happygogo2001's Profile

今日係悠閒星期日，朋友帶咗我去呢一間餐廳食個brunch 。其實我經過樓下好多次 ，但係每次見佢門面好似甩甩漏漏 ，又要上一條大樓梯 ，黑黑暗暗咁， 所以就錯過咗好嘢啦 。今次朋友帶上去，原來門面裝修好特別 ，牆身專登整到爛曬咁 。入到去就已經畀佢部琴吸引住 好有smoke and jazz bar 嘅感覺, 跟住坐到窗口位, 出面好多植物有大玻璃睇到街景, 仲有佢掛喺牆上嘅油畫，同你喺樓下經過想像嘅嘢完全係兩件事我叫咗個 egg benedict 朋友叫咗個芝士炸薯仔, 好邪惡好好食朋友嗰個炸薯仔脆卜卜 面頭好多芝士 好香好香 我嘅個蛋整得好好食, 個醬一流, 仲有佢個炸薯餅 無敵 嗰度食嘢嘅人都好斯文，有一家大細，有情侶 ，坐嘅空間非常之夠 ，輕鬆傾下計過一個朝頭早下午 下次會再去食，可以帶本書去睇下添喎！…Read More

呢間吧位置唔係太顯眼 ，不過如果要去搵就好易搵到 雖然喺橫街， 但係個門口都好開揚 ，仲有佢兩個大酒桶放咗喺門口 ，成個飲酒格調出曬嚟 間酒吧地方都幾大，坐得都算舒服。佢成間酒吧 ，主要係飲手工啤 真係好多款你揀，仲要係有好多生啤 鍾意試唔同手工啤，就啱曬你 。另外一個重點就係雞翼 佢個menu 有一part就淨係得雞翼 ，不過係有好多唔同口味嘅雞翼畀你揀 仲有唔同分量，例如 ：20件兩款唔同味etc. 同幾個雞翼同好者一齊食又得 自己一個叫一份六件嘅又得 下次都係叫多幾個朋友一齊去食， 試多幾隻唔同嘅味先…Read More

炎炎夏日食返啲辣嘢 出一身汗, 刺激下自己鬱悶嘅心情 去到小甜甜就梗係要食佢個麻辣魚春魚鰾煲喇, 但好可惜我哋去食嗰日佢竟然冇曬魚春不過唔緊要嗰啲魚標, 個皮滑一滑， 裏面就脆卜卜 當然重點係個汁， 今次畀足料 ，好香 另外必食嘅係佢嘅辣子田雞 今次食到要噴火 好刺激 ，唔係一般嘅刺激，係你一咬落去就會標眼水 試問自己都幾食得辣， 但今次真係食到好傷心 另外嘅就係佢的土匪雞 ，一個桶拎上嚟，好可愛 個湯酸酸甜甜少少辣， 降火啱曬！ 小甜甜真係夠曬傳奇 ，我平日去食 ，到今時今日 ，都仲係排曬隊 ，亦都好多人叫外賣 ，果然真金不怕洪爐火 咩時勢香港人都係要辣下 ，出下火…Read More

今次再去怡紅院 因為上網見佢有promotion ，做緊任飲嘅brunch 星期六 ，瞓到晏一晏 就同朋友落咗去試下:) 一心諗住 ，佢任飲任食， 都係畀啲唔夠曬飽肚嘅嘢就算 ，一去到見到個menu… 嘩！ 佢有安格斯仲有鮑魚 ！仲有蟶子！ 唔係呀嘛？！問清楚，真係架喎 ，唔使加錢㗎 咁梗係食佢啦 個安格斯好有水準 仲有個聖子， 真係要讚， 好新鮮好大隻好肥四百蚊唔計其他嘢， 淨係個聖子 ，都已經喺度 仲有其他 ，手打墨魚滑 ，蝦丸， 有個雜菜盤……… 真係好夠你食 一個早餐加晏晝就食啲咁嘅嘢 ，好似過份咗少少😂😂…Read More

耐唔耐會入愉景灣行下 一落船 ，多數會去 z字頭 的西餐廳， 因為夠曬近， 望住個海景， 望住個海旁， 飲下酒，食下pizza。今次入咗去市中心，周圍睇下有咩其他野食。見到呢間連鎖店，雖然見就見得多，但今次第一次去食中東菜。叫咗個 kebab 仲有個咖哩羊肉飯, 超乎我想像中極好食 個咖哩羊肉 一啲都唔騷, 佢仲有大中小辣畀你揀, 香料好香, 但一啲都唔會抗拒 另外個雞肉kebab, 包住個皮烤得好鬆脆食落脆卜卜, 包住入面啲雞肉一啖一啖咬落去唔想停! 真係一次意外嘅發現 其實去任何地方, 唔一定要食指定嘅嘢, 都可以從中找到樂趣…Read More

