chococo's Profile

見到公司附近開咗餃子店，餃控梗係要去試吓！舖頭有點難搵，行咗兩三轉至搵到。weekend lunchtime係爆滿人，好彩我一個人老闆(聲稱義工😆）俾我入去等位。舖頭係家庭式經營，所以氣氛好輕鬆，”義工們”都會好隨心咁同客吹水，親切友善。响舖入面坐咗10分鐘左右(?)就有位坐，好可惜好多口味嘅餃已經缺貨，叫唔到最想試嘅芝士+菜莆雙拼。”義工”見我有啲失望又有啲選擇困難，就提議我叫8拼😆咩都有仲特登搵粒菜莆俾我，另外等煎餃時又拎菜莆我試。菜莆味道好夠，唔會太鹹有麻辣感，直情feel到啲麻辣會打開你啲味蕾，惹味又刺激！等咗幾分鐘煎餃拼盤都到，懷住拆盲盒嘅心情咁一隻一隻咬開。印象中有椰菜、素菜、粟米、木耳雞、菜莆、芹菜、另外兩隻唔記得咗🙈真心每隻都唔錯，調味啱啱好，隻隻都有性格。你會feel到啲配搭好有心思，除咗係味道嘅配合仲有口感上嘅配合。皮係薄身嘅但仍然好有咬口，料係爆多隻隻餃都包到好貼邊又漲卜卜，咬落juicy。煎得啱啱好皮唔會過硬，入口啲皮軟同脆加埋充滿汁料嘅饀係好好質感。如果唔係一入舖時太熱忍唔住叫咗汽水，仲會想試埋個花茶，唯有下次試🩵Btw點解咁好食、客又無停過咁入去、食完現場又要買生餃走…咁正都得咁少comment同正評???!…Read More

約咗朋友食飯嗰晚至要OT是常識吧。兩條友食飯一個遲大到另一個係好慘。明明訂枱時講咗遲到唔hold枱，而且同時餐廳有用餐時間限制，朋友都諗咗陣入唔入先好。遲到嘅我話咁你等埋我先囉，因為食燒肉趕食都無癮。點知朋友轉頭打嚟話店員俾佢入座先，等埋我至開始計用餐時間。太感動。叫咗個海鮮盛合（個名好似唔係咁叫，但打開餐牌你會知我講邊個），一份牛小排，一份橫隔膜。嚟得都幾快。而且我地坐餐廳角落都無被冷落嘅感覺，落單之類都好快。海鮮好新鮮，牛肉好有肉味又稔身。橫隔膜肉味重啲，牛小排油份香啲，兩款都好食。海鮮之中最中意係個鱔，另外扇貝同鮑魚都好食。最後仲加咗單補咗份吉列和牛漢堡同明太子玉子燒。可能食緊燒肉比較濃味，覺得漢堡有啲淡口。玉子燒就都係好味嘅，超濃郁蛋香加惹味明太子，仲好有飽腹感～最後其實係想讚待應哥哥好細心，特登走嚟提我哋座位側邊有一級，佢梗係一眼睇穿我地都係論盡鬼🤡整體service好好，食物又好，坐得又舒服。其實今次第二次來啦，上次食生嘢，今次食燒。個人覺得兩樣都好，但燒再impress啲！…Read More

原本已經落咗單叫咗杯嘢飲外賣，但落單時發緊夢⋯⋯直到聽到後面落單嘅朋友話半糖少冰，至諗起自己唔記得減糖/冰🥶都無諗住要改單，因為明知落電腦單、收晒錢又隔咗張單，唔會有得改，只係同朋友碎念咗一吓話希望唔會太甜。點知收銀姐姐超好人，問我係咪要半糖減冰，然後就走咗入去廚房幫我手動改單🥺～而其實出面排隊嘅人都唔少，佢仲肯主動幫我呢啲失魂客行開做呢貼心事～🥰超感動，所以特登打食評多謝收銀靚姐姐☺️🥳…Read More

