美食哥倫布的個人專頁

去灣仔見到有間新開嘅酒吧餐廳，同朋友一齊入去試下~ 始終係酒吧餐廳，所以酒類有較多選擇，食物方面，主要有漢堡包，薄餅，小食，另外仲有少少主食。CLASSIC BEEF BURGER 牛肉漢堡包 ＄92原本打算叫套餐，但薯條冇得加錢轉芝士薯條，所以唯有分開嗌！牛肉漢堡都幾厚身，而且帶有肉汁，配上芝士同埋洋蔥，都好惹味！Cheese Fries 芝士薯條 ＄68芝士薯條份量都夠，佢哋嘅水牛芝士可以拉到好長，薯條夠脆，芝士夠多！FARM HOUSE 農場薄餅 $170Pizza 都幾足料，材料有：Tomato sauce, mozzarella, olives, onions,mushroom, peppers, pineapple。芝士夠晒多，雖然呢款冇肉，但材料感覺好豐富，好夠飽！Strawberry Mojito $62飲品方面，因為朋友唔飲酒，所以叫冇酒精雞尾酒。呢款Strawberry Mojito好清新，有淡淡士多啤梨味，加上薄荷葉，好清爽解喝！…查看更多

今日朋友講開有一間越菜打卡勝地就同個朋友試吓，出奇地意外佢嘅嘢食好特別好有特色，對於唔係十分喜愛食越南菜嘅友人，佢亦相當滿意！扎肉心內美米紙卷 （2條）呢個作為前菜/沙律類最啱，配咗好多蔬菜，沾上醬汁，食落去好開胃南越蟹肉醬 配脆球餅呢個蟹肉超多，有少少似一款印度小食，但更加足料！必食推介足料NVN 咖啡骨就算唔鍾意飲咖啡嘅人呢個骨絕對可以試因為佢都算其中一個主打！個骨啲肉好淋，甜甜地又有少少咖啡香惹火上身鹹檸豬頸肉佢燒得好適中小小窿邊。食落好香口。最特別嘅係，送到黎會喺面前點火，打卡一流！[嫲嫲南越湯】招脾金邊粉金邊粉唔使多講一定要食喺場內每一台都有！因為佢嘅湯底濃郁真係好好食！除咗附料，仲有成舊牛尾！非常吸引南越蛋咖啡（熱）特別推介呢杯特飲飲落佢先甜後苦，上面嘅蛋有啲似雞蛋布甸，好香好特別斑蘭奶蓋咖啡啤酒斑蘭奶蓋好濃稠，斑蘭味香濃，正好中和咗帶點苦澀嘅啤酒，而且配搭新穎，值得一試…查看更多

今日同個朋友就試咗隱世馬灣泰國菜燦記.黃咖喱雞:食泰國菜就必定要食咖喱.黃咖喱唔太辣，雞就選擇咗用雞柳正常用既食材薄餅配咖喱，絕配絕配！蝦餅：上嚟嗰時熱辣辣一定即叫即炸！味道濃，有口感，有蝦味！鹹肉炒芥蘭：我對於呢個菜特別覺得必試！因為好大份，味道都出色好有鑊氣！佢哋嘅食材都好新鮮冬陰功：食物食材夠多配料！大大隻蝦仲要有幾隻，味道唔算非常辣！但超級惹味！超級足料👍👍👍👍甜品芒果糯米飯新鮮糯米飯食落去非常之有口感，煙煙韌韌，抵讚！佢嘅耶奶即叫即整，熱辣辣！芒果夠甜，好好食！超驚喜…查看更多

