alexkmchan813's Profile

應該有5-6年冇食過 。咁啱經過諗住食返碗正既拉麵 。星期六晏晝4點左右入去 。點知係門口見到無人 。以後無開 。點知有開但裡面得一枱客 。已經心知不妙 。見面師傅係個後生仔 。真係有少少想走⋯⋯最後都係坐低俾想試下究竟有冇變到⋯見到個menu唔同左⋯我叫左個九洲拉麵 我老婆叫左濃蝦拉麵 。 點知真係好難食 湯冇味 叉燒硬 麵質差 應該好快執講真有少少唔甘心一間廿幾年既拉麵會搞到今時今日咁差⋯香港唔會有什麼百年老店了⋯我諗前師傅或者老板見到咁都會可惜…Read More

幫襯過好幾次 覺得尚可以同埋價錢算合理，每次都係食生牛肉河。上星期五（23/6）lunch 幫襯完就出事。那天都是一如以往食生牛肉河。食完冇幾耐 （其間沒有食其他東西）下午3、4點就開始肚痛。當晚緊嘔到飛起。 當日食既時候已經感覺同平時唔一樣。牛肉沒有之前幾次的質感 感覺比較”鞋”，牛肉好似冇咁新鮮。湯唔夠熱 （唔知係咪導致痾嘔的原因）。我眼見每日都有很多人幫襯。但覺多人幫襯 食物衛生都不可以馬虎！ 經此一事，我唔會再幫襯你⋯食到痾嘔 冇下次！建議有遇過同類事情的人都報告一下，以免有更多受害人！！！…Read More

希望想book呢間buffet既人 睇左我呢篇食評先再決定食唔食Alva House. 因為唔想再有人失望😢疫情關係 餓左好耐冇食晚餐自助餐 約一個月前訂左Alva Hotel 自助餐 同屋企人食。期待左好耐 終於琴晚去食。通常我一去到就食海鮮 魚生。 當晚有龍蝦 長腳蟹 蜆 青口。我只係食左長腳蟹同龍蝦。長腳蟹雖然唔係好粗 但都算有鮮味。但最鐘意既龍蝦好鞋、好硬⋯有d失望。魚生有三文魚、鯛魚 、吞拿魚 、帶子 、希靈魚。 三文魚 吞拿魚 都係普普通通。反而我前兩個星期去如心酒店食lunch buffet個d三文同吞拿仲好食過佢。呢round Alva 輸左比如心👎🏻帶子刺生 我好想食⋯⋯但成晚我整係見我老婆攞左一粒返枱食 基本上我冇係魚生bar見過 問親佢都話冇 就refill 咁hea我😩結果到8點左右我再問有帶子刺生未 點知佢答我冇 成晚都唔會再有喇😤😤我頂 當一刻 我先真正感受咩係伏🤬🤬🤬🤬⋯想食帶子好卑微既要求姐 點解連帶子刺身都可以好似配給咁。 咩料呀。 $700食個buffet 整係可以食d普通三文魚 吞拿魚乍。 搞自助餐搞到咁乞衣 Alva真係極品⋯⋯雖然疫情 賺少左。但你都唔好咁做衰自己丫🤬🤬🤬🤬🤬😡😤😤除左 帶子刺生係配給品 我發現有兩樣都係。天婦羅蝦 同 鴨肝。 天婦羅蝦值幾錢 我成晚走去睇住天婦羅bar 10次左右 問親都話冇。我老婆都整係攞左一次 都冇第二次⋯⋯極之罕有。 鴨肝又係出完幾round就冇 好彩我唔好 而且Alva點會俾貴野鵝肝丫😒其他龍蝦湯 苦既 難飲🤬。野飲方面有洛神花雪碧 虧佢諗到呢啲縮數。我估因為純洛神花茶會貴 所以溝埋雪碧 有啲甜味就算 但唔好意思 完全冇洛神花味囉😡成餐飯唯一可取既係生蠔 雖然只得一款 值真係全時段供 洗生蠔個個女人 由頭洗到尾 冇換過人 真心戥佢慘。因為蠔bar係任何時候都排長龍 我等一round平均都要7-8分鐘 雖然係浪費時間 但鬼叫全場最可取既食物得生蠔咩⋯😰😰是次dinner buffet共6個大人 共4200左右。但個個食完都負評😤😤 掃晒大家既興。Alva 你係得既⋯⋯ 搞buffet搞到咁cheap🤬🤬🤬🤬🤬…Read More

兩次手寫單都寫多價錢，極之唔老實，第一次我事後先知 以為佢唔小心。點知第二次幫襯都手寫單都係寫多價錢。雖然係一、兩蚊。但係我條氣就係唔順。第一次可以當你唔小心。第二次都係咁。即係呢間舖頭好有問題 當d客係傻既？就算你d食物超好食 都唔可以接受囉。何況d野食好麻麻。魚蛋河旺角求其一間都好食過佢。魚蛋一味得個彈牙 完全冇魚味，d湯又淡茂茂。只係就腳同趕時間先再幫你襯。我都希望你哋係兩次都唔小心。但此風不可長。出po希望你哋改善一下”唔小心”既習慣⋯…Read More

上次食到舊生雞肉 今次食到舊生既牛肉 如果少少生 我都算。因為牛肉生少少我接受到的。但可惜 舊牛肉超過70%都係生既。第一個餐牌冇講到話係生牛肉。第二 已經唔係第一次食到生既肉。上次食生雞肉已經好過分。本身諗住只係一次半次 俾多次機會你，但估唔到真係有第二次！！真係想問下佢個廚房 整熟d食物有幾難呢？ 對食肆黎講 應該係基本野啦 係咪。你宜家唔係做日式刺身喎。有鑒於事態頗為嚴重，會影響食客健康，我決定寫完呢篇文去食環處投訴！…Read More

講真幫襯過好多次，食物都Okay, 係科學園黎講算價錢相宜。只可惜今次食到生既食物就令我扣晒分。好在3舊雞扒入面只有一舊係生既。服務員都有道歉。否則我會要求退款，再者 如果我有唔舒服都會追究的。希望唔會有下次啦⋯…Read More

2020-09-04 20:34 見食堂放寬左到10點 特登唔返屋企叫左個特濃芝士龍蝦湯海鮮泡飯正當滿心期待之際一食之下 佢竟然用細蝦毛 兩塊螺片 兩粒螺肉 半條蟹柳 叫做海鮮。雖然唔貴，但我俾門口menu show出黎張相吸引左入去 當然唔會預用靚料 但冇諗過d食才差成咁。味道一般 食唔出有龍蝦汁或湯既味道 甚至有少少怪味⋯我俾呢個價都覺得俾人搵笨。完完全全中伏!! 好心坐落係灣仔豪宅區 就做好少少啦 我諗d人唔會介意俾貴少少 完全冇心做一間好既食店。似係想走旺角區低價路線⋯…Read More

舉手叫侍應點野食 我同朋友傾緊計 佢來到急急燈大對眼大聲講佢到左 示意叫我放低手 其實我覺得冇必要咁做 我冇為意先仲舉高隻手 如果我知佢到左 我就會放低手架啦。唔需要咁冇禮貌示意我放低手。之後落單時冇望過我地 極唔尊重客人 好似仲嫌緊我放低手太慢。無論d野食幾好食 俾侍應咁對待 乜嘢心情都破壞晒啦…Read More