瓏門一直以來都好多是非，好多人話難食又乜又物，我前年幫襯過買盤菜覺得好得，加上中意嘅明星都幫佢地站台，所以有一定信心。今日難得經過實體店又唔多人排隊，終於有機會試吓茶餐廳嘅部份。.既然啱時間就慳慳地叫下午茶餐。好幾個都覺得吸引嘅，最後叫咗芝士煙肉焗薯蓉拼香脆魚柳加熱檸茶。.茶第一樣到，味道正常，一般茶記水準。食物等咗一陣至到。個焗薯蓉俾我期望大咗一倍，成碗飯咁大！而且真係新鮮焗出嚟：芝士有焦香仲拉到少少絲，薯蓉又香又細滑！令人驚艷嘅薯蓉，令我即刻覺得要上嚟寫食評讚揚吓～眾所__知薯蓉滑就梗係多牛油，但食到尾都唔會覺得好漏，仍然覺得好好味😋 .炸魚柳其實都無咩期望，多年前响大字頭連鎖快餐店見識過啲薄過吉列嘅魚柳之後，好多年都無食過…呢度唔只俾我見返，原來條魚係有厚度，而且仲可以食到魚肉嘅軟滑！可惜唔夠熱，如果唔係再脆口啲應該仲正！.結論係瓏門嘢食其實都唔錯吖，好食又抵食，可以encore!!…Read More

餓咗西多士大半年，因為搵唔到好食黃茶記一直都無得食…難得今日放假出旺角近近地，諗住試吓「一日三餐」，同埋要試吓遠近馳名嘅賞「花杏仁露」。星期五下午茶時間，無諗過咁嘅鐘數都要排隊等入，都排咗差唔多20-25分鐘。如果唔係放假同埋一心想嚟支持吓，正常嘅我應該放棄咗。天氣好熱，响街頭晒住咁排隊，側邊仲有人推住鐵車入出貨入貨，都真係有啲辛苦，還好食物質素值回票價。毫無沿念地點個西多士花生醬餡，但係响杯嘢飲度猶豫咗一陣：等到身水身汗有啲想要杯清爽啲嘅凍檸茶，但咁難得嚟到又好似應該試吓名物；杏仁露一般都熱飲，凍又驚佢怪怪地…結果最後叫叫凍賞花杏仁露。西多士正常發揮，唔會食到滿口油膩，又有蛋香，花生醬薄薄一層唔會太漏但又夠晒味。凍賞花杏仁露呢，原本期望玫瑰係有味嘅，但原來只係做裝飾；不過okay啦，gimmick嘅嘢，食得開心都係一件事。但估佢唔到真係好好飲！從來都唔特別中意飲杏霜，但呢個香味好濃郁質地細滑，好似係流質版嘅杏仁豆腐，好有驚喜！仲有就係，叫凍飲唔會default加飲管，環保之餘可以大啖大啖痛快地飲，爽呀！下次啱時間有機會都會想返啅，希望到時仍然係要排隊入💛…Read More

疫情下已經好少出街食飯，每一餐都係一個”quota”。今晚個quota用得好值！舖仔細細，入座時原來得我地一枱。靜靜地，牆上畫滿卡通壁畫，坐得好舒服。叫咗個刺身拼盤，每件都好新鮮好鮮甜。串燒方面，明太子雞翼汁香同明太子香味滿分，燒和牛粒同鰻魚都肉汁鮮美！另外點咗柚子酒真係好驚喜，清新柚子香好易入口唔會過甜遮晒酒味，有層次！值得讚嘅係服務態度。唔經唔覺坐到就收舖都完全無要趕你走嘅感覺，仲提返你帶齊嘢走。好值得再次幫襯嘅小店！…Read More

