喺網上睇話要book位，點知8點去到得兩枱客，行到入去見到3個waitress企喺後面傾計，望到我地都冇反應，好啦，見到我地想坐reserve左嘅位先主動行過來serve我地。仲有，我地見上左隻醬油蟹之後等左半個鐘都未上其他菜就提佢地可能落漏單，check左一陣之後冇人我地交代過/叫我地等多一陣，唯有呆呆地等多10分鐘，點知佢上錯菜，再等多5分鐘先有得食。由醬油蟹到下一個餸，足足等左45分鐘，仲要係難食醬油蟹 ($348/2隻) **唯一可以放得入口嘅食物**蟹大小偏細，冇腥味，有橙色蟹膏，肉鮮甜而不會過咸，但可能第一次食醬油蟹，期望太高，食落有少少失望。炒大片五花肉 （$148）首先，我以為五花肉係會帶少少肥肉果種，點知佢地用普通豬肉代替，仲要一絲肥肉都冇嘅乾肉，本身上菜時見到碟肉已經有啲懷疑，不個見個waitress好似唔識聽廣東話就廢事問。另外，成碟所謂五花肉+芽菜都偏甜，除左甜味，都係甜味：）泥鰍湯 （$78）呢個係我飲過最難飲嘅湯，一入口我飲唔到魚味，只有好重胡椒味，胡椒味重到喉嚨好唔舒服...我叫左胡椒湯咩 (黑人問號？)仲有，唔知點解個湯口感好粗糙，好似有好多沙咁... ...總之個泥鰍湯係大伏，呢個湯驅使我寫第一個食評:)最後温馨提示，唯一聽得明廣東話嘅waitress服務態度都幾差…Read More
