lamlam527's Profile

明白新開張無耐係要等架喇 不過條隊都唔算好長落完單既時候收銀妹妹都有話要等10分鐘左右不過可能我個人真係黑仔啲 十分鐘之後嗌既NUMBER係SKIP咗我.....即係......漏單啦 無問題 吹一吹佢都重新沖返杯比我.......不過職員個態度可以好少少.... 比杯野飲我既時候又唔拎枝飲筒比我......要我伸隻手入去拎......... 可能真係太忙啦講返杯野飲. 其實喺台北都有飲過~~ 咁都一樣做到水準我叫既係檸檬蜜烏龍~ 半甜少冰~出黎感覺都係甜咗少少~~不過個茶真係超香!!!!!過多排唔洗點等既時候再黎希望唔會漏單啦~!…Read More

前排睇韓國綜藝節目<新西遊記>見到佢地去尖沙咀食間米線.有時都喺到諗究竟米線係咪香港菜黎? 話就話係雲南野但去過雲南旅行之後覺得香港既米線仲勝過當地既米線.......是但啦~ 不過見到星林居喺香港有兩間...... 就唔清楚佢地究竟去邊間啦.....專成黎試 見到張紙已經勁興奮 諗起節目入面既走米線走肉.....啲餸既選擇真係好多 多過平時食米線..仲有車仔麵不過黎到之後真係失望至極.... 睇落勁污糟都算啦米線係勁淋 無口感 仲有啲碎 夾唔到 而且個湯都唔係好飲不過我揀咗要非常酸 就做到個效果既同埋份量好大 最尾食唔哂 (同埋唔係咁想食........)真係試完就算 應該唔會再黎...........…Read More

星期五放工同朋友去食晚飯 可能時間仲算早 唔洗點等就有枱! 仲係卡位~呢間野喺首爾都好出名! 不過就未食過啦~~開咗咁耐 今次第一次黎食!首先叫咗個garlic bread tower, 見到人人都會叫 所以應該係必試既!好可惜既係個店員一擺低盤野都無機會比我地影相 就黑口黑面拎咗刀叉黎幫我地切開佢唔知隔壁枱係咪都會有人幫手切啦 但嗰日位店員唔單止西哂面咁仲張個bread tower切低既時候飛到成枱仲有我成身都係蒜 都無講聲唔好意思我真係呆咗唔識比反應......至於個bread tower其實無咩驚喜 不過真係好多蒜.....之後嗌咗個 蝦 菠蘿 炸蒜 pizza. 呢個真係超級正!! 多蒜就緊架啦 配合返店名 MAD FOR GARLIC~但Pizza夠薄夠脆 唔會成完一塊就飽到試唔到其他野 呢個食兩塊都仲可以繼續食~~叫咗兩個pasta~~ 忌廉汁蟹肉意粉 & 辣蕃茄汁煙肉意粉前者無咩特別 蟹肉幾足料 唔會話得少少.....後者都唔錯 有少少辣味感覺惹味啲值得一讚既係意粉既軟硬都適中 唔會話煮到勁淋咁樣去到後面先上個蕃茄八爪魚蜆+法包既starter. 呢個份量細咗少少不過都要$108.叫唔叫都得......最後唔夠飽 但係有入座時間既關係 埋單去食第二餐了.....鍾意食蒜既人必黎~~同埋要一早嗌多啲野 因為野食份量都偏少.....…Read More

當日食LUNCH想試下上環既CAFE 畢竟都真係幾多選擇下最後經過呢間唔洗點等就入黎試下啦入到去先發現其實主要係食CAKE既 不過LUNCH無理由淨係食件CAKE咁CHILL架~緊係嗌LUNCH啦 可惜就唔係LUNCH SET黎 係散叫 加野飲要加$20但本來呢個CROQUE MONSIEUR已經要$75 為咗慳啲錢過年我就無加野飲LU~嗌完都仲係要等10分鐘左右. 上枱時候發現都OK既.......味道..... 就係望到既味道 好似STARBXXXS既芝士火腿脆多咁 (英文其實都一樣)不過佢就多咗啲SPINACH喺火腰下面 好似健康啲咁啦.....仲有蕃茄仔都好甜 薯仔沙津就唔啱我口味......整體黎講好食係好食 無咩驚喜 平返少少會好啲....…Read More