原本搵緊路想去附近另一間小店試新野, 行到呢度見個餐牌幾吸引, 咁啱店長走出嚟招客, 順理成章就走咗入去.餐牌上最吸引我嘅就係呢個”馬賽鮮魚湯白酒托托蜆天使麪”. 咁啱又聽到店長同另一個客(應該係朋友嚟)大推於是唔洗唸就叫咗. 等食四圍望…舖仔細細都幾骨子. 仲有幅photo wall應該係老闆外遊嘅相, 去過好多地方, 仲影得好靚添. 即刻代入咗個遊人心情...上菜了! 份量望落有點少, 賣相一流. 先呷一口魚湯, 鮮甜! 咁啱仲聽到店長同朋友講解個湯幾多工序點整點預備, 個本身已經唔錯的麪越食越美味. 蜆肉雖少, 鮮嫩多汁! 雖說第一眼望落覺得細份, 仍覺滿足感滿滿, 而且都係飽嘅.飲品都係值得一提, 除咗正路的啡同汽水, 仲有港女至愛嘅果茶同中女至愛嘅養生熱飲! 真係好貼心. 點咗個冬瓜薏米水, 好足料而甜度剛好. 如果係用隻玻璃杯代替紙杯嚟裝, 咁就完美嘞! 仲有仲有, 呢區呢個價錢呢個質素簡直係物超所值! 心唸, 請你地要好好做落去呀, 生意難做的話, 加$10價我都仲係覺得值!!食完走了, 店長仲特意問啱唔啱食, 我如實話好好食, 店長隨即表示佢地每星期都會轉menu, 而且會在fb預先公佈, 令人充滿期待.離開舖頭時回頭, 至發現舖頭名叫”Hakuna Matata”, it means no worries for the rest of your days!!食完真係好開心…Read More

從來唔特別中意食拉麵因為覺得太油膩唔合胃口, 但朋友極度推薦下都嚟呢度一試. 店舖在細街內唔易搵, 有隱世feel...店舖細細日式裝修很有溫馨感. 坐底的時間有點早, 只坐了一兩個客.點了朋友大推的極白雞湯麵, 果然一試就愛上!! 首先雞湯底濃而無豬骨的油膩感, 同時作點綴的炸藕片又香又脆好令人一食難忘!! 仲有啲香脆新鮮的筍, 同樣美味主菜的雞味道濃厚, 鬆軟多汁; 拉麵質感剛好, 香軟彈牙而充滿蛋香!! 完滿!! 未食完已經唸下次要再來!! …Read More

早兩日响寶琳站見到就嚟開德美真係好期待, 之前响尖沙咀店食過lunch覺得好食又抵食; 今晚見到竟然開咗就即刻去試!時間有點夜, 都9點幾10點, 店內full house, 店外仍然有人排隊. 自己寫牌仔同寫號數紙登記排隊, 日式self-served排隊法. 入座唔算等得耐, 應該10分鐘左右.睇完menu想叫野, 叫咗3次至真係有人走嚟落單. 員工人數唔少, 但好忙, 個個都周圍走加水送餐之類, 其間亦有人示意知我想叫野, 但轉頭就忙咗其他野無咗件事. 第一個小食等咗都10分鐘, 可能燒野係比較慢. 問題係, 佢上菜時話嗰份係燒魷魚, 我話我無叫呢個喎, 我仲同佢講返我叫咗燒鱈魚, 燒牛舌同冷麵. 咁佢都無咩只係拎返入廚房. 轉頭另一個待應拎返嗰碟野嚟話呢份係燒鱈魚@@ 佢的確同我意想中的唔同, 不過佢話原來唔係搞錯就ok. 我只係覺得奇怪, 第一個待應係咪對出品太唔熟悉? 牛舌唔係好耐之後都來了, 但我唸住要嚟送麵食的, 所以只係响熱嗰陣先試一塊就停手. 然後等咗好耐…好耐…可能有15-20分鐘, 待應走埋嚟上甜品!! 我好驚訝望住佢, 佢問係咪想食完至上, 我話我啲主菜都未齊喎! 佢可能太眼瞓, 無唸過要問我差啲咩要唔要check單, 只係拎返起個甜品就走咗. 之後叫咗另一個待應幫手check單, 我見唔到佢有無做, 但佢亦無交待返我知係咩狀況. 等到我好眼瞓想cut單之際, 冷麵終於嚟到. 野食至言係ok的, 係個魚燒得燶咗啲不過都幾香. 主要都係慢同混亂, 希望正式開店後會有改善. 成餐飯最快嗰樣, 就係埋單…餐飯食完已經差唔多11點…3樣野食成個鐘 @@ …Read More

