S 。囍囍的個人專頁

睇完個舞台劇…心思思諗住去食韓國嘢即刻諗起尖沙咀嘅ChumChumMi……啲嘢上台失望到極點 😔其實好想問吓係咪轉咗過廚師點解啲嘢可以難食到咁個泡菜無味都算啦…因為係送嘅(心諗由佢啦）點知///個泡菜煎餅鹹到苦，仲要超油超多麵粉個部隊鍋…完全只係一個鍋，完全唔係嗰回事😖啲味道出晒事連個炸雞都可以揸到咁難食…好似食緊呢炸粉咁以前不嬲都食開呢間嘢今次食真係俾佢嚇親…心諗其實係咪連個老闆都轉埋啲菜式嘅風格完全唔係韓國嘢唔會再有下次不了不了真係好掛住以前嘅ChumChumMi…查看更多

話說好肚餓啦南記close咗喔，發現中環新開左一間魚米家，於是走去一試啦！先唔講啲嘢食好唔好食啦，我覺得佢啲職員嘅態度麻麻囉我叫咗一碗香茅雞翼米線佢俾咗碗香茅豬扒米線俾我，我同佢講你比錯左我，佢就同我講囉乜你唔係叫香茅豬扒米線咩sorry都冇就拎走左碗米線，好肚餓嘅我又等多10分鐘有多， 最後佢拎咗碗啲湯同啲面係溫既，得啲雞翼係熱嘅米線俾我😡其實作為一個專做魚湯底嘅店係咪應該好清楚知道如果啲湯唔夠熱係非常之腥既，我真係好失望囉對呢間啱啱開張既食店，我唔會再去食囉!…查看更多

本小姐乃愛拉麵之人，聽講銅鑼灣有米芝一星拉麵鋪開，當然一定要去試吓。排隊排成一粒鐘，身水身汗。。。總於有得食。呢個就係我叫既醬油味玉叉燒拉麵，首先買相並非想像中咁特別，之後食落。。。講真又唔係好食到值得等咁耐喔～ 面既口感同湯都只屬OK貨色，所以有啲失望。。。雖然都算OK好食，但絕對唔係我期望個隻…查看更多

今日同朋友L先生去食生日飯, L先生平時食量都幾驚人, 所以決定同佢去食個放題, 咩都可以任叫, 開心啲~ 係開飯網度揾到呢間尚鮮好似唔錯咁, 於是book台一試!黎到舖頭, 環境唔錯, 好有人氣...心諗好彩有訂台, 唔係有排等(偷笑)一坐低, 好快就送咗2個頭盤過黎, 一個係盤刺身船, 另一個係燒品拼盤, , 嘩...買相好好啊!!講吓個盤刺身船, 船度有幾種刺身，三文魚雖然唔係好大塊但都算厚切, 同埋好新鮮，魚香味重; 北極貝就好爽口，L先生就最鐘意食希靈魚，好清甜爽口，而我最愛帶子, 鮮甜又有口感。至於個燒品拼盤, 其實冇理到有咩, 就係咁燒黎食, 好快就俾我同L先生食晒, 但淨係到自己食咗牛肉, 因為啲牛肉好香濃, 其實之後我地仲瘋狂地叫安格斯牛小排同黑椒牛仔骨, 但由於故食唔記得咗影相..但真係好好味, 尤其安格斯牛小排的肉汁嫰滑又重牛白味 (好食!!) 最緊要係可以任叫..嘻嘻呢度仲有個叫榴槤XX的炸品, 我唔係好記得個名, 雖然唔記個名同冇影相, 但絶對值得推介, 香甜又榴槤味十足, 我諗我起埋食咗6個以上, 超級好食...因為朋友生日既原故, 特登叫咗2個額外要加錢既小食, 清酒煮鮑魚同地獄辣酒煮蜆首先講吓個清酒煮鮑魚(HKD128)絶對值得推介, 好好味, 超新鮮, 啲鮑魚浸咗係啲清酒度, 再放落個煱度燒, 我地一路傾計一路等佢燒就一路聞到陣陣酒香夾集住鮑魚香, 清酒既香帶出咗鮑魚本身既鮮味, 由於啲鮑魚好新鮮, 食落好有口感又有嚼勁, 而且份量都OK多, 一個人食到幾隻, 都幾夠喉既啦!地獄辣酒煮蜆 (HKD 48)個辣酒煮蜆呢, 其實就唔係好地獄地辣囉, 不過勝在啲個價錢夠平, 份量岩岩好同埋最緊要新鮮, 都唔錯食總括呢餐生日放題都食得幾開心, 朋友L先生都十分滿意我既安排, 我覺得呢食生日飯呢樣嘢真係要有啲安排技量, 按朋友既大食情度同要求, 好似呢餐咁, 朋友L同我食得咁放, 傾得開心, 食物又好, 價錢合理, 咁我請得都順手啲, 話晒都叫食咗鮑魚..仔喔!!! (笑)…查看更多