好耐都冇食過辣嘢今日同個朋友就上去試咗銅鑼灣一間川滿居 試吓佢地既川菜試咗：試咗佢哋比較引起嘅招牌香鍋，水煮魚，香辣魷魚鬚佢嘅招牌香鍋絕對出色好夠鑊氣加咗一點花甲令個鍋更加有一浸海鮮嘅味道！我今次食呢個鍋係唔辣嘅！因為我想試清楚佢嘅醬汁味道！👍👍👍👍👍水煮魚如果你可以食得比較辣！可以選擇大辣，因為好惹味，佢濃郁嘅味道最好食就係去底下嘅薯粉！配料都多有芽菜金菇雲耳青瓜芫荽！佢嘅魚就比較彈牙無骨！香辣魷魚鬚：我特別推介依一款食物食材夠多配料好多。超級嘢味！送酒一流超級足料甜品紅糖糍粑呢個甜品並不是咁多地方食到嘅而佢食落去嘅感覺一啲都唔黐牙！加上去少少嘅黑糖嘅糖漿！食落去非常之有口感一啲都唔覺得甜！飯後甜品一流！而份量有八件咁多！抵讚…查看更多

原本諗住同朋友食飯，點知朋友甩底黎唔到，最後唯有一個自己食！餐廳環境好舒服，餐前有麵包送~可以點黑醋同橄欖油食！傳統西班牙烤乳豬 (S）$188西班牙烤乳豬通常都大大份，但依到就有一人份量～四四方方大大件，乳豬嘅肉烤到好腍，脂肪喺口入面入口即溶～食完一份已經夠晒飽～Badyface $78Badyface 入面混合咗多款材料，當中有advacant, baileys, peach liquor, orange juice, soda…飲落好清新好易入口，梳打類用黎配住乳豬食又可以解膩～自家制西班牙油條 $68甜品絕對有驚喜！油條一共有4條，另外配有一球雪糕同朱古力醬。油條表面有好多玉桂糖粉，入口外脆內軟，我就鍾意點住雪糕食～…查看更多

友人鍾意食芫荽，見到依間新burger店竟然有芫荽burger，一於同佢去試下！舖頭設計好特別，好多霓虹光管，用嚟影相打卡一流！芫荽芝心牛漢堡 芫荽原來會先經炸過，所以入口香脆，淡淡芫荽味，唔會過份濃烈！再加埋芝心漢堡，口感豐富，食完已經覺得好飽！脆漿薯條+ 烏龍茶＄18加配了薯條，入口香脆，份量都幾多，食完個包已經唔係太食得落！軟殼蟹牛肉漢堡我就揀咗軟殼蟹牛肉漢堡，軟殼蟹炸到好脆！而且唔會太油。而牛肉漢堡，如果可以改成芝心就好喇，見到朋友嗰塊厚身啲，口感更好！忌廉蟹肉薯餅（2件）+零系可樂 $20加配了忌廉蟹肉薯餅，外層脆皮鬆化，入面係軟綿綿嘅忌廉蟹肉薯蓉。飽肚得來又唔算太漏，兩件份量啱啱好。…查看更多

葵涌廣場衣加連之前泰國好興嘅香蕉煎餅都有得食～ 賣相好吸引！有好幾款口味任君選擇，例如有榛子醬，煉奶，花生醬，法式蕉糖香蕉等等～香蕉煎餅 金莎醬 $35我就揀咗新口味金莎醬～ 好色彩繽紛！好吸引！外脆內軟，入面夾住軟綿綿嘅香蕉，香蕉味同金莎醬好夾～炸鮮奶 $38（6條） $32（4條）炸鮮奶大大件，表面微脆，入面奶味香濃，而且比相像中飽肚添！蜜桃四季春冷泡茶 +$9用咗熊熊樽裝住，造型吸引！冷泡茶帶淡淡蜜桃香，食完甜野飲返啲茶，感覺舒服！…查看更多

前菜有醃蘿蔔同椰菜絲沙律，醃蘿蔔偏酸非常開胃飲品方面，揀咗:Terra Rita 藍橙味$781664Terra Rita 好大杯，慢慢飲，可以飲好耐。淡淡嘅酒味入口甜甜地，邊食炸雞邊飲，好爽！朋友就揀返普通啤酒去配炸雞~一樣咁爽！無骨炸雞 混合兩款口味蜂蜜蒜蓉味 $118芝士味 $118炸雞可以按自己喜歡揀兩個口味，跟返價錢任揀。兩款炸雞都揸得好香脆！外脆內嫩！蜂蜜蒜蓉味，味道好濃郁，真係有啲蒜蓉喺面！配上甜甜嘅蜂蜜，味道好夾好香口！芝士味炸雞就加上咗好多芝士粉，芝士味夠濃，濃到有時覺得有少少鹹，所以邊食邊有就最啱啦！…查看更多

