味覺備忘記's Profile

淘大商場平時已經係美食匯聚嘅地方，住喺九龍灣附近嘅話都會嚟呢度覓食。今次來試一間泰國菜，收工時間六點幾過到嚟，唔係好多人，餐廳坐得好闊落舒服，坐有兩隻超可愛嘅舖頭貓坐鎮🐈🐈。當然食物味道都唔錯份量都好大。青木瓜沙律青木瓜嘅口感好爽脆，口味方面酸辣開胃，又比較重嘅魚露味。係非常之適合做前菜開胃用。蟹肉炒粉絲一啲都唔會偷工減料，真係有粒粒蟹肉，而且份量都唔少，性價比高。粉絲嘅質感好清爽，但又吸足咗調味料嘅味道。成碟炒粉絲好有鑊氣。入面又配有唔同種類嘅蔬菜，唔單止可以豐富口感，而且比較健康，綜合咗炒粉麵類偏油膩嘅感覺。火山骨一上到嚟已經俾佢嘅份量嚇親，真係成座山咁多😂😂。同木瓜沙律一樣調味方面魚露味比較重有微微辣，適合熱辣辣嘅夏天食！排骨有別於坊間一般嘅火山骨，肉質比較厚實可以做到啖啖肉嘅效果。兩個人嚟食嘅話真係份量太多，食到超級飽！芒果糯米飯選用嘅芒果好香甜多汁，糯米飯嘅準備方面亦都有小巧思，用咗白糯米同埋黑糯米兩種。白糯米口感比較軟糯，黑糯米嘅口感就會比較有咬口。總體而言呢間泰國餐廳嘅質素係唔錯嘅…Read More

喺大埔返工lunch選擇其實唔多 依間車仔麵算係抵食之選 午市套餐四十幾蚊包埋飲品 豬皮非常入味，牛肚好易咬，蘿蔔清甜冇筋。簡單一碗麵但入面每樣出品都好高質！而且出餐速度快，非常適合打工仔食嘅quick lunch！另外如果食得辣嘅話都好推薦佢地嘅辣菜脯，好惹味，又唔會話太辣，配埋麵啱啱好…Read More

啟德居民覓食有時都會去到新蒲崗，今次依間西餐廳喺啟德站行過去個天橋就到，非常方便之餘有瓦遮頭唔洗淋雨。餐廳位於mikiki入面，喺新蒲崗好熱鬧嘅位置，環境很好，有好大個落地窗可以看風景，坐得幾舒服。服務都幾好！食物選擇算多，而且有西班牙海鮮飯😝😝！晚食套餐價錢都幾抵食，仲可以加幾十蚊換甜品。我地兩個人叫咗一個羊架一個西班牙海鮮飯，外加一個天婦羅魷魚，兩款甜品同飲品。質素總體來講都唔錯👍🏻羊架可以選擇幾成熟，我地要咗5成，又真係可以做到五成應有嘅嫩滑口感！份量都幾多，調味唔會太鹹，我喜歡！西班牙海鮮飯有別於我之前食過嘅海鮮飯，依款嘅飯底有係似risotto，粒粒分明嘅米有濃厚嘅湯汁包裹住，好入味！海鮮種類同份量都唔吝嗇，有帶子蝦青口魷魚，新鮮程度都唔錯甜品：開心果提拉米蘇同牛角雪糕窩夫個人比較喜歡後者，窩夫新鮮出爐仲係熱辣辣脆卜卜，配上凍冰冰嘅雪糕好有趣天婦羅魷魚天婦羅要炸得酥脆係基本啦，佢在此之上有卑到小小驚喜就係有加紫菜碎豐富咗味覺…Read More

