coletteho's Profile

係車廠附近開嘅西餐廳味道如何實在令人好奇，於是個日就同左朋友黎試下。呢個菜式係我最鍾意嘅菜式，牛肋條吸收晒醬汁，非常juicy。除左牛肋條仲有薯蓉，薯蓉非常細滑，又重牛油味，都係我食過最好味嘅薯蓉！呢一個係松露忌廉汁炒雜菌，初頭以為只係一個好普通嘅炒雜菌，但一食落口就被松露忌廉汁吸引住，個汁惹味得黎又唔會蓋過菇嘅味道！呢個菜式亦都係我鍾意嘅菜式，蟹肉數量都算多，面頭嘅蟹籽再配埋蟹肉同個汁，配套得非常好，口感一流，充滿鮮味，下次再黎我都會叫番呢一個意粉！…Read More

今日同朋友行開沙田，發現到呢一間意大利菜，就即管入去試下。我就叫左個蕃茄長腳蟹意大利飯同一個薯條。呢一個意大利飯非常足料，長腳蟹肉嘅數量十分多，而且每舊蟹肉都好大舊。蕃茄配埋蟹肉帶出左蟹肉嘅鮮味。個意大利飯煮得洽到好處，就好似係意大利食到嘅一樣。另外個個薯條亦都好惹味，又香又脆，同平時出面食嘅薯條唔一樣。下次會再到朋友黎食。…Read More

荃灣區都有好多飯店，但依間飯店是吃潮式風味的飯店，感覺比較有特色，店員推介了幾味餸「豬油渣蒸水蛋」蛋質嫩滑清香調味得宜細碎的豬油渣沒有油膩的感覺👍，「三色辣椒炒蜆」蜆肉大大隻入囗鮮甜,辣味啱啱好.「小米餃」薄薄的粉果包上豬肉餡料實在恰到好處😉這間並非一般吃潮菜"打冷"的菜式，試過之後，覺得值得推薦比大家試試。…Read More

之前黎親韓板都係食韓燒，今次就決定同朋友黎試下其他熟食。果然冇令我失望！嗌左2碟芝士熔岩炸雞，一碟辣，另一碟就唔辣。2碟ge炸雞都係外脆內軟，d肉好嫩滑，溶左ge芝士再配合炸雞，好好味！而辣個碟炸雞好入味，食唔到辣ge都係食番唔辣會好d。另外嗌左個海鮮泡菜煎餅同薯條，海鮮泡菜煎餅好有泡菜味，食落去仲食到泡菜，雖然係泡菜但都唔算好辣，岩晒食唔到辣ge人。而個薯條入面仲有薯格等等，薯條個d係新鮮即炸，又脆又熱，再配上調味料，一試難忘！有嘢食當然要有埋飲品，嗌左杯特飲，一黎到以為佢地落錯單落左做凍檸水，但原來冇錯，係我杯芒果特飲，芒果味好重，味道好特別非常好味！下次想食炸雞又多一個地方比我選擇啦！…Read More

約咗朋友去九龍城食飯，食完飯梗係食糖水，咁先至圓滿句號，本來去非常出名果間老舗，但又有點悶，都係試下新式甜品，行下行下，係轉角位見到呢間應該新開不久既，鋪頭不算大，好整潔光猛，決定一試，一睇餐牌，有好多選擇，麵食，小食，甜品俱有，經店員介紹，原來店如其名，主打芝士，見到D相片，好吸引，唔知叫咩好，唯有求教店員，推薦我至愛既芒果甜品，"香芒三重奏"，原來係有脹滿滿芒果班㦸，芒果奶凍同芒果雪糕，班㦸係新鮮整，奶凍甜度適中，加埋新鮮粒粒芒果香，巧甜，一D都唔酸，之後再食雪糕，巧滿足，開心指數升升升。店員仲介紹鹽酥雞，炸漿恰好，雞肉好juicy , 有辣，同唔辣，好鬼香脆，巧巧味👍 另外介紹芝士蛋白流心吐司 ，其實飽飽地，本來想唔叫，但店員好推介，唯有繼續，好彩冇唔叫，好特別架，蛋白鋪係多士上面，你用刀切落去，D蛋黃就流心咁流出嚟，好鬼屎好味，味道仲好夾，但真係好飽，無能為力食其他，下次要未食飯黎食先得…Read More

早幾日同朋友搞左個聖誕聚會，因為朋友推薦呢間餐廳所以我要一睹佢嘅風采 朋友極度推薦我食呢個和牛，果然冇令我失望！燒到咁上下嘅時候，服務員就過黎提提我地舊牛差唔多得，和牛燒到恰到好處，入口即溶，再配合埋醬汁，非常之好味！ 因為我突然間好想食壽司，而見到menu有壽司食，就多朋友share嗌多幾件。三文魚好肥美，飯粒亦都好軟熟，食完都食再食多幾件。 我地仲叫左生蠔，鮑魚同扇貝呢啲海鮮。啲海鮮好鮮甜，又嫩，一啲都唔"un"整體黎講，呢間餐廳都好好味，下次食飯又多一個選擇lu！ …Read More

蒸氣石煱好新奇，決定同朋友試下呢閒, 原來好似打邊爐,  不過會放D食物係上面蒸熟，通常放海鲜，因為海鮮D汁滴落最底層既粥，咁個粥就好鮮甜，我地揀咗龍蝦，好新鮮又抵，做緊特價，仲有花甲喇，蝦喇，飽哂，臨尾仲要食哂個粥，冇辦法，真係好鬼鮮甜囉，今晚食得飽飽, 又抵食，正呀…Read More