是日約咗岩岩係日本玩完返香港既朋友仔出街街～ 臨近夜晚時分突然落超級大雨，同友人身處銅鑼灣SOGO既我醒起好友L之前推介過一間叫"西餐大排檔"餐廳應就係附近，於是上開飯網度望咗望地址，咦。。堅近喔，即刻沖過去開飯先！！首先去到餐廳俾我既第一感覺係。。。咦？！冇大排檔FEEL喔！！成間餐廳裝修行簡潔及有情調既路線，令人有一種放鬆既感覺，好岩我地呢啲鐘意同朋友仔邊享受美食又可以靜靜地談吓心。。。嘻嘻／／／我同朋友雖然冇預先訂台，但由於我地都叫做好早去到食晚飯，先得個6點，待應哥哥好好人咁安排咗張2人台俾我地（當然唔係窗邊個張啦，俾人一早BOOK咗啦），話說其實是日晚上啲台已俾人訂晒，所以我同朋友仔係要係8點前交台的，所以下次都係要打來BOOK咗台先竹得（後話也）！好啦，講吓食物方面先。。。打開個餐牌見到有呢個set dinner好似唔錯咁，費事左揀右揀既我地就點咗呢個＄799大洋既二人精選晚餐，貪佢咩都有D又夠哂豐盛！！！餐前白酒 － 本身唔係好識評酒, 個人覺得幾light同幾easy drink, 都幾岩女仔口吱　 海鮮拼盤 - 包含左生蠔、鮑魚、日本刺身帶子、鮮蝦，同埋象拔蚌我同朋友仔最鐘意個鮑魚同帶子，個鮑魚好大隻，而且鮮甜爽口彈牙...好有滿足感; 另外個帶子真係好好味, 除咗夠新鮮而且仲好creamy同豐滿, 再加埋啲醬汁, 口感好有層次。其實成個海鮮拼盤都好有質數，所有海鮮都好新鮮，個種新鮮唔係係雪櫃度攞出來就做到，呢樣嘢係要間餐廳好有心去揀料先得，真心覺得好好味。黑松露磨菇湯呢個湯都係我最愛之一, 又一絕對值得推介之作...一上台, 我已流晒口水, 好香既松露磨菇味, 飲落就知佢地落足料, 幽香既磨菇味夾雜住松露濃郁香味, 湯入味之餘亦豐富了湯的層次感。只能講多次...好好飲, 其實希望佢地下次可以再俾多少少湯, 因為我覺得唔係好夠飲, 幾啖冇晒~燒牛利我本身唔食牛利, 於是朋友仔好開心咁有多條牛利食, 雖然我冇食到, 但我聞到好香既午餐肉味, 真係好香, 如果唔係知道呢條係牛利, 我諗我會去試食, 當然朋友仔就緊係食得晒2條, 佢既食評係實在太滿足，入口即溶配以香濃肉汁, 棉棉豐有層次的口感。其實我諗都諗都好食, 因為聞到都想食.  朋友仔話鐘意食牛利既朋友真係一定要一試~黑松露煮日本年糕有陣陣的松露香味配以年糕既煙韌質感，又一好好味之選檸檬焗深海鱸魚柳呢個係我既主菜, 又要再次讚吓店家用心挑選食材, 塊鱸魚柳非常新鮮, 口感軟滑鮮甜，肉質有層次同有嚼勁, 因為以檸檬焗制，所以一啲魚腥味都冇反而有淡淡既清香配以濃濃的魚油香味, 呢道都係我最愛之一, 真係有水準~美國牛肉眼朋友仔就要咗呢個, 食落可以感覺到肉汁豐富而且富層次，肉質也十分嫩滑。配上佢地特制醬汁, 十分可口, 話說我仲特登問佢地要多少少醬汁。甜品 - Cheese Cake - 芝士質感香滑, 味道濃郁咖啡 - Irish Coffee / Spanish Coffee - 只能講, 好好飲, 唔會太甜, 但有少少酒味, 一個字"掂" 配CAKE一流又要再讚, 好少一個SET DINNER既甜品都咁好味, 真心雖然食咗咁多嘢, 但佢個甜品cheese cake, 係令到我同朋友仔食到想再要一個, 所以仲專登叫咗2杯咖啡黎配佢, 因為好味既甜品係要咖啡配襯的!!總括黎講, 我非常滿意呢間餐廳, 由食咗個頭盤開始已經大概知道佢地啲嘢食好有質數，其實冇諗過呢間叫大排檔既餐廳會有呢個質數，真係有D喜出望外，因為無論係用料以至到味道都十分到位，而且呢個價錢可以食到呢個質數真係可算幾值得推介俾朋友試下，可以感受到成個餐既每道菜，大廚都好有心機去制作, 作為食客既我亦因為食得好開心, 呢間絕對值得食完再食…查看更多