其實去食之前睇過openrice食評, 一般都係話食物質素普通, 唔係好值之類, 所以期望唔高兩個人, 叫左個醉雞, 撈擔擔面, 金牌小籠, 菜, 同埋早兩日見到試食團有好多人提起的朱古力小籠野食好快就到齊 (其實我會以為朱古力小籠係甜點, 會在主菜差唔多食完至上的...) 其實味道同質素都唔錯吖, 雖然無話邊樣特別出色, 但generally都係中上, 而且份量大都比我心目中多(少少咁啦)但最抵讚的, 係餐廳的服務. 因為啲野食一次過到齊, 我地又唔想放涼晒個甜點, 驚個朱古力會變返硬...所以唯有用返金牌小籠個籠冚住. 待應行過見上面個籠係吉的, 就唸住幫我地拎走, 我地解釋係想要來冚住下面的朱古力小籠, 然後佢就好貼心咁話, 不如拎籠蓋俾我地, 蓋得好啲~ 呢個我已經覺得佢好細心~<3到我地食完正餐唸住食朱古力小籠時, 覺得都好似已經放涼晒...咁啱呢個時候有個侍應行過, 我厚住面皮咁問佢, 可唔可以幫我地拎返入廚房蒸返熱佢? 佢唸左唸, 微笑的話"好啦" 我個心真係甜晒~<3<3<3 其實真係無預佢會肯, 只係唸住即管問下; 加重佢地workload我都唔太好意思, 所以大家都記得下次叫甜點記得食完小菜至叫啦!以呢個地點, 又坐得咁舒適闊落, 咁既quality, 咁既價錢算係fair; 加上咁窩心的服務, 抵晒!…Read More

在發自己脾氣, 極肚餓的情況下走入這餐廳. 因為價錢不貴的tea set而被吸引的.點了一個黑松露蘆筍pizza的tea set. 原本想跟叫近期大愛的麒麟冰啤酒做餐飲, 可惜只能以原價order, 沒有餐飲價, 所以作罷雖然咬下去不大黑松露味, 但聞上很香, pizza亦夠脆身, 味道尚算不錯! 份量不大, 這地段這價錢的weekend下午茶來說算是化算. 但我最欣賞的是這裡的服務. 我慢慢的吃, 邊吃邊做筆記, 也沒被打擾(趕/嫌), 而且人不多, 挺清靜的KO了pizza還叫了第二個tea set, 這次點了芝士薯條. 即做是等得久了點, 但夠新鮮脆口. 是鹹了點但芝士很chewy有機會還會再來試試正餐. 見到有drum set, 不知晚上是否有live band呢…Read More

應該是本區唯一cafe? 坐得舒適, 即使門外間中有巴士駛過但感覺不差. 裝修看得出花過點心思. 但食物質素很一般, 因此覺得價錢不太值. 點了omelette和杏仁咖啡的all day breakfast. omelette以雜菌和parma ham做料(餐牌上寫的還有芝士, 但吃不出來) 因為下了Parma ham, 味道偏鹹了. 不知是菌類煮的時候出水(雖然已經炒過)還是因為火候不足, 蛋有點太水汪汪的. 牛角包是來貨的, 但可以選較高質的入貨嗎? 輕飄飄全無質感可言, 也沒有香味. 感覺是超級市場買的一樣. 而咖啡就普通得像是即溶的, 不太夠咖啡味也不夠杏仁香. 整體而言只覺得是包裝成cafe樣子的茶餐廳. 加油吧! 這地點還不錯, 這形式又是區內獨市, 做得好一定會有回頭客!…Read More

