open rice at night. Service was good and polite. I like the milkshake very much. The burger meal set is a bit expensive, but it’s really yum.…Read More