究竟今日LUNCH食咩好呢?...我諗呢個問題係我地呢啲打工仔每日3大難題其中一大, 話說今日我同同事仔想食豪啲, 於是決定試吓呢間外觀睇落都幾事正, 價錢又OK可以接收既火鍋店度食日式定食款LUNCH。見到餐牌發現原來唔止日式定食喔, 仲有精選中式套餐, 燒味套餐同中式點心套餐...都幾多款可以選擇~最後我地幾個人揀咗呢幾款試:K. 精選中式套餐 ( 蔥油白切雞) HKD 78我叫咗個精選中式套餐, 而中式餐呢...佢地係每日都有幾款俾你揀同應該係每日都有啲唔同既, 你見個餐牌都冇寫明是日有啲咩, 係個店員係你落ORDER個陣口講你知。呢個款餐包括時令灼菜，養生藥膳湯及甜品, 都叫做幾豐富。我叫既係蔥油雞, 蔥油好香就緊GA啦, 佢地啲雞都好嫩口, 而且雞肉都唔梅, 食得出用料新鮮。養生藥膳燉湯特別要提一提呢個跟餐既養生湯, 唔好睇小佢, 我食呢個中式套餐都全因為佢, 因為得返中餐有得免費跟呢個湯, 食日式個啲係要加錢(HKD30)先可以轉呢個湯。話晒都係養生湯, 當要係要燉出黎, 唔油膩, 碗湯好清, 而且冇味精味, 同好潤, 女仔最好飲多燉湯夠營養同滋潤。G. 雞肉滑蛋飯定食 HKD 88我同事仔呢就叫咗呢款日式定食, 雖然冇咗個養生湯, 但都有個面鼓湯補返數, 仲包和風沙律, 前菜及甜品。個滑蛋飯呢...同事仔話都不過不失, 都叫做好味, 因為我唔係我試, 不過睇個樣都幾好味!! …查看更多

