JP老豬's Profile

好高興能夠在這裡拆卸前，到來吃一餐！～　那天是2007年的最後一個星期五，我們二人叫了半自助的行政午餐。環境真的華麗，巨型油畫、水晶吊燈；有少少殘舊，但別有一種英式貴族的古典美。首先係餐前包～　幾多款式，亦好味！～之後到自助前菜，貴精不貴多；十款左右，但每樣都感受到是他們精心挑選的。主菜方面，個人認為意粉較普通，而個羊扖就好特別，好味！～肉質鮮嫩，醬汁配得好好，成功突出到羊的味道，令愛羊人士一吃難忘。吃到甜品，已八成飽。甜品賣相很吸引，再飽也不捨得不試！～　味道不錯啊！～　但不太驚喜。～最後以咖啡或茶及小茶點作結。另外，有ｄ唔明點解那天的午餐要$488一位呢？有冇人知點解？對我來講這是一頓頗貴的午餐，但以她的歷史，地位．．．所有一去不返的，實在值得！！～…Read More

食評日期：2007年10月21日0個日同舊同學聚舊，揀呢度係因為貪佢近市區又可BBQ。呢度的優點：1. 交通較郊區方便2. 汽水及啤酒任飲3. 粟米同番薯幾好食呢度的缺點：1. 我地坐平台向球場那處，在大樹下，好多不知明物體掉下來（包括毛蟲及果實）作加料！！～2. 食物種類好少，且不吸引3. 無服務可言，除開爐外，其他自顧自，想搵侍應都難～4. 物非所值！除人頭費外，每加一個鐘，一人要$20！！～　好似搶0敢！～　我地有0的人遲左，費事轉地方，唯有加一個鐘！～　最無品係差唔多夠鐘已有人企定0係隔離，等住、睇住你幾時走... 駛唔駛？！～　唔趕我地都會走啦！！～　原來佢地請0的侍應返黎，係做呢0的0野！～總括，如貪方便，而又不計價錢，食物，環境及服務質素的話，可以揀呢度！！～…Read More

食評日期：2007年11月4日有日上黎呢個網搵下土瓜灣有咩好食，無意中搵到呢間餐廳，所以去左試。間餐廳位置真的不顯眼，如不是專程去的話，我想我不會去到呢度食！～店子地方頗細，招呼普普通通，侍應不太想做似的！～叫左兩個下午茶餐，如以cafe的角度，價錢及味道是ok的！～　食物種類雖少，但頗特別及有創意！～　我地叫左意式多士及咸牛肉焗薯，味道都好！～飲品都可以，但不太特別！～總括，黎開呢區想搵個地方坐下傾下計，是個不錯的選擇！～　服務普通，味道搭夠！～　: P…Read More

之前見這店廣受好評，前幾日有機會行經這店, 就即刻來試！～我食呢餐都幾大犧牲，因為我唔記得我仲病緊的，之後食完果然失聲，都怪我貪食啦！！我兩個人叫左三樣，包括：阿鴻鴨舌、海蜇拼芥末雞腳根及鵝片撈粗。阿鴻鴨舌一碟有六隻，麻麻辣辣的，好惹味！～海蜇拼芥末雞腳根，海蜇是普通貨色；反而覺得芥末雞腳根很特別。我本身喜歡吃芥未的，芥末味夠之餘口感又略爽，讚！～鵝片撈粗就ok啦！！～鵝片算多，但味道不是很出眾。有機會想再食芥末雞腳根及鴨舌，或試南乳齋，堂食時都見有好多人買外賣！！～…Read More

食評日期：2007年10月(萬勝節期間)自從認識咗 Al Dente 之後, 就好少嚟 PizzaHut 食。噤啱嗰排PizzaHut有信用卡優惠, 個餐好似幾吸引, 又好似幾抵食, 所以就嚟試。如圖所見, 除咗碟青口係另叫外, 就係個萬勝節套餐。個餐包括：兩柸節日特飲、兩個湯、兩柸蝦沙拉(shrimp cocktail)、一個pizza(我諗係中size掛)、一客小食(我選了烤羊架配薯蓉薄荷啫喱)、一客意粉(我選了黑松露菌炒意粉)、仲有兩個紅豆芝麻雪榚添!!~ 好豐富呀!!~總括, 除咗碟青口唔太抵食外, 其他都滿意, 無論創新、味道、賣相、環境和服務,都令人滿意, 我仲食咗兩次呢個餐添!!~ PizzaHut 加油呀!!~…Read More

食評日期：2007年9月9日一直都想寫，但一直都未抽到時間，希望大家不要介意啦！～　^_^嗰日係慶祝小豬J一年一度既大日子，我梗係要隆重其事啦！～　一早已訂好枱食Brunch，訂枱時的服務員聲音很親切啊！～　我本着期待既心情，神秘地帶咗小豬去。總括來講，我覺得呢個Brunch好抵呀！！～　以呢度既環境、服務、食物質素、份量、名氣．．．唔駛數晒都攞爆分呀！～　*0*室內環境優雅舒適；服務員親切有禮；食物包括餐前包包、starter、main course、coffee or tea、free flow of sparkling wine & fruit juice & 約十幾款既dessert Buffet。希望呢餐& 份禮物令小豬難忘啦!~AMBER!~ 我會再去的!!~…Read More

