Sophia0910's Profile

公司附近新開呢間韓食店，老公接放工就去試下，點左個二人餐，唔算好豐富，但係兩個人好夠食，有半隻亞豬媽炸雞，選了芝士撒粉，有一份壽司飯捲，再選了牛肉炒粉絲及兩罐韓式飲品，還配了兩款前菜，這個價錢勝價比高。有半隻亞豬媽炸雞 （芝士撒粉）-炸到好脆，鬆化，無骨啖啖肉，望落好似唔多，都原來都有十舊以上，份量都唔少，現埋芝士粉，香濃口味，好惹味，配埋酸蘿蔔壽司飯捲-呢個正常發揮，都足料，件數都多牛肉炒粉絲-粉絲入味，配上牛肉及野菜，煙煙韌韌咁，都是韓食必點之選。飲品都好多選擇，食物上得好快，仲要熱辣辣，好正，食完兩個都好滿足。…Read More

今日凍凍地去尋味買外賣返屋企食，叫左佢地最招牌個幾款。炒米粉，咸魚雞粒炒飯，牛肉餅，豬軟骨，靚湯兩個，啲野食拎到返屋企都仲熱辣辣，仲好大份。炒米粉， 好多配料，又夠鑊氣，而且唔會死咸，食得出無味精咸魚雞粒炒飯，有大大粒雞肉粒同真咸魚粒，咸香惹味，仲炒到粒粒乾身，正牛肉餅，自家制，個湯頭都好正，配自家辣椒油，又香又辣豬軟骨，呢個第一次叫，估唔到份量都幾多，啲豬軟仲好淋，膠質滿滿，係我鍾意既少甜醬汁，炸薯仲沾晒啲汁，好味靚湯，每日不同，唔會隔夜，今是係粉葛赤小豆豬骨湯，仲要滿滿一碗。老闆娘好好人，仲話可以電話落單，咁就唔洗企係度等，不過等都好快就有。…Read More

咁岩發現呢間之前好紅既兩餸飯原來係公司附近，今晚order左幾個餸，返屋企煲個飯就掂晒，慳返好多功夫同時間。簡左啲平時屋企比較難整既，椒鹽多春魚，椒鹽蝦，炆豬手，估唔到仲有魚，放工平時都買唔到魚，所以我就簡左白鱔同魚腩。椒鹽多春魚，呢個有驚喜，返到屋企用焗爐加熱先食，竟然仲脆卜卜，炸到乾身又脆口。原本以為返到屋企會淋淋，因為成日買炸野都係，所以好驚喜，我覺得可能個炸粉整得好。椒鹽蝦， 蝦新鮮唔會梅，爽口鮮味，加埋蔥蒜等等佐料一齊爆香，好惹味南乳炆豬手，呢個都好驚喜，炆到好淋，但啲皮唔會爛晒，唔會甩皮甩骨，仲保留一些爽口的筋位，而且豬皮清潔乾淨，唔會有毛毛（最驚出面食豬手勁多毛）鼓汁白鱔，加返熱食，新鮮爽肉，很鮮味清蒸魚腩，魚腩大大舊，好抵食呢，肉唔會散晒，食得出是新鮮的，不是急凍貨。見佢地用網上外賣平台袋裝俾我，原來佢地都有做網上外賣平台,仲係唯全港唯一平台金牌商家呢。佢地食品種類都好多，蒸魚都有3款，肉類方面，見到豬牛羊都齊（有羊腩上市），菜都有不同選擇，種類很多元化。價錢更是實惠街坊價，購買期間見職員佢地同熟客有傾有講，好有人情味呢。…Read More