星期五晚上約咗朋友喺elements睇戲 未夠鐘就去食呢間pizza.朋友話呢間既pizza十分出色.揀咗個好基本既味 classic pepperoni 辣肉腸~pizza上枱時夠熱 側邊個包都仲係脆既而中間部分食落都唔會話太厚 芝士香味亦都唔錯腸既份量偏多.... 食落會覺得太鹹 可能我個人唔係太重口味之後仲嗌咗個carbonar不過無影相無咩驚喜 不過做到我鍾意既效果就係個意粉夠硬 生生地~ 有啲口感bbq chicken wings..... 麻麻地雞翼唔知係炸完定烤完 都幾硬下本身已經有sauce, 仲偏濃味 但佢仲係有比extra sauce你唔知話佢貼心定點好....... 作為一個starter未免太重口味…Read More

外國返黎既朋友話想食燒味飯 咁經過灣仔就去呢間啦佢話以前食過係好食既~一入去見到價錢都有少少嚇親 好似$55唔包野飲 湯我地又唔想飲是但啦都要食 嗌咗個叉燒油雞飯share 飯真係比得幾多下咁兩個人食都ok既 油雞就偏肥 成塊都係皮 肉得少少 色水又唔夠咁樣叉燒都... 一般啦 朋友想叫 都要嗌汁又無乜 真係食白飯咁樣...... 呢個價錢真係可以食好少少雖然明白佢個位 租一定唔平.. 不過可以比返少少誠意掛仲有啲員工態度.. 希望可以改善下…Read More

上次試過上環蘇杭街嗰間 感覺就一般啦~今次近中環就去食同一間唔同地點既. 好似一樣價錢 都係$42 包野飲.6~7點去 成間舗得三枱客 但間舖就好似大過上環嗰間好多 同埋企理好多雖然無乜客 但都係寫紙落單 環保人士可能會接受唔到啦哈野食方面叫咗豬紅 蘿蔔同埋麻辣豬腸 米粉 揀咗麻辣中辣發現近黎既車仔麵都會有麻辣味 以前好似都只係比你加辣椒油而家就會係有自家制既麻辣味咁樣 麻辣味好惹味中辣都啱啱好 唔會唔辣又唔會太辣 感覺十分唔錯豬紅幾入味 好食過上環嗰間 豬腸就無咩特別 可能因為湯底已經係麻辣都食唔到豬腸係咪麻辣味 蘿蔔就偏硬同埋唔入味既 不過勝在無渣整體感覺好過上環嗰間 同埋包野飲凍飲都唔洗加錢~ 凍檸茶檸水都可以叫.…Read More

又係同同一個朋友黎了 今次食EARL GREY味超級驚喜 茶味奶味都好足夠 又唔會苦 但係又唔會太甜都唔係好識去形容 總之就係啱啱好balance哂既好味道兩個人share一個竟然有唔係好夠喉既感覺!!!!!(打到呢到又好想再去食)之後再叫埋蕨餅 喺香港真係唔容易搵到蕨餅食仲要係好食既不過要$48就略嫌有少少貴 不過香港唔係周圍有得食 都值得比既會provide埋黑糖比你 但其實我覺得唔落都已經有甜味 好足夠每次去問佢拎杯水都係會用紙杯比你 係就係衛生啲 不過隨時會比啲環保人士鬧....不過黎咗幾次都仲係覺得間舖有啲逼希望會快啲換去間大舖啦~~…Read More

放lunch搵野食 見到呢間野好似都係新開就入黎試下啦 銅鑼灣好似都有呢間店 不過就真係只賣蛋糕而呢間做埋午市 咁就入黎試下~揀咗個龍脷柳意粉 魚只有細細兩塊而個意粉都淨係食到橄欖油味..... 真係麻麻地係唔會想ENCORE既一款食物.....好似$68 就包埋熱飲..... 嗌咗熱檸水不過比咗杯熱檸茶我... 是但啦... 都廢事再同佢講........之後再同同事叫咗個芝士蛋糕share.佢個芝士蛋糕係兩層.. 一層係soft 一層係hard啲唔識分~不過幾好食 加埋面頭既芝士粉?蛋糕碎?整體真係唔錯~~ 所以都係賣返蛋糕算啦.......其實見到每星期LUNCH都有唔多既MENU..... 有機會或者會再試不過唔再叫意粉了.......…Read More

