係呢頭反工都兩年幾，基本上咩餐廳都食勻唒，真心想講唔係貴就好食。之前仲有間日本嘢食到人入廠，所以話食餐飯，唔伏都真心高興。The base係度都一段日子，有同事試過都幾好，今日無訂位上去睇，又好在有位，試下無妨。餐牌就一個主食一杯飲品，老老實實唔係平。係熟食中心有間食春雞都又湯又包又飲品都係四五十蚊落樓，想講中伏就大件事啦。今日想食魚，餐牌有三文魚，死就死啦。等咗陣上枱，又幾靚仔喎，又大件，終於明白啲嘢點解貴，成本都係度啦大佬。試埋個味道，都幾有層次，有啲蒲燒鰻魚咁，又有啲柚子味咁，三文魚又甜甜地(後來先知有落鹽麴去醃，講真我都唔知係乜)，都真係幾好食。如果要講，咪係蛋無乜蛋味囉。跟餐有涼茶，自己煲，幾有心機。佢地有啲慢煮嘢，下次試下先。…Read More