最近成日唔係打邊爐就係茶記真係好單一，跟住今日係fb睇下睇下就見到呢間放題舖做緊星期一到日午市二人同行,一人半價嘅價惠，見同佢平時個價比較都真係好抵下，於是就揀左去開飯。第一次黎一入去感覺餐廳都幾大環境喎，一坐低都真係幾令人都坐得幾舒適，唔會覺得好逼。剌身拖羅拖羅好有驚喜，唔會有根之餘，食到佢嘅原味，果種淡淡嘅脂香味，加小小調味都已經好夠。 和牛薄燒呢度嘅和牛係即叫即燒，燒完之後就擺入口，感覺真係好滿足，加小小醬汁都已經夠晒惹味。 燒羊架唔好睇佢好似好乾咁，入口令人感覺好夠厚身好夠肉味，值得食多幾件。 燒鰻魚 鰻魚都幾份量，入口唔會太咸，作為小食真係絕對一個好選擇。  雜錦天婦羅天婦羅炸得岩岩好，內裡唔會乾水外皮又唔會太厚粉，食左咁多野食番個炸物唔錯呀 各式串燒 呢度嘅串燒都係要講下，因為呢度款式算多，都係即叫即燒，而我比較鍾意呢度嘅雞軟骨，因為粒粒入口都肉味，上枱後都仲好脆，而且入口又唔會乾。 下次都要同其他人黎殿大喜屋再發掘下其他先得，費事次次都任食打邊爐。…查看更多

同事生日飯話想食omakase於是就同同事去左公司附近新開嘅omakase店食生日飯之前生日飯黎來黎去去都係食火鍋放題今次揀間高檔野試下，真係今人興奮呢度嘅午市omakase有刺身、壽司、料理、同埋甜品刺身有池魚、真鯛同赤身最令人印象都真係赤身，肉質偏實，魚香係一路食一路慢慢畀出黎然後食嘅壽司都真係件件都好新鮮仲有我地都最鍾意嘅拖羅壽司一貫嘅濃濃魚油香簡簡單單無乜點經過任何調味食到魚本身嘅脂香味道茶碗蒸比其他地方特別，蟹肉特別特別多！蒸蛋入口即溶！非常嫩滑！最後再食個由師傅試左十幾款口味而揀嘅薑味雪糕, 作為生日飯真係好開心呢間初鮨總括黎講都真係性價比高食同樣嘅野去到尖沙咀起碼多3份1價錢同埋啲赤身同拖羅真係令鍾意食嘅人食到好滿足, 真係好值得再食…查看更多

今日入香港仔探朋友，朋友帶咗我去間新間嘅日本野到食！地方都幾大，坐得幾舒服！餐廳有得任食沙律、任飲麵豉湯、任食汽水同熱飲！選擇都幾多㗎！連美祿都可以任飲！重有得揀凍同熱！朋友叫午餐食，我就揀咗北海丼！好大碗，飯同刺身都多！海膽、吞拿魚蓉、魚籽、甜蛋！吞拿魚蓉同魚籽放到成碗都係！真係好足料！海膽都好新鮮無苦味！加咗個唐揚雞做小食！$25有5舊！即叫即炸！熱辣辣好香脆！雞肉又夠嫩滑！好抵食！仲有個焗芝士粟米都好正！勁多芝士！粟米又多甜！一定會再食！…查看更多

