430穿梭機's Profile

終於雨過天晴，印像中，下雨天好像持續兩星期，終於畀我見到陽光了，沒有下雨，朋友是要見面的。今次約會地點於北角，一間新開的火鍋店，賣點是宮廷感覺，看著這個鍋爐，碗具，的確有另一番風味。香港天氣就是這樣，沒有下雨，便滿身大汗，於是我們點了一個酸菜白肉鍋，酸酸的，開胃一點。內裏的白湯底，帶點鮮甜，沒有太多酸味，但只要你吃到酸菜，就能感受到那股酸氣，內裏還有 一些蔬菜，大約有六片厚切的白肉，清清的感覺。見到有澳洲m8和牛，印像中，沒太多地方可以吃得到，用m8和牛吃火鍋，的確另有一番風味，298蚊12片，如果唔覺得太貴，絕對值得一試。四色餃子，即叫即做， 餡料非常豐富，特別推介一款叫做素翅餃，咬落去，有一點碗仔翅的口感。新鮮雞子，配上花雕薑汁，剔除那些腥味，提升到雞子的鮮味，喜歡吃的，你懂的。安格斯手切牛肉，298蚊，份量相當不錯。這份魚肚絕對值得推介，其實之前沒有吃過，原來佢能夠吸收很多的湯汁，當你放進口裏，鮮味在口裏浮游。地方整齊清潔，服務超班，食物質素不錯，北角地鐵站，大約數分鐘的路程， encore之選。…Read More

難得今日放假, 老婆又做野, 梗係出去偷食啦A_A, 不要誤會, 係出去食好味的食物姐,HAHA前排一直有留意一間肉餅店, 網上有好多媒體瘋傳, 今日放假, 梗係要揀個無禁多人GE時間去啦!3點去到, 都有幾枱人, 好彩唔洗逼=)見到好多人都叫龍蝦肉餅, 但我對海鮮比較敏感, 所以叫左個我最愛吃的咸蛋, 平時都好想吃黃金蝦,但奈何敏感, 只能遠觀. :(:(所以見到個MENU有黃金沙蛋黃肉餅, 即刻就落單啦!:):)肉餅黎之前仲會比碗湯你飲! 節瓜甘筍雞腳, 清熱又去濕,又幾老火wo,正,哈哈!主角出場了, 賣相好吸引, 吃落去仲有陣陣蛋黃味!!真係好野味!不過煎就多左D油, 但有菜去索住都OK下次再encore…Read More

從來沒有想過，媽咪經常在家裏烹調的 一道家常小菜“蒸肉餅“,能夠變成那麼多的種類，今天特地前來一試。從來沒有想過，鵝肝能配合肉餅吧，意想不到的，就是完美的配搭，鵝肝油落在肉餅，再到白飯上， 那一種色香味俱全的味道，實在回味。而肉餅本身肉質也很好，比起媽咪的，有過之而無不及。流心芝士又何曾發現能夠配合肉餅呢？ 外面香脆內裏嫩滑，再配合芝士“將口"的感覺， 用中西合璧來形容這兩款肉餅，真是一個不錯的形容詞。必定會再到來，試試其他口味。…Read More

上兩星期是朋友生日，朋友喜歡食日本燒肉，聽說宮崎燒肉的燒肉肉質很好，任食質素中屬俵俵者，所以我們就到在旺角的宮崎燒肉。門口唔算太大,要特意走到轉角才見到不過門口就有好多類似的易拉架基於本人都喜愛日本魚生,所以甫坐下就急不及待的點了數客三文魚,切得尚算厚身,一口咬下就傳來陣陣肥美質感然後再點了少量壽司,坦白說不算太特別終於到了重頭戲!!!!!傳說中的八色燒肉!!初時還擔心份量會太多,未可吃其他食物就飽,但這次又不會,因為店家準備的份量剛好,試一口便可以肉質肥美,再點了一下麻醬,在冬日仍可感到暖洋洋之感看到網上的留言都說海蝦及菠蘿都是必吃的,於是點了一客坦白說,本身不抱太大期望,因為對熟的生果沒有好感。想不到此處的菠蘿鮮甜多汁,燒了之後更多了一份暖笠笠當然,喜愛燒肉的友人不斷點了不同款式的牛肉,有芥末一口牛,有配黑椒的,味道不會太嗆肉質肥瘦均勻燒起來容易控制火喉,咬一口十分鬆軟總結而言,以200多元的價錢,有如斯質素,我和友人都十分滿意,喜歡燒肉的朋友不妨一試。…Read More

放lunch, 見肚餓就拿拿聲去左cafe1950食lunch, 點左個咖哩雞球飯。食落去認真唔差，值得一試！咖哩食落去同調味包既咖哩唔同，佢既咖哩總有種特別既香味同辛辣。雞球當然係主角la, cafe1950好細心，專簡d冇甘多雞皮既雞做雞球，食落去配上咖哩汁，食到雞既鮮甜同咖哩汁既香，唔錯唔錯:)…Read More

從細細個食到大既森寶焗飯堅係百食不厭！！而我今次食點左韓式烤肉，腸。炒飯，沙嗲汁！呢個配搭冇得輸！韓式烤肉係甜甜地，咸咸地既炸肉，配搭上沙嗲汁真非常可口可味。而個炒飯焗出黎熱辣辣，撈埋一齊真係勁正。識食焗飯一定食森寶既！…Read More