夜晚放工好想食車仔麵~OPENRICE一搵就見到呢間啦~又咁岩近我所以就行去試下啦~~夜晚時間未夠7點 成條街已經好靜不過呢間麵店都有4-5個人 算係咁啦~坐低先知原來係要行去叫野食同比錢先~ 好似食麥當勞咁~~不過無所謂啦~間店唔多人又靜 我都冇咩問題!~$42 三餸麵~ 包野飲 可以揀汽水或檸茶檸水凍熱都唔洗加錢!不過好耐冇飲過枝裝汽水 所以就叫了~~揀咗豬紅 魷魚 雞翼尖 再要麻辣醬首先係 - 麻辣醬好正! 好香~ 不過唔算好辣 但過口癮就十分足夠~~豬紅就OK啦 不過不失 雞翼尖就好細隻 不過都入味 同埋都有4-5隻 份量足魷魚就真係麻麻地.... 好硬 唔係爽脆嗰隻.. 下次會叫其他野了~另外仲有啲芽菜比你 唔錯! 即刻健康咗一秒.. 哈$42有野飲既DINNER 唔要求咁多啦 不過都好滿足~…Read More

好似13號開張?? 喺FB見到啲POST~話好多年前紅極一時既台灣偶像始組!! 黑澀會既成員 丫頭竟然已經咁叻女開呢啲飲料店開到黎香港啦~~有種睇住佢地大既感覺呀真係 (勁老...)開張既第3日 放工就行過黎完全估唔到 係唔洗排隊 明明睇張第一日排到痴咗線不過可能朝早都係好多人 因為珍珠同芋圓都係賣哂.......唔緊要~~我都好鍾意飲果茶!!所以就叫咗杯香柚荔枝水果茶~ $24飲台灣野最習慣既叫法係: 半糖少冰~咁今次都一樣咁嗌啦 不過個職員一開始問我係咪第一次飲我答完係 佢就同我講話佢地既飲品已經係比出面既少一半糖所以叫我試下正常糖先喎~ 既然佢都咁講 我就話OK啦 咁少冰就可以叫香柚荔枝 但turn out出黎入面有塊蘋果 又幾得意....糖方便.... 我就覺得可能真係比出面少 但都係甜 可能下次要叫7分糖~不過呢杯真係好好飲!! 唔覺得係好假既味 又唔會死甜西柚味超正~~超鍾意 少少既苦澀味 襯埋荔枝甜 very good!!搵日放工再黎試 希望有芋圓食~~ 不過又想encore呢杯茶 好似唔係好襯 哈..…Read More

食完飯既時間 朋友話想食呢間冰屋~~我都好耐冇黎啦雖然成日喺銅鑼灣出沒 不過都好少行黎呢邊~加上甜品要食差唔多成舊水 都唔係好捨得......~AFTER DINNER既時間 緊係要排隊啦!都係喺門口個排到寫低自己個名等叫~~差唔多有位既時候 入面個姐姐都出黎幫我地落咗單先~~叫咗strawberry special (with panna cotta)嗰款 $92唔緊要啦 間唔中豪返一日!!!!!上枱 一如以往既大份 同埋好趕咁食一路食一路跌啲冰落黎 真係過癮呀....最上面啖CREAM其實咩味都冇 所以成啖冇食...食到入面啲奶凍超正~中和下食咗咁多士多啤梨冰既甜味~~如果唔係咁貴真係會想成日食~~不過都就黎冬天~~希望自己唔會想黎食啦~~…Read More