今個lunch去咗試呢間韓國餐廳地方唔係算太大，但係都好整齊。我哋兩個人 ，本身諗住叫兩份lunch set ，但原來份量都好大 結果我哋叫咗一個 lunch 炸雞餐。佢有少少沙律 ，有酸蘿蔔 ，有飯團波波，有韓式炸雞塊四五件， 又有炸雞翼兩隻， 雞槌兩隻， 所以一個餐，絕對夠兩個女孩子食食物質素都可以，雞塊炸得脆卜卜 個汁甜甜地 。最值得讚既係佢哋嘅服務非常之有禮貌 ，好體貼 當時餐廳都有幾枱客 ，但係當我哋食到中途，個侍應好體貼，畀咗包濕紙巾我哋 好窩心呀…Read More

呢間位於天后地鐵站附近嘅壽司店。店舖細細， 佢可以畀你，單點壽司 ，即叫即整又有預先整定的 ，畀你購買。 有位置你立食 ，有清酒 當然我每一次去 ，都係叫外賣單點， 每次食都好新鮮 佢嘅刺身大大份厚厚的 ，入口即溶嘅魚油， 回味無窮仲有佢個海膽 ，香到不得了 嗰味道…係口裏面， 回味得你成晚 ！！另外仲有佢嘅魚子， 成嚿擺入口 ，啲魚子汁好似爆炸糖咁 ，喺你個口入面爆開 ！好新鮮好甜！！ 另外 ，佢有每日新鮮嘅刺身， 次次都唔同 ，但係如果佢推介得嘅，你就一定要試下啦 ，因為唔係次次都有 今次叫咗兩盤， 三百幾蚊， 好抵食出去 三百幾蚊都唔知食到幾多件 佢啲刺身真係好新鮮，同埋每一次都唔會同你慳，大大分 食到熟落咗 ，先知原來師傅係日本人， 仲有好多日本客人專登走去食 真係值得推介推介再推介…Read More

近期香港開咗好多特色連鎖咖啡店。呢間新開，入去朝聖下 。入到去簡潔嘅裝修 ，令人有 一種冥想嘅寧靜感覺 叫咗杯凍咖啡 ，佢有咖啡豆畀你選擇。一種係生果味重一啲， 帶一啲生果酸味的咖啡豆， 另一種就堅果味重啲，很濃的炒豆味咖啡豆。兩種之前都試過，雖然每次都係叫凍咖啡，不過佢咖啡豆嘅油，厚到不得了 咖啡豆好新鮮 ，認真高質！不過食嘢方面就冇太多選擇，都係包包同包…不過環境裝修真係好舒服 畀人一種好清靜嘅感覺 ，自己一個叫杯咖啡靜一靜，諗下嘢，輕鬆下 ，清空一下 另外提一提佢嘅洗手間 ，裝修都非常好 ，好整潔， 貫徹始終 特別欣賞佢哋對細節上嘅認真…Read More

直接講, 行過見到 happy hour 40蚊杯, 喺大坑，裝修靚，見坐得舒服，有大玻璃， 諗都唔使再諗直接入咗去坐 。叫咗兩杯嘢飲 ，坐咗響玻璃窗隔離，好舒服 ，好chill 😎再研究佢地個menu ，原來佢哋做緊好多promotion好多都好抵 跟住我哋索性留喺嗰度食dinner 。我哋叫咗塊stick原來佢係炭燒 好香好香呀！！！！ 我哋叫咗medium rare， 食落口啲牛肉汁 噴曬出嚟 好好味 ！另外加幾十蚊，叫多咗個炸蕃薯條 ，送酒一流 ，分量都好多 。我哋由黃昏食到十點， 睇住個日落 氣氛好好，服務員好體貼，好有禮貌 。開開心心，傾下偈， 一個人咁就飲咗四五杯啦 依家諗返起都好想即刻再去食…Read More

近日天氣不似預期 今次約咗朋友去旺角朗豪坊 ，因為好方便 上到最上層，好多餐廳畀你選擇 我哋上到去 ，見呢間餐廳裝修得好開揚 ，好有田園偽文青的感覺 我哋坐咗喺出面 ，叫咗個lunch high tea ，兩個人 二百零蚊， 個high tea set 整得幾靚， 影相一流 當中佢有個牛奶布甸 ，好香牛奶味， 口感都好滑，但佢個焦糖布甸 ，就一般啦佢啲焦糖燒唔夠 ，面頭重水汪汪 ，冇咗卜卜脆嘅面層 ………其他食物都ok 環境好舒服 ，好 relax 同一時間可以感受太陽嘅光線 ，又有冷氣嘆 ，舒舒服服傾下偈，飲杯嘢 今次真係又一大發現…Read More