某人是日好得閒，約我放工後一齊食晚飯，帶咗我去呢間位於蘭桂坊既Mesa 15, 佢話呢間西班牙菜好好味一定要俾我試吓喔! 呢間餐廳係開係蘭桂坊一個商廈裏面既6樓, 餐廳裝修以優雅格調為主而且環境寧靜舒適, 並唔係我想像中行西班牙熱情活躍既風調。但我好鐘意...因為返咗成日工, 晚飯都真係想係啲優雅既環境, 同某人傾吓計, 靜靜咁享受美食。 是日晚飯我地2個人叫咗2個set dinner 之後仲加多咗一個主菜...對於2個人黎講都真係算幾多, 就係因為咁//最後飽到連甜品都唔記得咗影相...因為飽到傻咗~ Amuse Bouche雖然..每次上菜個陣個餐廳職員都會講吓個菜名, 但我真係聽唔明佢講咩, 又冇特登問, 所以我估呢2道係前菜, 我最鐘食炸個個, 雖然食完都唔係好知個餡係咩, 但食落似炸奶卷既感覺, 個人餡好creamy.Grilled Galicionn Octopus呢個口感都係以creamy為主, 配以香碎面包, 入口即溶...既香濃軟滑但又唔漏, 唔錯唔錯Ham & Cheese Crogquette呢個Ham都幾有水準, 用料新鮮creme of sweet pe & mint, jamon bite因為另一個湯係凍既, 所以要咗呢個湯, 好香濃既甜豆味, 好滑卜Cochinillo呢個優雅燒豬...好香口, 而且好碎, 有肉汁但勝在唔漏...份量我就覺得有啲少.Linguini de Gambas Rojas呢個大蝦扁意粉我好鐘意, 個大蝦本身好新鮮, 仲好入味, 啖啖肉之餘又鮮甜, 仲有少少辣辣地, 再配以沾滿香濃蝦汁的美味扁意粉(好有口感), 真係大滿足!carrilleras由於係見到燒豬個道菜時, 某人覺得份量有啲少驚食唔飽, 於是落多咗個飯, 但最後發覺係叫得太多...食唔晒..但呢個飯好好味, 所以打包, 攞返家中做消夜...嘻嘻呢個飯一上到黎已經好香, 飯粒已吸晒啲肉味, 乾身而且食落飯粒質感煙韌有嚼勁, 再加上西班牙肉腸味濃油花香口, 雖然已經好飽, 但我地2個人都將呢一盤消化咗4分之3架!…查看更多

黎大坑, 西餐廳就食得多啦...所以今日我就自已一個膽粗粗黎試吓呢間全店滿座既茶餐廳。由外至內黎講呢間堅係一間典型既麻甩茶餐廳。何出此言? ... 咁就由我個位開始講, 因為我一個人, 阿叔開咗張小台子俾我, 於是我被安排坐咗係間茶餐廳隔離間空鋪門口, 即係坐係街邊...不過阿叔都幾好人, 見我好似冇試過佢地啲嘢, 佢好好咁介紹咗佢地既招牌特餐祥勝百搭飯俾我，仲同我講我得一個人, 呢個飯夠晒唔好再叫, 如果唔係就食唔晒既啦, 當我見到個飯, 就知佢冇呃我...好大碗//////HKD 39 (包一杯熱奶茶)但係我個碗係阿叔叫我要另外叫"加洋蔥", 所以個價錢唔係$39, 但唔記得咗實價, 應該係四十幾蚊講吓呢個飯: 內外都係一個十足既麻甩飯, 不過勝在材料十足, 而且夠晒份量, 阿叔都冇介詔錯, 加咗洋蔥真係好好味, 食落爽口又啖啖肉...但由於個飯個份量太十足, 最後都真係食唔晒...好彩有乖乖聽阿叔講冇再叫其他嘢食..嘻嘻…查看更多

相約了好朋友係中環相見, 但2個人都冇諗要食咩喔, 潛意識諗住中環好多嘢食使咩諗定, 點知到咗後大家都真係諗唔到去邊度食, 而大前題係要試間没食過既餐廳 or CAFE . . . 最後都要求助於Openrice神指點吓迷津, 咁就揾到呢間Zenon CAFE 啦!  睇咗啲食評都反應唔錯, 於是決定GOGOGO...黎到間CAFE, 冇話有咩特別裝修, 但感覺幾舒服, 都幾有鬼佬CAFE feel(可能因為店內坐咗幾台外籍人士...嘻嘻嘻), 地方唔大...以2個2個位居多, 最適合情侣同我呢啲同朋友仔"2人世界".呢個就係門口啦, 我同個朋友就坐咗係門口個個位度, 邊食邊傾邊望吓經過既人, 感覺都幾relax架...而且因為坐咗係出邊, 得我地一台, 可以特登細細聲傾, 仲可以大笑都唔驚嚇親人!!!!咁我地俩個人叫咗個ALL DAY BREAKFAST SET 2人份同埋2杯LATTEFAMOUS ALL DAY BREAKFAST SET HKD208Upgrade to Cheese Omelet x 1 HKD10等我講吓個味道: 我想講呢個All Day Breakfast 超出我預期地好好味喔!! 就咁睇個樣都知夠晒豐盛, 特別要提吓佢個煙鴨胸好夠味, 肉厚而肥有嚼勁, 食落好香...我平時係唔食鴨肉既, 但抱住試一塊既心態就食咗幾塊, 同埋個肉腸好香夠juicy又爽口, 個沙律菜亦都好新鮮, 個包都非常討好, 另外我地冇轉度waffle反而轉咗個Cheese Omelet, 都唔錯, 但後來見到人地台個waffle好似仲好味咁...心諗下次都要試吓~最麻麻係個煙三文魚, 我個人覺得唔夠煙熏味, 但總體黎講呢個全日早餐真係算有質數, 咁大份..我同朋友仔係食清光架!!!!LATTE HKD 30 (因為跟SET叫所以30蚊, 如果唔係應該30幾蚊)飲品方面我地淨係叫咗個普通LATTE, 味道都唔錯, 對得住CAFE水準有餘 . . .但後來知道原來有個推介既Honey Rose Latte, 點解店員冇介紹俾我地呢?!(悶///) 可能是那天他們太忙了吧(自我安慰中...)咁大家記得如果想叫啲特別啲既LATTE, 可以試吓Honey Rose Latte, 傳閒話好飲架!…查看更多