天氣轉涼了，老公提議打邊爐，呢間鍋霸特式之一就係無限時，我地中午入坐唔係好多人，兩人都係卡位，夠晒闊落，我地就選擇左$308個餐，用QR code點菜，先落左個湯底，簡左藥膳湯藥牛肉，黎到個湯好香濃，仲有大大舊牛肉係入面，炆到好淋，好似台灣牛肉面。每枱仲有shake shake炸魚皮，脆口又惹味。落單點了美國安格斯牛肉，無激素豬肉，仲有好多手工丸，手工三寶丸，墨魚丸黑松露墨魚丸，麻辣牛丸，豬肉丸，墨魚滑。仲有好多特式野，芝士小籠包，爆漿濃味牛丸，芫荽燒賣，魚蛋，鴨血，手工冬菇豬軟骨水餃等等，每樣都好食，爆漿牛丸真係超正。仲有海鮮，沙白，小聖子，海蝦，滷水雞腎都係我心水，叫左幾次。調料區選擇都好多，材料都新鮮，冷熱飲區全，凍飲有手工冷泡茶及多款汽水，仲有啲連出面都少見，包括特別版可樂，無糖忌廉溝鮮奶。呢間火窩店俾人感覺好台式，特別係啲窩底同手工食材，同之前食開個啲感自好唔同，叫埋雪糕食完好滿足呢，唔限時唔洗睇住時間趕住食，又唔驚截單同埋俾人催，啲員工收野出餐都好快而且友善。…Read More

今日近近地想西鐵站附近搵食，原來朗屏8號隔離開左間酒樓，唔係好起眼，但原來都唔錯。兩個人點左個酥炸桶蠔，椒鹽鮮魷，淮山豬肚雞煲，搭個白飯岩岩好。酥炸桶蠔炸蠔都係出街食先好食，自己炸唔到呢啲水準，炸得好鬆化，蠔又夠鮮甜，點啲醋就更正。椒鹽鮮魷估佢唔到用咁厚既鮮魷，大大塊又厚肉，好鮮味淮山豬肚雞煲呢個清淡一點，但材料新鮮，豬肚都處理得好乾淨，上菜時仲熱辣辣原來每張枱仲有甜品同糖水，而家真係好少酒樓會有啦，有桂花糕同馬豆糕，仲有紅豆沙，仲要係好味個隻，真係要讚一讚。佢餐牌仲有唔同晚飯孖寶，不過兩個人食就太多，岩多啲人一齊食。…Read More

今日約左人去紅磡，好耐無黎，見到間新舖賣燒賣，就買左幾樣黎試下，買左兩款蒸燒賣，分別係秘製豬肉燒賣同奶油麻辣魚肉燒賣，前者有啲好似日式芝麻醬汁，好惹味，豬肉燒賣有咬口又有肉味，亦唔會有肥豬肉口感，後者比較特別，滿滿奶油香味，有少少辣，魚肉燒賣好彈牙，夾埋又幾有新鮮感。仲點左個珍珠雞同泰式墨魚餅，珍珠雞係一件件咁炸，加埋啲醬汁，有少少辣，都幾飽肚又幾獨特，墨魚餅炸起熱辣辣，配埋個醬，好滿足，食熱氣野配返個韓式青萍果梳打，爽晒。順帶一提，店員姐姐好有禮貌…Read More