納悶的星期日下午，唸住食個甜品氹下自己開心。平時夜晚經過豬仔都見好多人等位，難得見今日四點幾無咩人，於是就唸住入去試試。環境尚算坐得舒服，枱的舖排比對面海記好，坐得闊落啲。不過以咁細的舖位，燈略嫌太多，唔係好環保。見佢餐牌都好多種類揀，都一時花多眼亂。結果我地叫左一個黃金海岸同一個佐治糰子。唔知係咪我要求過高，我覺得落單的姐姐莫講話一點不歡容，甚至有點黑面…還好野食好快就到。賣相還可以，但味道令人好失望。佐治糰子的糰子一陣好重的糖精味，好假好難食！我寧願佢係無加料的糯米味。抹茶雪糕雖然未至於過甜，但抺茶味淡又無甘味，而且雪糕質地多冰少奶，唔夠細滑。底部的豆腐花豆味欠奉，水汪汪，淡戊戊，令整個甜品的配搭變得更奇怪。黃金海岸我只試了一口，但係芒果汁好重糖水味，而且雜果（瓜）連睇都睇得出係淡而無味。Sorry to say, 只此一次。never again…Read More

因為阿媽話想去佐敦行街, 突然出左去呢頭. 佢問我食咩好, 我話, 附近我淨係知澳洲牛奶公司係出名好食, 但係唔會係佢中意幫襯的類形我地是但行左一陣, 無咩心水, 就咁坐左入河內地方有點窄, 坐位有少少迫; 不過見到店內少少舊的裝修同埋牆上既飲食雜誌稿, 都對野食好有信心在餐牌上睇中左個咖喱牛腩撈檬, 唸住咖喱撈檬都幾得意吖, 一試無妨;另外叫左牆上好多雜誌都推介既蟹膏湯檬, 加兩蚊轉左金邊粉同埋跟餐叫左兩杯青檸水兩杯野飲先到, 普通青檸水咁清清地, 甜左少少; 不過可能係個人口味問題, 我平時飲檸茶都會少甜的再來咖喱牛腩撈檬. 撈起個檬, 唔算好辣, 但係幾香咖喱味; 牛腩夠稔之餘又有咬口, 而且有肉味, 唔似好多牛腩粉面店個牛會被人煲走晒o的味 (可能拎去煲過湯底!), 呢個我地都覺得唔錯; 不過個份量就多左少少, 個碗裝到成座山咁高, 兩個細食既人都夠食!點知再來個蟹膏湯金邊粉呢~ 一放底就好香蟹膏味! 湯底勁正! 我見樓下好多食評都話浮在湯的係肉碎...傻豬嚟既, 個o的野咁稔咁碎又點會係肉碎呢, 其實係蟹膏嚟架! 一碗湯成個面都係膏! 食粉時就會夾住湯夾住膏咁食, 甘香鮮味!! 回味無窮~~ 另外, 粉比起一般的金邊粉薄身, 所以阿媽覺得佢林得滯; 但係我覺得佢咁薄, 所以食既時候食到湯同膏既比例會更多, 味道更好~ 雖然餸既份量唔多, 得三數片扎肉同幾隻鮮蝦, 但係湯底味道夠濃, 完全唔覺得唔夠餸或者唔夠味除左係坐得唔係好舒服之外, 其他都好滿意, 絕對係平靚正之選我地兩個一路食一路讚不絕口; 我話下次出嚟呢頭, 一定要再食~!!(返到屋企openrice下, 發現竟然無咩人寫呢度, 有點surprise呢!舖頭雖然無咩人在門口排隊, 但係座無虛設, 一張枱的人走, 一堆人就會即入!)…Read More

話說今日去德福行街, 肚餓之際間間舖都要勁排隊, 於是走左去食oliver's, 唸住都要穩穩陣陣知道大概係咩質素天氣少涼, 咪叫個panini囉; 結果叫左半份三文魚碎蛋panini+半份caeser salad (餐) +熱檸茶 (+$6)首先就唔多滿意店員無講明加野飲係要另加錢, 好唔老實搵左位坐拎埋雜誌唸住坐陣等食, 點知未坐定個包已經到, 都覺得奇怪, panini喎, 有無咁快呀....果然, 包只係暖, 又唔脆, 唔知似咩連salad都好唔得: 菜唔新鮮唔甜唔脆口, 沙律醫又落得太多好酸成份餐最正常既只有杯熱檸茶!幫趁左super sandwiches無十年都有八載, 質素向來都有保證, 我真係無試過食到咁難食既餐!…Read More