最近貪新鮮...喜歡跑完步後往大坑享用早餐。今日就約咗個朋友仔係大坑一齊食早餐喔~事先並冇諗過咩特定既店要食, 都係去度先決定, 最終是日就揀咗呢間帶有少少文青FEEL既面包小店食早餐啦!  呢間小店地方唔大..我諗最多坐到7至8台(已包托埋2位台), 但勝在裝修都幾簡潔舒服, 岩岩好仲俾我同朋友仔揾到張2人台, 可以2人世界撐吓台腳仔..YEAHHHH介詔吓我地食咗啲咩先...早晨全餐 - 煙三文魚配炒蛋及多士 HKD 58成個早晨全餐都係不過不失咁, 冇咩特別, 冇話特別新鮮, 但係又冇話好難食, 只能講可以接受 Latte HKD 30杯Latte味道唔錯, 夠香濃脆皮吞拿魚包 HKD-唔記得價錢呢個包真係好冇誠意 脆皮唔脆..內涵啲吞拿魚係凍既..對於一間面包舖型式經營既早餐小店, 呢個包令我有啲失望, 希望佢只係今日整得失準, 如果唔係, 真係要好好改善佢地啲面包質數!!!總括黎講..以呢個價錢同環境配以食物質數, 我都覺得OK可以接受, 因為坐得都叫舒服, 同朋友仔食吓嘢傾吓計都唔錯, 但如果嘢食物既質數再進步少少就最好啦~ …查看更多

話說母親節同母親大人食完一輪豐盛既大餐之後, 晚餐堅係食唔落啲咩啦...但又唔可以唔食嘢喔!! 最後英明既母親大人決定去食清淡少少...食粥喔~ 咁作為女兒既我, 當然亦都唔敢求其揾間粥舖啦。於是帶咗大人去呢件有"米芝蓮一星"既粥店食粥啦!..其實我地平時都係食開呢間既, 水準都有返咁上下...是晚呢, 母親大人原本係想叫魚鮫魚尾粥..但係可惜已經賣晒了(只係夜晚6點幾, 已經賣晒..O嘴)於是改叫咗呢碗(如下圖)拆肉泥鯭粥 HKD 42.00雖然係母親大人叫既, 但當然點都要俾個囡食幾啖先安心...味道呢, 佢地既粥當然一如以往水準..一個字"綿", 都算多魚肉而且都幾鮮甜, 但有一個問題就係我地都覺得咸咗少少, 即係鮮味過重, 如果可以清淡返少少就好啦!我就叫咗碗呢度既招牌鮮蝦雲吞麵(如下圖)招牌鮮蝦雲吞麵 HKD 36.00我呢其實麻麻地鐘意食啲咁幼既麵條同味道, 因為通常啲皂水味都好重, 一係條麵條就好硬, 但呢度碗招牌鮮蝦雲吞麵我就幾歡喜食喔, 因為啲麵條硬度適中, 又彈口同碗湯又唔係好有皂味, 同啲鮮蝦雲吞用料夠新鮮又爽口彈牙, 食完成碗都唔會好濟, 岩晒我!當然我地仲叫咗個同樣都幾出名既黑牛栢葉, 母親大人話黑牛栢葉既營養價值係高過一般牛栢葉架!HKD 62.00黑牛栢葉其實都唔多地方有得食, 而呢度既黑牛栢葉係白灼既一啲都唔油腻而且好爽口, 再配埋啲蔥一齊食, 好有口感食落"涮涮"聲…查看更多