香港好似唔係有好多冒菜餐廳，依間位於紅磡嘅冒菜距離紅館都算近，喺去看演唱會之前食個quick dinner係好好嘅選擇。舖頭面積唔算大，喺晚餐時間都幾full，但我去嗰日好彩唔洗等。上菜速度快，落完單冇耐就有野食，非常好食物方面我地嗌左一個八寶餐同埋一個牛魔王套餐，外加兩杯特飲同一個魚皮，食量大都食得好飽！八寶餐可以自選食材，我主要叫咗牛丸墨魚丸，鴨血，毛肚同埋一啲蔬菜類食物。最鍾意嘅就係墨魚丸，非常彈牙，又可以食到粒粒墨魚肉，口感豐富，而且有蒜香！！毛肚口感都爽脆，而且大大塊，食得好過癮😽😽牛魔王顧名思義係牛食材為主，牛肉嘅分量很是足夠，食肉獸比點！魚皮係好有驚喜，食落脆卜卜，調味香辣得來唔係死辣，食得好過癮！！湯底方面我地叫咗一個酸菜湯同埋一個香辣湯，個人比較喜歡酸菜湯，微微辣之餘有酸又又小小麻，同其他食材好夾，惹味得來又唔會好heavy👍🏻👍🏻👍🏻👍🏻…Read More

上海菜喺香港都算係比較多選擇，但品類不外乎都係小籠包擔擔麵之類的菜式。今次來到位於大角咀嘅上海維記就食到一啲其他上海菜餐廳唔常見嘅美食。除左食物質素不錯之外餐廳服務都非常體貼，用餐環境都清幽舒適！銀芽炒鱔糊係依餐飯入面我最喜歡嘅一道菜，鱔糊喺香港唔算常見，正宗嘅口味更加少之又少。上海維記嘅鱔糊同我之前去上海旅行食到嘅味道非常相似！鱔魚嘅處理好好，好爽脆嫰滑，而且卑嘅份量一啲都唔吝嗇，好多鱔！銀芽嘅處理我都非常滿意，爽脆可口！單骨醉雞翼本身我唔係太鍾意食有骨嘅肉，但依個雞翼有做單骨處理都幾容易食！雞肉好入味，花雕酒嘅酒香同雞翼好合襯，雞肉唔會太老，雞皮爽脆可口！小籠包正常水準嘅小籠包，湯汁豐富，皮薄餡大。上來嘅時候熱辣辣上海粗吵好正常嘅粗吵，很有鍋氣，搭配附送嘅蒜蓉辣椒醬非常開胃🤤…Read More

好鍾意小動物但好可惜屋企地方有限養唔到，想同小動物近距離接觸的話就會來貓cafe坐下。貓之茶房相對於其他貓Cafe而言場地空間會比較闊落有更加多同貓咪接觸嘅機會😆😆而且衛生情況都非常之好，見到職員清潔都做得非常勤力，空氣入面完全唔會有異味，坐得非常舒服。如果想同貓貓近距離互動的話可以選擇購買貓零食，價錢都合理嘅，見到貓貓都好鍾意食🥰🥰同時亦都非常欣賞cafe幫手宣揚領養流浪貓嘅訊息，等更多人知道領養代替購買嘅訊息！！食物質素方面都唔錯，價錢好平！一杯飲品只係需要九蚊，芝士蛋糕亦都只係買$19，而且品質一啲都唔差。芒果乳酪酸酸甜甜很開胃，朱古力亦都夠晒濃郁。朱古力蛋糕很creamy，朱古力味都非常之濃！…Read More