食評日期：2007年8月5日０個排知道有朱古力火煱，一直都想試０下，終於呢日有機會試到啦！！～ｄ食物賣相、用料及味道都比想像中好！～　個鐵板燒好豐富之外，仲有個磨菇湯，仲有個焗薯，仲有柸特飲，仲有個朱古力火煱或香蕉船！價錢好似$44，以呢個價錢，食到噤多款，而且味道不錯的食物，真的好抵呀！～另外，焗豬也是一個代表作！～…Read More

又係0係呢個網搵食，無意中搵到呢間食店有噤多好評。有日就啦“小茂”一起來試！～　不知是否期望過高，有ｄ失望！～我們食了如圖所示的東西，迷你燒賣、粉果不用提，應是拎貨返０黎的又不好食，又真係超迷你，唔抵食！～　碗仔翅亦是普通。較特別的可說是圖頂的「品品八喜私房撈」，據老闆娘說ｄ地寶魚鬆是自家生曬及淨取脊肉的！～　加埋特醇的五花腩油及頂級古法頭抽，味道甘香可口，惟覺價錢偏貴。魯肉餃蝦籽麵亦是偏貴，又不是太特別；糖心皮蛋加子薑ok~ 最後的甜品反而係主角～　豬油綠豆沙，兩者看似牛馬不相及，但老闆娘又能把它們配搭得淋漓盡致，比普通的綠豆沙來得好味，陣陣幽香；榴槤布甸也是一讚！～　老闆娘說不是馬騮頭不做的！！～　可見老闆娘對食物的一份執著！～總括覺得甜品抵食又好食，但未必常常都有的！～　閒來來一個私房撈也可以考慮的！～…Read More

本人都算係板前0既fans。由上年0係尖沙咀誤打誤撞的試過後，就捨棄了其他連鎖壽司店如：「ｘ綠」、「ｘ氣」．．．呢年幾，去過十次左右，只係去過尖沙咀及將軍澳分店。由於我住在將軍澳，那時得知她在新都城開分店，真係幾開心，且覺得幸福tim~ 因為可以想食就食！～^_^論食物方面，我不敢話係極好食，但起碼有中上質素。加埋價錢來比較的話，更值回票價。個人認為她們有讚的地方，亦有些需要改善的地方。D壽司飯味道調得合味，不太淡，又不太酸，唯獨有時握得鬆了些；刺身、材料等算新鮮，惟款式不夠創新，食極都是０個ｄ款；整體味道好，不會太參差，當然有些是必食的～　例如：特上海鰻、海鮮沙律、帆立貝（不用吃特大０個隻，試過是差不多的，大小許而且，想食多ｄ寧願叫多碟！）酷愛鵝肝（不知是否真鵝肝）的，也可試試鵝肝，即燒，好香的！～海膽也新鮮，亦不會太少！～ｄ湯也可一試，亦弄得一絲不苟的！～最尾真的要提０下０的服務，真的不太好！～除了時常黑埋口面外，有時也叫極唔應！～不過，我都慣了，想食，無法啦！～至緊要enjoy d 食物！～　或者，會繼續探索新食點！！～　: )…Read More

禽晚０係淘大碌完Ling就來呢度食任食火鍋。我地一行9人，9:00pm來到等位，等左一個鐘頭至入到去食。０個時大家已勁肚餓，我地已經好醒目０敢一坐低就比張點菜單侍應，但d0野食好耐都未０黎，起碼等左四至五個字，等到我地催左兩次，佢一碟都唔上比我地！！～差ｄ想搵人投訴０既時候，ｄ０野食先到！～至於ｄ０野食就幾新鮮，味道都唔錯，款式不是非常多，但基本的都有！～大概有鯪魚肉、牛丸、火腿丸、魚蛋、芝士腸、豆腐卜、生根、栗米、墨魚滑、豬潤、豬腸等，不能盡錄，當然唔少得雪花肥牛啦！～飲品也是任飲的，有罐裝汽水、鮮橙汁、菊花茶及夏枯草。即食的也有碗仔翅，質素亦比好多其他地方的好！～值得一題０既係，我覺得佢地０的０野都幾乾淨，ｄ食用器皿”Ling Lap Lap”的，坐的環境都乾淨，但就較迫！～下次會早0的去，或者book定位！～…Read More

有日專程來呢間甜品店試食。我和男友叫左兩個必食推介──咖啡果凍伴炭燒雪芭及金枝玉葉。兩款甜品都幾特別，且味道唔錯。炭燒雪芭好香咖啡味，是他們自家製的！～而當日的金枝玉葉用了龍眼，配埋芒果很清甜，加上大大粒的纖維珠增加口感。最後我地仲想食多款，但驚食得太多，且都唔係好便宜，所以無食到。總括來講，這裡的甜品會令我回味的！～現在也想去食呢！～…Read More