記得間野啱啱開既時候好似都係排隊排到癲不過去到而家 已經唔洗排啦 雖然只係下午茶時間不過去到有得即刻入座都very good~ (可能啲人去哂排黑糖奶)雖然坐低既時候有話90分鐘入座時間不過真係冇乜人 所以坐咗好耐都冇人理叫咗個雜綿廣島燒 咩都有 八爪魚蝦豬肉炒麵雞蛋 齊哂因為知道自己一定整得好差 雖然佢有張教學教你點炒但我同友人都選擇咗叫侍應幫手 開頭佢地話識整個人忙緊其他野(可能係唔想幫我地 覺得我地係西客 但當日下午茶時間唔多人 我見佢地都唔多野做架!)不過最後都有位女侍應黎幫我地 而且都整得有版有眼!要成塊餅連麵連菜反轉既時候都冇反到爛哂喺我眼中已經係高手了.....另外再嗌咗個文字燒 呢個就自己整啦 (唔洗反黎返去 自己仲handle到 哈)食物黎講兩個都好好食 不過如果唔係侍應姐姐肯幫我地整同埋下午茶時間唔多人 我諗入座時間90分鐘真係唔夠玩........不過過下玩既癮同埋有得食 的確可以再黎~~…Read More

LUNCH TIME去食 隔離幾間都要等唯獨呢間一入就有位 唔知有冇代表啲咩呢?環境就.......好迫下 不過香港地土地問題 都唔可以嫌棄架喇.叫咗個醬油拉麵 本身想加半隻蛋 但侍應提醒本身有半隻所以最後都廢事加.......拉麵上 第一樣發現既係竟然係比木筷子你食又唔可以話好大問題 不過有啲震驚 哈......拉麵夠熱 麵係粗身 仲要夠硬 岩我個人口味!!湯底就略為鹹啲...... 所以一路食要一路飲茶.隻蛋都無乜醬油味 好似只係一隻普通既半熟蛋 不過都OK既 浸埋湯食.肉得細細兩片 十分唔足夠 加一塊仲要$15 真係唔捨得加仲要好肥下 個人口味唔係鍾意80%肥20%肉既叉燒.......餃子不過不失..... 三隻 兩個人分唔係好夠喉兩碟又太多... 所以有啲尷尬.總結 無人地講得咁差咁難食既不過拉麵店黎講 唔係寫紙 冇得CUSTOMIZE走蔥走荀 麵硬 湯底淡度咁就會輸蝕少少~…Read More

雖然係星期三去 但因為係HALLOWEEN 所以都收咗星期五六日既價無BOOK位 7點15分左右到 唔洗等 直接入座!$298一位 好豪咁加埋$68任飲啤酒同$38任食和牛叫野食方面 比部PAD你自己點嗌一件真係一塊咁比你 無好似平時食放題咁比少你仲係嗌完一兩分鐘已經送到 十分有效率!!!一開波就送咗個煲黎 有龍蝦有青口有蝦不過同行友人同我都唔係好想食 成個煲浪費哂淨係食咗啲菜同菇.......刺身就不過不失啦 款式有啲少三文魚既部位都唔靚 不過都新鮮係油甘魚麻麻地 其他都唔錯燒既野食 五花肉同豚肩都OK 切得細細件 易入口 唔洗自己再剪牛五花都十分唔錯 油香足夠明太子雞翼有驚喜 可能平時出面少食同埋都唔會係任食仲有一串串既燒雞軟骨同蔥雞 平時出面啲放題冇 所以真係好吸引呢到任食 不過燒熟就需時 不過都食咗三隻 好滿足!!海鮮就...淨係試咗燒生蠔 連殼上 睇落都十分新鮮食落就冇咩特別驚喜 不過咁樣已經好足夠 哈辣魷魚就麻麻地 嗌咗一次都冇再追加加錢既和牛係真係好食好多 油花好靚仲係任食 去到後尾基本上淨係叫呢個 因為其他已經唔想再食 哈最後想讚既係燒菠蘿 真係超級正 ENCORE咗幾次!!!!!!!!任飲啤酒$68 燒肉襯啤酒真係無得頂雖然任飲會比細SIZE你 不過飲多幾杯實抵返同朋友每人都飲咗三四杯 抵過平時$88一杯大啦~埋單時仲有每人比杯haagen dazs 會問你要咩味雖然話平唔平 但款式多 環境好 食得開心咩都抵啦~…Read More