or#ta66670575's Profile

之前見到社交平台介紹呢間嘅birthday dinner, 見有得食又有得玩價錢都中等就同朋友試吓啦！ 最初都冇乜期望諗住Standard味道合格。誰不知由我頭盤到甜品都好有surprise！首先佢有一個welcome drink同埋有個小食，嗰個就正正常常啦。之後頭盤有幾個choice,我哋選摘咗海鮮餅同埋牛肉他他，兩個都好食份量亦都唔少。跟住我哋兩個都揀咗龍蝦湯，出奇地濃郁，我就覺得幾好味！主菜我哋就揀咗牛扒同埋豬扒豬扒喺唔使加錢嘅情況下非常出色個汁亦都好好食。而牛扒就upgrade咗澳洲和牛都好味嘅！甜品都好好味！結論味道好男服務員服務態度非常好又有禮！讚👍🏻…Read More

Order一個set lunch頭盤要Tomato bread 主菜Juicy Chicken Rice， 蕃茄嗰個醬都正常調味OK嘅亦都新鮮，但係啲海鹽比較大粒，麵包一定唔係自己做㗎啦，係比較一啲港式嘅法包質地。主菜就真係做得比較差，有幾件雞球冇乜調味，個飯就最失敗啦，好似用罐頭蕃茄汁開水煮咁完全冇味，完全唔會想食個飯食咗啲雞就算啦。埋單170左右唔算貴，但係質素真係麻麻。以Tapas嚟講呢個質素唔會再去試晚飯。…Read More

被食評誤導咗,無比失望😮‍💨 ! 首先頭盤tuna tartare嘅seasoning 冇攪均勻，又甜又鹹一粒粒鹽都食到！個炒八爪魚，個容器好似五歲細路仔隻手咁細。麻辣雞pizza， 個sauce有啲似好淡嘅咖喱雞，一啲都唔惹味！Parma Ham pizza先至恐怖啲Parma Ham又小又細塊。如果切到6件pizza佢就只有5片仔ham🥲去得呢啲地方都預咗Over price但係佢個質素同埋份量真係一啲都唔值！我個14歲嘅仔話係香港一個最渣嘅pizza！如果要讚嘅就係個餅底係一個合格嘅Pizza餅底。…Read More

9:20門口小姐都好好比我哋入坐，我都9秒9落單，小姐好細心拿拿臨幫我check咗有雞同小菜即刻幫我落單。誰不知廚房大佬嗱嗱聲叫出嚟話冇晒雞喎！明明check咗又話冇,廚房大佬唔肯煮啦，趕住收工！😔真係好明白香港啲食肆點解咁慘淡，公司老闆真係慘咁貴月租，夥計有生意都唔想做！cheap cheap 地都食咗$999 , 菜都自己動手上（因為我碟炒菜廚房出咗，放喺人哋執咗枱嘅污糟餐具隔離好耐冇人上菜），下次夜啲都唔敢幫襯啦！申報返！我哋9:54分食完埋單㗎啦！…Read More

沾麵咸到癲咗相返拉麵嗰啲湯好稀冇味真係已經好失望。環境衛生都好大問題，店內一陣味，地下油淋淋係滑嘅。今日坐入面走廊位，不嬲都係迫迫哋，但係而家店內放滿雜物。今日女店員就係喺sip入去後㕑攞嘢滑一滑一拳打中我手臂度！其實我唔怪佢只係痛叫咗一吓，誰不知佢一句英語叫我「坐埋啲啦，我跌倒啦！」我登時問佢係咪我嘅錯？態度真係一流！再望一望後面根本成地都係嘢，得返一條側身都唔夠過嘅路,更何況呢位店員係比較有營養呢？！我一家係由開業幫襯到現在的老顧客，真係有好懷念以前嘅水準呀😭！希望店主用心經營呢間元祖店啦！…Read More

Order咗half chimney cake gelato $70 （whole $110) 未放雪糕已經碎咗，staff照用所以雪糕係咁跌，阿姐又夾硬質，務求唔跌！之後佢仲想放舊棉花糖喺頂，我忍唔住阻止佢，因為就Lum啦！之後我見搖搖欲墜咁，就叫佢比定隻杯我啦（仲要冇匙），因為Lum梗㗎啦！最終當然係Lum咗啦！即係咁，如果係一個$40-50嘅雪糕我可以唔使乜嘢presentation,但係收$70for half size 咁我係有少少要求囉！貴店好明顯sell可愛夢幻造型㗎嘛！唔好食都算啦！整到pet屎咁比我…Read More

首先係店外廣告與店內食品不一！為咗佢個lobster macaroni n cheese 而來，店內是沒有的，員工解説那是美國店的產品。叫蟹醬nachos 又冇，員工說已缺貨2個月應該唔出啦！Ok!咁我哋叫咗炸蝦（比較乾，雪藏蝦，味道ok!呢個價錢冇乜expectations）龍蝦意粉，簡直恐怖😱成碟白雪雪冇味，説好的龍蝦汁呢？一塊完整龍蝦肉都冇，用一隻鉗切開一半以及頭同身之間嘅肉碎煮比客人就叫龍蝦意粉。不如叫龍蝦碎意粉啦！（比意粉屋嘅龍蝦”汁”天使麵差得多）好彩冇叫太多嘢！因為真係冇樣得🥲最後一個海鮮鍋，都係冇味，用雪蝦，魷魚同龍蝦尾半條加5個青口殼同2粒青口肉煮嘅幾條扁意粉🤣好彩有一碟全餐最好味最新鮮嘅薯條填飽個肚仔！嚇得我，真係唔知自己食咗啲乜！報告完畢！…Read More