禽日同男友途經此地，見到這間我地一直想試０既MOS Burger，我地就立即入左去試啦！～當時六點到，都易搵位。我地叫左兩個餐，一個摩斯漢堡(C餐)配雜菜沙律及一柸大薑味汽水，另外一個Fresh漢堡(A餐)配薯條及一柸鮮橙汁。去櫃檯order及比錢後，要等多一陣，侍應按號碼牌將食物送到我們面前，我們就急不及待試食啦！～ 我兩個包都有試，我比較喜歡我的Fresh Burger，因為我覺得它比較多汁，個醬幾好味，份量又剛好；而男友就喜歡摩斯多些！～個雜菜沙律就揀左日式燒汁，材料新鮮但普通，薯條是粗身那款，亦無特別之處。男友唯獨說薑味汽水唔夠”薑”味，的確無咩薑味，但在這炎炎夏日，佢既功用係令我解渴！^0^ ～相比地，我認為我之前食既TOPPINGS抵食D，佢有個自助吧，可以自己加配料及醬料，唯獨那裡的醬料較普通，但用料亦是真材實料，例如包是即叫即烤，夠熱；漢堡扖是用自家醃製的免治牛即叫即煎。一個具份量0既包加一客即炸薯條加一罐汽水才$30，下午茶時間更只需$28。論份量及價錢，我覺得那裡略勝一籌，而味道就跟這裡差不多。總括而言，有機會我會再食的，但不會專登去食，因以同樣或少D0既價錢，我認為有更好0既選擇。而之後我想試埋Burger King & Triple O’s.…Read More

很久前已食過一次，印象中這家食物都算不錯，於是前幾日就專程再到此回味，但這次有些失望而回。我同男友好不容易才叫到人落單，那時是下午兩點左右，只有兩枱 客人，她們口黑面黑，很像不想招呼似的！～　那我們就快點吃完走吧！～（我覺得通常在泰國菜餐廳食飯，ｄ服務都是不太好的，不知其他人有沒有同感？我不是對某一類人有偏見，只想以事論事，唔想次次都食得唔開心！～）我們點了一碟雞飯，一碟豬肉炒濕河及一碟生蝦刺身跟炸蝦頭。首先來雞飯，味道普通，不算好好食，個湯咩料都無，平時我0係第二度食，都會差不多飲晒ｄ湯，呢度我只飲左幾啖；個濕河份量都算多，但又係味道普通，0係第二度食過較好食0既；最後係生蝦，$55得10隻，不算大隻，新鮮程度還可以，d炸蝦頭又細又少～真係幾失望！～　因記得之前0係度食過，都幾大隻的！～o的服務及環境又不算好，所以很快食完就走！～　要再發掘0下其他好味泰菜了！～…Read More

有日無意中0係呢個網發現呢間噤多好評0既食店，自己又鍾意食蠔，心思思就０黎左試啦！～０黎之前一定要book位呀！～因為通常都full的。由天后地鐵站行入去，識路的話不是行太遠。食店裝修得別出心裁，幾有feel！～且幾舒適，有家的感覺。我和男友點了一個生蠔拼盤（5款不同的蠔共十隻、兩隻螺及兩柸白酒，$298），一客鴨肝野菌意粉（約$110）及一客心太軟（約$60），不用加一！～０的生蠔好新鮮，有大有小的不同品種，有０的清甜，有０的好鹹海水味，各有喜好；個意粉給J豬一個驚喜，佢話好好味，對於成日食意粉０既佢０黎講，都算特別，汁夠香濃，粉夠彈牙；而我就好喜愛個心太軟，焗得剛好又不太甜。老闆服務體貼，給人友善的感覺。下次有機會再０黎食！～…Read More

0黎過呢間酒樓幾次，發現二樓同三樓有好大差別，例如食物、服務、乾淨等方面！我同Christine都認為二樓環境略為惡劣、污糟，服務很差，野食要等好耐，０的侍應叫極唔應，連埋單都好耐。但三樓就完全唔同，地方寬敞，環境乾淨，坐得舒適，侍應服務還可以，起碼好快就應，野食都唔駛等好耐，味道都ok！～其實真係貪呢度唔駛等位，因為我每次都係星期六午飯時間去的，且坐得舒服，味道ok，亦算抵食！～唔明白點解０的人要０係二樓等位，都唔上三樓飲？好似兩層０既分別只係三樓茶錢貴$2 - $3～　如知道點解０既人，希望可以解答０下！～之前午市有個套餐的，包括大、中、小點心各一籠，一個炒飯及一碟炒菜，都只係$68，但昨天我去就沒有了。現在是一個燒味例牌加一客飯，$58，所以無噤抵食了！～總括，呢度係一個唔駛等位，坐得舒服，食物ok，價錢中等的飲茶好去處！～…Read More