為左同母親大人慶祝一年一度既母親節！我地選擇左一間係嘉湖銀座廣場既中菜館，名為湘川滬既中菜館。我地一家三口分別點左湘同滬式既菜式。湘菜點左醬爆蝦球，其甜酸醬一流，十分開胃。而滬式菜為主，分別有獅子頭，一客小籠包同紅燒大元帝。獅子頭ok既，同想像中有少少出入，而小籠包汁多，係皮厚左d, 大元帝都正既。呢餐食到不同地方既中菜，係值得既！！…Read More

今日放lunch異常地肚餓！！經常食譚仔雲南米線既我，竟然一次都未試過雲南過橋米線。係銅鑼灣譚仔食個雲南過橋米線就四十幾蚊，但係米線既材料真係包羅萬有。其中腐竹，雞絲真係無得頂！我叫左清湯，湯夠咪，米線夠彈牙！今餐真正！…Read More

先讚一讚依間放題的待應服務一流，即使我地落幾多次單，即使店內有幾繁忙，佢地既招呼都係咁熱情，咁有效率，係屬於罕有既高水準服務! 一開始，我地先叫左一個雜錦刺生，賣相好吸引，因為都包括幾多種類的刺生。刺生好新鮮，好鮮甜，每塊都冰冰涼涼，好有水準！尤其係，三文魚夠肥，夠諗，從外表已經睇得出脂肪同魚肉比例岩岩好，所以肉質夠哂嫩滑鮮甜。另外，甜蝦都好好味道，好鮮甜、爽滑，無話有咩雪藏味，而且刀工好好，切得好靚，擺設都好精緻，所以唔駛一陣已經全盤清倉，俾我地成班餓鬼食哂lu 無論服務同食物質素都十分高質，係食放題既不二選擇！…Read More

放題一向的質素都不是太好，終於找到一間水準不錯的餐廳，雖然位置有點偏遠，但吃完後只能説:「值得！」不太好刺身的我主要點熟食為主，於是點了幾款炸物類的小吃，賣相很吸引，而且即叫即炸，十分脆口！最推介的是炸蝦，因為蝦本身十分新鮮，外層又有金黃鬆脆的皮包著，咬落外脆內軟，蝦的確好鮮甜好彈牙，令人愛不惜口，點完一客又一客。熱愛食炸物既朋友，呢個炸蝦你地絕對不容錯過啊！！！  …Read More

聽朋友講過話元朗有間野叫做紫荊江南擔擔麵菜飯勁正，唔係講笑，簡直食過番尋味。我叫既呢個飯叫「吉列豬排菜飯」，佢個菜飯同d汁既配搭簡直超級match啊！唔單止食到好新鮮、好爽脆，咬落「洽洽」聲既菜，飯既香味都十分濃郁，可能係同菜一齊炒既緣故，菜既鮮甜味入哂落啲飯度，令到個飯好有菜香味。同埋，可能有埋啲菜係度既關係，白飯顯得無咁寡，而且好似幾健康😂而且 豬排炸到脆卜卜、又大件又諗，好香口，好似同啲飯融為一體😂整體而言，飯既菜香味令到我超級滿足啊！ 總有價錢公道！只要36蚊 …Read More

收工同班fds去食dinner, 去左西台屋食。我就因為勁肚餓就點左個豐富既瑞士汁雜扒飯，有豬扒，雞扒，雞翼同腸。豬扒同雞扒都好大舊、醃到好諗，咬落軟嫩，完全食唔出有雪藏味，肥瘦適中，但敗筆之處係瑞士汁咸左少少😂，但整體味道都可以啊。最抵係加4蚊就有杯台式飲品，香芋珍珠奶茶十分正，好香又甜又滑☺️珍珠份量都幾多，又彈牙有咬口值得推介！…Read More

今日叫左杯涷既牛奶抹茶無論係口感、甜度都做得好好👍飲落少少澀only 飲落好清新 好fresh 甜又唔會話好甜 甜度好適中 唔會話飲得多就覺得好膩👍我就覺得幾好飲既😂但係俾我個fd試飲既時候 佢竟然話有少少紫菜味😂哈哈 可能個人人飲落都有少少唔同啦不過總括而言 杯野幾香既😋…Read More

之前親戚送左呢盒4種味道既曲奇俾我地，食過都覺得唔錯牛油各兩款、咖啡各兩款。講到下味道先，有花邊既牛油曲奇餅身較容易散、同諗，而圓邊既則較結實，兩款食落都好香、好重牛油味。而咖啡款式方面，花邊形狀既曲奇都係相對鬆散，圓邊相對硬。比較之下。我鐘意圓邊咖啡味多啲，因為咬落食得出有提子乾，口感較為豐富，亦夠咬口！…Read More

今日試左呢個新出既「菠蘿新地批」口感幾特別、幾新鮮😂同之前個蘋果新地批差不多，都係咬落幾爽脆，有一粒粒既菠蘿，酸酸甜甜既汁mix埋朱古力新地，又甜又酸，食得出香滑雪糕既同時又有啲菠蘿粒咬下，好有咬口；加上熱辣辣既菠蘿批擺落涷冰冰既新地度，一涷一熱，口感好特別😂不過雪糕會俾菠蘿批整到好快融，所以要食就要快啦😂😂😂😂…Read More