The one入面有唔少精緻餐廳，想放工食好啲嘅話就會來覓食！今次試嘅依間係法國菜，咁樣依排巴黎奧運如火如荼又好似幾應景😂😂餐廳嘅裝修風格非常fancy，係行法式宮廷花園風格，非常適合同朋友過來打卡。服務都非常貼心同及時。餐點方面可以食到經典法國料理，味道亦都同之前去法國旅行食嘅相差無幾，應該係比較正宗嘅法國菜。我地兩個人叫咗一個前菜同埋一個主菜，埋單大約$600，以法國菜來講係合理價錢，餐廳仲有二人set menu。油封鴨腿我非常喜歡嘅一道法國菜，喺香港食到回憶嘅味道很開心！比較驚喜嘅位係薯蓉入面加咗香腸同豬肉，令到口感更加豐富香煎北海道帶子番紅花義大利飯帶子質素唔錯，食落非常之香甜，義大利飯嘅醬汁唔會太油膩香草牛油焗田螺蒜香味十足，田螺唔算太肥美但勝在都夠入味，牛油烤脆嘅麵包同佢非常合襯！…Read More

觀塘嘅工廠大廈一向都隱藏咗好多隱世小店，今次呢間主要係食和牛漢堡扒飯，每日都係限量供應，我哋差唔多食完嘅時間都聽到店員同啱啱入嚟嘅客人講已經賣晒啦，所以想食嘅話就要趁早！小店位置都唔算多，但係都坐得舒服嘅～最值得讚嘅係店員嘅服務態度真係非常好，好貼心之餘仲會好用心好有耐性咁幫我哋介紹餐牌👍🏻👍🏻👍🏻和牛漢堡扒漢堡扒飯可以揀唔同嘅醬汁，我就聽咗店員嘅建議揀咗最熱門嘅漢堡扒汁，醬汁酸酸甜甜可以好好咁樣綜合左肉嘅油膩感。而和牛嘅肉質又真係唔同啲，食落完全冇跟之餘，亦有好重嘅牛肉味！再加上蘭王雞蛋同日式泡菜，口感十分之豐富！安格斯牛漢堡扒肉質嚟講同和牛分別唔太大，咁個牛味會再重少少。呢一個就跟咗白味增汁，口感相當嘅順滑，適合比較鍾意食鹹鮮口味嘅朋友仔！小食方面就叫咗兩款跟餐小食，牛肉薯餅同埋炸魷魚嘴。兩款炸物嘅份量都唔算大所以都唔驚食唔晒。出品質素都好好，炸得非常之酥脆，而且食得出係即叫即炸，值得一試。…Read More

其實平時好鍾意食燒肉，但係份人好懶覺得自己親手慢慢燒好攰😂😂😂而且都成日掌握唔好火候。依間燒肉舖可以滿足咗我享受燒肉，又可以唔使自己郁手嘅願望🤣🤣去到嘅時候其實舖頭有好多客，但店員都會盡量幫手燒肉，而且手勢都唔錯！食物方面我哋試咗兩人餐，唔使$300而且仲要唔使加一，兩個人都食到好飽幾抵食！只係用餐時間要喺夜晚7點之前落單，對於打工仔嚟講時間就唔係太方便，但勝在夠抵食。有兩款餐可以揀。食物質素方面都唔錯㗎，令我印象最深刻嘅係鳳梨牛排，鳳梨食落好Juicy好鮮甜，牛排質素都好好，肥瘦均勻得來又唔缺油香！其他配菜方面我都幾滿意，尤其係冷麵，係食完油膩嘅肉類之後食碗清爽嘅冷麵有好好嘅解膩效果！總體而言，作為內地過江龍燒肉牌子嚟講味道同普通嘅韓國燒肉係有少少唔同嘅，幾欣賞佢哋嘅特色醬汁鍾意食芝麻醬嘅人應該會好鍾意！…Read More