今年生日老公話要食豪啲，生完bb請我食廚師發辦，佢靜雞雞訂左位，黎到先發現係半島地庫既釧。佢已預訂左2580瀧TAKI組合，三款前菜，三款一品料理，8貫壽司，熱湯，甜品，睇落都好豐富，上菜更加驚艷。前菜大阪水茄子，北海道毛蟹配紫蘇醋清新的開胃菜，淡淡的茄子配上鮮甜的蟹肉，醋味更提升了蟹肉的鮮味前菜2紐西蘭 蛪蝦配水晶魚子醬中間係一層蕃茄啫喱下低係一層蝦膏奶凍，三層一齊食，不同口感不同鮮味前菜3百合做的圓子內裡含有海蝦蝦膠，澳洲婆蔘肉同埋雞蛋，配上伊比利亞火腿高湯及北海道松葉蟹肉，淡淡菊花花滲入其中，為味蕾清一清師傳上左漬物就即係準備食壽司了，Wasabi 淮山 ，牛蒡同薑都是高質自制的，每次食完一款壽司就清一清味蕾，還有手巾給你擦手，因為正宗就是用手吃。北海道北寄貝,輕輕燒過，吃到半生熟口感，非常爽口鮮甜北海道筋子醬油漬配柚子皮，平時食開一粒粒三文魚子，呢個筋子就會有啲咬口，仲會有啲痴牙，都幾得意中吞那魚腩 &大吞那魚腩吞那魚唔洗講，無得彈高知縣鰹魚用禾桿草煙薰過配上油菜花柑橘醬油，方位有煙薰味，香香脆脆的，配上本物濃味的鏗魚，很香口，很濃的味道北海道秋刀魚卷，夾住河豚蔥，黃蘿蔔漬，炒過既白芝麻連wasabi一齊食，秋刀真係秋更當造的，魚油特別多又特別香，配上蔥的清新，更帶出鮮味岐阜縣鹽燒燕鰶魚配炸薑絲，日本大蒜絲，茄子漬店員仲會係你面前灑上法國黃金鹽，非常衿貴。這魚很香滑，皮厚又有油脂，很好味呀再繼續壽司，北海道油坊煮，油份比較重，有啲咬勁，肉質有彈性炙燒赤鯥，這款魚是貴價的，但魚味不夠其他，還可以。北海道白海膽，師傅選用羽立，即日本壽司之神都用的品牌，份量很多，入口隨即爆發鮮味，而且質感creamy，大大滿足最後是吞那太卷，中吞拿，大吞那，燒過既大吞拿包在一起，再一啖食晒佢，成個咁都係吞那魚，超正。最後是雞蛋布甸，食落有花香味的，清一清味蕾就再繼續，乳鴿高湯十分鮮味濃郁，熱熱的暖下個胃。甜品有兩款，同老公一齊share, 豆乳福袋胚牙白朱古力配脆皮腐皮，不太甜，剛剛好，絲滑加脆脆口感另一個是桃味甜品，配白桃雪芭，自家製乳酪，水洋酸啫喱，川中島桃肉，荔枝紅茶啫喱，又係有齊各種質感及味蕾爆發，桃肉真係超甜超好味。最後一粒黑芝麻朱古力為晚餐劃上句號。這裡環境很好，服務也很貼心，師傅介紹每款菜式都好清晰，一次美好的生日飯。佢地而家慶祝兩週年，每位客人仲有一隻清酒杯，倒入凍水就會變成粉紅色的櫻花，好有心思呢。…Read More

生完bb,老公話要同我食好啲，搵左間餐廳二人世界high tea chill一下。估唔到工廈有咁靚既餐廳，入面仲有飛標機同桌球，啲枱好大好舒服，環境好relax,好chill我地order左英式下午茶套餐，有甜有咸仲有野飲。個甜品架都好靚，岩晒打咭用，款式多味道又好。英式鬆餅配果醬有牛油同果醬，好香牛油味，鬆化又香脆。熟蛋沙律三文治-蛋沙律無得輸，配埋上面既黑松露醬，好惹味。牛油酥皮餡餅，香脆及香草的配搭風乾火腿配哈密瓜煙三文魚配黑魚子呢兩個衿貴之選，水腿同哈蜜瓜超正，煙三文魚兩大塊，好好味士多啤梨蛋糕，中間似紅絲絨蛋糕，士多啤梨都好新鮮香橙朱古力蛋糕，朱古力慕士配橙，絲滑清新芒果椰汁布甸，呢個最有驚喜，個芒果好清甜，底下仲有新鮮雲民拿籽做的布甸日式抹茶麻糬泡芙，賣相吸引，紅豆配綠茶及麻糬，食完好滿足。最初老公驚唔飽，成日話hightea係女仔打咭，食完呢間hightea,佢話好好食又好飽，對hightea有新體會。仲話下次可以試埋中午半自助餐同晚餐呢！…Read More

作為transformer迷，一知道呢間餐廳就急不及耐要搶先探一探。The ark係博派大型太空飛船方舟，造型非常搶眼而且設計好有太空感，樓高兩層。入面仲有好三米高既柯柏文俾大家影相，入面係香港首間官方變形金剛商品專賣店，仲有好多限量精品模型可供選擇。食物方面係西式快餐為主，transformer 造形漢堡飽太可愛了，另外仲有炸雞同薯條，我就點左蟹肉牛油果漢堡，啖啖肉既蟹肉餅非常鮮味，配合秘制牛油果醬，味道好夾又清新，最特別個紅菜頭漢堡麵包，真係第一次見，非常特別。勁脆炸雞真係好脆，雞肉juicy,再配上一杯四季冰晴用料係來自台灣的四季春茶葉，健康又解膩，仲有蒟蒻果凍，岩晒大人細路,最後配埋個軟雪糕真係超正。用餐地方好似飛船內部，仲見到外太空咁，好似去左另一個地方咁，真係好特別既體驗。一路食一路影相，最後再shopping埋，最岩帶埋小朋友黎體驗一下。…Read More