突然想食串燒 但香港食串燒好多地方都好貴 ，天后依間 價錢 ok 我哋食咗厚燒牛脷 ，牛脷好多汁 ，厚厚的， 口感好好 另外我好鍾意食佢個沙爹牛肉丸， 個汁好好食 ，牛丸好結實， 好有咬口 。跟住一定要食原個燒蒜頭 ，蒜頭好多汁 唔好以為好重口味 ，其實好清甜， 食完唔會口臭 。跟住燒三文魚頭 ，大大嚿 ，食完都夠你飽 。佢仲有個燒牛柳 ，好香酒味 ，甜甜的。食物質素就唔係話最最頂級， 但係咁嘅價錢不過不失啦 。星期一 七點零鐘 去到 唔使book枱 地方細細，都坐滿人 ，所以 都幾逼 。同朋友就傾唔到秘密㗎啦 不過食下串燒，飲幾杯 ，吹吹水， 又平平哋 …都算係咁啦。…Read More

近排星期五, 五點鐘左右, 鍾意咗去呢間餐廳 happy hour 佢喺銅鑼灣, 依家出嚟happy hour，真係唔係咁簡單 ………💸💸呢一間真係好抵飲 happy hour講緊三十幾蚊一杯嘢飲，你仲想去邊度搵 裝修環境真係好似去咗蘇豪我最鍾意一入去個大酒吧，裝得好靚 成塊牆都係酒， 擺得好靚，加上佢用 René Magritte 這個藝術家為主題，成件事就係要你忘記時空 ，輕鬆飲杯嘢之前食咗個nachos， 都ok 之後食咗個炸魷魚圈 ，出奇地好食 個炸粉漿好好食， 啲魷魚炸完仲好juicy 下次放工，著到靚靚地 ，拎住個靚靚手袋， 可以去嗰度hh影返張相打個卡 真係夠曬霸氣…Read More

今次去咗春夏秋冬打邊爐 叫咗麻辣湯底，好香夠曬滋味 叫咗碟牛肉，夠牛肉味，又有咬口田雞上到枱，啲肉都彈彈下好新鮮叫咗兩個蝦滑墨魚滑，呢個就差少少， 麵粉多咗少少叫咗爽魚片，好鮮甜大大塊 仲有碟雞子雞子真係個人喜好 ，又甜又多汁，口感好特別 我自己就幾鍾意 每碟大大份，好抵食 成個環境氣氛 ，夠曬豪爽 食都食得盡興啲， 一人一支大啤，真係濕濕碎有時食嘢就係要講心情 雖然春夏秋冬唔係食咩特色，冇重慶湯底， 冇台式風味 …最重嘅係，香港大排檔式豪飲豪食嘅態度 唔使理儀態，盡情開心食到飽 呢一餐真係，食得好開心！…Read More

譚仔米線 ，由細食到大，基本上… 唔使睇過menu ，一坐低 ，阿姐行埋嚟就即刻可以落得單 。個招牌雞翼 ，更加唔洗講 ，唔嗌你就輸啦 但係自從譚仔畀人收購咗之後，我都冇再去食，今日係佢收購之後，我第一次去食。 我食開腩肉麻辣十小 ，唔知係咪因為太耐冇食…好似食唔返以前會上癮嘅感覺 你話係咪唔好食…又唔係，但係總之就係差緊啲嘢土匪雞翼當然冇得輸 另外有進步嘅，係佢哋嘅服務好咗，有禮貌咗重點係，上菜時間快咗好多基本上呢頭落單，嗰頭就上菜啦 。所以，返工放工lunch 譚仔依然都係 「平靚正快 」嘅選擇…Read More

要利申我係好鍾意去outback都成10年，銅鑼灣到尖沙咀到灣仔今日我要寫佢，係因為衣十年來，outblack嘅質素真係冇乜點變 依家多數食lunch 今日 同朋友仔去咗銅鑼灣廣場一期outback， lunch好多選擇 今日食咗個燒雞燴飯，朋友嗌咗個夾餅薯條。 一如既往有湯沙律仲有個招牌麵包， 全部都係質素嘅保證 ，份量一樣 主菜都好大份一個普通打工仔一定食飽有餘真係食得好飽如果番工番到有啲鬱悶可以去outback 食個lunch, 重點係.... 可以飲杯啤酒順下條氣🍻之後再繼續努力生活 …Read More