旺角出晒名係一個西餐廳聚集嘅地方，今次同屋企人嚟到一間人世嘅樓上舖西餐廳，環境清幽啲之餘，餐點嘅質素都幾好，尤其係飲品同埋甜品非常之令人驚喜！西班牙海鮮飯份量來講一個女仔食啱啱好，入面嘅海鮮有鮮蝦魷魚等種類都幾豐富，飯底都可以做到粒粒分明乾身嘅感覺，只係上面淋嘅醬汁份量有啲多，所以令到上層嘅飯有啲淋咗，係唯一美中不足嘅地方八爪魚意粉呢個真係非常之令人驚喜，八爪魚咬落非常之嫩，平時好驚食到一啲好煙靭嘅八爪魚。紫薯鮮奶鮮奶底非常之嘅濃郁，加上紫薯綿密嘅口感好夾，而且味道唔會太甜。整體質素嚟講甚至優勝過市面某些手搖飲品店開心果芭菲甜品係成餐飯最令我驚喜嘅部份，口感好綿密之餘又好重嘅牛油香氣，開心果嘅味道相輔相成嘅唔會太過突出，亦都唔會冇咗存在感。朱古力蛋糕同樣都係口感非常之嘅面物，朱古力嘅味道超級濃郁，食得出係用咗好好嘅原材料去整。…Read More

hoo 韓國包車(尖沙咀)📍 尖沙咀厚福街12-12A號藍馬商業大廈22樓hoo 韓國包車以典形的韓國街頭店鋪為設計的基調，令客人置身於韓國一般。一雞兩味🍗一雞兩味故名思義就係一種炸雞，但有兩種味道！今次試左原味+ 甜辣，原味雖然會更為清淡，但不會太單調，原味更突顯雞肉的鮮味和鬆脆的口感。甜辣方面，味道有別於一般的炸然店，其他店的辣味是以甜味為主基調，但hoo 的甜辣是以辣味為主，辣椒的味道十分突出。街頭魚糕串串魚糕串份量十足，仲有鮮甜的蘿蔔和清魚湯一齊食，真係十分滿足同好食！芝士泡菜煎蛋卷蛋餅份量足！裏外都充滿海量嘅芝士🧀，內裹還配有泡菜，外料沙律醬茄汁，各種配料既味道加埋一齊，㗎直就係味覺的享受。拉絲芝士韓式炒雞芝士份量多到嚇死人，雞肉真係好嫩滑同好入味，配埋一齊真係值得一叫泡菜炒飯呢個飯同係韓國食到既味，真係一模一樣，掛住韓國既朋友仔可以去一解思鄉之情芝士炒年糕🧈年糕有咬口，加埋芝士同甜辣汁，一個字，Perfect!小食拼盤小食拼盤包左三款小食，炸粉絲卷+炸甜芝士+炸薯條，即叫即炸，仲有三款吾同既醬汁，口感酥脆，味道豐富熱情果梳打菠蘿梳打吾用多講，炸野吾配有汽泡既野飲，簡直係白食，配埋一齊先係perfect match🍽️🍽️🍽️🍽️🍽️🍽️🍽️🍽️🍽️🍽️🍽️🍽️評分好味： 8.5/10CP值：8/10環境：10/10…Read More

第一次食這間店，當日天氣很冷，北風呼呼，入到鋪頭見到二人套餐是石鍋雞，馬上心動。選了一份涼拌小菜，一碟燜牛肉，兩碗主食（湯麵），和兩碗糖水（玫瑰冰粉）。涼拌小菜：我們叫了魚片，超級脆，雖然有少少辣🤤，但完全止不住手。量很多，2個人要吃完也要很久。氣鍋雞：等了一會，熱湯終於上桌，迫不及待舀上一碗，濃濃湯汁，一口下去，不止能暖胃，還能嚐到湯料的鮮嫩，有雞肉、香菇、竹笙等食材。湯汁調味濃郁但不鹹🤗，也沒有參雜任何水份。主食：我們一份叫的是麻辣米線，另一個則是番茄湯米線。米線很嫩但不會軟爛。湯汁也十分濃郁☺️。牛肉：看名字不知道是怎樣的做法，但是吃起來的味道也不差，牛肉不柴，依附在肉塊上的醬汁也不會過鹹🥰。搭配米線，也能夠豐富口感和味覺😋。玫瑰冰粉：外表很好看，雖然天氣很冷，但是和冰涼糖水也很搭😍，糖水清甜無負擔，還有一些山楂等可以解膩。作為結尾不錯！🤤…Read More