疫情咁耐都無去過燒野食了，今日心癢癢再訪麥師傅，去到見到價錢同以往差唔多，但就多左一款燒烤爐，唔洗用叉，係有網同埋用夾去燒，我地兩口子就試新野，同樣有兩包炭。基本餐具，蜜糖，紙巾，面包，開左爐就去拎野食，首先會有一盤咩都有既野食，之後可以自己再出去拎，每人包兩張8蚊飲品，超過就補錢，水同罐裝汽水都係唔洗補，枝裝同啤酒就補5-8蚊。一開始個爐都幾猛，好易燶，要快快手咁反，燒旺左之後就慢慢控制到，愈燒愈靚。最鍾意佢個豬扒，啖啖肉，呢度食物選擇不過不失，有豬扒，牛扒，魷魚，叉燒，牛柳粒，雞扒，金沙骨，腸仔，燒賣，魚蛋，墨魚丸，芝士魚餅，多春魚，芝士腸，紅腸，台灣腸等等，粟米，翠玉瓜，雞翼都有3-4隻口味，我地兩個人每次拎少少，食完再拎。唔經唔覺燒左三個鍾都已經好飽，佢任食5小時的，但我地都飽了就走，好滿足。雖然話5小時，但都無見過佢趕人走的，除左燒野食都有不同娛樂，有人打麻雀，小朋友有啲攤位同夾公仔機，旁邊都有俾小朋友跑跑跳跳既地方，一家大細去玩都唔錯。…Read More

老公生日第二波，佢話未玩過自助串燒，咁岩俾我見到旺角呢間串Grill有得玩，仲要唔貴。訂左位去到仲好早，職員會先講解飲品係邊，個爐點操作，同埋介紹台上調味料，包括魚露，燒汁，柚子醬，海鹽，辣椒粉，椒鹽同孜然粉，老公即時自助落單，唔洗5分鐘就黎左兩大盤野食啦。食物種類有豬，牛，羊，雞，海鮮，丸類，腸仔，甜點，每一頁都好多選擇呀，牛舌，牛西冷，牛筋條，和牛粒，雞腎，雞肉，雞軟骨，年糕魚蛋，豬肉丸，墨魚丸，魚蛋，腸仔都有芝士腸，香腸，台灣腸等等，海鮮有多春魚，蜆肉，青魚，我地好鍾意雞蛋仔，棉花糖同波蘿，甜薯encore 左幾次，飲品種類品算好多，但都有齊汽水，茶，仲有豆漿。啲野食每次好快黎到，放上爐上自轉，望住佢轉轉下，到7-8成熟就可以搽啲燒汁，老公玩到好開心，啲野食熟左再自己落味粉調味，原先佢驚燒得耐唔夠飽，但兩個鐘食好多野，真係好飽。最尾仲有每人一杯書糕。地點就腳，價錢又唔貴，仲有得玩下燒野食，真係唔錯呀，性價比高之選！…Read More

老公生日諗住食豪啲，一個月前已訂位，到個日朝早先有人cfm booking, 去到餐廳啲staff俾我印象已麻麻地，完全唔望人，我地被安排了最近廚房，最遠飲品區個卡位，原來早一個月都唔會訂到啲好位置。一坐低淨係放低餐牌，無人介紹無人理，一句野都無講。直到我地叫waiter同佢講落C餐，佢收左餐牌講左句”陣間QR code落單，飲品區係門口”就走左。睇返人地啲相，我地無黎到桶盛盒。個和牛寶盒打開個陣都無乾冰，亦唔會有職員幫手燒，仲要係紙咁薄，超級失望。四款和牛得個角切有啲牛味，其他真係好普通。海鮮船都ok,隻蝦超大隻，啲野食都算黎得快，心諗坐卡位都係想玩下佢個送餐軌，但其實廚房就係後面，我隔離仲長期企左兩位洗碗呀姐等收碟去洗。:(星期六648再加一，真係去食自助餐好似仲開心啲，不過我有左食唔到海鮮同生冷野先選擇了燒肉放題。呢個質素麻麻地，其他餐廳應該500左右都食到，仲要無服務。…Read More