係友人口中得知呢間高質素西餐廳，所以就特登book位試下。佢地就推介左個煙三文魚沙律，什菜千層麵等等，除左呢2樣，我地仲嗌左其他嘢食，全部都好高水準。呢個煙三文魚非常之好味，我平時就唔係太鍾意食煙三文魚，但呢一個沙律竟然可以令我愛上左！佢地采用ge沙律醬唔係普通ge沙律醬，個醬汁係佢地自製，仲好味過普通沙律醬。呢一個香草包亦係佢地自己整，個包好脆，配埋牛油都好好味。呢個雞翼味道非常特別，有齊酸甜辣ge味道，係味覺ge享受。呢一個係我最中意ge菜式，由於佢係慢煮，所以d肉非常非常'林'，達到入口即融ge感覺，醬汁亦調配得好好！最後就嗌左呢一個青檸芝士餅，面頭有焦糖，三層咁食，好好味，味道配合得好好第時一定會再邀請朋友一齊食！…Read More

落街睇下有咩食，見到呢間細細地唔係太起眼嘅餐廳，即管入去試下。地方唔係好大，得9,10張枱到。嗌左呢個白汁煙肉意大利粉，蒜蓉包，熱朱古力。個意粉有得簡扁意粉，普通意粉，菠菜意粉，我就簡左扁意粉，個汁好香，但就太稠，又少少失望，好多煙肉同菇，都幾足料。蒜蓉包好香同脆，而朱古力唔係太甜，好濃朱古力味。整體都唔錯，一定會再黎。…Read More

之前已經同朋友試過荃灣個間，今次同朋友去開元朗就試下係咪一樣咁好味嗌左蕃茄湯底，哇，好濃蕃茄味，正！雖然啲豬同牛就有少少薄，但係好鮮，好肥美，好好味！不過就算薄薄地都唔怕啦，因為有得添食吖嘛！打完邊爐就緊係要食甜品，出面有雪糕，蛋糕個啲甜品，但我太飽，只係食到杯雪糕:(唯有等下一次啦！…Read More

係青衣運動場做完運動，就行過去翠怡個邊食飯，見到呢間台灣菜就即管試下。嗌左個特餐香酥雞柳肉燥飯 $36包套餐飲品，飲品我就嗌左蜂蜜水。d肉燥都幾多，幾好味，但個香酥雞柳就太粉，食落去好似食麵粉咁。雖然有少少失望，但都可以再黎食嘅。…Read More

朋友聚會，食咩好呢，小小秋意，決定黎個部隊鍋放題，是我最愛的韓式部隊鍋，有任添前菜，至愛既泡菜，可以食到夠😋 我地成班都鐘意牛肉，所以揀咗美國特選牛肉 ，牛骨濃湯底，湯底非常香濃，好惹味。除咗牛肉，仲有一口牛、梅豚肉、豬腩卷、雞腿肉同魚，牛肉，豬肉切得薄薄的，如果可以厚D就perfect , 至於配料有丸，韓式魚片，豬腸、年糕，至愛午餐肉，豆卜串,腸仔 ,蔬菜, 菇菌，韓式公仔麵等,㸃解有Popcorn 既，好特別喎，甜品有乳酪同雪糕揀，亦有細細件蛋糕仔,好精緻，本想同朋友傾過不停，但我地掛住食囉，又要再約多一次lu…Read More

同友人係荃灣廣場睇完戲，就去左對面條街食晚餐，見到有間裝修得唔錯嘅西餐廳，就入左試下。有d想食炸薯條，所以就嗌左個蒜蓉薯條，蒜蓉味好似有d重，蓋過左薯條嘅味道，但薯條好有薯仔味，好香口。之後我嗌左個黑松露野菌意大利飯，d飯非常軟熟，好香菇味同黑松露味，有好多菇菌，好足料。我朋友就嗌左呢個帶子粟米意大利飯，帶子真係原隻帶子，我都忍唔住食左少少，哇！啲粟米好甜，好好味！…Read More

係fb到見到荃灣開左間新嘅甜品店，就拉埋個朋友同我一齊去試。我地嗌左楊貴妃，芒果天使同埋招牌抹茶心太軟。楊貴妃係有楊枝甘露汁，芒果啫喱/布甸，芒果粒，雪糕等等，芒果粒好甜，唔錯！ 另外個芒果天使有幾層嘅，最面個層係大丸子，芒果粒，雪糕係雲呢拿味，而最底個層就有棉花糖，好足料。 當然就要試下佢地推介嘅抹茶心太軟，原來佢啲抹茶粉係同日本訂，同平時食到嘅抹茶好唔同，呢到個啲特別好味，心太軟嘅伴碟嘅紅豆好"林"，好好味。一定會再叫多啲朋友黎支持下！…Read More

lunch time同同事黎左呢間係台灣菜嘅餐廳食飯，我嗌左個台式滷蛋肉燥飯，飲芒果綠茶。有失望嘅地方就係個飯嘅椰菜仲多過肉燥，而且肉燥冇乜味。但個芒果綠茶就有驚喜，配搭得幾好味，又唔會太甜，但又有芒果同綠茶嘅味道。如果再黎一定會嗌芒果綠茶。…Read More