放工食飯，無得堂食唯有買啲野返，行過見外賣有9折，入去買2盒飯返去食！叫得佳美海南雞，緊係主打雞類！當然要買返同雞有關嘅試。飯類會有埋菜/青木瓜絲沙律送，主要有8種揀。其他係沙律、米線、喇沙、小食。附送冬瓜粟米豬骨湯，返到去先知原來仲有2盒湯送。濕下口都幾好。仲有舊冬瓜同豬骨食添。招牌去骨海南雞，海南雞份量都幾多，雞肉好嫩，全部去晒骨，好方便。雞油飯好香，唔算太油。另外仲有菜芯跟埋，40蚊左右都幾抵食！另一個係川味去骨口水雞飯，辣度十足！好惹味！雞嘅份量比海南雞再多啲！底下仲有青瓜，有啲似拍青瓜。雞肉一樣好嫩又入味！送飯一流！2盒加埋唔洗$100！抵食！…查看更多

近排真係好多古早蛋糕！行過見到深水埗都新開咗間，喺港鐵A2出口直行轉個彎就到！唔同時間有唔同口味，6點去到大概有5-6個口味可以揀。佢地嘅蛋糕少糖少油，仲用咗水浴法去焗，即使放2-3日先食都唔怕！所以最後揀咗3款，買定返屋企之後幾日食。最鍾意流心紅豆味，紅豆蓉唔會太甜，蛋糕好濕潤，好香蛋味！放入雪櫃第2日食可以唔洗叮熱，凍食都好好食！好似甜品！之後有款係喊嘅肉鬆味，上面同中間都有肉鬆，肉鬆味好香！第2日食可以叮20秒，整熱返啲肉鬆味會再香啲。一般好少見有黑芝麻味嘅古早蛋糕！味道有啲似芝麻糊！好特別！而且仲比另外2款大個添！叮熱食芝麻味會更明顯！…查看更多

原本打算去食片皮鴨，可惜因該疫症關係，所以有部分菜式暫時無得食，唯有改叫返小菜類。前菜揀咗個上海醉豬手，花雕酒味都幾濃郁，但又唔會浸到苦，豬手皮好爽口。入口感覺清涼唔會漏。松鼠海鱸魚做緊特價，原價$138，閒日 優惠價 $108 ！份量十足，即叫即炸！熱辣辣，外皮脆口，魚肉嫩滑。配上酸酸甜甜嘅醬汁，同菠蘿松子粒，非常醒胃！瑤柱賽螃蟹炒得夠嫩滑，有蛋白之外，仲有魚肉碎同瑤柱絲，再落少少醋調味。用嚟送飯都一流！酸豆角肉末配叉子。酸豆角肉未好大碗，食完2個叉子都仲有3分1碗可以送飯。酸豆角都幾酸下，好好送飯！叉子芝麻十足，鍾意芝麻味嘅一定好開心！菜飯比白飯貴3蚊，但衣到嘅菜飯唔係淨係加少少菜粒落去就算，仲加咗其他香料調味，特別好食！原本打算去食片皮鴨，可惜因該疫症關係，所以有部分…查看更多

終於去咗經常爆場嘅牛大人食喇！澳洲極上和牛任食都只係$288/位！如果非繁忙時段，$238-$268都有交易！真係好抵！鍋底揀咗牛大人牛骨湯底，好深色，味道都幾濃下！點完鍋底就可以用Ipad落單！落完啲野好快就送到！有啲野食同飲品係自助形式自己拎！好欣賞佢啲冷泡茶！白桃烏龍有淡淡白桃味，無落糖，清清地好健康！和牛同牛胸爽係必食！叫得和牛任食，其他牛只係試咗一份就算！其餘全部都叫和牛！薄薄一片，有脂香但又唔會好漏！牛胸爽好有咬口！而且越咬越香！好食！仲有海鮮、丸餃、滑類等等，啲蜆真係好大隻！啲肉好大粒！仲有魚類都係任食！熟食都有幾款台灣小食可以即食！炸餐肉、鹽酥雞、皮蛋豆腐、話梅蕃薯。話梅蕃薯最好食！肉燥飯都係可以任添！落幾多肉燥都得！掌門精釀啤酒好易入口！邊打邊爐邊飲真係好爽！依款叫做愛羅武勇！最後甜品係Movenpick雪糕！有得揀Maple Walnut味！食埋個甜品滿足晒！…查看更多