同老公慶祝紀念日，朋友介紹呢間日本餐廳，事前做左功課，點左老公鍾意食既野。夏日祭生蠔 168/半打呢個好抵呀，隻隻都肥美飽滿，鮮甜有海水味，肚位仲好creamy,原來生蠔配上柚子醋又是另一番風味。加拿大海膽配紫菜及青瓜絲，清新鮮甜，分量都唔少，非常對得住呢個價錢芝士玉子燒應該叫爆芝玉子燒先岩，好多芝士，香濃蛋味，鬆化而且香口，好玉無食過咁好味既玉子燒松露半熟牛肉他他賣相都好吸引，分量都多，仲件件都唔細件，個汁好fresh ,好開胃既前菜青森青提豚肉卷呢個好少有，一咬爆汁，少少酸甜，中和了豚肉的油份牛蒡素肉丸串呢個肉丸好清新，仲吃到牛蒡味道脆皮風鱔老公點的，佢話個鱔新鮮，肉是爽口的，皮就煙韌，讚不絕口明太子油揚豆腐鹽燒呢個都係小有的，個豆腐燒到燒身，脆口，配上明太子咸香，一軟一硬，好特別。亞波美手羽先老公話串燒唔可以唔叫雞翼，呢兩個雞翼燒到剛剛好，外脆內juicy老公好滿意呢一餐，要揸車所以無點酒，其實佢都好多選擇。…Read More

天氣凍凍地，諗起去打邊爐，行過荃灣就簡左呢間，肥到好多人食烤魚，但最後都簡左滋補椰子雞煲，半隻雞再散叫其他野。個湯底好多椰子，仲有桂圓紅棗南北杏，飲左一啖好清甜，再落埋半隻雞落去，煲一煲，鮮甜味天上一層樓。另外仲叫左：魚皮餃呢個正常水準，老公喜歡吃蜂巢豆腐打邊爐必點，吸晒啲湯汁，正，份量都多響铃（有兩層的）同樣打邊爐必點，吸湯之選，我自己鍾意浸到淋晒最好食雜菜藍有油麥菜，生菜同埋津白黑毛豬腩肉呢個有驚喜，份量都幾多，豬肉味好濃厚豬頸肉（都是兩層的）薄切，熟左好爽口彈牙呢間餐廳有卡位，都夠闊落，啲火窩料既份量都算多，仲有電視，選擇又多，有烤魚雞煲，見人地食烤魚都好吸引，下次再試。…Read More

老公鍾意食拉麵，行過旺角原來有間唔錯既一生懸麵，見條隊排左十個人，都驚會等好耐，點知等左十分鐘都唔洗到我地，仲會排隊點菜先，入去就快啲有得食啦。入到去見到廚房真係勁忙呢，我點點左沾面同小食。海老沾面滿滿既蝦，老公話個湯好鮮味，又唔會好咸，仲有肉粒係入面，配埋個面好正，好惹味濃厚豚骨沾面呢個見佢用火槍燒完再放左啲配料，一上枱熱辣辣，沾面來吃好濃厚，沾面都是用粗身的面，夠咬口，仲有大大舊叉燒，又厚又香。唔怪得咁多人食。唐揚雞有五大舊，仲有檸檬同沙律汁，真係應有既都有，炸粉薄薄一層，啲肉仲好juicy , 而且都幾大舊，呢個價錢真係算好抵食。章魚燒都係老公鍾意食，質素唔錯，多醬又爆醬，燒辣辣好好味。重點係食完唔會好口乾，好想下次再去食。呢間舖頭無論價錢，食物質素，到員工態度，都無得挑剔，真係性價比高，希望佢地再出雪糕拉面…Read More