媽咪生日話要食自助餐~ 講到環境，食物質數，坐得舒服之餘又交通方便，我即時就諗起CAFE TOO啦!  其實我本身就好細食，所以我鐘意去啲食物質數有返咁上下既自助餐，而我媽咪最愛就係食長腳蟹同龍蝦，集合上述要求，CAFE TOO仍我地既不2之選!!其實自助餐食黎食去都係個啲嘢，其他buffet有既嘢CAFE TOO都絕對有齊晒，而且食物質數比較高，話晒都7百蚊一位，味道當然有返咁上下。所以我今次重點介詔吓我覺得特別同埋好好味既嘢!螺片燉雞湯呢個湯，必飲! 碗燉湯落足料，夠清夠滋潤，我每次都會飲成3至4碗架~攞湯攻略: 每晚7:30後供應，只要見到有條人龍出現既時候，就係有湯攞既時候啦!! 唔可以唔介紹呢個Corner，專供應泰國小食，有咖哩，沙律...(總之就好好味啦~)尤其呢個蓮霧沙律，真係超級好味!!! 呢個沙律係將蓮霧、辣椒、蒜頭再加青檸放係個小木碗內"中"碎佢 (上圖姐姐就係整緊呢個沙律了)諗吓都流晒口水，小小甜又有啲酸同辣再配上蓮霧既爽口，食落味道好有層之同口感豐富!最後要提既就係呢個生日蛋糕仔，呢個係我訂台個日同酒店講話呢餐飯係同我媽咪食生日飯, 於是佢地就話幫我準備個小蛋糕，仲可以寫生日牌仔同點埋蠟燭，同埋係免費架...真係好窩心。仲有, 個朱古力脆脆蛋糕仔都幾好味!!…查看更多

濕luplup天氣當然要食辣嘢啦，於是上咗Openrice揾咗間未試過既湘菜館試吓新嘢。去到鋪頭見到坐滿晒人心諗咁多人食應該呢間嘢都幾掂!! 等咗一陣, 終於有位坐, 好與奮咁開始點菜囉~ 經過店員介紹後， 2個人，我地點咗以下嘢食。爆 炒 小 河 蝦 HKD 88好難得可以係香港食到小河蝦，平時都要返大陸先有得食，而且價錢仲要咁合理，真係好值得推介! 味道方面呢...小河蝦雖然細細隻，但勝在肉質飽滿鮮甜，再配以蔥、蒜及辣椒仔爆香，而且蝦殻比較軟，所以一啖幾隻都真係十分之過癮。如此惹味加埋咁有鑊氣當然要配以白飯或啤酒一齊食啦!雜糧包 HKD 58呢個雜糧包係其他湘菜館都有試過，但勝在佢個配菜味道夠濃，再加上個包唔濕，夠煙靱有嚼勁，蒸得唔錯! (小提示:個配菜係尖椒絲、辣椒絲、梅菜粒炒埋一齊，都係有啲辣架)小炒香乾 (唔記得咗價錢，好似70-80蚊到 ><")小炒香乾係用咗回鍋肉片炒豆腐乾配青椒，啲回鍋肉雖然係肥豬肉但唔油膩，個豆腐乾好有咬口，再配以爽口青椒，好有口感!酸辣土豆絲 HKD 68土豆絲可算係我食湘菜必叫小菜之一，呢道我就覺得不過不失，冇之前個幾咪惹味且有驚喜，因為相對比較清但勝在爽口，係食完一輪重口味小菜後，清下個口，呢道菜都幾岩!燉湯 - 響螺燉雞(唔記得咗價錢，好似48蚊到 ><")話說呢個湯係我入到鋪頭見到個板上面既事日燉湯，嘩...響螺燉雞都係40幾蚊當然要試吓啦~ 由於口渴得制, 唔小心飲晒先醍起未影相..嘻嘻味道方面以40幾蚊黎講算幾好，足料同都幾清甜。想飲湯滋潤吓，呢個都唔錯!…查看更多