觀塘作為office聚集地，食飯真係越來越貴🥲🥲🥲想搵到一間食物水準不錯價錢又親民嘅餐廳實屬難得。今日同朋友來試嘅秋意位於工廈入面，位置唔算容易搵但價錢親民之餘口味都不錯的🥳而且有一人套餐比較適合返工食飯酸菜魚口味非常惹味！湯底有魚嘅鮮味！魚片份量幾多而且口感爽脆唔柴 酸菜都夠算而且唔會過多纖維～如果係跟飯嘅話會直接整成湯飯，唔喜歡湯飯嘅朋友就建議叫返上海麵啦豉油雞冇特別要求指定部位，卑咗雞翼部分，都算幾好👍🏻口感方面幾嫩滑唔會柴，豉油嘅醬香味都濃郁，口味也都唔會過鹹！跟嘅上海麵湯底冇咩特別，口味偏淡適合同雞肉一齊食用就啱啱好啦！柑橘飲品飲品好得意全部都係用袋裝住，唔會額外再加冰，依一點很好！味道同一般茶飲店出品冇太大分別，值得一試的！總體餐點味道偏淡，我自己幾鍾意，食咗太多油膩嘅食物之後。…Read More

香港有好多唔同嘅日式餐廳，日式居酒屋嘅氛圍，都會想重溫日式小菜嘅美味！今次同朋友兩個人嚟到旺角新城入面嘅日式居酒屋試咗幾款日式小菜同埋壽司，雖然價錢唔算好平，但係質素絕對對得起價錢！我哋夜晚六點幾嚟到，餐廳唔算好多人，店員嘅服務態度幾好，一坐低就斟咗熱茶俾我哋飲。我哋叫咗兩款小菜分別係大根牛舌同埋清酒煮蜆。朋友好鍾意食前者，蘿蔔嘅味道好甜，牛舌都住得好軟爛！而我自己就鍾意後者多啲，清酒嘅酒精味唔係好濃，反而是好清甜，配上非常之新鮮有肥美嘅蜆，好味呀！壽司同埋海鮮丼飯嘅質素都非常之嘅頂級！魚生油香味十足，而且全部都係厚切！壽司飯食得出係壽司師傅人手製作，有誠意，唔會好似一啲連鎖店用機器整飯團，少咗口感。最有趣嘅係餐廳出邊仲有擺一部做公仔機，入到指定嘅分數就可以換小食，我勁好彩夾到炸雞又可以加送了哈哈！如果冇記錯，只要有消費都可以試玩…Read More

經常都會因為工作關係而喺東廣場食飯，今次終於有機會試下Comfy，之前路過好多次都唔得閒入去食，始終覺得食cafe要慢慢同朋友傾下計食先開心。餐廳menu可以揀嘅食品種類都幾多下，pasta、pizza等等都有得食。我地一行二人就揀咗比較特別嘅軟殼蟹冬陰功義大利飯同埋三文魚。兩個味道都超出預期，而且份量好大好大，最尾都食唔曬要打包。軟殼蟹可以食到蟹膏味道，配上特別嘅冬陰功source好特別，係fusion得幾成功嘅料理品項。三文魚水準中等，冇咩特別，但係勝在大大舊，夠新鮮。我地仲叫咗個明太子薯條，明太子醬汁夠曬鮮味，木魚花同埋紫菜可以令到薯條冇咁寡，good！只係份量真係太多，食到後面有啲辛苦飲品方面叫咗莓果冰沙同埋牛油果冰沙，後者比前者嘅質感更加幼滑，完全食唔到冰粒，牛油果creamy嘅感覺都好好咁保留到。前者酸酸甜甜都ok 只係會食到冰粒 再幼滑啲會更加好！…Read More